Ichaía 19:25 - Tupanaarü Ore

²⁵ Rü Cori ya Tupana ya Guxãétüwa Ngẽxmacü rü norü ngü̃xẽxẽ naxuegu rü ñanagürü: —Choma rü tá nüxü̃ charüngü̃xẽẽxü̃ i Equítuanecüã̱x i chorü duü̃xü̃gü ixĩgüxü̃. Rü ngẽxgumarüxü̃ tá ta nüxü̃ charüngü̃xẽẽxü̃ i Achíriaanecüã̱x i cho̱xme̱xmaxã chaxüxü̃, rü tá nüxü̃ charüngü̃xẽẽxü̃ i Iraéanecüã̱x i woetama chorü duü̃xü̃gü ixĩxü̃ —ñanagürü ga Tupana.

Ichaía 19:25 Referans Kwoze

Ochéa 2:23

Rü choma rü wena táxarü chorü naanewa chanangexmagüxẽxẽ i chorü duü̃xü̃gü. Rü wena táxarü choxü̃́ nangechaü̃tümüxü̃gü. Rü pema i chorü duü̃xü̃gü i Iraéanecüã̱xgümaxã tá nüxü̃ chixu rü ñachagürü tá: “Pema rü marü chorü duü̃xü̃gü pixĩgü”, ñachagürü tá. Rü ngẽxguma i pemax rü ñaperügü tá: “Cuma nixĩ i torü Tupana quixĩxü̃”, ñaperügü tá —ñanagürü ya Tupana.

Wiyaegü 138:8

Rü nüma ya Cori ya Tupana rü aixcüma chauxca̱x tá nayanguxẽxẽ i ngẽma nagu naxĩnüxü̃. Erü cumax, Pa Corix, rü taguma inayagu̱x nax choxü̃ cungechaü̃xü̃ rü chomaxã cumecümaxü̃. ¡Rü taxṹ i choxü̃ ícutáxü̃, Pa Cori Pa Tupanax! Erü cumatama nixĩ i choxü̃ cungo̱xẽẽxü̃.

Wiyaegü 115:15

Rü nüma ya Cori ya Tupana i daxũguxü̃ i naane rü ñoma i naanearü üruxü̃ rü aixcüma tá pexna nanaxã i norü ngü̃xẽxẽ.

Ichaía 61:9

Rü guxü̃ma i nachixü̃anegüwa rü tá natachiga i petaagü. Rü ngẽxguma duü̃xü̃gü nüxü̃ daugügu rü tá nüxü̃ nicua̱xãchitanü nax Tupana petaagüxü̃ narüngü̃xẽxẽxü̃.

Ichaía 60:21

Rü guxü̃ma i ngẽma Yerucharéü̃wa maxẽxü̃ rü duü̃xü̃gü i aixcüma mexü̃gu rüxĩnüexü̃ tá nixĩgü. Rü guxü̃gutáma nachixü̃anearü yora tá nixĩgü. Rü ngẽma duü̃xü̃gü rü ñoma wüxi i nanetü i chomatama ichatoxü̃rüxü̃ tá nixĩgü rü ngẽmatanüwa tá nango̱x i chorü pora.

Iraétanüxü̃arü muxchiga 6:27

Rü guxü̃gutáma i ngẽxguma ngẽma ñagügu i chacherdótegü rü choma rü tá chayanguxẽxẽ i ngẽma chauégagu nüxü̃ yaxugüxü̃ —ñanagürü ga Tupana.

Iraétanüxü̃arü muxchiga 6:24

“¡Rü Tupana cuxü̃ rüngü̃xẽxẽ rü guxü̃guma cuxna nada̱u̱x!

Filipenses 1:6

Rü Tupana rü marü inanaxügü i wüxi i mexü̃ i puracü i perü maxü̃wa. Rü nüxü̃ chacua̱x rü nüma rü guxü̃gutáma nanaxüecha i ngẽma puracü ñu̱xmatáta yanguxẽẽã i ngẽxguma ínanguxgu ya Ngechuchu ya Cristu.

