Ichaía 17:10 - Tupanaarü Ore

¹⁰ Erü pemax, Pa Iraétanüxü̃x, rü nüxü̃ perüngümae ya Tupana ya pexü̃ ípoxü̃cü. Rü tama nüxna pecua̱xãchie nax nüma yixĩxü̃ i pexna nadauxü̃ nax taxúema pexü̃ chixewexü̃ca̱x. Natürü i ñu̱xma rü ípenato i mexẽchixü̃ i perü nanetügü rü úbagü nax ngẽmamaxã nüxü̃ picua̱xüü̃güxü̃ca̱x i tupananetagü.

Ichaía 17:10 Referans Kwoze

Yeremía 2:32

Rü wüxi i pacü rü tama nüxü̃ iyarüngüma i ngẽma ngĩrü ngã̱xãẽruü̃gü. Rü ngẽxguma yangĩxgu rü tama nüxü̃ iyarüngüma nax ngĩgü naxüaxü̃ i ngẽma ngĩrü meruü̃gü. Natürü ngẽma chorü duü̃xü̃gü rü nũxcümatama choxü̃ inayarüngümae.

Ichaía 26:4

¡Nüxü̃́ peyaxõ ya Cori ya Tupana, erü nüma nixĩ i guxü̃guma pexna nadauxü̃!

Wenaxarü naxümatü ga Tupanaarü mugü 32:18

Rü pema, Pa Iraétanüxü̃x, rü nüxü̃ perüngümae ya penatü ya Cori ya Tupana ya perü poxü̃ruxü̃ ixĩcü rü maxü̃ pexna ãcü.

Wiyaegü 106:21

Rü nüxü̃ inayarüngümae ga Tupana ga norü poxü̃ruxü̃ ixĩcü ga naxücü ga taxü̃ ga guxchaxü̃gü ga Equítuanewa rü baixãchixẽẽruü̃gü ga Cáü̃chixü̃anewa rü ãũcümaxü̃ ga Már ga Dauchíüxü̃wa.

Wenaxarü naxümatü ga Tupanaarü mugü 32:4

Rü nüma nixĩ i torü dauruxü̃ nax yixĩxü̃. Rü guxü̃ma i ta̱xacü i naxüxü̃ rü meama nawe̱xgu. Rü guxü̃ma i nüxü̃ yaxuxü̃ rü aixcüma nixĩ. Rü nüma rü Tupana ya ixaixcümacü nixĩ. Rü nawa rü nataxuma i ta̱xacü i dora ixĩxü̃, erü nüma rü ixaixcümacü nixĩ!

Ochéa 8:14

Ngẽma Iraétanüxü̃ rü nanaxü ya ĩpatagü ya mexẽchine, natürü choxü̃ inarüngümae nax choma yixĩxü̃ i chanangóexẽẽxü̃. Rü ngẽma Yudáanecüã̱xgü rü nanaxü ga muxü̃nema ya ĩanegü ya meama ípoxegugüne. Natürü i choma rü tá íchanagu ya guxü̃nema ya yima ĩanegü —ñanagürü ya Tupana.

Yeremía 17:13

Pa Corix, cuwa nixĩ i ínanguxẽẽgüãxü̃ i Iraétanüxü̃ nax ícunapoxü̃xü̃. Rü guxü̃ma i ngẽma cuxü̃ íta̱xgüxü̃ rü tá naxãnee. Rü guxü̃ma i ngẽma cuxna ixĩgachitanüxü̃ rü ñoma wüxi i duü̃xü̃éga i waixü̃müte̱xegu naxümatüxü̃rüxü̃ inayarüxomare, nagagu nax cuxü̃ ínata̱xgüxü̃, Pa Tupanax. Rü cuma nixĩ i toxna cunaxãxü̃ i maxü̃ ñoma dexá i nutawa chuxchuxü̃rüxü̃.

Yeremía 12:13

Rü yema chorü duü̃xü̃gü rü trigu inatogü, natürü tuxumare nüxü̃́ narüxügü. Rü guxü̃ma ga norü puracügü rü natüca̱xmamare nixĩ. Rü taxuxü̃ma ga trigu nabuxgü nagagu ga yema chorü nu ga taxü̃ —ñanagürü.

