Ichaía 17:2 - Tupanaarü Ore

² Rü yima ĩane rü ngéma nata̱xmare rü maxẽnecüxü̃ tá nixĩ i nachitaxü̃. Rü naxü̃nagü rü ngéma tá mea nayachibüe rü taxúema tá tanachixewe.

Ichaía 17:2 Referans Kwoze

Echequié 25:5

Rü yima perü ĩane ya Rabá rü tá maxẽnecüxü̃ chayaxĩxẽxẽ nax caméyugü nawa chibüexü̃ca̱x. Rü choma rü tá carnérugüarü pegüchicaxü̃ chayaxĩxẽxẽ i ngẽma pechixü̃ane, Pa Amóü̃tanüxü̃. Rü ngẽmaãcü tá nüxü̃ picua̱xãchitanü nax choma yixĩxü̃ i Iraétanüxü̃arü Cori ya Tupana”.

Yeremía 7:33

Rü tümaxü̃negü ya yíxema yuexe rü ngurucugüwemü rü naeü̃gü i idüraexü̃wemü tá nixĩgü. Rü taxúetama ya texé tayabuxmüxẽxẽ i ngẽma ngurucugü rü ngẽma naeü̃gü i tüxü̃ ngõ̱xgüxü̃ ya yíxema yuexe.

Chofonía 2:6

Rü ngẽma nachixü̃ane i márcutüwa ngẽxmaxü̃arü naane rü maxẽmaxã tá narüxü. Rü ngẽma carnérugüarü dauruü̃gü rü ngẽxma tá nangutaque̱xegü namaxã i norü carnérugü. Rü ngẽxma tá nayaxüxpüxü̃ i norü carnérugü —ñanagürü.

Miquéa 4:4

Rü guxãtáma taxũtáma muü̃eãcü tamaxẽ. Rü wüxíechigü rü tá tümaarü úbapechitagu, rü tümaarü igunecüpechitagu tarüngü̃. Rü ñaa ore rü noxrütama nixĩ ya yimá Cori ya Tupana ya Guxãétüwa Ngẽxmacü.

Wenaxarü naxümatü ga Tupanaarü mugü 2:36

Rü guma ĩane ga Aroé ga natü ga Arnóü̃cutüwa yexmanewa rü ñu̱xũchi guma ĩane ga doxonexü̃wa yexmanewa itanaxügü nax napuxü̃xü̃ ñu̱xmata Garaáxgu yacuá. Rü nataxuma ga ĩane ga tüxü̃ rüporamaene. Yerü nüma ga Cori ya tórü Tupana rü taxme̱xgu nanayixẽxẽ ga guxü̃nema ga guma ĩanegü.

Iraétanüxü̃arü muxchiga 32:34

Rü yema Gáxtanüxü̃ rü nayamexẽẽgü ga ĩanegü ga Dibóü̃, rü Atarú rü Aroé, rü Atarú-chopáü̃, rü Yachéx, rü Yobeá, rü Bex-nimrá, rü Bex-aráü̃. Rü ñu̱xũchi ínanapoxegugü ga guma ĩanegü, rü nanaxüpǘxü̃ ga norü carnérugü.

Yeremía 48:19

Rü pemax, Pa Duü̃xü̃gü ya Ĩane ya Aroéwa Maxẽxex, ¡rü namacüwagu peyachigü rü nüxna peca i ngẽma ibuxmüxü̃ i yatüxü̃ rü ngexü̃gü rü ñapegürügü: “¿Ta̱xacü nixĩ i pexü̃ ngupetüxü̃?” ñaperügügü!

Wenaxarü naxümatü ga Tupanaarü mugü 3:12

Rü yema naane ga Amoréugüna ipuxü̃xü̃wa, rü ĩane ga Aroé ga natü ga Arnóü̃pechinüwa yexmanewa inaxügü rü ñu̱xmata Garaáxarü ma̱xpǘanexü̃arü ngãxü̃gu yacuáx, rü Rubéü̃tanüxü̃na, rü Gáxtanüxü̃na chanaxã, guxü̃nema ga norü ĩanegümaxã.

