Ichaía 19:13 - Tupanaarü Ore

¹³ Rü ngẽma Choáü̃arü ãẽ̱xgacügü i tama naãẽxü̃ icuáxü̃ rü nanawomüxẽẽgü i ngẽma Ménfiarü ãẽ̱xgacügü. Rü ngẽma Equítuanearü ĩanegüarü ãẽ̱xgacügü rü guxchaü̃wa nanagagü i norü duü̃xü̃gü.

Ichaía 19:13 Referans Kwoze

Echequié 30:13

Rü choma ya Cori ya Tupana rü ñacharügü: ‘Choma rü tá nagu chipogügü i ngẽma Equítuanearü tupananetachicüna̱xãgü. Rü ĩane ya Ménfiwa tá chayanaxoxẽxẽ i ngẽma tupananetagü i ngéma ngẽxmagüxü̃. Rü Equítuane rü tá nangearü ãẽ̱xgacüã̱x. Rü choma rü tá chanamuü̃xẽxẽ i guxü̃ma i ngẽma duü̃xü̃gü i ngéma maxẽxü̃.

Yeremía 2:16

Rü yema Equítuanecüã̱xgü ga ĩanegü ga Ménficüã̱xgü rü Tafnéxcüã̱xgü rü pexü̃ narüporamaegü, Pa Iraétanüxü̃x.

Chacaría 10:4

Rü Yudátanüxü̃tanüwa tá nangóe i poraexü̃ i ãẽ̱xgacügü i chorü duü̃xü̃gümaxã tá icua̱xgüxü̃. Rü nümagü rü narüxü̃ tá nixĩgü ya yimá nuta ya nüxíra yaxǘcuchicü nax naxüaxü̃ca̱x ya wüxi ya ĩpata ya taxü̃ne. Rü ñoma norü tairuxü̃ ya yima ĩpata ya naxchirunaxca̱xrüxü̃ tá nixĩgü. Rü ñoma würa i daica̱x mexü̃rüxü̃ tá nixĩgü ya yima ãẽ̱xgacügü,

Yeremía 46:19

Pemax, Pa Equítuanecüã̱xgüx, ¡Pegü pimexẽxẽgü nax to i nachixü̃anewa pegagüxü̃ca̱x! Rü yima ĩane ya Ménfi rü tá chianexü̃xü̃ nayanguxuchi rü nachitaxü̃xica ngéma nayaxü rü taxúema nawa tamaxẽ.

Yeremía 46:14

Rü ñanagürü: —¡Penaxunagü i Equítuanewa rü ĩanegü ga Midóxwa, rü Tafnéxwa, rü Ménfiwa, rü ñaperügügü! ¡Pexuãxẽ rü ípemexẽxẽgü! Erü perü uanü i taramaxã daiwa ĩxü̃, rü poraãcü nanadai i duü̃xü̃gü i perü ĩanegüarü ngaicamana ngẽxmagünewa.

Ichaía 19:11

Pa Ĩane ya Choáü̃arü Ãẽ̱xgacügüx, pema nixĩ i Equítuanearü ãẽ̱xgacüarü ucu̱xẽruü̃gü i yexera cua̱x pexü̃́ ngẽxmagüxü̃, natürü tama aixcüma cua̱x pexü̃́ nangẽxma. ¿Rü tü̱xcüruxü̃ Faraóü̃maxã nüxü̃ pixu i ore i ñaxü̃?: —Tomagü rü nataagü tixĩgü i nũxcümaü̃güxü̃ ga ãẽ̱xgacügü ga cua̱x nüxü̃́ yexmaxü̃ —ñaxü̃.

Nüxíraxü̃xü̃ ga popera ga Pedru ümatüxü̃ 2:7

Rü pema nax nüxü̃́ peyaxõgüxü̃, rü pexca̱x rü namexẽchi ya yimá nuta. Natürü ngẽma tama yaxõgüxü̃ca̱x, rü taxuwama name. Rü ngẽmaca̱x Tupanaarü ore i ümatüxü̃wa rü ñanagürü: “Yimá nuta ya ĩpataarü üruü̃gü nüxü̃ oecü, rü yimáétüwa nixĩ inaxügüxü̃ ya chopata”, ñanagürü.

Romanos 1:22

Rü nügü yaxugüegu rü duü̃xü̃gü i nüxü̃ icuáxü̃ nixĩgü natürü taxuguma narüxĩnüe. Yerü nüxna nixĩgachitanü ga Tupana ya mexẽchicü ya taguma yucü, nax nawe naxĩxü̃ca̱x ga duü̃xü̃gü i yuxwa̱xexü̃chicüna̱xãgü, rü werigüchicüna̱xãgü, rü naẽü̃güchicüna̱xãgü, rü ãxtapegüchicüna̱xãgü.

Echequié 30:16

Rü Equítuane rü tá chayagu. Rü yima ĩane ya Chíü̃arü duü̃xü̃gü rü tá poraãcü ngúxü̃ ningegü. Rü yima ĩane ya Téba rü tá nagu napogü i norü poeguxü̃, rü yima ĩane ya Ménfi rü guxü̃gutáma guxchaxü̃wa nangẽxmaecha.

1 Chamué 14:38

Rü yemaca̱x ga Chaú rü ñanagürü: —¡Nua pexĩ i guxãma i pemax i churaragümaxã icua̱xgüxe, rü naxca̱x peda̱u̱x nax texé tixĩ ya yíxema ñu̱xma naxǘxe i ñaa pecadu!

Iraétanüxü̃arü muxchiga 24:17

Rü nüxü̃ chadau i ta̱xacü i yixcüra tá ngupetüxü̃, natürü taxũtáma paxa ínangu. Rü Iraétanüxü̃tanüwa tá nango̱x i wüxi i ãẽ̱xgacü i ñoma woramacuri ngóxü̃rüxü̃. Rü ngẽma ãẽ̱xgacü rü Moátanüxü̃xü̃ tá nadai rü tá inayanaxoxẽxẽ i guxü̃ma i Chéxtanüxü̃.

Yeremía 44:1

Ñaa nixĩ i Tupanaarü ore ga Yeremíamaxã nüxü̃ yaxuxü̃ naxca̱x ga guxü̃ma ga yema Yudíugü ga Equítuanewa yexmagüxü̃ ga ĩanegü ga Midóxwa, rü Tafnéxwa, rü Ménfiwa, rü ñu̱xũchi yema Yudíugü ga Equítuanearü súrwa yexmagüxü̃.

Echequié 30:14

Rü yima ĩane ya Patróx rü tá nagu chapogü, rü yima ĩane ya Choáü̃ rü tá chayagu, rü yima ĩane ya Téba rü tá chanapoxcu.

Ochéa 9:6

Rü ngẽxguma naxcha̱xwa pibuxmügu i ngẽma poxcu rü ngẽma Equítuanecüã̱xgü rü tá pexü̃ ínayauxü̃, rü norü ĩane ya Ménfigu tá pexü̃ nata̱xgü. Rü ngẽma perü meruü̃gü i diẽrumünaxca̱x rü yima pepatachicawa rü naxcu rü chuchuxü̃ tá narüxügü.