Ichaía 19:8 - Tupanaarü Ore

⁸ Rü guxü̃ma i ngẽma choxnietanüxü̃ i taxtü i Níruwa choxniegüxü̃ rü tá nangechaü̃gü rü naxauxe. Rü ngẽma duü̃xü̃gü i taxtü i Níruwa norü püchamaxã püchaegüxü̃ rü tá nangechaü̃gü.

Ichaía 19:8 Referans Kwoze

Abacú 1:15

Rü ngẽma Cadéugü rü to i nachixü̃anecüã̱xgüxü̃ ínayauxü̃, ñoma wüxi i choxniexü̃ norü poxwamaxã rüe̱xna norü püchamaxã choxni íyauxü̃rüxü̃. Rü ngẽxguma wüxigu nanuãgu i choxni rü nüma rü nataãxẽ.

Iraétanüxü̃arü muxchiga 11:5

Rü ñuxãcü nüxna tacua̱xãchie ga yema choxni ga chíxü̃ ga ngetanüãcüma ingõ̱xgüxü̃ ga Equítuanewa. Rü ngẽxgumarüxü̃ ta nüxna tacua̱xãchie ga ñuxãcü nangṍxü̃ ga pepínugü, rü meráũgü, rü chabúragü rü méxẽgü.

Ínachoxü̃xü̃chiga 7:21

Rü nayue ga choxni. Rü poraãcü nanayixãchichixü ga dexá. Rü yemaca̱x ga yema Equítuanecüã̱xgü rü taxuacüma nawa naxaxegü. Rü guxü̃ma ga Equítuanewa rü nagüxü̃ nananguxuchi ga dexá.

Ore i mexü̃ ga Matéu ümatüxü̃ 11:17

‘Marü wowerumaxã pexca̱x tapaxetagü, natürü tama ípixü̃ãchitanüxü̃. Rü marü ngechaü̃ i wiyaegu pexca̱x tawiyaegü, natürü tama pexauxe’, ñagüxü̃. Rü ngẽma buxü̃gürüxü̃ nixĩ i ñaa duü̃xü̃gü.

Abacú 1:17

¿Rü yadaxẽẽgüãxü̃ tá i ngẽma Cadéugü nax ñoma püchagu choxni iyaxuxü̃rüxü̃ duü̃xü̃güxü̃ ínayauxü̃xü̃? ¿Rü yadaxẽẽgüãxü̃ tá nax tama nüxü̃́ nangechaü̃tümüxü̃ãcüma nadaiãcuãxü̃ i wüxichigü i nachixü̃anegü?