Ichaía 2:11 - Tupanaarü Ore

¹¹ Rü ngẽma ngunexü̃ i nagu ínanguxü̃ ya Cori ya Tupana, rü ngẽma nügü icua̱xüü̃güxü̃ rü nape̱xewa tá naxãnee, rü ngẽma nügü írütagüxü̃ rü nape̱xewa rü tá taxuwama nime. Rü nüxicatama ya Cori ya Tupana rü tá inanawe̱x i norü pora i ngẽma ngunexü̃gu.

Ichaía 2:11 Referans Kwoze

Wiyaegü 18:27

Rü cumax, Pa Tupanax, rü tüxü̃ curüngü̃xẽxẽ ya yíxema tama tügü icua̱xüxü̃güxe, natürü cunaxãneexẽxẽ i ngẽma nügü icua̱xüü̃güxü̃.

Ichaía 2:17

Natürü wüxi i ngunexü̃gu rü tá poraãcü naxãnee i ngẽma nügü icua̱xüü̃güxü̃ rü ngẽma nügü írütagüxü̃. Rü ngẽma ngunexü̃gu rü duü̃xü̃gü rü tá Cori ya Tupanaxü̃xicatama nicua̱xüü̃gü.

Maraquía 4:1

Rü nüma ya Cori ya Tupana ya Guxãétüwa Ngẽxmacü rü ñanagürü: —Rü ningaica i ngẽma ngunexü̃ i ãũcümaxü̃ i nagu tá chanapoxcuexü̃ i ngẽma chixexü̃ ügüxü̃ ñoma üxüemawa yaxaexü̃rüxü̃. Rü guxü̃ma i ngẽma duü̃xü̃gü i nügü írütagüxü̃ rü chixexü̃ ügüxü̃ rü ñoma maxẽ i pacü i üxüxétüwa yata̱xcuchichapa̱xacürüxü̃ tá nixĩgü. Rü ngẽma ngunexü̃gu rü guxü̃táma nixae rü taxuxü̃táma ínayaxügü.

Ichaía 24:21

Rü ngẽma ngunexü̃gu ya Cori ya Tupana rü tá nanapoxcue i ngẽma naãẽgü i chixexü̃ i dauxü̃wa ngẽxmagüxü̃ rü ñu̱xũchi ngẽma ñoma i naanewa ngẽxmagüxü̃ i ãẽ̱xgacügü i chixexü̃gü. Rü tá nanangutaque̱xexẽxẽ, rü wüxi i poxcuchicaxü̃gu tá nanawocu rü ngẽxma tá nanawãxtaxü̃. Rü ñu̱xũchi muxü̃tama i ngunexü̃güwena rü tá namaxã nanaxuegu i norü poxcu.

Ichaía 13:11

Rü nüma ya Cori ya Tupana rü ñanagürü: —Tá chanapoxcue i ñoma i naanecüã̱x naxca̱x i ngẽma norü chixexü̃. Rü ngẽma duü̃xü̃gü i chixexü̃gu maxẽxü̃ rü tá chanapoxcu naxca̱x i ngẽma nax namáetagüxü̃. Rü tá ichayanaxoxẽxẽ i nacüma i namaxã nügü ínatagüxü̃ i ngẽma duü̃xü̃gü i nügü icua̱xüü̃güxü̃. Rü tá chanaxãneexẽxẽ i ngẽma nügü írütagüxü̃ rü ngẽma taxuwama toguexü̃ mexẽẽgüxü̃.

Ichaía 12:4

Rü ngẽxguma rü tá ñaperügügü: —¡Moxẽ nüxna pexã rü nüxü̃ picua̱xüü̃gü ya Cori! ¡Rü to i nachixü̃anegümaxã nüxü̃ pixu i ngẽma mexü̃ i pexca̱x naxüxü̃! ¡Rü nüxna pecua̱xãchie nax nüma yixĩxü̃ i guxãétüwa nangẽxmaxü̃!

Miquéa 4:6

Rü nüma ya Cori ya Tupana rü ñanagürü: —Yixcüra rü tá nachixü̃aneca̱x chanawoeguxẽxẽ i ngẽma chorü duü̃xü̃gü i Iraétanüxü̃gü. Rü wüxiwa tá chanangexmagüxẽxẽ i ngẽma noxri to ga nachixü̃anegu woonexü̃ rü turaexü̃ rü ipaexü̃.