Efesios 1:3

Rü name nixĩ i nüxü̃ ticua̱xüü̃gü ya Tanatü ya Tupana ya tórü Cori ya Ngechuchu ya Cristunatü ixĩcü. Erü nüma ya Tupana rü Cristugagu tüxna nanaxã i naguxü̃raü̃xü̃ i ngü̃xẽẽgü i üünexü̃ i daxũguxü̃ i naanewa taxca̱x ne namugüxü̃.

Gálatas 6:15

Erü ngẽxguma Ngechuchu ya Cristuarü duü̃xü̃gü ixĩgügu, rü Tupanape̱xewa rü taxuxü̃ma nixĩ i ngẽma nax íiwíecha̱xmüpe̱xechiraü̃xü̃ rüe̱xna tama. Natürü ngẽma aixcüma nape̱xewa mexü̃ nixĩ nax naxüchicüüxü̃ i tórü maxü̃ nax ngexwaca̱xü̃xü̃ i duü̃xü̃gü ixĩgüxü̃ca̱x.

Ichaía 65:23

Rü taxũtáma natüca̱xma naxüane i duü̃xü̃gü, rü nataxutáma i naxacügü i paxa yuexü̃. Erü nümagü rü nataagü nixĩ ga yema duü̃xü̃gü ga Tupana mexü̃ namaxã ueguxü̃. Rü ngẽxgumarüxü̃ tá ta Tupana mexü̃ namaxã naxuegu i ngẽma nataagüarü nataagü.

Ichaía 64:8

Natürü ngẽmaétüwa, Pa Corix Pa Tupanax, rü cuma nixĩ i Tonatü quixĩxü̃. Toma rü waixü̃mü tixĩgü rü cuma nixĩ i torü üruxü̃ quixĩxü̃. Rü guxãma i toma rü cumatama toxü̃ cuxü.

Ichaía 45:11

Rü ngẽmaca̱x i choma ya Tupana ya Üünecü ya Iraétanüxü̃xü̃ ngo̱xẽẽcü rü pexü̃ ñachagürü: “Pemax, taxuacüma choxna naxca̱x peca nachiga i ngẽma yixcüra tá nüxü̃ ngupetüxü̃ i chorü duü̃xü̃gü. Rü taxuacüma choxü̃ pengu̱xẽxẽ nax ñuxãcü tá chanaxüxü̃ i ngẽma chaxüxchaü̃xü̃.

Wiyaegü 100:3

¡Rü nüxna pecua̱xãchie nax nüma ya Cori rü Tupana yixĩxü̃! Rü nüma nixĩ i tüxü̃ nango̱xẽẽxü̃ rü tama yigütama tango̱xẽxẽ. Rü norü duü̃xü̃gü tixĩgü, ñoma carnérugü i norü yoraarü nachitaxü̃wa ngẽxmagüxü̃rüxü̃.

Nüxíraxü̃xü̃ ga popera ga Pedru ümatüxü̃ 2:10

Rü ü̃pa ga pema rü tama Tupanaarü duü̃xü̃gü pixĩgü, natürü i ñu̱xma rü aixcüma norü duü̃xü̃gü pixĩgü. Rü ü̃pa rü tama Tupanaaxü̃́ pengechaü̃tümüxü̃gü, natürü i ñu̱xma rü aixcüma Tupanaaxü̃́ pengechaü̃tümüxü̃gü.

Efesios 2:10

Rü Tupana nixĩ ga tüxü̃ ngo̱xẽẽcü rü tüxü̃ maxẽxẽẽcü. Rü ñu̱xma rü Cristugagu tüxna nanaxã i ngẽma maxü̃ nax mexü̃ ixügüxü̃ca̱x. Rü ngẽmaãcü i ñu̱xma rü nagu taxĩ i ngẽma nacüma ga nũxcüma Tupana taxca̱x nagu rüxĩnüxü̃.

Romanos 3:29

¿Ẽ̱xna Tupana rü Yudíugüarü Tupanaxicatama nixĩ? ¿Ẽ̱xna tama ngẽma togü i duü̃xü̃gü i tama Yudíugü ixĩgüxü̃arü Tupana yixĩxü̃? Aixcüma pemaxã nüxü̃ chixu rü ngẽma togü i duü̃xü̃gü i tama Yudíugü ixĩgüxü̃arü Tupana rü ta nixĩ.

