Ichaía 19:14 - Tupanaarü Ore

¹⁴ Cori ya Tupana rü Equítuanearü ãẽ̱xgacügüna nanamu i wüxi i naãxẽ i ínatüexẽẽxü̃. Rü nümagü nixĩ i guxü̃wama guxchaxü̃wa nagagüãxü̃ i Equítuane. Rü ñoma wüxi i duü̃xü̃ i ngãxü̃xü̃ i nügü oxgüxü̃ rü ichü̱xacüüxü̃rüxü̃ nixĩ.

Ichaía 19:14 Referans Kwoze

2 Tesalonicenses 2:11

Rü ngẽmaca̱x ya Tupana rü nanangexrü i ngẽma duü̃xü̃gü nax ínatüexü̃ca̱x rü yaxõgüãxü̃ca̱x i ngẽma doramare ixĩxü̃.

Yeremía 25:27

Rü ñu̱xũchi Cori ya Tupana rü choxü̃ ñanagürü: —Pa Yeremíax, ¡namaxã nüxü̃ ixugü nax choma i Cori ya Tupana ya Guxãétüwa Ngẽxmacü ga Iraétanüxü̃arü Tupana ixĩcü, rü chanamu nax yaxaxgüãxü̃ca̱x rü nawa nangãxẽxü̃ca̱x rü nügü naxoxgüexü̃ca̱x rü waixü̃müanegu yayixü̃ca̱x nax ngẽmaãcü taguma ngéma inachigüxü̃ca̱x, nagagu i ngẽma dai i naxca̱x tá íchanguxẽẽxü̃.

Ore i mexü̃ ga Matéu ümatüxü̃ 17:17

Rü yexguma Ngechuchu nanangãxü̃, rü ñanagürü nüxü̃ ga yema duü̃xü̃gü ga yéma yexmagüxü̃: —Pa Duü̃xü̃gü i Tama Yaxõgüxü̃ i Chixri Maxẽxü̃, ¿ñuxguratáta i pemaxã chanuxmaxü̃ rü yáxna pemaxã chaxĩnüxü̃? ¡Nua penaga ya yimá bucü! —ñanagürü.

Yeremía 48:26

Moá rü marü Tupanamaxã nanu. Rü ngẽmaca̱x name i norü uanügü nanaxãnexẽxẽ rü nüxü̃ nacugüe ñoma wüxi i ngaxü̃xü̃xü̃ nacugüexü̃rüxü̃ i ngẽxguma norü oxüétüwa yadixegucüügu.

Ichaía 29:14

Rü ngẽmaca̱x i choma rü taxü̃ i cua̱xruü̃gü i chorü poramaxã chaxüxü̃ tá ñaa duü̃xü̃güxü̃ ichawe̱x nax ngẽmamaxã íchanaba̱i̱xgüexü̃ca̱x. Rü ngẽma norü ucu̱xẽruü̃gü i cua̱x nüxü̃́ ngẽxmagüxü̃ rü tá nüxü̃́ inarüxomare i norü cua̱x —ñanagürü ya Tupana.

Ichaía 19:2

Rü nüma ya Cori ya Tupana rü ñanagürü: —Choma rü tá chayatoye i Equítuanecüã̱xgü, rü norü duü̃xü̃gü rü tá nügü chanadaixẽxẽ. Rü nügümücü ixĩgüxü̃ i duü̃xü̃gü rü tá nügü chanadaixẽxẽ. Rü wüxi ya ĩanecüã̱xgü i duü̃xü̃gü rü nai ya ĩanecüã̱xgü i duü̃xü̃gümaxã tá nügü chanadaixẽxẽ, rü Equítuanecüã̱xgü rü tá to i nachixü̃anecüã̱xgümaxã nügü nadai.

Yox 12:16

Rü naxme̱xwa nangẽxma i guxü̃ma i pora rü guxü̃ma i cua̱x. Rü naxme̱xwa nixĩ i tangexmagüxü̃ ya yíxema tüxü̃ nawomüxẽẽgüxe rü ñu̱xũchi ngẽma womüxẽẽgüwa̱xexü̃.

Ãẽ̱xgacügü ga guxchaxü̃güarü mexẽxẽruü̃gü 9:23

Natürü Tupana rü chixexü̃ i naãxẽ Abimeréxwa rü Chiquéü̃cüã̱xgüwa ínangu̱xẽxẽ nax yemaacü ga Chiquéü̃cüã̱xgü rü Abimeréxmaxã nanuexü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 18:22

Rü yexguma ga Micaía rü Acáxü̃ ñanagürü: —Ñu̱xmawaxix nixĩ i nüxü̃ cucuáxü̃ nax nüma ya Cori ya Tupana rü curü orearü uruü̃gügu naxüaxü̃ i wüxi i naãxẽ i doramaxã idexaxü̃ rü curü yuchigaxü̃ cumaxã ixumarexü̃ —ñanagürü.

Ucu̱xẽgüchiga 12:8

Yimá yatü ya mea naãẽxü̃ cuácü, rü duü̃xü̃gü nüxü̃ nicua̱xüü̃gü naxca̱x i norü cua̱x. Natürü ngẽma yatü i tama naãẽxü̃ cuáxü̃, rü duü̃xü̃gü nüxü̃ naxoe.

Ichaía 3:12

Rü wüxi i buxü̃mare nixĩ i ngẽma chorü ĩanewa ãẽ̱xgacüwa nügü írüporaxü̃, rü ngexü̃gü nixĩ i ĩanemaxã icua̱xgüxü̃. Pa Chorü Ĩanecüã̱xgüx, ngẽma perü ãẽ̱xgacügü rü pexü̃ niwomüxẽẽgümare rü ñu̱xũchi chixexü̃ i nacümawa pexü̃ nagagü.

Ichaía 9:16

Rü ngẽma norü ãẽ̱xgacügü rü chixexü̃gu nanayixẽxẽ ga Iraétanüxü̃. Rü ngẽma duü̃xü̃gü i nawe rüxĩxü̃ rü düxwa inayarütauxe.

Ichaía 24:20

Rü ñoma i naane rü wüxi i ngãxü̃xü̃rüxü̃ tá nichü̱xacüxü, rü ñoma wüxi ya ĩpata ya chixri ipugüparanerüxü̃ tá nixĩã̱xcüxü. Erü norü duü̃xü̃güarü chixexü̃ rü poraãcü nataxüchi rü ngẽmaca̱x i ñoma i naane rü tá inayangu rü tagutáma wena ínarüda.