Ichaía 19:11 - Tupanaarü Ore

¹¹ Pa Ĩane ya Choáü̃arü Ãẽ̱xgacügüx, pema nixĩ i Equítuanearü ãẽ̱xgacüarü ucu̱xẽruü̃gü i yexera cua̱x pexü̃́ ngẽxmagüxü̃, natürü tama aixcüma cua̱x pexü̃́ nangẽxma. ¿Rü tü̱xcüruxü̃ Faraóü̃maxã nüxü̃ pixu i ore i ñaxü̃?: —Tomagü rü nataagü tixĩgü i nũxcümaü̃güxü̃ ga ãẽ̱xgacügü ga cua̱x nüxü̃́ yexmaxü̃ —ñaxü̃.

Ichaía 19:11 Referans Kwoze

Iraétanüxü̃arü muxchiga 13:22

Rü yema chianexü̃ ga Néguewaama nachocu rü ñu̱xmata ĩane ga Ebróü̃wa nangugü. Rü guma ĩanegu nixĩ ga naxãchiü̃güxü̃ ga Aimáü̃tanüxü̃, rü Checháitanüxü̃ rü Tarmáitanüxü̃ ga Anáxtaagü ixĩgüxü̃. Rü guma ĩane ga Ebróü̃ rü marü nũxcüma naxü. Rü marü 7 ga taunecü nüxíra naxü naxü̃pa ga guma ĩane ga Choáü̃ ga Equítuanewa yexmane.

Ngechuchuarü ngúexü̃gü ga yamugüxü̃arü puracüchiga 7:22

Rü yemaacü Moichéxü̃ nangu̱xẽẽgü ga guxü̃ma ga Equítuanecüã̱xarü cua̱x. Rü nüma ga Moiché rü norü dexawa rü yema naxüxü̃wa rü wüxi ga yatü ga poracü nixĩ.

Ichaía 30:4

Rü woo i pema rü Equítuanearü ĩanegü ga Choáü̃wa rü Anéwa penamugü i perü orearü ngeruü̃gü, natürü guxü̃ma i ngẽmagü rü taxuwama pexü̃́ name. Erü ngẽma nachixü̃ane i turaxü̃ rü taxũtáma pexü̃ ínapoxü̃, rü guxchaxü̃ rü ãnexicatama tá pexca̱x ínangu̱xẽxẽ —ñanagürü ga Tupana.

Wiyaegü 78:43

Rü nüxü̃ narüngümae ga yema taxü̃ ga mexü̃gü ga Equítuanewa naxca̱x naxüxü̃.

Nüxíraxü̃xü̃ ga popera ga ãẽ̱xgacügüchiga 4:30

Rü yemaacü ga Charomóü̃arü cua̱x rü Equítuanecüã̱xgüarü cua̱xü̃ nangupetü, rü yema duü̃xü̃gü ga éstewaama yexmagüxü̃arü yexera nixĩ ga norü cua̱x.

Wiyaegü 78:12

Rü Equítuanewa ga Choáü̃anewa rü Tupana rü aixcüma taxü̃ ga mexü̃ naxü nape̱xewa ga norü o̱xigü.

Echequié 30:14

Rü yima ĩane ya Patróx rü tá nagu chapogü, rü yima ĩane ya Choáü̃ rü tá chayagu, rü yima ĩane ya Téba rü tá chanapoxcu.

Echequié 7:26

Rü nügüwe tá naxãgü i ngẽma guxchaxü̃gü i Yerucharéü̃cüã̱xgüca̱x ínguxü̃. Rü ngẽxgumarüxü̃ ta i ngẽma chixexü̃ i nachigagü rü tá nügüwe naxãgü. Rü tá naxca̱x nadaugü i wüxi i chorü orearü uruxü̃ nax ngẽma namaxã nüxü̃ ixuxü̃ca̱x nax ta̱xacüchiga yixĩxü̃ i ngẽma ngupetüxü̃. Natürü i ngẽma rü tá natüca̱xmamare nixĩ. Rü nataxutama i chacherdótegü i nangúexẽxẽxü̃ rü bai i yaxguã̱xgü i tayaxucu̱xẽgüxü̃.