Ichaía 7:21

Rü ngẽma ngunexü̃gu rü yíxema tüxü̃́ ngẽxmaxe i wüxi i woca rü taxre i carnérugü rü tagutáma tüxü̃́ nataxu i lechi, rü lechi ya itaixü̃nemaxã taxãwemü. Rü guxãma ya yíxema duü̃xẽgü íyaxügüxe nawa i ngẽma dai rü tá lechi ya itaixü̃nemaxã rü beruremaxã taxãwemügü.

Ichaía 5:17

Rü yima ĩanegü rü tá inanguxuchigü rü nachicawa tá maxẽ narüxügü, rü ngéma tá nachibüe i carnérugü rü chíbugü.

Yochué 13:16

Rü yema norü naane rü inaxügü nawa ga guma ĩane ga Aroé ga natü ga Arnóü̃cutüwa yexmane. Rü namaxã nanangauxẽxẽ ga guma ĩane ga yema doxonexü̃arü ngãxü̃wa yexmane. Rü yema naane rü nawa nada ga yema doxonexü̃ ga ĩane ga Medebá nawa yexmaxü̃ ñu̱xmata ĩane ga Ebóü̃wa nangu. Rü namaxã nanangauxẽxẽ ga guxü̃nema ga guma ĩanegü ga yema doxonexü̃wa yexmagüne ga Dibóü̃, rü Bamóx-baá, rü Bex-baá-meóü̃,

Yox 11:19

Rü taxuxü̃táma ta̱xacü cuxü̃ ínabaixgü ega ngẽxguma icurüngüxgu. Rü muxü̃ma i duü̃xü̃gü tá cuxü̃tawa nangugü nax ngü̃xẽxẽca̱x cuxna yacagüxü̃ca̱x.

Ichaía 27:10

Rü yima ĩane ya ípoxegune rü nagu napogüe ñoma wüxi ya ĩpata ya ngéma ta̱xmarenerüxü̃. Rü ñoma naane i taxúema ixãpataxü̃warüxü̃ nixĩ. Rü wüxi i nachica i wocagü nawa chibüexü̃ rü naixchacüügü nawa nangõ̱xgüxü̃ rü ñu̱xũchi nagu nacagüxü̃ nixĩ.

Echequié 39:26

Rü ngẽma Iraétanüxü̃ i togü i nachixü̃anegüwa ngẽxmagüxü̃ i norü uanügüchixü̃anegüwa rü wena tá wüxiwa chanagagü. Rü ngẽxguma rü taãẽãcü tá norü naanewa nangẽxmagü, rü taxúetama texe ítanabai̱xgügü. Rü ngẽmaãcü tá ichanawe̱x i chorü pora rü chorü üüne nax muxü̃ma i nachixü̃anegü nüxü̃ nadaugüxü̃ca̱x. Rü ngẽma Iraétanüxü̃ rü tá nüxü̃ narüngümae ga yema poxcu ga ü̃pa norü chixexü̃gagu naxca̱x íchanguxẽẽxü̃.

Yochué 13:25

Rü yema naane ga Gáxarü duü̃xü̃güna üxü̃ rü Yachéxwa inaxügü, rü namaxã nanangauxẽxẽ ga guxü̃nema ga ĩanegü ga Garaáxanewa yexmagüne. Rü naétü nüxna nanaxã ga ngãxü̃gu ga Amóü̃tanüxü̃arü naane rü ñu̱xmata nawa nangu ga guma ĩane ga Aroé ga Rabáarü to̱xma̱xtawa yexmane. Rü naétü nüxna nanaxã ga yema naane ga Ebóü̃, rü Ramáx-mispé, rü Betoníü̃arü ngãxü̃wa yexmaxü̃. Rü yexgumarüxü̃ ta nüxna nanaxã ga yema naane ga Maanaíü̃ rü Debíxwa yexmaxü̃ ga üyeanearü ngãxü̃wa.