Ichaía 18:6 - Tupanaarü Ore

⁶ Rü ngẽxgumarüxü̃ tá ta nixĩ i ngẽma duü̃xü̃gü nax máxpü̱xanexü̃wa nawogümarexü̃ nax ngurucugü rü dauxchitacüã̱x i naeü̃gü namaxã ãwemügüxü̃ca̱x. Rü ngẽxguma taunecügu rü ngurucugü rü ngéma tá nangẽxmagü. Rü yimá tauemacügü i nagu nagáuanecügu rü guxü̃ma i ngẽma naeü̃gü i dauxchitacüã̱x rü ngéma tá namaxã naxãwemügü —ñanagürü ya Tupana.

Ichaía 18:6 Referans Kwoze

Yeremía 7:33

Rü tümaxü̃negü ya yíxema yuexe rü ngurucugüwemü rü naeü̃gü i idüraexü̃wemü tá nixĩgü. Rü taxúetama ya texé tayabuxmüxẽxẽ i ngẽma ngurucugü rü ngẽma naeü̃gü i tüxü̃ ngõ̱xgüxü̃ ya yíxema yuexe.

Yeremía 15:3

Rü choma ya Cori ya Tupana rü nüxü̃ chixu rü ñachagürü: —Naxãgümücüraü̃xü̃ i poxcu tá pexca̱x íchanguxẽxẽ. Rü daigu tá pexü̃ nadai, rü airugü tá pexü̃ nitúgü, rü ngurucugü tá pexü̃ nangõ̱xgü, rü ñu̱xũchi naeü̃gü i idüraexü̃ tá pexü̃ nangõ̱xcu.

Ichaía 56:9

Rü nüma ya Tupana rü ñanagürü: —Pa Iraétanüxü̃arü Uanügüx, ¡nua pexĩ rü ñoma naeü̃gü i düraexü̃rüxü̃ naxca̱x ípeyaxüãchi rü peyadai i chorü duü̃xü̃gü!

Ichaía 14:19

Natürü i cuma rü cuxmaxü̃arü yáxü̃wa tá cuxü̃ nayata̱xgümare ñoma wüxi i guxchire iyixanexü̃rüxü̃ rü ñoma wüxi i yuxü̃ i nawa nangagümarexü̃rüxü̃. Rü duü̃xü̃gü i nada̱i̱xü̃ rü ínadaü̃naagüxü̃tanüwa tá cungexma nax wüxigu namaxã ngẽma ãxmaxü̃ i nutamaxã ããcuxü̃gu cuxü̃ yata̱xcuchigüxü̃ca̱x.

Ichaía 23:13

¡Dücax, Pa Tírucüã̱x rü Chidóü̃cüã̱x, ga yema Babiróniamaxã ngupetüxü̃! Rü yema norü duü̃xü̃gü rü marü natauxe yerü yema Achíriaanecüã̱xgü rü naxca̱x ínayaxüãchi rü nagu napogüe ga guma ĩane wüxigu namaxã ga norü ãẽ̱xgacüpataxü̃gü. Rü ñu̱xma rü ngẽma naeü̃gü i idüraexü̃ i chianexü̃cüã̱x rü ngẽma nachicawa namaxẽ.

Ichaía 46:11

Rü choma rü éstewa naxca̱x chaca i Pérchiaarü ãẽ̱xgacü i Chíru. Rü nüma rü tá yáxü̃wa ne naxũ nax naxüaxü̃ca̱x i ngẽma choma nagu charüxĩnüxü̃. Rü nüma rü ñoma ĩyü i poraxüchixü̃rüxü̃ tá nixĩ. Rü choma rü ngẽma nüxü̃ chixuxü̃ãcü tá chanaxü.

Yeremía 16:4

Rü da̱xaweanegü i ãũcümaxü̃maxã tá nayue, rü taxúetama naxca̱x taxauxe, rü bai tá texé inata̱xgüxü̃. Rü ñoma naü̃rüxü̃ tá waixü̃müanewa nawogümare. Rü daigu tá nayue, rü ñu̱xũchi taiyamaxã tá nayue. Rü ngẽma naxü̃negü rü ngurucugü rü naeü̃gü i idüraexü̃ tá nanangõ̱xgü —ñanagürü.

Echequié 31:13

Rü ngẽxguma yawa̱xgu rü guxü̃raxü̃xü̃ i werigü rü tá nagu nayaxüxchiãü̃gü rü guxü̃raxü̃xü̃ i naeü̃gü i naixnecücüã̱x rü tá ngéma naxĩ rü nachacüügu nayacagü.