Ochéa 2:18

Rü ngẽma ngunexü̃gügu rü ngẽma Iraéanecüã̱xgüxü̃ tá charüngü̃xẽxẽxü̃. Rü ngẽma naeü̃gü i düraexü̃, rü werigü, rü ãxtapegü rü tá ichanangüxmüexẽxẽ nax tama ngẽma duü̃xü̃güxü̃ nachixeãẽgüxü̃ca̱x. Rü tá ichanaxoxẽxẽ ya würagü rü taragü. Rü ngẽma norü uanügü rü tá ichanangüxmüexẽxẽ nax tama wena naxca̱x íyaxü̃ãchixü̃ca̱x, rü ngẽmaãcü i chorü duü̃xü̃gü rü nataãẽgüxü̃ca̱x.

Echequié 39:22

Rü yema ngunexü̃wena rü nüma i Iraétanüxü̃ tá nüxü̃ nicua̱xãchitanü nax choma chixĩxü̃ ya norü Cori ya Tupana.

Nüxíraxü̃xü̃ ga popera ga Pedru ümatüxü̃ 5:5

Rü ngẽxgumarüxü̃ ta i pemax, Pa Ngextü̱xücügüx, rü name nixĩ i naga pexĩnüe i ngẽma perü ãẽ̱xgacügü i Tupanaarü puracümaxã icua̱xgüxü̃. Rü guxãma i pema i yaxõgüxü̃, rü name nixĩ i wüxichigü mea pegüga pexĩnüe rü tama pegügu perüxĩnüe nax pemücügüarü yexera pixĩgüxü̃. Erü Tupanaarü ore i ümatüxü̃wa rü ñanagürü: “Tupana rü tama norü me nixĩ i ngẽma duü̃xü̃gü i nügü icua̱xüxü̃güxü̃. Natürü nüxü̃ narüngü̃xẽxẽ rü namaxã namecüma i ngẽma duü̃xü̃gü i tama nügü icua̱xüxü̃güxü̃”, ñanagürü i ngẽma ore.

2 Corintios 10:17

Erü Tupanaarü ore i ümatüxü̃wa rü ñanagürü: “Rü ngẽxguma texé tügü icua̱xüxü̃chaü̃gu, rü name nixĩ i tórü Corixü̃ ticua̱xüxü̃, erü nüma nixĩ i tüxü̃ nangü̃xẽẽxü̃”, ñanagürü i ngẽma ore.

Ore i mexü̃ ga Luca ümatüxü̃ 18:14

Rü pemaxã nüxü̃ chixu rü gumá yatü ga Rómaarü ãẽ̱xgacüca̱x diẽru ngĩxü̃ decü rü yexguma napataca̱x nataeguxgu rü Tupana rü marü nüxü̃́ narüngüma i norü pecadugü. Natürü yema Parichéu rü Tupana rü tama nüxü̃́ narüngüma i norü pecadugü. Erü texé ya tügü icua̱xüxü̃xe rü Tupana tá tüxü̃ naxãnexẽxẽ. Natürü texé ya tama tügü icua̱xüxü̃xe rü Tupana rü tá tüxü̃ nicua̱xüxü̃ —ñanagürü ga Ngechuchu.

Chacaría 9:16

Rü ngẽma ngunexü̃gu rü Cori ya norü Tupana rü tá norü duü̃xü̃güxü̃ ínapoxü̃ ñoma carnérugüxü̃ ínapoxü̃xü̃rüxü̃. Rü norü duü̃xü̃gü rü ñoma ngã̱xcueruü̃arü nutaxacügürüxü̃ tá niyauratanücüxü.

Chofonía 3:16

Rü ngẽma ngunexü̃gu rü duü̃xü̃gü rü Yerucharéü̃cüã̱xgümaxã tá nüxü̃ nixu rü ñanagürügü tá: —¡Petaãxẽgü, Pa Chióü̃cüã̱xgü, rü taxṹ i pemuü̃exü̃! ¡Rü taxṹ i pegü peturaexẽẽxü̃!

