Ichaía 17:13 - Tupanaarü Ore

¹³ Natürü ngẽxguma Cori ya Tupana nüxna puragügu rü tá na̱xcha̱xwa nibuxmü, rü yáxü̃wama tá nabuxmü, ñoma wüxi i maxẽ i paxü̃ i buanecü ingexü̃ rü máxpü̱xanexü̃gu yanguxü̃rüxü̃ tá nixĩgü. Rü ñoma buanecü ya tacü rü íxã̱ũ̱xẽmacü i chuxchuxü̃ nawo̱xoxochicü rü yáxü̃wa ngexü̃rüüxü̃ tá nixĩgü.

Ichaía 17:13 Referans Kwoze

Wiyaegü 9:5

Rü cunamuü̃xẽxẽ i ngẽma togü i nachixü̃anecüã̱xgü i tama cuxü̃́ yaxõgüxü̃, rü cunadai i ngẽma chixexü̃gu maxẽxü̃. Rü noxtacüma icuyanaxoxẽxẽ i naégagü nax taguma texé nüxna cua̱xãchiexü̃ca̱x.

Wiyaegü 1:4

Natürü ngẽma duü̃xü̃gü i chixexü̃gu maxẽxü̃ rü tama ngẽmaãcü mexü̃ nüxü̃ naxüpetü. Rü ñoma maxẽ i paxü̃ ya buanecü cuenagüxü̃rüxü̃ nixĩgü.

Yox 21:18

¿Rü ñuxgu yixĩxü̃ i nüxü̃ idauxü̃ nax ñoma maxẽ i paxü̃ i buanecü ingexü̃rüxü̃ yaxĩgüxü̃?

Ichaía 29:5

Natürü ngẽxguma tátama ngürüãchimare Cori ya Tupana ya Guxãétüwa Ngẽxmacü rü taxü̃ i duruanegümaxã, rü ĩã̱xãchianegümaxã, rü ãẽmacü i tagacümaxã, rü buanecü ya íxã̱ũ̱xẽmacümaxã, rü pucü ya tacümaxã, rü üxüema i tüxü̃ imáxü̃maxã tá nanapoxcue i ngẽma curü uanügü. Rü ngẽma muxũchixü̃ i curü uanügü i cuxca̱x íyaxüãchixü̃ rü ñoma waixü̃müchicute̱xerüxü̃ tá nixĩgü. Rü ñoma maxẽ ya pacü ya buanecü ngextá cuegücürüxü̃ tá nixĩgü.

Ochéa 13:3

Rü ngẽmaca̱x i ngẽma duü̃xü̃gü rü tá ngürüãchimare narüxogü, ngẽma caixanexü̃ i pa̱xmama rücaxixü̃rüxü̃. Rü ñoma cherena i ngunetüxü̃ ínguxü̃rüxü̃ tá narüxogü. Rü ñoma wüxi i naixatü i marü ipaxü̃ i buanecü ngextá cuemarexü̃rüxü̃ tá narütaxu rü ñoma üxüarü caxixü̃rüxü̃ tá narüxo.

Danié 2:35

Rü yexguma ga yema fieru rü waixü̃mü rü bróũche rü diẽrumü rü úiru rü wüxixü̃cüütama nixãte̱xeãchi. Rü ñoma trigu icuexechite̱xegurüxü̃ nixĩ ga buanecü yangexü̃, rü taxuxü̃ma yéma nayaxüãchi ga yema naxchicüna̱xã. Natürü gumá nuta ga yema naxchicüna̱xãétüwa dixpütacü rü wüxi ga taxü̃ne ga ma̱xpǘnexü̃ nanaca̱xichi rü guxü̃ma ga ñaa naane rü namaxã nanapá.

Ichaía 27:1

Rü ngẽma ngunexü̃gu rü nüma ya Cori ya Tupana rü norü tara i tacü i ãũcümacü rü pora ngĩxü̃wa ngẽxmacümaxã, tá nanacua̱xi i ngẽma ngo̱xo i Lebiatáü̃ i ãxtape i wü̃xü̃güãcü paxa ixũxü̃. Rü ñu̱xũchi nüma ya Tupana rü tá nayama̱x i ngẽma ngo̱xo i dragóü̃ i márwa ngẽxmaxü̃.

Ichaía 14:25

Rü tá chanadai i ngẽma Achíriaanecüã̱xgü i chorü naanewa ngẽxmagüxü̃, rü yima chorü ma̱xpǘnegügu tá chayadai. Rü ngẽma nachixü̃aneme̱xẽwa tá tüxü̃ íchanguxü̃xẽxẽ ya chorü duü̃xẽgü ya chixri tümamaxã inacua̱xgüxe. Rü ngẽma guxchaxü̃gü i tüxü̃ yangexẽẽgüxü̃ rü tá inayarüxo.

Wiyaegü 35:5

¡Rü namu i curü orearü ngeruxü̃ i daxũcüã̱x nax ínawoxü̃ãxü̃ca̱x ñoma buanecü maxẽ ya pacü ngĩãnexẽẽxü̃rüxü̃!

