Ichaía 19:12 - Tupanaarü Ore

¹² ¿Pa Faraóü̃, ngexü̃gü nixĩ i ngẽma curü ucu̱xẽruü̃gü nax cuxü̃ nangu̱xẽẽgüxü̃ca̱x rü cumaxã nüxü̃ yaxugüxü̃ca̱x i ngẽma Cori ya Tupana ya Guxãétüwa Ngẽxmacüarü ĩnü i Equítuanemaxã naxüxchaü̃xü̃?

Ichaía 19:12 Referans Kwoze

1 Corintios 1:20

Rü ñu̱xmax, Pa Chauenexẽgüx, ¿Tupanape̱xewa rü ta̱xacüwa namexü̃ i ngẽma duü̃xü̃gü i nüxü̃ cua̱xüchixü̃? ¿Rü ta̱xacüwa namexü̃ i ngẽma ngúexẽẽxruü̃gü i Moiché ümatüxü̃ i mugüwa ngu̱xẽẽtaegüxü̃? ¿Rü ta̱xacüwa namexü̃ i ngẽma duü̃xü̃gü i mea nüxü̃ cua̱xgüxü̃ i ñoma i naanearü cuáchigagu nax yadexagüxü̃? Erü guxü̃ma i ngẽma cua̱x rü duü̃xü̃gü nagu rüxĩnüemarexü̃ nixĩ, rü Tupanaca̱x rü taxuwama name.

Romanos 9:17

Rü yexgumarüxü̃ ta ga Tupana rü norü ore i ümatüxü̃wa rü ñanagürü nüxü̃ ga Equítuanearü ãẽ̱xgacü: “Choma rü ãẽ̱xgacüxü̃ cuxü̃ chingucuchixẽxẽ nax cuwa duü̃xü̃güxü̃ nüxü̃ chadauxẽẽxü̃ca̱x i chorü pora. Rü ngẽmaãcü chanaxü nax guxü̃ i duü̃xü̃gü i guxü̃ i naanewa ngẽxmagüxü̃, nüxü̃ cuáxü̃ca̱x i chauchiga”, ñanagürü.

Yeremía 2:28

Pa Yudátanüxü̃x, ¿ngexü̃gü nixĩ i ngẽma tupananetachicüna̱xãgü ga pematama pexügüxü̃? Pema rü perü ĩanegüe̱xpü̱x nixĩ i ngẽma perü tupananetachicüna̱xãgü. ¡Ẽcü nua naxĩ i ngẽma naxchicüna̱xãgü nax nüxü̃ pedauxü̃ca̱x rü tá aixcüma pexü̃ yanangü̃xẽẽgü i ngẽxguma guxchaxü̃ pexca̱x ínguxgu!

Ichaía 44:7

¿Rü texé chomaxã tawüxigu? ¡Rü ẽcü chomaxã nüxü̃ tixu! ¿Rü texé tixĩ ga noxriarü ügügu nüxü̃ ixuxe i ngẽma tá ínguxü̃, rü ngẽma ngupetüchaü̃xü̃?

Ichaía 14:24

Cori ya Tupana ya Guxãétüwa Ngẽxmacü rü nanaxuegu rü ñanagürü: —Ngẽma choma chaxüxchaü̃xü̃ rü aixcüma tá chanaxü rü taxũtáma dora nixĩ. Rü ngẽma nagu charüxĩnüxü̃ rü aixcüma tá ningu.

Ichaía 5:21

¡Rü pegümaxã pengechaü̃gü erü pegügu perüxĩnüe nax duü̃xü̃gü i nüxü̃ cua̱xüchixü̃ pixĩgüxü̃ rü pegüca̱x rü duü̃xü̃gü i peãẽxü̃ icuáxe nax pixĩgüxü̃!

Ãẽ̱xgacügü ga guxchaxü̃güarü mexẽxẽruü̃gü 9:38

Rü Chebúx nanangãxü̃ rü ñanagürü: —¡Ñu̱xma idexa, Pa Ídexaechaxü̃! Cumax, nixĩ ga ñacuxü̃: “Abimeréx rü taxuxü̃ma nixĩ, rü taxuca̱xma norü mugüruü̃gü tixĩgü i yixemagü”, ñacuxü̃. ¡Rü ñu̱xma nüxü̃ nadau rü ngẽmagü nixĩ i churaragü i cuxca̱x taxuxü̃ma ixĩgüxü̃! ¡Rü inaxũãchi rü namaxã cugü yadai! —ñanagürü.

Abdía 1:8

Rü nüma ya Cori ya Tupana rü ñanagürü ta: —Rü ngẽma ngunexü̃ i nagu tá chanapoxcuxü̃ i Edóü̃anecüã̱xgü rü choma rü tá chanadai i norü duü̃xü̃gü i nüxü̃ icua̱xüchixü̃. Rü nüxna tá chanayaxu i norü cua̱x i ngẽma duü̃xü̃gü i Echaúarü ma̱xpǘanewa ngẽxmagüxü̃.