Ichaía 2:19 - Tupanaarü Ore

¹⁹ Rü ngẽxguma Cori ya Tupana inaxügügu nax yaxĩã̱xcüüxẽẽãxü̃ i ñoma i naane, rü ngẽma duü̃xü̃gü i chixexü̃ ügüxü̃ rü norü muü̃maxã tá nutaarü ãxmaxü̃gu rü waixü̃müarü ãxmaxü̃gu nicu̱xgü na̱xcha̱xwa ya Cori ya Tupana ya üünecü rü poraãcü ãũcümacü.

Ichaía 2:19 Referans Kwoze

Ichaía 2:10

Rü ngẽma duü̃xü̃gü i chixexü̃ ügüxü̃ rü nutatanügu rü waixü̃müarü ãxmaxü̃gu tá nügü nicu̱xgü na̱xcha̱xwa ya Cori ya Tupana ya üünecü rü poraãcü ãũcümacü.

Ore i mexü̃ ga Luca ümatüxü̃ 23:30

Rü ngẽxguma ínangugügu i ngẽma ngunexü̃gü rü duü̃xü̃gü rü tá ma̱xpǘnegüxü̃ naca̱a̱xü̃gü rü ñanagürügü tá: “¡Toétügu rübuemü!” ñanagürügü tá. Rü tá ngüchitaerugüxü̃xü̃ naca̱a̱xü̃gü, rü ñanagürügü tá: “¡Toxü̃ idüxétügü!” ñanagürügü tá.

Ochéa 10:8

Rü tá nagu napogüe i napatagü i ngẽma tupananetagü ga Iraéanecüã̱xgü chixexü̃ nawa ügüxü̃. Rü ngẽma norü ãmarearü guruü̃güétüwa tá narüxügü i chuxchuxü̃gü rü toragü. Rü nüma i ngẽma duü̃xü̃gü rü tá ngẽma ngüchitaerugüxü̃ ñanagürügü: “¡Toétüwa pebuemügü!” ñanagürügü. Rü yima ma̱xpǘnegüxü̃ tá ñanagürügü: “¡Toétügu peyi!” ñanagürügü —ñanagürü ga Ochéa.

Ichaía 2:21

Rü ngẽxguma Cori ya Tupana inaxügügu nax yaxĩã̱xcüüxẽẽãxü̃ i ñoma i naane, rü ngẽma duü̃xü̃gü i chixexü̃ ügüxü̃ rü norü muü̃maxã tá nutaarü ãxmaxü̃gu rü nutamachate̱xegu nicu̱xgü naxcha̱xwa ya Cori ya Tupana ya üünecü rü poraãcü ãũcümacü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:19

Rü ñu̱xũchi Tupanapata ga taxü̃ne ga daxũguxü̃ ga naanewa yexmane, rü niwãxna. Rü yéma norü aixepewa nango̱x ga yema baú ga Tupanaarü uneta nagu nuxü̃. Rü naxãẽmacüane, rü poraãcü nicuxcuane, rü naxĩã̱xãchiane rü poraãcü gáuxü̃ narüyi.

Popera ga Yudíugü ga yaxõgüxü̃ca̱x ümatüxü̃ 12:26

Rü yexguma Moichéwe naxĩxgu ga tórü o̱xigü, rü Tupana rü nagamaxã nayadu̱xruxẽxẽ ga ñoma ga naane. Natürü i ñu̱xma rü ñanagürü: “Wena táxarü chayadu̱xruxẽxẽ i ñoma i naane. Natürü tama ñoma i naanexica tá chidu̱xruxẽxẽ, natürü ngẽma daxũwa ngẽxmaxü̃ rü tá ta chayadu̱xruxẽxẽ”, ñanagürü.

Aguéu 2:6

Erü íxraxü̃ nataxu nax chanaxĩã̱xãchixẽẽxü̃ i daxũguxü̃ i naane, rü ñoma i naane, rü ngẽma már, rü ngẽma waixü̃müane. Rü ngẽmaãcü tá chanamuü̃exẽxẽ i guxü̃ma i nachixü̃anegü. Rü ngẽma togü i nachixü̃anegüarü duü̃xü̃gü rü nua tá nanana i norü diẽrugü rü úirugü. Rü ngẽmaãcü ya daa chopata ya taxü̃ne rü tá namexẽchi. Rü choma ya Cori ya Tupana ya Guxãétüwa Ngẽxmacü nixĩ i nüxü̃ chixuxü̃ i ngẽma erü choxrü nixĩ i guxü̃ma i diẽrugü rü úirugü.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:11