Ichaía 51:13

¿Ẽ̱xna marü choxü̃ curüngümae nax choma yixĩxü̃ ga cuxü̃ chango̱xẽxẽxü̃ rü chayangeechixü̃ ga daxũguxü̃ ga naane rü chanaxüxü̃ ga ñoma ga naane? ¡Rü taxṹ i nüxü̃ cumuü̃exü̃ i ngẽma uanügü i norü numaxã cuxü̃ daixchaü̃xü̃! ¿Natürü ngexü̃ nixĩ i guxü̃ma i ngẽma norü nu?

Ichaía 12:2

Rü Tupana nixĩ ya choxü̃ maxẽẽcü, rü ngẽmaca̱x nüxna charüyoe rü taxuca̱xma tü̱xcüü̃ chamuü̃. Rü nüma ya Cori ya Tupana nixĩ i chorü cu̱xchicaxü̃ rü chorü poraxẽẽruxü̃. Rü nüma nixĩ i chorü maxẽẽruxü̃ —ñacurügü tá.

Wiyaegü 106:13

Natürü paxãma nüxü̃ inayarüngümaexü̃ ga yema taxü̃ ga mexü̃gü ga Tupana naxca̱x üxü̃. Rü tama ínanangu̱xẽẽgü ga yema Tupana nagu rüxĩnüxü̃.

Wiyaegü 85:4

Pa Tupana ya Torü Maxẽxẽxẽruxü̃, rü ñu̱xma rü tanaxwa̱xe i wenaxarü toétüwa cuchogü. Rü tama name i tomaxã cunuecha.

Wenaxarü naxümatü ga Tupanaarü mugü 32:31

Rü tórü uanügü rü meama nüxü̃ nacua̱xgü nax norü dauruxü̃ i tupananeta rü tama tórü dauruxü̃ ya Tupanamaxã nawüxigu.

Wiyaegü 79:9

Pa Tupana ya Torü Maxẽxẽxẽruxü̃x ¡rü curü üünegagu rü toxü̃ rüngü̃xẽxẽ, rü toxü̃ ínanguxü̃xẽxẽ, rü toxü̃́ nüxü̃ irüngüma i torü chixexü̃!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:35

Rü ñapegü nüxü̃: “¡Toxü̃ ínanguxü̃xẽxẽ, Pa Tupanax, Pa Torü Maxẽxẽxẽruxü̃x! ¡Rü toxü̃ nade nax naxme̱xwa toxü̃ ícunguxü̃xẽxẽxü̃ca̱x i ngẽma togü i nachixü̃anegü nax ngẽmaãcü tanataxẽxẽxü̃ca̱x i cuéga i Üünexü̃ rü taãxẽãcüma cuxü̃ ticua̱xüxü̃güxü̃ca̱x”, ñapegü nüxü̃!

Wenaxarü naxümatü ga Tupanaarü mugü 32:15

Natürü pema ga Iraétanüxü̃ ga guxü̃ma ga yema õnamaxã pingüe rü nüxna pixĩgachi ga Cori ya Tupana ya pexü̃ ngo̱xẽẽcü. Rü nüxü̃ pexo ya yimá perü dauruxü̃ rü perü poxü̃ruxü̃ ixĩcü.

Wenaxarü naxümatü ga Tupanaarü mugü 28:30

Rü wüxi i ngecümaxã tá nüxü̃ quixu nax ngĩmaxã cuxãma̱xchaü̃xü̃, natürü to i yatü tá ngĩmaxã ínape. Rü cuma rü cupata tá cuxü, natürü tagutáma cuma nagu cupe. Rü wüxi i naane tá úbamaxã cuto, natürü tagutáma norü oxü̃ cungõ̱xneta.

Wenaxarü naxümatü ga Tupanaarü mugü 8:19

Natürü ngẽxguma chi nüxü̃ perüngümaegu ya yimá perü Cori ya Tupana, rü chi to i tupanagüwe perüxĩxgu rü nüxü̃ picua̱xüü̃gügu, rü choma rü aixcüma pemaxã nüxü̃ chixu rü wüxicana tá ipeyarüxo.

Wenaxarü naxümatü ga Tupanaarü mugü 8:11

¡Rü pexuãẽgü nax tama nüxü̃ perüngümaexü̃ca̱x ya perü Cori ya Tupana! ¡Rü taxṹ i nüxü̃ perüxoexü̃ i ngẽma norü mugü rü norü ucu̱xẽgü i ñu̱xma pexü̃ chamuxü̃!

Wenaxarü naxümatü ga Tupanaarü mugü 6:12

Rü ngẽxguma ngẽma mexü̃wa pengẽxmagügu ¡rü pexuãẽgü nax tama nüxü̃ iperüngümaexü̃ ya Cori ya Tupana ga nawa pexü̃ ínguxü̃xẽẽcü ga Equítuane ga norü mugüruü̃gü ípixĩgüxü̃wa!

