Ichaía 18:1 - Tupanaarü Ore

¹ ¡Nügümaxã nangechaü̃ i ngẽma nachixü̃ane i munü nawa muxũchixü̃ i Etiopíaanearü natügüarü yexerawa ngẽxmaxü̃!

Ichaía 18:1 Referans Kwoze

Chofonía 3:10

Rü ngẽma Etiopíaanearü natügüarü tocutügu woonexü̃ i chorü duü̃xü̃gü rü nua tá naxĩ norü ãmaregümaxã. Rü choxna tá nayacagü nax nüxü̃ charüngü̃xẽxẽxü̃ca̱x.

Norü taxre ga popera ga ãẽ̱xgacügüchiga 19:9

Rü yexguma yéma nayexmayane rü nüma ga Achíriaanearü ãẽ̱xgacü rü nüxü̃ naxĩnüchiga rü Etiopíaanearü ãẽ̱xgacü ga Tiráca rü naxca̱x ínayagoõchichaü̃. Natürü nüma ga Achíriaanearü ãẽ̱xgacü ga Chenáqueri rü wenaxarü norü duü̃xü̃güxü̃ namuama nax Yudáanearü ãẽ̱xgacü ga Echequíaxü̃tawa nangegüãxü̃ca̱x ga popera ga ñaxü̃: —Curü Tupana ya nüxna curüyoecü rü cumaxã nüxü̃ nixu rü yima ĩane ya Yerucharéü̃ rü taxũtáma cho̱xme̱xgu nax nanguxü̃. ¡Natürü taxṹ i cugü cuwomüxẽxẽxü̃ ya yimá curü Tupana!

Chofonía 2:12

Rü ngẽxgumarüxü̃ tá ta i pemax, Pa Etiopíaanecüã̱xgüx, rü Cori ya Tupanaarü taragu tá peyue.

Ore i mexü̃ ga Matéu ümatüxü̃ 23:37

Rü ñanagürü ta ga Ngechuchu: —Pa Yerucharéü̃cüã̱x, pema penadai i Tupanaarü orearü uruü̃gü, rü nutamaxã ípenamuxũchigü i ngẽma orearü ngeruü̃gü ya Tupana pexü̃tawa mugüxü̃. Rü ñuxree̱xpü̱xcüna wüxigu chaugüxü̃tagu pexü̃ chanutaque̱xexẽẽchaü̃ ñoma wüxi i ota i naxacüxegü nügütüü̃gu tüxü̃ nutaque̱xexü̃rüxü̃. Natürü pema rü tama penaxwa̱xe.

Echequié 30:9

Rü ngẽma Etiopíaanecüã̱xgü rü norü poragu nayaxõgü. Natürü ngẽxguma chanapoxcuegu i Equítuane rü choma rü tá márgu chayamugü i orearü ngeruü̃gü nax ngẽma Etiopíaanecüã̱xgüxü̃ namuü̃exẽẽxü̃ca̱x. Rü ngẽma ngunexü̃ rü marü ningaica.

Ichaía 31:1

Wüxi i taxü̃ i ngechaü̃ nixĩ naxca̱x i ngẽma Iraétanüxü̃ i Equítuanegu ngü̃xẽẽca̱x yadaugüxü̃. Nümagü rü nagu nayaxõgü ya yima muxũchine ya Equítuanearü carugü rü muxũchixü̃ i churaragü i cowaruétügu ĩxü̃. Natürü tama naga naxĩnüechaü̃ ya yimá norü Tupana ya üünecü, rü tama norü ucu̱xẽca̱x nadaugü.

Wiyaegü 91:4

Rü nüma rü tá nügüpe̱xátütüü̃wa cuxü̃ nangẽxmaxẽxẽ rü ngéma rü taxuxü̃táma cuxü̃ nangupetü. Rü nüma rü tá aixcüma cuxna nadau rü tá cuxü̃ ínapoxü̃.

Wiyaegü 63:7

Rü cuxpe̱xatügütüü̃gu tá chawiyae, erü cuma nixĩ i choxü̃ curüngü̃xẽxẽxü̃.

Wiyaegü 61:4

Rü chanaxwa̱xe nax guxü̃gutáma cupatawa changexmaxü̃ nax ngéma cuxpe̱xatütüü̃gu chicúxü̃ca̱x.

Wiyaegü 57:1

¡Cuxü̃́ changechaü̃tümüxü̃, Pa Chorü Tupanax, cuxü̃́ changechaü̃tümüxü̃! Erü cuxca̱x chiña nax choxü̃ ícupoxü̃xü̃ca̱x. Rü cuxpe̱xatütüü̃gu chaugü chicúxchaü̃ ñu̱xmatáta nangupetü i ngẽma ãũcümaxü̃.

Wiyaegü 36:7

Rü ngẽma curü ngechaü̃, Pa Tupanax, rü namexẽchi. Rü ngẽmaca̱x i duü̃xü̃gü rü cuxpe̱xatütüxü̃ca̱x nibuxmü nax ícupoxü̃xü̃ca̱x.

Wiyaegü 17:8

¡Rü choxna nadau ñoma cugüpü̱xüxetüna cudauxü̃rüxü̃! ¡Rü choxü̃ ídüxü namaxã ya cuxpe̱xatügü!

Rux 2:12

¡Rü Tupana cuxü̃́ naxütanü i ngẽma! ¡Rü nüma ya Cori ya Iraéanecüã̱xgüarü Tupana ga norü ngü̃xẽẽca̱x cudaucü cuxü̃́ naxütanü naxca̱x ga guxü̃ma ga yema mexü̃ ga cuxüxü̃! —ñanagürü.

Ichaía 37:9

Rü yexguma yéma nayexmayane ga nüma ga Achíriaanearü ãẽ̱xgacü rü yéma nüxü̃ naxĩnüchiga nax Etiopíaanearü ãẽ̱xgacü ga Tiráca rü naxca̱x nax ínayagoõchichaü̃xü̃. Natürü nüma ga ãẽ̱xgacü ga Achíriaanecüã̱x ga Chenáqueri rü wenaxarü norü duü̃xü̃güxü̃ namuama nax Yudáanearü ãẽ̱xgacü ga Echequíaxü̃tawa nangegüãxü̃ca̱x ga popera ga ñaxü̃: —Curü Tupana ya nüxü̃́ cuyaxõcü rü cumaxã nüxü̃ nixu ya yima ĩane ya Yerucharéü̃ rü taxũtáma cho̱xme̱xgu nax nanguxü̃. ¡Natürü taxṹ i cugü cunawomüxẽxẽxü̃ ya yimá curü Tupana!

Ichaía 45:14

Rü nüma ya Tupana rü Iraétanüxü̃xü̃ ñanagürü ta: —Ngẽma Equítuanecüã̱xgü i naanewa puracüexü̃, rü ngẽma Etiopíaanecüã̱xgü i taxetanüxü̃, rü ngẽma Chabácüã̱xgü i imáchanexü̃chixü̃ rü tá cuxme̱xwa nangẽxmagü. Rü cadénamaxã íchotachacüüãcü tá cuwe narüxĩ. Rü cupe̱xegu tá nacaxã́pü̱xügü rü ñanagürügü tá: “Aixcümaxü̃chi nixĩ i cutanüwa nangẽxmaxü̃ ya Tupana rü nataxuma i to ya Tupana”, ñanagürügü tá —ñanagürü ga Tupana.