Ichaía 19:16 - Tupanaarü Ore

¹⁶ Rü ngẽma ngunexü̃gu i Equítuanecüã̱xgü rü ñoma ngexü̃gürüxü̃ tá poraãcü namuü̃e. Rü tá naba̱i̱xãchie i ngẽxguma nüxü̃ nadaugügu i ngẽma Cori ya Tupana ya Guxãétüwa ngẽxmacüarü pora i namaxã napoxcueãxü̃.

Ichaía 19:16 Referans Kwoze

Naúü̃ 3:13

Rü curü churaragü rü curü uanügüpe̱xewa rü ñoma ngexü̃gürüxü̃ nixĩgü. Rü cuchixü̃anewa ngẽxmagüne ya ĩanegüarü ĩã̱xgü rü curü uanügüca̱x rü nangeenügümare. Rü ngẽma norü wãxtaruü̃gü rü nixae.

Yeremía 51:30

Rü Babiróniaanearü churaragü rü marü ínayachaxãchigü nax norü uanügümaxã nügü nada̱i̱xü̃. Rü norü poxü̃güchicawa nangẽxmagümare rü marü nataxuma i norü pora. Rü ñoma ngexü̃gürüxü̃mare naturae. Rü Babiróniaanearü ĩanegügu nachocu i norü uanügü rü norü ĩpatagügu nachocu rü ínanagu.

Ichaía 11:15

Rü Cori ya Tupana rü tá nayawáxna i wüxi i nama i Már i Dauchíüxü̃wa. Rü taxtü i Eufráteétügu tá naxuchacüxü. Rü tá ínananguxẽxẽ ya wüxi ya poracü ya buanecü, rü yimá buanecümaxã tá taxtü i Eufráteétügu nicue rü tá 7 i nachacüüxü̃ nayangucuchixẽxẽ. Rü ngẽxguma tá nichoü̃ taxũtáma ínacuaixü̃ãcüma i norü chapatugü.

Ichaía 10:32

Rü ñu̱xma i ngẽma uanügü rü ĩane ya Nóxwa nayachaxãchitanü, rü wüxi i cua̱xruxü̃ nügüna naxãgü nax Yerucharéü̃arü ma̱xpǘne ya Chióü̃ca̱x íyaxüãchixü̃ nax tüxü̃ nada̱i̱xü̃ca̱x.

Popera ga Yudíugü ga yaxõgüxü̃ca̱x ümatüxü̃ 10:31

Rü wüxi i ãũcümaxü̃chixü̃ nixĩ nax Tupana ya Maxü̃cüme̱xẽgu iyi̱xixü̃ nax tüxü̃ napoxcuexü̃ca̱x.

Ichaía 30:17

Rü wüxitatama i perü uanü rü tá 1,000 i pema pexü̃ nibuxmüxẽxẽ. Rü ngẽxguma 5 yixĩxgu i perü uanügü rü guxãma i pema rü tá na̱xcha̱xwa pibuxmü. Rü noxretama i pema tá ípeyaxügü ñoma wüxi i wonerapaweru i nüxica ma̱xpǘneétügu puxü̃rüxü̃. Rü ñoma wüxi i naixmena̱xã i cua̱xruxü̃ i nüxica ma̱xpǘneétügu puxü̃rüxü̃ tá pixĩgü.

Wiyaegü 48:6

Rü poraãcü namuü̃e. Rü nanaxĩ̱xãchiãẽgü ñoma wüxi i nge i ixíxraxacüchaü̃cürüxü̃.

1 Corintios 2:3

Rü yexguma petanüwa chayexmagu rü cha̱u̱xca̱x rü nataxuma ga chorü pora rü pepe̱xewa chorü muü̃maxã chidu̱xrux.

2 Corintios 5:11

Toma rü aixcüma torü Corixü̃ tangechaxü̃ rü naga taxĩnüe. Rü ngẽmaca̱x norü orearü uwa tapuracüe rü tayaxucu̱xẽgü i duü̃xü̃gü nax yaxõgüãxü̃ca̱x. Rü nüma ya Tupana rü meama toxü̃ nacua̱x, rü chierüna pema rü ta toxü̃ pecua̱xgügux.

Ichaía 13:2

—¡Ma̱xpǘne ya máchaneétüwa penawe̱xnagü ya wonera ya daica̱x ícacü! ¡Rü penamuãchitanü i churaragü nax nügü nada̱i̱xü̃ca̱x! ¡Rü pewe̱xnagüchacüügü nax ngẽmaãcü Babiróniaarü ĩanegu pechocuxü̃ca̱x nawa i ngẽma ĩã̱xgü i ãẽ̱xgacügü nawa ichocuxü̃!

Ínachoxü̃xü̃chiga 11:6

Rü guxü̃ma i Equítuanewa i duü̃xü̃gü rü tá naxauxe erü ngúxü̃ ningegü. Rü nũxcüma rü taguma yemaacü ngúxü̃ ningegü ga duü̃xü̃gü, rü tagutáma wenaxarü ñuxgu nangẽxma”, ñanagürü ga Cori ya Tupana.

Abdía 1:9

Rü ĩane ya Temáü̃arü churaragü rü norü muü̃maxã tá nidu̱xrue. Rü Echaúarü máxpü̱xanexü̃wa rü guxü̃táma nayue rü taxũtáma maxü̃xü̃ i duü̃xü̃gü ínayaxü.

Chacaría 2:13

Rü name nax Cori ya Tupanape̱xewa narüchianegüxü̃ i guxü̃ma i ñoma i naanearü duü̃xü̃gü. Erü nüma rü nachica i üünexü̃wa ne naxũ nax tatanüwa naxũxü̃ca̱x.

Chacaría 10:11

Rü ngẽma már i Equítuanewa ngẽxmaxü̃wa rü tá nichoü̃. Rü norü yuape rü tá ichayanaxoxẽxẽ. Rü taxtü i Níru rü tá chayapachitamaxẽxẽ. Rü Achíriaanecüã̱xgü i nügü icua̱xüü̃güxü̃ rü tá chanaxãneexẽxẽ. Rü tá ichanaxoxẽxẽ i Equítuanearü pora.