Lebítanüxü̃arü puracüchiga 26:20

Rü natüca̱xmamare tá peanewa pepuracüe, erü taxũtáma ngẽma waixü̃müwa narüxü i penetügü. Rü ngẽma ori̱xgü i peanewa rüxügüxü̃ rü taxũtáma nixo.

Chofonía 1:13

Rü ngẽmaca̱x i norü uanügü rü tá nüxna nanapuxü̃ i norü ngẽmaxü̃gü. Rü yima napatagü rü tá nagu napogüe. Rü tá naxüpatagü, natürü taxũtáma nümagü nawa namaxẽ. Rü tá úba inatogü, natürü taxũtáma nüma norü bínu nixaxgü —ñanagürü ya Tupana.

Amúx 5:11

Rü pemax, Pa Ãẽ̱xgacügüx, rü chixri tümamaxã ipecua̱x ya yíxema ingearü diẽruã́xẽ. Rü naétü tüxna peca nax tümaarü trigumaxã pexü̃́ tanaxütanüxü̃ca̱x naxca̱x nax penamexẽẽgüxü̃ i tümaarü guxchagü. Rü ngẽmaca̱x i pema rü taxũtáma nawa pemaxẽ ya yima ĩpatagü ya nutagümaxã pexüxü̃ne, rü bai tá peyaxagüxü̃ ya yimá bínu i peanegu petogüxü̃ i úbagüwaxü̃cü.

Ochéa 4:6

Rü chorü duü̃xü̃gü rü chixexü̃gu nayi rü nayue erü tama chorü mugüxü̃ nacua̱xgü. Rü ngẽma rü cugagu nixĩ, Pa Chacherdótex, erü cuma rü ta nüxü̃ cuxo i chorü mugü. Rü ngẽmaca̱x i choma rü ta cuxü̃ chaxo nax chorü chacherdóte quixĩxü̃. Erü cumax rü nüxü̃ icurüngüma i chorü ucu̱xẽgü rü ngẽmaca̱x i choma rü tá ta nüxü̃ icharüngüma i ngẽma cutaagü.

Wiyaegü 65:5

Pa Tupana Pa Torü Maxẽxẽẽruxü̃, cuma rü tomaxã quixaixcüma rü toxü̃ cungãxü̃ namaxã i ngẽma mexü̃gü i curü poramaxã cuxüxü̃. Rü woo ñaa naane iyacuáxü̃wa ngẽxmagüxü̃ i duü̃xü̃gü rü cuxü̃́ nayaxõgü. Rü woo már arü tocutü i yáxü̃guxü̃wa ngẽxmagüxü̃ i duü̃xü̃gü rü cuxü̃́ nayaxõgü.

Wiyaegü 31:2

¡Rü ẽcü choxü̃́ nüxü̃ naxĩnü i chorü yumüxẽ! ¡Rü paxa nua naxũ rü naxme̱xwa choxü̃ ínanguxuchixẽxẽ i chorü uanügü! Rü chanaxwa̱xe i chorü poxü̃ruxü̃ nax quixĩxü̃ i cumax. Rü chanaxwa̱xe nax chorü cu̱xchicaxü̃ nax quixĩxü̃ nax tama choxü̃ yama̱xgüxü̃ca̱x.

Wiyaegü 18:2

Rü cuma nixĩ ya nuta ya taxüchicü ya chorü poxü̃ruxü̃ quixĩxü̃. Rü cuma nixĩ i chorü dauruxü̃ quixĩxü̃. Rü cuma nixĩ i choxü̃ cunapuxü̃ nüxna i chorü uanügü. Rü cuma nixĩ i chorü tüpe̱xeruxü̃ quixĩxü̃. Rü cuma nixĩ i curü poramaxã choxü̃ cumaxẽẽxü̃. Rü cuma nixĩ i chorü cu̱xchicaxü̃ i ma̱xpǘnewa nagu changaxixü̃ quixĩxü̃.

Wiyaegü 9:17

Rü ngẽma chixexü̃gu maxẽxü̃, rü guxü̃ma i ngẽma tama Tupanaxü̃ cua̱xgüchaü̃xü̃ rü tá nayue rü naxmaxü̃wa tá naxĩ.