Chofonía 3:11

Rü ngẽma ngunexü̃gu, Pa Chorü Duü̃xü̃güx, rü taxũtáma naxca̱x pexãnee ga yema chixexü̃ ga noxri chope̱xewa pexügüxü̃ ga yexguma tama chauga pexĩnüegu. Erü choma rü tá Yerucharéü̃na chayaxĩgachitanüxẽxẽ i ngẽma nügü icua̱xüü̃güxü̃ rü nügü írütagüxü̃. Rü ngẽmaãcü tagutáma yima chorü ma̱xpǘne ya üünenewa nangẽxmagü i ngẽma ãẽ̱xgacügü i nügü írütagüxü̃.

Miquéa 5:10

Rü Cori ya Tupana rü Iraétanüxü̃xü̃ ñanagürü: —Ngẽma ngunexü̃gu rü tá chanadai i perü cowarugü, rü ñu̱xũchi tá nagu chipogügü ya perü carugü ya daiwexü̃.

Abdía 1:8

Rü nüma ya Cori ya Tupana rü ñanagürü ta: —Rü ngẽma ngunexü̃ i nagu tá chanapoxcuxü̃ i Edóü̃anecüã̱xgü rü choma rü tá chanadai i norü duü̃xü̃gü i nüxü̃ icua̱xüchixü̃. Rü nüxna tá chanayaxu i norü cua̱x i ngẽma duü̃xü̃gü i Echaúarü ma̱xpǘanewa ngẽxmagüxü̃.

Amúx 9:11

Rü Cori ya Tupana rü ñanagürü: —Pa Iraétanüxü̃x, yexguma ãẽ̱xgacü ga Dabí pechixü̃anemaxã icua̱xgu, rü naporaxüchi. Natürü i ñu̱xma rü pechixü̃ane rü ñoma wüxi ya ĩpata ya rüngutaxü̃nerüxü̃ nixĩ. Natürü tá nawa nangu i ngunexü̃ nax wena íchanadaxẽẽxü̃ i pechixü̃ane nax noxrirüxü̃ wena naporaxü̃ca̱x.

Joel 3:18

Rü ngẽma ngunexü̃gu rü yima ma̱xpǘnegüwa tá nangẽxma ya tacü ya bínu rü lechi ñoma dexárüxü̃. Rü Yudáanearü natügüwa rü tá nata i norü dexá. Rü yima chopata ya taxü̃newa rü tá nichuxchu i wüxi i dexá i tá Chitíü̃arü doxonexü̃wa yawaianexẽẽxü̃.

Ochéa 2:21

Rü choma ya perü Tupana nixĩ i nüxü̃ chixuxü̃ i ngẽma, Pa Iraéanecüã̱xgüx. Rü ngẽxguma nawa nanguxgu i ngẽma ngunexü̃ rü choma rü tá chanapuxẽxẽ nax ngẽmaãcü naxügüxü̃ca̱x i penetügü rü namuxü̃ca̱x i ngẽma trigugü rü bínugü rü chíxü̃gü. Rü ngẽmaãcü Yereéarü metachinüanexü̃wa wena táxarü mea nayae i nanetügü.

Ochéa 2:16

Rü ngẽxguma rü tá: “Pa Cuxü̃ Tangechaxü̃cüx”, ñanagürügü choxü̃ rü tama “Pa Torü Yora i Baáx”, ñanagürügü. Rü choma i Cori ya Tupana nixĩ i nüxü̃ chixuxü̃ i ngẽma.

Echequié 39:11

Rü ñanagürü ta: —Ngẽma ngunexü̃gu rü tá Góxna chanaxã i wüxi i nachica nax ngẽmagu natáxü̃ca̱x. Rü ngẽma nachica rü Iraéanewa tá nangẽxma nawa i ngẽma metachinüxü̃ i már arü to̱xma̱xtawa ngẽxmaxü̃ i nawa nachopetüxü̃ i duü̃xü̃gü i éstewaama ĩxü̃. Rü ngẽma nax namuxũchixü̃ i naxü̃negü i ngẽma Góxarü churaragü i yuexü̃ rü taxucürüwa ngéma nachopetü i duü̃xü̃gü. Rü ngẽxma tá nixĩ i nata̱xgüãxü̃ i Góx rü ñu̱xũchi guxü̃ma i norü churaragü. Rü tá nanaxüégagü Metachinüxü̃ i Góxarü Churaragü Nagu Ta̱xgüxü̃.