Iraétanüxü̃arü muxchiga 24:1

Natürü nüma ga Balaáü̃ rü marü nüxü̃ nicua̱xãchi rü Cori ya Tupana rü aixcüma mexü̃ Iraétanüxü̃maxã naxueguchaü̃. Rü yemaca̱x marü tama noxrirüxü̃ Baláxarü ngúchaü̃ca̱x nadau. Rü yema chianexü̃ ga Iraétanüxü̃ ípegüxü̃gu nadawenümare.

Ichaía 19:24

Rü ngẽma ngunexü̃gu rü Iraéane rü Equítuanemaxã rü Achíriaanemaxã tá taãẽwa nangẽxmagü. Rü ngẽxguma i Iraéane rü tá wüxi i ngü̃xẽxẽ nixĩ naxca̱x i guxü̃ma i nachixü̃anegü i ñoma i naanewa ngẽxmagüxü̃.

Ichaía 27:13

Rü ngẽma ngunexü̃gu rü tá nagu nicue ya yimá cornéta ya tagane. Rü ngẽma Iraétanüxü̃ i Achíriaanegu woonexü̃ rü ñu̱xũchi ngẽma Equítuanewa gagüxü̃ rü tá Yerucharéü̃ca̱x nawoegu. Rü yima ma̱xpǘne ya üünenewa tá Cori ya Tupanaxü̃ nicua̱xüü̃gü.

Ichaía 45:14

Rü nüma ya Tupana rü Iraétanüxü̃xü̃ ñanagürü ta: —Ngẽma Equítuanecüã̱xgü i naanewa puracüexü̃, rü ngẽma Etiopíaanecüã̱xgü i taxetanüxü̃, rü ngẽma Chabácüã̱xgü i imáchanexü̃chixü̃ rü tá cuxme̱xwa nangẽxmagü. Rü cadénamaxã íchotachacüüãcü tá cuwe narüxĩ. Rü cupe̱xegu tá nacaxã́pü̱xügü rü ñanagürügü tá: “Aixcümaxü̃chi nixĩ i cutanüwa nangẽxmaxü̃ ya Tupana rü nataxuma i to ya Tupana”, ñanagürügü tá —ñanagürü ga Tupana.

Chacaría 8:13

Rü pemax, Pa Yudáanecüã̱xgüx rü Pa Iraéanecüã̱xgüx, rü woo nax chixexü̃ pemaxã naxuegugüxü̃ i ngẽma togü i nachixü̃anegü, natürü i choma rü tá pexü̃ íchanguxü̃xẽxẽ. Rü pema rü ngẽma togü i nachixü̃anegüarü ngü̃xẽẽruü̃gü tá pixĩgü. ¡Rü ngẽmaca̱x pora pexüe rü taxṹ i pemuü̃exü̃! —ñanagürü.

Ichaía 63:17

¿Rü tü̱xcüü̃ toxü̃ cungexrü nax cuxna tixĩgachitanüxü̃ rü tama cuga taxĩnüexü̃? Rü toma nax curü duü̃xü̃gü i Iraétanüxü̃ tixĩgüxü̃ rü cuxna taca nax toxü̃ cungechaü̃xü̃gagu toxca̱x cutaeguxü̃ nax wena toxü̃ cunawéxü̃ca̱x i curü mecüma.

Yeremía 2:7

Rü choma nixĩ i ñaa naane i guxü̃ nawa rüxüxü̃wa chanagagüxü̃ nax yemaacü nangõ̱xgüãxü̃ca̱x ga nanetüarü ogü ga rümemaegüxü̃. Natürü i pema rü nua pexĩ rü chixexü̃ nawa pexügü i ñaa chorü naane rü ngẽmaãcü naxchi choxü̃ pexaixẽxẽ i ñaa naane i choxrü ixĩxü̃.

Yeremía 10:16

Natürü nüma ya yima Acóbuarü Tupana ya naxücü i guxü̃ma i ñu̱xma ngẽxmagüxü̃ rü namaxü̃. Rü ngẽmaãcü tama namaxã nawüxigu i ngẽma naxchicüna̱xãgümare. Rü nüma ya Cori ya Tupana nixĩ i Iraétanüxü̃xü̃ naxunetaxü̃ nax norü duü̃xü̃gü yixĩgüxü̃ca̱x.