Ichaía 17:12 - Tupanaarü Ore

¹² Rü dücax, nüxü̃ pexĩnüe i ngẽma churaragü i muxũchixü̃ i perü uanügü i ãũgatanüxü̃ ñoma már arü yuapegü ãũgaxü̃rüxü̃. Rü ngẽma nixĩ i naga nax wáita naxüexü̃ i nachixü̃anegü i perü uanügü ixĩgüxü̃. Rü naga rü ñoma dexá i yuapexü̃ i tama íyachaxãchixü̃garüxü̃ nixĩ.

Ichaía 17:12 Referans Kwoze

Ore i mexü̃ ga Luca ümatüxü̃ 21:25

Rü ngẽxguma rü tá nango̱x i cua̱xruxü̃gü. Rü üa̱xcü rü tauemacü rü woramacurigü rü tá nixĩgachitanü i nachicawa. Rü guxü̃ i nachixü̃anegüwa rü duü̃xü̃gü rü tá nanaxĩ̱xãchiãẽtanü rü tá naba̱i̱xãchie i ngẽxguma poraãcü naxãũgaãchigu i már arü yuapegü.

Yeremía 6:23

Nümagü rü würamaxã, rü wocaemaxã nixãxne, rü taxúexü̃ma nangechaxü̃gü, rü taxúexü̃ma nüxü̃́ tangechaxü̃tümüü̃gü. Rü ngẽxguma yacaetanügu rü ñoma már arü yuaperüxü̃ nixĩ nax natagaxü̃. Rü nümagü rü cowaruétügu naxĩ. Rü marü ínamegümare nax Chióü̃cüã̱xgümaxã nügü nada̱i̱xü̃ca̱x —ñanagürü.

Wiyaegü 18:4

Rü yema yu rü choxü̃ niyauxchaü̃, rü choxü̃ nimáxchaü̃. Rü poraãcü chamuü̃ nape̱xewa ga guxü̃ma ga yema ãũcümaxü̃ ga choxna ngaicamaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:15

Rü yema orearü ngeruxü̃ rü ñanagürü ta choxü̃: “Ngẽma taxü̃ i dexá i nüxü̃ cudauxü̃ i naétüwa natoxü̃ i ngẽma nge i naxü̃nemaxã taxexü̃, rü ngẽma nixĩ i naguxü̃raü̃xü̃ i ĩanegücüã̱x, rü naguxü̃raü̃xü̃ i duü̃xü̃gütücumü, rü naguxü̃raü̃xü̃ i nachixü̃anecüã̱x, rü naguxü̃raü̃xü̃ i duü̃xü̃gü i to i nagawa idexagüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:1

Rü yema 7 ga orearü ngeruxü̃ ga daxũcüã̱x ga nüxü̃́ yexmagüxü̃ ga 7 ga copugü, rü yematanüwa rü wüxi rü cha̱u̱xca̱x nixũ, rü ñanagürü choxü̃: “¡Nua naxũ! Rü tá cuxü̃ nüxü̃ chadauxẽxẽ i ta̱xacü tá nixĩ i ngĩrü poxcu i ngẽma nge i naxü̃nemaxã taxexü̃ i dexáétüwa rütocü.

Echequié 43:2

Rü nüxü̃ chadau ga Cori ya Iraétanüxü̃arü Tupanaarü üüne ga éstewa ne ũxü̃. Rü nüxü̃ chaxĩnü ga wüxi ga naga ga natüarü poraü̃chiüxü̃garaü̃xü̃. Rü ñoma ga naane rü poraãcü nangóone

Ichaía 28:17

Rü choma rü tá mea chanangugü i ngẽma naxüxü̃ i wüxichigü i duü̃xü̃gü. Rü guxü̃ma i ngẽma chaxüxü̃ rü aixcüma nawe̱xgu. Pema rü nüxü̃́ peyaxõ i ngẽma uneta i Equítuanemaxã pexüxü̃ nax pexü̃ ínapoxü̃xü̃, natürü ngẽma rü wüxi i doramare nixĩ rü gáuxü̃pütagü tá naétügu narüyi rü tá inayanaxoxẽxẽ. Rü taxü̃ i dexá tá ínananguxẽxẽ i perü cu̱xchicaxü̃ —ñanagürü ya Tupana.