Rü ñu̱xũchi nüxü̃ chadau ga wüxi ga taxü̃ ga tochicaxü̃ ga cómüxü̃, rü nüxü̃ chadau ga gumá nawa rütocü. Rü gumácha̱xwa nibuxmü ga ñoma ga naane rü guxü̃ma ga daxũwa nüxü̃ idauxü̃, rü inayarütauxe.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:18

Rü ñu̱xũchi naxãẽmacüane, rü poraãcü nicuxcuane, rü poraãcü nidu̱xruane. Rü poraãcü naxĩã̱xãchiane. Rü noxri Tupana duü̃xü̃güxü̃ üxgumama rü taguma nayexma ga wüxi ga ĩã̱xãchiane ga yemarüxü̃ poraxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:13

Rü yexgumatama poraãcü naxĩã̱xãchiane. Rü wüxi ga yema norü 10 arü üye ga guma ĩane, rü niwa̱xgü. Rü 7,000 ga duü̃xü̃gü nayue namaxã ga yema ĩã̱xãchiane. Rü yema togü ga duü̃xü̃gü ga maxẽxü̃ rü poraãcüxüchi namuü̃e. Rü Tupana ya daxũguxü̃ i naanewa ngẽxmacüxü̃ nicua̱xüü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:6

Rü ngẽma ngunexü̃gügu rü duü̃xü̃gü tá naxca̱x nadaugü nax nayuexü̃, natürü taxũtáma nayue. Rü woo nanaxwa̱xegüxüchi nax nayuexü̃, natürü taxucürüwatama nayue.

Popera ga Yudíugü ga yaxõgüxü̃ca̱x ümatüxü̃ 11:38

Rü yema yaxõgüxü̃ rü woo ñoma ga naanearü duü̃xü̃güarü yexera nime, natürü nu ne nanaxĩ ga chianexü̃wa rü ma̱xpǘnegüwa. Rü ma̱xpǘnegüarü ãxmaxü̃gügu rü waixü̃müarü ãxmaxü̃gügu nipexü̃tanü.

2 Tesalonicenses 1:9

Rü ngẽma duü̃xü̃gü rü poxcu i taguma guxü̃gu tá inarütauxe, rü tórü Cori ya Ngechuchuarü yáxü̃wa tá nawogü. Rü ngéma rü tagutáma nüxü̃ nadaugü i tórü Cori ya Ngechuchuarü mexü̃ rü norü pora.

Miquéa 7:17

Rü ngẽma duü̃xü̃gü rü ñoma ãxtaperüxü̃ waixü̃müte̱xe tá nadexgü, ngẽma togü i waixü̃mügu nügü itúgüxü̃rüxü̃. Rü ngẽma íyacu̱xgüxü̃wa tá ínachoxü̃ rü norü muü̃maxã tá cuxca̱x naxĩ, Pa Cori, Pa Torü Tupanax.

Yeremía 16:16

Natürü i ñu̱xma rü petanüwa tá chanamugü i muxü̃ma i perü uanügü nax ngẽmaãcü pexü̃ ínayauxü̃xü̃ca̱x ñoma choxni ínayauxü̃xü̃rüxü̃. Rü ngẽmawena rü petanüwa tá chanamugü i togü i perü uanügü i ñoma cueneetanüxü̃rüxü̃ pexca̱x daugüxü̃ i guxü̃nema ya ma̱xpǘnegügu rü ngüchitaeruxü̃gügu rü woo nutagüarü ãxmaxü̃gügu nax pexü̃ nada̱i̱xü̃ca̱x.

Ichaía 30:32

Rü nüma ya Cori ya Tupana rü Achíriaanecüã̱xmaxã tá nügü nadai. Rü ngẽxguma wüxichigüarü cua̱i̱xca nüxna naxãxgu ya Tupana, rü tá naxãga i paü̃dérugü rü árpagü.

Wiyaegü 7:6

Pa Corix ¡curü numaxã inachi rü chauétüwa nachogü, rü nadai i ngẽma chorü uanügü i choxü̃ ima̱xgüchaü̃xü̃! ¡Rü napoxcue i ngẽma duü̃xü̃gü i chixexü̃ ügüxü̃! ¡Rü chauétüwa nachogü!

1 Chamué 14:11

Rü yemaacü ga yema taxre rü Firitéugüarü churaragütücumüxü̃ nügü nadauxẽẽgü. Rü yexguma nüxü̃ nadaugügu, rü ñanarügügü: —Dücax, yea Ebréugü rü marü ngẽma naxmaxü̃gü i nagu yacu̱xgüxü̃wa ínachoxü̃ —ñanagürügü.

