Ichaía 19:23 - Tupanaarü Ore

²³ Rü ngẽma ngunexü̃gu rü tá nangẽxma i wüxi i nama i mexü̃ i Equítuanewa ixügüxü̃ rü Achíriaanewa daxü̃. Rü ngẽxguma i Achíriaanecüã̱xgü rü tá tauxchaãcü Equítuanewa naxĩ, rü ngẽxgumarüxü̃ tá ta i nüma i Equítuanecüã̱xgü rü tauxchaãcü Achíriaanewa naxĩ. Rü wüxigu nügümaxã tá Tupanaxü̃ nicua̱xüü̃gü.

Ichaía 19:23 Referans Kwoze

Ichaía 11:16

Rü ngẽxguma Achíriaanewa nawoegu̱xgu i ngẽma noxretama i Tupanaarü duü̃xü̃gü i íyaxügüxü̃ rü tá namaxã inayarüxĩ i wüxi i nama i taxü̃ ga yexguma norü o̱xigü ga Iraétanüxü̃ Equítuanewa ichoxü̃gu nagu naxĩxü̃raxü̃xü̃.

Ichaía 27:13

Rü ngẽma ngunexü̃gu rü tá nagu nicue ya yimá cornéta ya tagane. Rü ngẽma Iraétanüxü̃ i Achíriaanegu woonexü̃ rü ñu̱xũchi ngẽma Equítuanewa gagüxü̃ rü tá Yerucharéü̃ca̱x nawoegu. Rü yima ma̱xpǘne ya üünenewa tá Cori ya Tupanaxü̃ nicua̱xüü̃gü.

Wiyaegü 87:4

Rü natanüwa i ngẽma duü̃xü̃gü i choxü̃ cua̱xgüxü̃ rü nangẽxma i duü̃xü̃gü i Equítuanegu buexü̃, rüe̱xna Babiróniaanegu buexü̃, rüe̱xna Firitéugüanegu buexü̃, rüe̱xna Tíruarü ĩanegu buexü̃ rüe̱xna Etiopíaanegu buexü̃. Rü wüxichigü i ngẽmagü rü poraãcü ngẽma ĩane i nagu nabuxü̃maxã nataãxẽ.

Ichaía 11:11

Rü ngẽxguma yimá Dabítaxa ingucuchigu nax ãẽ̱xgacü yixĩxü̃ca̱x rü nüma ya Cori ya Tupana rü tá wena inanawe̱x i norü pora. Rü wena tá nanangutaque̱xexẽxẽ i norü duü̃xü̃gü i Achíriaanewa, rü Equítuanewa, rü Patróxanewa, rü Etiopíaanewa, rü Eráü̃anewa, rü Chináxanewa, rü Amáanewa rü nachixü̃anegü i márcutüwa ngẽxmagüxü̃wa. Rü tá wena Iraéaneca̱x nanawoeguxẽxẽ.

Ichaía 19:24

Rü ngẽma ngunexü̃gu rü Iraéane rü Equítuanemaxã rü Achíriaanemaxã tá taãẽwa nangẽxmagü. Rü ngẽxguma i Iraéane rü tá wüxi i ngü̃xẽxẽ nixĩ naxca̱x i guxü̃ma i nachixü̃anegü i ñoma i naanewa ngẽxmagüxü̃.

Ichaía 49:7

Rü nüma ya Iraétanüxü̃arü Tupana ya Üünecü ya nüxü̃ rüngü̃xẽẽcü rü ñanagürü ta: —Pa Iraétanüxü̃x, ñu̱xma rü ngẽma togü i nachixü̃anecüã̱xgü rü poraãcü pexü̃ nacugüe, rü pexchi naxaie rü nügüme̱xẽwa penangexmagüxẽxẽ rü norü ãẽ̱xgacügüarü puracütanüxü̃ pixĩgü. Natürü wüxi i ngunexü̃ rü wenatáxarü peporae rü ngẽxguma pexü̃ nadaugügu i ngẽma togü i nachixü̃anegüarü ãẽ̱xgacügü rü pepe̱xegu tá nacaxã́pü̱xügü erü choma ya perü Tupana ya üünecü nax chixĩxü̃ rü pexü̃ chaxuneta nax chorü duü̃xü̃gü pixĩgüxü̃ca̱x. Rü choma rü guxü̃guma chayanguxẽxẽ i ngẽma nüxü̃ chixuxü̃ —ñanagürü.

Ichaía 49:11

Rü ma̱xpǘneanegu tá chayadaxẽxẽ i wüxi i nama rü tá ichayanawéanexẽxẽ i ngẽma namagü nax ngẽmagu pexĩxü̃ca̱x —ñanagürü ga Tupana.

Ichaía 62:10

¡Pa Yerucharéü̃cüa̱xgüx, ĩanearü ĩã̱xgüwa ípechoxü̃ rü penamexẽxẽ i ngẽma nama naxca̱x i petanüxü̃ i woeguxü̃! ¡Rü mea uãẽãcü penaxü̱x rü ípenawogü ya nutagü! ¡Rü penawãĩxnagü i wüxi i wonera nax nüxü̃ nadaugüxü̃ca̱x i ngẽma togü i nachixü̃anegü!

Ichaía 66:23

Rü wüxichigü ya tauemacüarü ügügu rü ñu̱xũchi wüxichigü i yüxüarü chabadugu rü guxü̃ma i duü̃xü̃gü rü tá nua naxĩ nax choxü̃ yacua̱xüü̃güxü̃ca̱x. Rü choma ya Cori ya Tupana nixĩ i ngẽma ñachaxü̃ —ñanagürü.

Miquéa 7:12

Marü tá nawa nangu i ngẽma ngunexü̃ i nagu cuwa tá naxĩxü̃ i guxü̃táma i nachixü̃anecüã̱xgü. Rü Achíriaanewa rü ñu̱xmata Equítuanewa tá ne naxĩ nax cuwa naxĩxü̃. Rü natü i Níruwa rü ñu̱xmata natü ya Eufrátewa tá ne naxĩ nax cuwa naxĩxü̃. Rü guxü̃ma i márpechinüwa tá ne naxĩ rü guxü̃nema ya ma̱xpǘneanegüwa tá ne naxĩ nax cuwa naxĩxü̃ca̱x.

Ichaía 2:3

Rü muxü̃tama i duü̃xü̃gü tá ínangugü rü ñanagürügü tá: —¡Ngĩxã, rü yima ma̱xpǘne i Cori ya Tupana íngexmaxü̃gu taxĩgü rü yima Acóbuarü Tupanapata ya taxü̃nena tangaicamagü nax nüma ngéma tüxü̃ nangúexẽẽxü̃ca̱x i norü ngúchaü̃ rü ngẽmaãcü nüma nanaxwa̱xexü̃ãcüma imaxẽxü̃ca̱x! —ñanagürügü tá. Erü yima ma̱xpǘne ya Chióü̃wa tá nango̱x i Cori ya Tupanaarü ngu̱xẽẽtae rü Yerucharéü̃wa tá ínaxũxũ i norü ore.