Ichaía 2:21 - Tupanaarü Ore

²¹ Rü ngẽxguma Cori ya Tupana inaxügügu nax yaxĩã̱xcüüxẽẽãxü̃ i ñoma i naane, rü ngẽma duü̃xü̃gü i chixexü̃ ügüxü̃ rü norü muü̃maxã tá nutaarü ãxmaxü̃gu rü nutamachate̱xegu nicu̱xgü naxcha̱xwa ya Cori ya Tupana ya üünecü rü poraãcü ãũcümacü.

Ichaía 2:21 Referans Kwoze

Ichaía 2:19

Rü ngẽxguma Cori ya Tupana inaxügügu nax yaxĩã̱xcüüxẽẽãxü̃ i ñoma i naane, rü ngẽma duü̃xü̃gü i chixexü̃ ügüxü̃ rü norü muü̃maxã tá nutaarü ãxmaxü̃gu rü waixü̃müarü ãxmaxü̃gu nicu̱xgü na̱xcha̱xwa ya Cori ya Tupana ya üünecü rü poraãcü ãũcümacü.

Ichaía 2:10

Rü ngẽma duü̃xü̃gü i chixexü̃ ügüxü̃ rü nutatanügu rü waixü̃müarü ãxmaxü̃gu tá nügü nicu̱xgü na̱xcha̱xwa ya Cori ya Tupana ya üünecü rü poraãcü ãũcümacü.

Charumóü̃arü wiyae 2:14

Pa Chorü Muxtucux, ¿tü̱xcüü̃ ma̱xpǘnegüarü nutatanügu quicu̱x? ¡Choxü̃́ cugü nawe̱xchametü! ¡Choxü̃́ nüxü̃ naxĩnüxẽxẽ i cuga! Rü chataãxẽ nax cuxü̃ chadauxü̃. Rü namaixcura i cuga nax nüxü̃ chaxĩnüxü̃ —ñanagürü choxü̃.

Yox 30:6

Rü yemaca̱x natüxacügüarü ngatexü̃wa, rü nutagüarü ngü̃́xtexü̃güwa rü ãxmaxü̃güwa nixĩ i tamaxẽxü̃.

Ínachoxü̃xü̃chiga 33:22

Rü ngẽxguma ngéma chaxüpetügux, rü yimá nutaarü ãxmaxü̃gu tá cuxü̃ chimucuchi. Rü cho̱xme̱xmaxã tá cuxü̃ charütütaxü̃ ñu̱xmatáta changupetü.

Yox 9:6

Rü núma ya Tupana rü nayaxĩã̱xcüüxẽxẽ i ñoma i naane rü nayadu̱xruxẽxẽ i ngẽma natüxü̃wa ngẽxmaxü̃.

Ichaía 24:18

Rü yíxema cueneecügücha̱xwa iñaxẽ rü ãxmaxü̃gu tá tingucuchi. Rü yíxema ngẽma ãxmaxü̃wa inguxuchixe rü yütagu tá tangu. Rü pucü ya tacü tá narüngu rü ñoma i naane rü poraãcü tá naxĩã̱xãchiane.

Ichaía 33:10

Rü nüma ya Cori ya Tupana rü ñanagürü: —Ñu̱xma rü tá chayanguxẽxẽ i ngẽma nüxü̃ chixuxü̃ rü tá ichanawe̱x i chorü pora.

Yeremía 16:16

Natürü i ñu̱xma rü petanüwa tá chanamugü i muxü̃ma i perü uanügü nax ngẽmaãcü pexü̃ ínayauxü̃xü̃ca̱x ñoma choxni ínayauxü̃xü̃rüxü̃. Rü ngẽmawena rü petanüwa tá chanamugü i togü i perü uanügü i ñoma cueneetanüxü̃rüxü̃ pexca̱x daugüxü̃ i guxü̃nema ya ma̱xpǘnegügu rü ngüchitaeruxü̃gügu rü woo nutagüarü ãxmaxü̃gügu nax pexü̃ nada̱i̱xü̃ca̱x.

2 Chamué 22:46

Rü ngẽma duü̃xü̃gü i togü i nachixü̃anecüã̱x rü choxü̃ namuü̃e rü ngẽma íyacu̱xgüxü̃wa du̱xrueãcü ínachoxü̃.

Ichaía 7:19

Rü guxü̃ma i ngẽma churaragü rü tá nügü ninu nagu i ngẽma doxonexü̃gü, rü nutaarü ãxmaxü̃gu, rü naanegü i tuxunecüã́xü̃gu, rü nachicagü i wocagü nawa axegüxü̃gu.

Ochéa 10:8

Rü tá nagu napogüe i napatagü i ngẽma tupananetagü ga Iraéanecüã̱xgü chixexü̃ nawa ügüxü̃. Rü ngẽma norü ãmarearü guruü̃güétüwa tá narüxügü i chuxchuxü̃gü rü toragü. Rü nüma i ngẽma duü̃xü̃gü rü tá ngẽma ngüchitaerugüxü̃ ñanagürügü: “¡Toétüwa pebuemügü!” ñanagürügü. Rü yima ma̱xpǘnegüxü̃ tá ñanagürügü: “¡Toétügu peyi!” ñanagürügü —ñanagürü ga Ochéa.