1 Chamué 13:6

Rü yexguma yema Iraéanecüã̱xgü ga churaragü nüxü̃ icua̱xãchitanügu ga taxü̃ ga guxchaxü̃wa nax nayexmagüxü̃ rü namuü̃e yerü namuxũchi ga yema norü uanügü. Rü yemaca̱x nutaarü ãxmaxü̃gügu, rü waixü̃müarü ãxmaxü̃gügu rü nutatanügu rü ngatexü̃gügu, rü puchugügu nicu̱xgü.

Yox 9:6

Rü núma ya Tupana rü nayaxĩã̱xcüüxẽxẽ i ñoma i naane rü nayadu̱xruxẽxẽ i ngẽma natüxü̃wa ngẽxmaxü̃.

Ichaía 7:19

Rü guxü̃ma i ngẽma churaragü rü tá nügü ninu nagu i ngẽma doxonexü̃gü, rü nutaarü ãxmaxü̃gu, rü naanegü i tuxunecüã́xü̃gu, rü nachicagü i wocagü nawa axegüxü̃gu.

Ichaía 13:13

Rü ngẽxguma tá nawa nanguxgu i ngẽma ngunexü̃ rü choma rü chorü numaxã tá chayadu̱xruxẽxẽ i daxũguxü̃ i naane. Rü chorü nugagu rü ñoma i naane rü tá nixũgachi i nachicawa.

Ichaía 24:1

Dücax, Cori ya Tupana rü tá chianexü̃xü̃ nananguxuchixẽxẽ i ñaa naane, rü ngẽma duü̃xü̃gü i nawa maxẽxü̃ rü tá nanawoonexẽxẽ.

Ichaía 24:18

Rü yíxema cueneecügücha̱xwa iñaxẽ rü ãxmaxü̃gu tá tingucuchi. Rü yíxema ngẽma ãxmaxü̃wa inguxuchixe rü yütagu tá tangu. Rü pucü ya tacü tá narüngu rü ñoma i naane rü poraãcü tá naxĩã̱xãchiane.

Ichaía 24:19

Erü ñoma i naane rü poraãcütama naxĩã̱xãchiane, rü tá nawǘxcuane rü tá narüwĩ́ẽmüane.

Ichaía 33:10

Rü nüma ya Cori ya Tupana rü ñanagürü: —Ñu̱xma rü tá chayanguxẽxẽ i ngẽma nüxü̃ chixuxü̃ rü tá ichanawe̱x i chorü pora.

Yeremía 4:29

Rü ngẽma uanügüarü churaragü i cowarugu ĩxü̃ rü ngẽma würamaxã ixãxnexü̃ rü poraãcü aita naxüe, rü yemacha̱xwa guxü̃ma i duü̃xü̃gü rü norü muü̃maxã inayayi rü nibuxmü nax naixnecügu yanacu̱xgüxü̃ca̱x, rü ma̱xpǘnegüwa dauxü̃ naxĩgüxü̃ca̱x. Rü guxü̃nema ya ĩanegü rü tá nachianemare, rü taxuxü̃táma marü nawa namaxẽ.

Yeremía 48:28

¡Rü nüxna pexĩgü ya perü ĩanegü, Pa Moáanecüã̱xgüx, rü nuta ya tacügüarü ãxmaxü̃wa peyamaxẽ ñoma muxtucugü i ma̱xpǘnechitaerugu üxchiaü̃güxü̃rüxü̃!

Echequié 33:27

Rü ngẽmaca̱x name i ngẽma duü̃xü̃gümaxã nüxü̃ quixu i chorü ore i ñaxü̃: “Chauégagu pemaxã nüxü̃ chixu rü pema ya yima ĩanegü ya nagu napogüenewa ngẽxmagüe rü tá pexü̃ nadai. Rü pema i naanewa ngẽxmagüxe rü tá ai pexca̱x íchangugüxẽxẽ nax ngẽma pexü̃ ngṍxü̃ca̱x. Rü pema i cu̱xchicaxü̃wa rü ma̱xpǘnearü ãxmaxü̃güwa ngẽxmagüxe, rü tá da̱xaweanemaxã peyue.

Naúü̃ 3:11

Rü cumax, Pa Nínibex, rü curü uanügü rü tá curü duü̃xü̃güxü̃ nanaxĩ̱xãchiãẽxẽẽgü rü ñoma duü̃xü̃gü i ngãxẽxü̃rüxü̃ tá nixĩgü. Rü tá naxca̱x nadau nax ngexta yacu̱xgüxü̃ na̱xcha̱xwa i norü uanügü.

2 Chamué 22:46

Rü ngẽma duü̃xü̃gü i togü i nachixü̃anecüã̱x rü choxü̃ namuü̃e rü ngẽma íyacu̱xgüxü̃wa du̱xrueãcü ínachoxü̃.