Echequié 38:19

Rü chauégagu nüxü̃ chixu rü ngẽma ngunexü̃gu rü chorü numaxã tá nangẽxma i wüxi i taxü̃ i ĩã̱xãchiane i Iraéanewa.

Echequié 38:14

Rü ngẽmaca̱x, Pa Yatü, chauégagu Góxmaxã nüxü̃ ixu rü ñacurügü: “Cori ya Tupana rü ñanagürü: ‘Pa Góx, ngẽxguma chorü duü̃xü̃gü i Iraétanüxü̃ taãẽãcü tá imaxẽgu rü cuma rü tá icuxũãchi nax naxca̱x ícuyagoõchixü̃ca̱x.

Yeremía 9:24

Natürü ngẽxguma texé tügü icua̱xüxü̃chaü̃gu rü name i tügü ticua̱xüxü̃ naxca̱x nax choxü̃ tacuáxü̃. Rü ẽcü tügü ticua̱xüxü̃ naxca̱x nax nüxü̃ tacuáxü̃ nax choma nax tümaarü Cori ya Tupana chixĩxü̃ rü ñoma i naanewa nüxü̃ changechaü̃xü̃ i duü̃xü̃gü rü mea namaxã nax ichacuáxü̃ rü aixcüma nawe̱xguxü̃ i chorü ĩnü. Rü ngẽma nixĩ i namaxã chataãẽxü̃. Rü chomatama ya Cori ya Tupana nixĩ i nüxü̃ chixuxü̃ i ngẽma —ñanagürü.

Ichaía 52:6

Natürü wüxi i ngunexü̃ rü chorü duü̃xü̃gü tá nüxü̃ nicua̱xãchitanü nax choma chixĩxü̃ i namaxã chidexaxü̃ —ñanagürü ya Tupana.

Ichaía 37:23

¿Rü texéchiga nixĩ ga chixri quidexaxü̃ rü texémaxã nixĩ ga cuguxchigaxü̃? ¿Rü texémaxã nixĩ ga quipuraxü̃ rü cunuxetüxü̃? Rü cumaxã nüxü̃ chixu rü chomaxã nixĩ i cunuxü̃ i choma i Iraétanüxü̃arü Tupana ya Üünecü.

Ichaía 30:23

Rü nüma ya Cori ya Tupana rü tá pucü ínanguxẽxẽ naxca̱x i naxchire i cuanegu cutogüxü̃. Rü ngẽma cuanewa rü muxü̃tama i trigu i baxcaxü̃ tá nawa narüxügü. Rü ngẽma curü wocagü rü ngẽma ngunexü̃gu rü taanexü̃wa tá nachibüe

Ichaía 29:18

Rü ngẽma ngunexü̃gu i ngẽma ngauchi̱xẽgüxü̃ rü tá nüxü̃ naxĩnüe ega ngẽxguma texé poperaxü̃ naxca̱x daumatügu, rü ngẽma ingexetüxü̃ rü tá nidaxuchitanü, rü taxũtáma waanexü̃wa nangẽxmagü.

Ichaía 28:5

Rü ngẽma ngunexü̃gu rü nüma ya Cori ya Tupana ya Guxãétüwa Ngẽxmacü, rü norü ãẽ̱xgacü ya mexẽchicü tá nixĩ naxca̱x i ngẽma norü duü̃xü̃gü i íyaxügüxü̃.

Ichaía 26:1

Rü ngẽma ngunexü̃ ya Tupana nagu napoxcuexü̃ i norü uanügü rü ngẽma Yudáanecüã̱xgü, rü tá nawiyaegü nagu i ñaa wiyae: —Tüxü̃́ nangẽxma ya daa tórü ĩane ya porane ya tüxü̃ ípoxü̃ne nüxna i tórü uanügü. Erü nüma ya Cori ya Tupana rü tüxü̃ narüngü̃xẽxẽ rü taixü̃ i naxtapü̱xmaxã ínanapoxegu ya daa tórü ĩane.

Ichaía 25:9

Rü ngẽma ngunexü̃gu i ngẽma duü̃xü̃gü rü ñanagürügü tá: —Daa nixĩ ya tórü Tupana ya nagu yaxõgücü rü tüxü̃ ínguxü̃xẽẽcü. ¡Ngĩxã tá taãẽgü rü nüxü̃ ticua̱xüü̃gü erü nüma tüxü̃ ínanguxü̃xẽxẽ! —ñanagürügü tá.

