Ichaía 2:7 - Tupanaarü Ore

⁷ Rü ñaa nachixü̃anewa rü namuxũchi i úiru rü diẽru rü ngẽmaxü̃gü. Rü ñu̱xũchi namuxũchi i cowarugü, rü ngẽma carugü i daiwexü̃ rü taxucürüwa tayaxugü erü namuxũchi.

Ichaía 2:7 Referans Kwoze

Ichaía 31:1

Wüxi i taxü̃ i ngechaü̃ nixĩ naxca̱x i ngẽma Iraétanüxü̃ i Equítuanegu ngü̃xẽẽca̱x yadaugüxü̃. Nümagü rü nagu nayaxõgü ya yima muxũchine ya Equítuanearü carugü rü muxũchixü̃ i churaragü i cowaruétügu ĩxü̃. Natürü tama naga naxĩnüechaü̃ ya yimá norü Tupana ya üünecü, rü tama norü ucu̱xẽca̱x nadaugü.

Wiyaegü 20:7

Rü nümaxü̃ i uanügü rü norü carugümaxã nügü ínarüporae. Rü togü rü norü cowarugümaxã nügü ínarüporae. Natürü i yixema rü yimá tórü Cori ya Tupanamaxã yigü ítarüporae.

Miquéa 5:10

Rü Cori ya Tupana rü Iraétanüxü̃xü̃ ñanagürü: —Ngẽma ngunexü̃gu rü tá chanadai i perü cowarugü, rü ñu̱xũchi tá nagu chipogügü ya perü carugü ya daiwexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:3

Rü guxü̃ma ga nachixü̃anecüã̱xgü, rü guma ĩanearü chixexü̃ca̱x nadauxü̃taegü. Rü yema togü ga nachixü̃anegüarü ãẽ̱xgacügü, rü guma ĩanearü chixexü̃gu namaxẽ. Rü guxü̃ma ga yema to ga nachixü̃anegüarü taxetanüxü̃, rü nügü namuarü diẽruã̱xẽẽgü namaxã ga yema ĩanearü yemaxü̃gü ga tatanüxü̃”, ñanagürü.

Ochéa 14:3

Rü marü nüxü̃ tacua̱x rü ngẽma Achíriaanecüã̱xgü rü tama aixcüma toxü̃ ínapoxü̃. Rü woo chi cowarumaxã tibuxmügu rü taxũchima tamaxẽ. Rü ngẽmaca̱x i ñu̱xma rü marü taxũtáma namaxã tatupanaã̱x i ta̱xacürü naxchicüna̱xã i tomatama taxüxü̃. Erü toma nax tangearü yoraáxü̃ rü cuxicatama nixĩ i aixcüma cuxü̃́ tangechaü̃tümüxü̃güxü̃ —ñaperügügü tá.

Nüxíraxü̃xü̃ ga popera ga ãẽ̱xgacügüchiga 4:26

Rü Charomóü̃ rü nüxü̃́ nayexma ga 4,000 ga nachica ga norü cowaru nagu mugüxü̃. Rü yema cowarugü nixĩ ga churaraweü̃ itúgüxü̃. Rü ñu̱xũchi nüxü̃́ nayexma ga 12,000 ga churaragü ga cowaruétügu ĩxü̃.

Ichaía 57:17

Rü yema Iraétanüxü̃arü pecadugagu nixĩ ga noxri chanuxü̃ rü chanapoxcuexü̃ rü nüxna chixũgachixü̃. Natürü ga nümagü rü chomaxã nanueama rü yexera norü ngúchaü̃we narüxĩ.