Yox 38:11

Rü yema márxü̃ ñacharügü: “Rü nuxã tátama nixĩ i cuyacuáxü̃, rü nua rü taxũtáma cuxüpetü. Rü nuxã tátama nixĩ iyanapuxü̃chíüxü̃ ya curü yuapegü”, ñacharügü nüxü̃.

Wiyaegü 65:7

Rü cuma rü cunachiãchixẽxẽ i ngẽma yuapegü i taxü̃gü, rü cuyanangea̱xgüxẽxẽ i ngẽma duü̃xü̃gü i ípuraexü̃.

Ichaía 8:7

Rü ngẽmaca̱x i choma ya Tupana rü Yudáanewa tá chanamugü i Achíriaanearü churaragü. Rü tá Yudáaneca̱x ínayaxüãchi rü guxü̃wama tá nanadai i norü duü̃xü̃gü, ñoma taxtü i Eufráte rübaixgu rü guxü̃wama inanguanegurüxü̃.

Ichaía 21:15

Erü yíxema rü taracha̱xwa rü würa ya ímemarenecha̱xwa tibuxmü nax tama daigu tayuexü̃ca̱x.

Ichaía 22:18

Rü ñoma wüxi i perutarüxü̃ tá yáxü̃anewatama cuxü̃ nata̱x. Rü nümagü i ngémacüã̱x rü norü puracüruü̃mare tá cuxü̃ nixĩxẽxẽ rü chixri tá cumaxã inacua̱x rü norü naanewa tá cuxü̃ nata̱x. Rü ngẽxma tá cuyu, rü yimá curü carugü ya ñu̱xma namaxã cugü quicua̱xüxü̃ne rü taxuwatáma cuxü̃́ name. Rü curü ãẽ̱xgacüca̱x rü wüxi i ãne tá quixĩ.

Ichaía 34:17

Rü wüxichigü i ngẽma naeü̃gü rü namaxã nüxü̃ nixunetachigü i nachicachigü. Rü yima naxme̱xmaxã nixĩ i nüxü̃ yaxunetachigüxü̃ i ngẽma naanechigü. Rü guxü̃gutáma ngéma nangẽxmagüecha, rü ñu̱xũchi guxü̃gutáma ngéma namaxẽ.

Ichaía 40:15

Rü Tupanaca̱x rü guxü̃ma i nachixü̃anegü rü ñoma wüxi i dexáarü churuxü̃rüxü̃ nixĩgü, rü ñoma wüxitama i waixü̃müchicute̱xe i yáruü̃wa inguxü̃arü ya nüxü̃́ nangẽxma. Rü Tupanaca̱x rü ngẽma capaxũgü i márwa ngẽxmagüxü̃ rü ñoma wüxipü̱xüchire i naxnecürüxü̃mare nixĩgü.

Ichaía 40:24

Rü nümagü rü ñoma nanetügü i ngexwaca itogüxü̃, rü ngexwaca ixãxchúma̱xãxü̃rüxü̃ nixĩgü. Rü ngẽxguma Tupana natanügu cué ñaxgux rü narüñẽẽxgü rü yimá buanecü ya tacü rü ñoma maxẽ ya ipacürüxü̃ nayange.

Ichaía 41:11

Rü guxü̃ma i ngẽma pexchi aiexü̃ rü tá naxãnee rü tá inayarümaãchitanü. Rü ngẽma pemaxã nügü daixü̃ rü tá inayarüxo.

Chofonía 2:2

¡Nüxü̃ perüxoe i ngẽma perü chixexü̃ i Tupanape̱xewa pexügüxü̃! ¡Rü naga pexĩnüe ñoma rü ta nangema i ngunexü̃ naxü̃pa nax pexü̃ ínawogüxü̃ ñoma maxẽchapa̱xa buanecü ngexta cuegüxü̃rüxü̃, rü naxü̃pa nax nawa nanguxü̃ i ngẽma ngunexü̃ i ãũcümaxü̃ i norü numaxã nagu pexü̃ napoxcuexü̃ ya Cori ya Tupana!

Wiyaegü 65:8

Rü woo ngẽma yáxü̃wa ngẽxmagüxü̃ i duü̃xü̃gü rü namuü̃e i ngẽxguma nüxü̃ nadaugügu i ngẽma taxü̃ i mexü̃gü i curü poramaxã cuxüxü̃. Rü guxü̃wama i duü̃xü̃gü i éstewa rü ñu̱xmata oéstewa nangu rü ngẽma cuxüxü̃gagu nataãẽgü.

Ichaía 30:28

Rü ngẽma norü ngü̃ãcüxü rü ñoma wüxi i natü irübaixü̃ i guxü̃wama inanguanexẽẽxü̃rüxü̃ nixĩ. Rü ngẽma nachixü̃anegü i tama naga ĩnüexü̃, rü nüma ya Tupana rü tá guxchaxü̃ naxca̱x ínanguxẽxẽ nax ngẽmaãcü nüxü̃ nacua̱xgüxü̃ca̱x nax natüxü̃wa nangẽxmagüxü̃. Rü tá namaxã inacua̱x i norü uanügü nax ngẽmaãcü ínatüexü̃ca̱x.