Ichaía 18:2 - Tupanaarü Ore

² Etiopíaane rü taxtü i Nírugu dexnemena̱xãnaxca̱x i naweü̃gu nanamuãchitanü i norü orearü ngeruü̃gü nax guxü̃wama ngü̃xẽẽca̱x íyaca̱xaxü̃ca̱x. Rü pemax, Pa Orearü Ngeruxü̃güx ya Paxa Ixĩxex, rü name nixĩ nax paxa naxü̃tawa pexĩxü̃ i ngẽma duü̃xü̃gü i máchanexü̃ rü ngoracha̱xmügüxü̃ rü iporaxüchixü̃ i guxãma ya to i nachixü̃anecüã̱xgü ya duü̃xẽgü nüxü̃ muü̃exü̃ rü naane i muarü natüã́xü̃gu ãpatagüxü̃.

Ichaía 18:2 Referans Kwoze

Ichaía 18:7

Rü ngẽma ngunexü̃gügu rü Cori ya Tupana ya Guxãétüwa ngẽxmacüxü̃tawa tá nanana i norü ãmaregü i ngẽma duü̃xü̃gü i máxchanexü̃ rü ingoracha̱xmüxü̃güxü̃ rü iporaxüchixü̃ rü nügü írütagüxü̃ rü guxãma ya to i nachixü̃anecüã̱xgü nüxü̃ muü̃xexü̃ i naane i natügü nawa muxũchixü̃gu ãpatagüxü̃. Rü ngẽma duü̃xü̃gü rü yima ma̱xpǘne ya Chióü̃ i Cori ya Guxãétüwa Ngẽxmacüxü̃ iyacua̱xüü̃guxü̃wa tá nanana i norü ãmaregü.

Norü taxre ga to ga popera ga ãẽ̱xgacügüchiga ümatüxü̃ 16:8

¿Rü tama ẽ̱xna nüxna cucua̱xãchi ga yema namaxã ngupetüxü̃ ga yema Etiopíaanecüã̱xgü rü Líbiaanecüã̱xgüarü churaragü ga iporaxüchixü̃ ga yexguma guxü̃ma ga norü cowarugümaxã rü carugü ga cowaru itúgünemaxã cuxca̱x íyaxüãchigu? Natürü nüma ga Cori ya Tupana rü cuxü̃ narüngü̃xẽxẽ rü cuxme̱xgu nanayixẽxẽ, yerü nüxü̃́ cuyaxõ.

Norü taxre ga to ga popera ga ãẽ̱xgacügüchiga ümatüxü̃ 14:9

Natürü ga Chéra ga Etiopíaanearü ãẽ̱xgacü rü Acháca̱x ínayaxü̃achi namaxã ga 1’000,000 ga norü churaragü. Rü nüxü̃́ nayexma ga 300 ga carugü ga cowaru itúgüne. Rü nüma rü marü Marecháwa nangu.

Echequié 30:9

Rü ngẽma Etiopíaanecüã̱xgü rü norü poragu nayaxõgü. Natürü ngẽxguma chanapoxcuegu i Equítuane rü choma rü tá márgu chayamugü i orearü ngeruü̃gü nax ngẽma Etiopíaanecüã̱xgüxü̃ namuü̃exẽẽxü̃ca̱x. Rü ngẽma ngunexü̃ rü marü ningaica.

Ínachoxü̃xü̃chiga 2:3

Natürü taxucürüwa yexü̃cürü tüxü̃ iyacúecha. Rü yemaca̱x inayaxu ga wüxi ga pexchi ga dexnenaxca̱x rü o̱xwümaxã inawacuchita nax tama dexá ixücuxü̃ca̱x. Rü ñu̱xũchi yexma tüxü̃ iyamue ga guxema ngĩne, rü dexnenecügu tüxü̃ iyangütaü̃xẽxẽ ga taxtü ga Nírupechinüwa.

Ore i mexü̃ ga Luca ümatüxü̃ 10:19

Rü choma rü marü pexna chanaxã ga pora nax tama ta̱xacürü chixexü̃ pemaxã naxügüxü̃ca̱x ega woo ãxtapegüwa rüe̱xna tuxchinawegüwa pengagügu. Rü yexgumarüxü̃ ta pexna chanaxã ga pora nax nüxü̃ perüyexeraxü̃ca̱x i guxü̃ma i Chatanáarü pora nax tama ta̱xacürü chixexü̃ pemaxã naxüxü̃ca̱x.

Yox 9:26

Rü ñoma wapuru i poraxüchixü̃rüxü̃ paxãma inaxĩ i chorü ngunexü̃gü. Rü ñoma wüxi i ĩyü i nawemüwe ngexü̃rüüxü̃ paxãma inaxĩ.

Yeremía 49:14

Marü chauxü̃tawa nangu ga Cori ya Tupanaarü ore ga ñaxü̃: —Wüxi i orearü ngeruxü̃ rü tá guxü̃ i nachixü̃anegümaxã nüxü̃ nixuchigü i ore i ñaxü̃: “¡Pegümaxã pengutaque̱xegü nax Edóü̃aneca̱x ípeyaxüãchixü̃ca̱x! ¡Pegü pimexẽxẽgü nax Edóü̃maxã pegü pedaixü̃ca̱x! ñaxü̃.

Abdía 1:1

Nango̱xetü ga Adía, rü Cori ya Tupana nüxü̃ nüxü̃ nacua̱xẽxẽ nax ta̱xacü tá nüxü̃ ngupetüxü̃ ga Edóü̃ane. Rü nüma ga Adía rü duü̃xü̃gümaxã nüxü̃ nixu rü ñanagürü: —Marü nüxü̃ taxĩnüe ga Cori ya Tupanaarü ore yerü guxü̃ ga nachixü̃anewa nanamu ga norü orearü uruxü̃ nax namaxã nüxü̃ yaxugüxü̃ca̱x: “¡Ngĩxã itaxĩãchi nax Edóü̃anecüã̱xmaxã yigü ida̱i̱xü̃ca̱x!” —ñanagürü.

Abacú 1:7

Rü niporaxüchi rü nixãũcümaxü̃chi, rü ngẽma norü mugüxicatama nixĩ i naga naxĩnüexü̃. Rü tama naga naxĩnüe i togü i mugü.