Yeremía 49:7

Ñaa nixĩ i Cori ya Tupana ya Guxãétüwa Ngẽxmacüarü ore nachiga i Edóü̃ane. Rü ñanagürü: —Yima ĩane ya Temáü̃wa rü marü nataxuma i duü̃xü̃gü i aixcüma nüxü̃ cua̱xüchixü̃. Rü ngẽma nüxü̃ cuáxüra rü tama nüxü̃ nacua̱x i ta̱xacü tá naxügüxü̃. Rü Temáü̃wa nataxuma i duü̃xü̃gü i aixcüma nüxü̃ cuáxü̃ nax naxucu̱xẽãxü̃ i duü̃xü̃gü.

Yeremía 10:21

Rü ngẽma ñaa duü̃xü̃gümaxã icua̱xgüxü̃ rü naechitamare namaxẽ, rü tama Cori ya Tupanaca̱x nadaugü. Rü ngẽmaca̱x nixĩ i nagu yanachixegüxü̃, rü ñu̱xũchi nawoonexü̃ i ngẽma norü duü̃xü̃gü.

Yeremía 10:14

Rü guxü̃ma i duü̃xü̃gü rü taxuxü̃ma nacua̱x rü naechitamare namaxẽ. Rü ngẽma naxchicüna̱xãgü rü tama tüxü̃ narüngü̃xẽxẽ ya yíxema naxügüxe. Rü ngẽma naxchicüna̱xãgü rü womüxẽẽruü̃mare nixĩgü, erü ningearü maxü̃ã̱x.

Ichaía 44:25

Rü ngẽma orearü uruü̃güneta rü ngẽxguma nüxü̃ yaxugüegu nax ta̱xacü tá ngupetüxü̃, rü choma rü nüxü̃́ ichayanaxoxẽxẽ nax tama yanguxü̃ca̱x i ngẽma nüxü̃ yaxugüexü̃. Rü ngẽma ẽxü̃guxü̃xü̃ cua̱xgüxü̃ rü choma nixĩ ichanatoõẽmarexü̃ nax tama nüxü̃ nacua̱xgüxü̃ca̱x i ta̱xacüchiga yixĩxü̃ i ngẽma nüxü̃ yaxugüexü̃. Rü ngẽma duü̃xü̃gü i cua̱x nüxü̃́ ngẽxmagüxü̃ rü choma nixĩ i nügümaxãtama chanaxutagagüxẽẽxü̃ nax ngẽma norü cua̱x rü taxuwama namexü̃.

Ichaía 29:14

Rü ngẽmaca̱x i choma rü taxü̃ i cua̱xruü̃gü i chorü poramaxã chaxüxü̃ tá ñaa duü̃xü̃güxü̃ ichawe̱x nax ngẽmamaxã íchanaba̱i̱xgüexü̃ca̱x. Rü ngẽma norü ucu̱xẽruü̃gü i cua̱x nüxü̃́ ngẽxmagüxü̃ rü tá nüxü̃́ inarüxomare i norü cua̱x —ñanagürü ya Tupana.

Ichaía 19:13

Rü ngẽma Choáü̃arü ãẽ̱xgacügü i tama naãẽxü̃ icuáxü̃ rü nanawomüxẽẽgü i ngẽma Ménfiarü ãẽ̱xgacügü. Rü ngẽma Equítuanearü ĩanegüarü ãẽ̱xgacügü rü guxchaü̃wa nanagagü i norü duü̃xü̃gü.

Ichaía 19:3

Rü tá íchananu̱xãẽxẽẽgü nax tama naãẽxü̃ yacuáxü̃ca̱x. Rü ngẽma nagu naxĩnüexü̃ rü tá nüxü̃́ nagu chanachixexẽxẽ. Rü ngẽmaca̱x i nümagü rü tá norü tupananetachicüna̱xãgüna rü yuüxü̃güna nacagü. Rü tá yuetaãẽca̱x nangemagü nax nüxna nacagüxü̃ca̱x. Rü ñu̱xũchi duü̃xü̃gü i ẽxü̃guxü̃arü uruü̃güna tá nacagü.

Ucu̱xẽgüchiga 30:2

Norü orewa rü ñanagürü: —Pemaxã nüxü̃ chixu rü choma rü guxü̃ i duü̃xü̃güarü yexera taxuxü̃ma cuáxe chixĩ i Tupanachiga. Rü choma nax duü̃xü̃mare chixĩxü̃ rü chowa nataxuma i ngẽma cua̱x.