Ichaía 9:5

Rü ngẽma botagü i churaragü nagu icuaixgüxü̃ rü ñu̱xũchi ngẽma naxchirugü i nagümaxã iducharaxü̃ rü üxüwa tá ínagugü, rü ngẽxma tá nixae rü inayarüxogü.

Wiyaegü 29:3

Rü ngẽma naga ya Cori ya Tupana rü márétügu nayaxũ. Rü nüma ya Tupana ya poracü rü nayaduruanexẽxẽ. Rü nüma rü ngẽma taxü̃ i márétüwa nangẽxma.

Iraétanüxü̃arü muxchiga 10:35

Rü yexguma yema baú ga Cori ya Tupanaarü mugüchixü̃maxã inaxĩãchigu, rü nüma ga Moiché rü ñanagürü: —¡Pa Corix, tomaxã napora! ¡Rü ngẽma curü uanügü rü tá cuxcha̱xwa nügü nawoone! ¡Rü ngẽxguma ngẽma cuxchi aiexü̃ cuxü̃ daugügu, rü cuxcha̱xwa tá nibuxmü! —ñanagürü.

Wiyaegü 83:2

¡Dücax i ngẽma curü uanügü i cuxchi aiexü̃! Rü nümagü rü nananuexẽxẽ i duü̃xü̃gü nax tama cuga naxĩnüexü̃ca̱x.

Ichaía 8:9

¡Pa Nachixü̃anegü i Yáxü̃wa Ngẽxmagüxü̃, iperüxĩnüe i ñaa ore! Rü woo aixta pexüegu nax daiwa pexĩxü̃ca̱x, rü tá pexchama pedai. Rü woo pegü pemexẽẽgügu nax daiwa pexĩxü̃ca̱x, rü tá pexchama peyue. Rü woo pegü pemexẽẽgügu nax daiwa pexĩxü̃ca̱x, rü tá pexchama íxraxü̃gu pepoü̃gü.

Ichaía 13:4

Rü mápü̱xanexü̃wa rü nüxü̃ taxĩnü i muxũchixü̃ i duü̃xü̃gü i ngéma aixta üexü̃. Rü nüxü̃ taxĩnü nax naxãũgaãchitanüxü̃ i nachixü̃anegü rü ĩanegü i wüxigu ngutaque̱xexü̃. Rü nüma ya Cori ya Tupana ya Guxãétüwa Ngẽxmacü rü nüxü̃ nidaugü i norü churaragü i daica̱x ímemaregüxü̃.

Ichaía 54:17

Natürü taxúema tá tanaxü i wüxi i naxne i pexü̃ rüxoxẽẽxü̃. Rü pemax, Pa Iraétanüxü̃x, rü tá peyanangea̱xgüxẽxẽ i guxü̃ma i ngẽma pemaxã guxchaca̱x daugüxü̃, erü choma i Cori ya Tupana rü aixcüma nüxü̃ charüngü̃xẽxẽxü̃ i ngẽma chorü duü̃xü̃gü ixĩxü̃. Rü pemaxã chanaxuegu nax ngẽmaãcü tá yixĩxü̃ —ñanagürü ga Tupana.

Miquéa 4:11

Ñu̱xma rü marü muxü̃ i nachixü̃anecüã̱xgü cuxca̱x nügü nanutaque̱xegü rü ñanagürügü: —Rü tá tataãxẽgü i ngẽxguma nüxü̃ idaugügu nax guxchaxü̃gu nanguxü̃ i Yerucharéü̃ —ñanagürügü.

Danié 7:2

—Chaunegüwa nüxü̃ chadau ga buanecügü ga súrwa rü nórtewa rü éstewa rü oéstewa ne ĩcü rü poraãcü nayuapexẽẽcü ga már ga taxü̃.