Ichaía 12:1

Rü ngẽma ngunexü̃gu rü tá ñacurügü: —Moxẽ cuxna chaxã, Pa Corix, yerü woo chomaxã cunu ga noxri, natürü curü nu rü marü nangupetü. Rü ngẽmaca̱x wena cha̱u̱xca̱x cunatáeguxẽxẽ ga yema taãxẽ ga noxri choxü̃́ yexmaxü̃.

Ichaía 4:1

Rü ngẽma ngunexü̃gu rü noxre tátama i yatüxü̃gü ínayaxügü. Rü ngẽmaca̱x rü 7 i ngexü̃gü rü wüxi i yatüca̱x tátama ngĩgü idai. Rü ngẽma ngexü̃gü rü ngẽma yatüxü̃xü̃ tá ngĩgürügügü: “Tomagü rü tá togünatama ta̱xacü taxãgü, rü ngẽma toxchiru rü torü diẽrumaxã tátama nixĩ i naxca̱x tataxexü̃. Natürü tanaxwa̱xe i tomaxã cuxãma̱x nax tama tingetegüechaxü̃ca̱x, rü düxwa ngẽmagagu taxãneemarexü̃ca̱x”, ngĩgürügügü tá.

2 Tesalonicenses 1:10

Rü ngẽmaãcü tá ngẽma duü̃xü̃gümaxã nangupetü i ngẽxguma tórü Cori ya Ngechuchu núma ũxgu nax norü duü̃xü̃gü i üünexü̃ nüxü̃ icua̱xüü̃güxü̃ca̱x. Rü guxü̃ma i yaxõgüxü̃ rü tá naba̱i̱xãchiãẽgü rü nataãẽgü i ngẽxguma nüxü̃ nadaugügu. Rü pema rü tá ta ngéma pengẽxmagü, yerü peyaxõgü ga yema Tupanaarü ore ga pemaxã nüxü̃ tixuxü̃.

2 Chamué 22:28

Cuma rü tüxü̃ ícunguxü̃xẽxẽ ya yíxema tama tügü icua̱xüü̃güxe, natürü cuyanangea̱xgüxẽxẽ i ngẽma nügü icua̱xüü̃güxü̃.

Wiyaegü 20:8

Rü ngẽma tama Cori ya Tupanaxaxü̃́ yaxõgüxü̃ rü tá nayuemare, natürü yíxema i yaxõgüxe rü tá nüxü̃ tarüporamae i ngẽma uanügü.

Wiyaegü 46:10

Rü nüma ya Tupana rü ñanagürü: —Pa Nachixü̃anegüarü Ãẽ̱xgacügüx ¡choxü̃́ iperüxĩnüe! ¡Rü nagu perüxĩnüe nax choma rü Tupana chixĩxü̃! Rü choma nixĩ i namaxã ichacuáxü̃ i guxü̃ma i nachixü̃anegü. Rü choma nixĩ i guxü̃ma i ñoma i naaneétüwa changexmaxü̃ —ñanagürü.

Ucu̱xẽgüchiga 30:13

Nangexma i duü̃xü̃gü i guxãétüwa nügü ügüxẽẽchaü̃xü̃. Rü ngẽmaãcü nügügu narüxĩnüe nax togüarü yexera yaxĩgüxü̃.

Ichaía 23:9

Rü Cori ya Tupana ya Guxãétüwa Ngẽxmacü nixĩ i namaxã naxuegucü i ngẽma ñu̱xma namaxã ngupetüxü̃ nax ngẽmaãcü naxãneexẽẽxü̃ca̱x i guxü̃ma i ngẽma duü̃xü̃gü i nügü írütagüxü̃ rü nüxna nax nayauxãxü̃ca̱x i norü pora i ngẽma duü̃xü̃gü i ñoma i naanewa nügü írüporaexü̃.

Ichaía 30:18

Natürü nüma ya Cori ya Tupana rü pexü̃ ínanangu̱xẽxẽ nax naxca̱x pewoeguxü̃ nax ngẽmaãcü nüxü̃́ pengechaü̃tümüxü̃güxü̃ca̱x. Rü nüma rü ínamemare nax pexü̃ nawéaxü̃ nax poraãcü pexü̃ nangechaü̃xü̃. Erü nüma ya Cori ya Tupana rü aixcüma mexü̃ namaxã naxuegu i ngẽma naga ĩnüexü̃. Rü tá taãẽgü ya guxãma ya yíxema nüxü̃́ yaxõgüxe.