Wiyaegü 92:6

Rü ngẽma tama naãẽxü̃ icuáxü̃xicatama nixĩ i tama nüxü̃ cua̱xgüchaü̃xü̃ nax namexẽchixü̃ i curü puracü.

Wiyaegü 73:22

Yerü wüxi ga ngeãẽmarexü̃ chixĩ ga yexguma rü tama chauãẽxü̃ chacua̱x. Rü cupe̱xewa, Pa Tupanax, rü ñoma wüxi ga naeü̃rüü̃mare chixĩ.

Wiyaegü 33:10

Rü nüma ya Cori ya Tupana rü nagu nayanaxoxẽxẽ i ngẽma nagu naxĩnüexü̃ i ngẽma duü̃xü̃gü i tama nüxü̃́ yaxõgüxü̃.

Yox 12:17

Rü ngẽma nüxü̃ cua̱xüchigüxü̃ rü Tupana nüxna nanayaxu i ngẽma norü cua̱x. Rü ñu̱xũchi ngẽma guxchaxü̃arü mexẽẽruü̃gü rü Tupana nanatoãẽgü nax tama naãẽxü̃ yacuáxü̃ca̱x.

Yeremía 8:9

Natürü ngẽma nüxü̃ icuáxü̃ rü tá naxãnee, rü tá namuü̃e ñoma naeü̃ i yütagu nguxü̃rüxü̃. ¿Rü ngexü̃ i perü cua̱x i ñu̱xma nax tama penayauxgüxü̃ i ngẽma chorü ore?

Yeremía 46:17

Rü duü̃xü̃gü rü tagaãcü ñanagürügü: “Nüma i Equítuanearü ãẽ̱xgacü i Faraóü̃ rü nidexaechamare, natürü tama ngẽma ngunexü̃ i nagu naxunetaxü̃gu nayanguxẽxẽ i ngẽma nüxü̃ yaxuxü̃”, ñanagürügü.

Echequié 28:17

Rü yema nax cumexẽchixü̃gagu cugü quicua̱xüxü̃ rü nüxü̃ curüngü̃ma i curü cua̱x. Rü yemaca̱x ga choma rü cuxü̃ chiwa̱xẽxẽ nax wüxi ga cugüruxü̃ quixĩxü̃ca̱x nape̱xewa ga yema togü ga nachixü̃anegüarü ãẽ̱xgacügü.

Abdía 1:7

Rü guxü̃ma ga yema nachixü̃anegü ga cuxü̃ ípoxü̃güchiréxü̃, rü ñu̱xma rü curü naanewa cuxü̃ ínata̱xüchigü. Rü woo ngẽma cumücügüxüchi ixĩgüxü̃ rü cumaxã narüxuanügü. Rü ngẽma cumücügü i nagu cuyaxõxü̃ rü guxchaxü̃ cuxca̱x ínanguxẽxẽ. ¡Pa Edóü̃x, cuma rü tama cua̱x cuxü̃́ nangẽxma! —ñanagürü ga Tupana.

Ínachoxü̃xü̃chiga 8:4

Rü ngẽma cururugü rü tá cuxna niyuxgüetanü. Rü curü ngü̃xẽẽruü̃gü i ãẽ̱xgacügüna rü guxü̃ma i curü duü̃xü̃güna tá niyuxgüetanü’, ñanagürü cuxü̃ ya Cori ya Tupana” —ñanagürü ga Tupana.

Ínachoxü̃xü̃chiga 8:14

Rü ga duü̃xü̃gü rü nanade ga yema yuexü̃ ga cururugü, rü nananutaque̱xe. Rü guxü̃wama namaxã nayipetüane.

Nüxíraxü̃xü̃ ga popera ga ãẽ̱xgacügüchiga 5:10

Rü yemaacü ga Iráü̃ rü Charomóü̃na nanana ga guxü̃ma ga yema ocayiwapüta rü pinupüta ga nanaxwa̱xexü̃.

Abdía 1:8

Rü nüma ya Cori ya Tupana rü ñanagürü ta: —Rü ngẽma ngunexü̃ i nagu tá chanapoxcuxü̃ i Edóü̃anecüã̱xgü rü choma rü tá chanadai i norü duü̃xü̃gü i nüxü̃ icua̱xüchixü̃. Rü nüxna tá chanayaxu i norü cua̱x i ngẽma duü̃xü̃gü i Echaúarü ma̱xpǘanewa ngẽxmagüxü̃.