Ichaía 2:22 - Tupanaarü Ore

²² Rü ngẽmaca̱x tama name i perüxü̃ i duü̃xü̃gügu peyaxõgü, erü duü̃xü̃güarü maxü̃ rü ñoma yáxna rüngü̱̃xü̃rüü̃mare nixĩ nax paxa iyacuáxü̃.

Ichaía 2:22 Referans Kwoze

Yeremía 17:5

Rü nüma ya Cori ya Tupana rü ñanagürü: —Choma rü poxcu tümamaxã chaxuegu ya yíxema choxna ixũgachixe rü tümarüxü̃ duü̃xü̃güna rüyoexe rü ngẽmaarü ngü̃xẽẽca̱x dauxe.

Wiyaegü 146:3

¡Rü taxṹ i nagu cuyaxõxü̃ i yatügü i nügü nüxü̃ cua̱xẽxẽxü̃! Erü nümagü rü duü̃xü̃gümare nixĩgü rü tama maxü̃ tüxna naxã.

Popera ga Chantiágu ümatüxü̃ 4:14

Pema rü tama nüxü̃ pecua̱x nax ta̱xacü tá pexü̃ üpetüxü̃ i moxü̃. ¿Ta̱xacü nixĩ i perü maxü̃? Perü maxü̃ rü tá inayarüxo ñoma wüxi i cherena i paxaãchi nüxü̃ idauxü̃ rü ngẽxgumatama ngupetüxü̃rüxü̃.

Ichaía 40:15

Rü Tupanaca̱x rü guxü̃ma i nachixü̃anegü rü ñoma wüxi i dexáarü churuxü̃rüxü̃ nixĩgü, rü ñoma wüxitama i waixü̃müchicute̱xe i yáruü̃wa inguxü̃arü ya nüxü̃́ nangẽxma. Rü Tupanaca̱x rü ngẽma capaxũgü i márwa ngẽxmagüxü̃ rü ñoma wüxipü̱xüchire i naxnecürüxü̃mare nixĩgü.

Wiyaegü 62:9

¿Rü ta̱xacüwa name i ngẽma nax nadiẽruã̱xgüxü̃ i duü̃xü̃gü rü ngẽma nax nangearü diẽruã̱xgüxü̃? Rü nümagü rü ngẽxguma chi wüxigu yáruü̃wa nangugügu, rü ñoma buanecürüxü̃ tama nayá.

Naanearü ügüchiga 7:22

Rü yemaacü nayue ga guxü̃ma ga ta̱xacü ga waixü̃müwa yexmagüxü̃ ga maxü̃ã́xü̃ rü ingü̃ãcüüxü̃.

Naanearü ügüchiga 2:7

Rü yexguma Cori ya Tupana naxü̱xgu ga gumá yatü, rü waixü̃müte̱xewa nanaxü. Rü naraü̃gu nacue rü yemaacü maxü̃ nüxna naxã. Rü yexguma namaxü̃ã̱x ga yatü.

Yox 27:3

Rü ñu̱xma nax Tupana maxü̃ choxna ãxü̃ rü tagutáma ta̱xacürü chixexü̃maxã tá chidexa. Rü chorü conü rü taxũtáma doraxü̃ nixu.

Ichaía 40:17

Rü guxü̃ma i nachixü̃anegü rü Tupanape̱xewa taxuxü̃ma nixĩgü. Rü Tupanaca̱x taxuwama nime.

Ichaía 51:12

Rü Tupana rü Yerucharéü̃xü̃ ñanagürü: —Chomatama nixĩ i cuxü̃ chataãẽxẽẽxü̃. ¿Rü texéxü̃ nixĩ i cumuü̃exü̃? ¿Ẽ̱xna yatügüxü̃ i duü̃xü̃gümare ixĩgüxü̃? Natürü nümagü rü ñoma maxẽrüxü̃ nayue.

Maraquía 3:15

Rü yixema rü nüxü̃ tadau i ngẽma duü̃xü̃gü i nügü írütagüxü̃ rü nataãẽgü. Rü ngẽma chixexü̃arü üruü̃gü rü guxü̃ma i ta̱xacü i naxügüxü̃wa rü mea nüxü̃́ ínanguxuchi. Rü woo Tupanaxü̃ naxügügu rü taxuxü̃ma i poxcu naxca̱x ínangu”, ñaperügügü —ñanagürü ga Tupana.