Miquéa 2:3

Rü ngẽmaca̱x ya Cori ya Tupana rü ñanagürü: —Choma rü ta choxü̃́ nangẽxma i wüxi i ĩnü i perü guxchaxü̃ca̱x tá ixĩxü̃. Rü pexca̱x tá íchananguxẽxẽ i wüxi i guxchaxü̃ i taxucürüwa na̱xcha̱xwa pibuxmüxü̃. Rü ngẽmaãcü taxũtáma pegü picua̱xüü̃güãcü ipeyarüxĩĩxü̃, erü taxü̃ i guxchaxü̃ tá pexca̱x ínangu.

Wiyaegü 18:28

Rü cumax, Pa Cori Pa Tupanax, rü cha̱u̱xca̱x cunangóonexẽxẽ. Rü ngẽxguma ẽanexü̃wa changexmagu rü choxü̃ quibáixmaxü̃.

Wiyaegü 46:11

Rü Cori ya Tupana ya Guxãétüwa Ngẽxmacü rü tatanüwa nangẽxma. Rü nümatama i Acóbuarü Tupana nixĩ i tórü poxü̃ruxü̃ yixĩxü̃.

Wiyaegü 94:2

Rü cuma nixĩ i namaxã icucuáxü̃ i ñoma i naanecüã̱x i duü̃xü̃gü. ¡Rü inachi rü napoxcue i ngẽma nügü icua̱xüü̃güxü̃!

Ucu̱xẽgüchiga 16:5

Nüma ya Cori ya Tupana tama namaxã nataãxẽ i ngẽma nügü icua̱xüü̃güxü̃. Nümagü rü aixcüma tá nüxü̃́ nangẽxma i norü poxcu naxca̱x i ngẽma naxügüxü̃.

Ichaía 10:12

Rü ngẽxguma Cori ya Tupana yanguxẽẽgu i ngẽma poxcu naxca̱x i ngẽma duxü̃xü̃gü i ma̱xpǘne ya Chióü̃wa maxẽxü̃ rü yima ĩane ya Yerucharéü̃wa maxẽxü̃, rü tá Achíriaanearü ãẽ̱xgacüxü̃ napoxcu naxca̱x nax nügü ínataxü̃ rü nügü yacua̱xüxü̃xü̃.

Ichaía 14:15

Natürü tama ngẽma cuma nagu curüxĩnüxü̃ãcü cuxü̃́ ínanguxuchi, erü nagu curütáe i ngẽma ãxmaxü̃ i yuexü̃ nagu ta̱xgüxü̃.

Ichaía 40:23

Rü nüma ya Tupana rü inayanaxoxẽxẽ i ngẽma duü̃xü̃gü i ñoma i naanewa nügü írüporaexü̃ rü ngẽma ãẽ̱xgacügü i ñoma i naanewa ngẽxmagüxü̃.

Yeremía 12:9

Rü ngẽma chorü duü̃xü̃gü rü ñoma wüxi i weri i mexpachixü̃ i togü i werigü naxchi aiexü̃rüxü̃ nixĩgü. ¡Rü nua pexĩ, Pa Guxü̃ma i Naeü̃gü i Idüraexü̃x! ¡Rü wüxiwa pexĩ rü penangõ̱xcu!

Danié 4:34

—Rü yexguma marü yanguxgu ga gumá 7 ga taunecü nax Tupana choxü̃ poxcuxü̃, rü choma ga Nabucudonochó rü dauxü̃gu chadawenü rü nüxü̃ chicua̱xãchi nax cha̱u̱xca̱x mea yataanexü̃ nawa ga nax chaxãũãẽxü̃. Rü ñu̱xũchi mexü̃ nachigaxü̃ chixu ya yimá Tupana ya Guxãétüwa Ngẽxmacü ya guxü̃guma maxü̃cü. Rü ñaa dexamaxã nüxü̃ chicua̱xüxü̃ rü ñachagürü: “Pa Tupanax, curü pora rü taguma inayacua̱x rü cuma rü guxü̃gutáma ãẽ̱xgacü quixĩ.