Ichaía 17:9

Rü ngẽma ngunexü̃gu ya yima Iraéanearü ĩanegü ya meama ípoxegugüne rü tá nangeãcu. Rü ngẽma duü̃xü̃gü i nagu ãpatagüxü̃ rü tá naxĩgü, yexguma Iraétanüxü̃cha̱xwa norü ĩanegüna naxĩgügurüxü̃ ga Ebéutanüxü̃ rü Amoréutanüxü̃. Rü guxü̃nema ya yima ĩanegü rü nachica i chianexü̃mare nixĩgü,

Ichaía 18:5

Rü ngẽxguma marü nangupetügu nax yaxãchacuxü̃ i úbagü i nanecüwa, rü ngẽma nachacu rü norü oxü̃ nanguxü̃ rü ñu̱xũchi norü dauwa nangu. Natürü naxü̃pa nax nabuxuxü̃ i ngẽma norü o, rü cüxchimaxã nanawiü̃tanügü rü ñu̱xũchi ínayawogü i ngẽma natanügü.

Ichaía 25:4

Rü yíxema ngearü poraã̱xgüxeca̱x rü cumax, Pa Corix, rü tümaarü poxü̃ruxü̃ quixĩ. Rü cuma rü tümaarü ngü̃xẽẽruxü̃ quixĩ ya yíxema taxúema tüxü̃ rüngü̃xẽẽgüxe. Rü cuma rü tümaétüwa cuchogü ya yíxema guxchaxü̃wa ngẽxmagüxe. Rü cuma rü tümaarü gáuxpechitaruxü̃ quixĩ ya yíxema üa̱xcüarü naiemaxü̃ tüxü̃ iguxe. Rü tüxü̃ ícupoxü̃ nüxna i ngẽma duü̃xü̃gü i poraãcü chixecümagüxü̃ i ñoma taxüchicü ya buanecü ya pucümaxã íngucürüxü̃ ixĩgüxü̃.

Ichaía 30:29

Natürü i pemax, Pa Tupanaarü Duü̃xü̃güx, rü pexca̱x tá nangẽxma i taãxẽ i ngẽxguma peta i üünexü̃ i chütacü ípexügügurüxü̃. Rü tá petaãẽgü ngẽxguma woweru picueãcüma yima ma̱xpǘne ya Cori ya Tupanapata nawa ngẽxmanegu pexĩgügu. Rü nüma nixĩ i Iraétanüxü̃arü poxü̃ruxü̃ yixĩxü̃.

Ichaía 33:2

Pa Cori ya Tupanax, ¡ẽcü cuxü̃́ tangechaü̃tümüü̃gü i toma nax cuxme̱xwa tangexmagüxü̃! Rü tanaxwa̱xe i guxü̃guma pa̱xmama toxü̃ curüngü̃xẽxẽ. Rü tanaxwa̱xe nax torü poxü̃ruxü̃ quixĩxü̃ i ngẽxguma guxchagü toxca̱x ínguxgu.

Ichaía 44:8

Natürü, ¡Taxṹ i perümaãchitanüxü̃, rü taxṹ i pemuü̃exü̃! Choma rü ü̃pacürüwa marü pemaxã nüxü̃ chixu i ngẽma tá ngupetüxü̃, rü pema rü meama nüxü̃ pecua̱x i ngẽma. Rü chaxicatama nixĩ ya Tupana chixĩxü̃, rü nataxuma i to i pexü̃ ípoxü̃xü̃. Rü tama toxü̃ chacua̱x”, ñanagürü.

Ichaía 61:10

Choma rü Tupanamaxã chataãxẽ. Rü aixcüma poraãcü namaxã chataãxẽ i chorü Tupana erü nüma choxü̃ ínanguxuchixẽxẽ rü pora choxna naxã nax nüxü̃ charüporamaexü̃ca̱x i chorü uanügü. Rü ñoma wüxi i ãxma̱xchaü̃xü̃rüxü̃ chamexchiruxüchi rü ñoma wüxi i ãtechaü̃xü̃rüxü̃ chaugü changa̱xãẽ.

Ichaía 62:11

Rü Tupana rü guxü̃ma i duü̃xü̃gü i ñoma i naanewa maxẽxü̃maxã nüxü̃ nixu rü ñanagürü: —¡Ĩane ya Chióü̃cüã̱xgümaxã nüxü̃ pixu rü marü ínangu i norü nguxü̃xẽxẽruxü̃! ¡Rü namaxã nüxü̃ pixu rü Tupana rü marü ínananguxü̃xẽxẽ rü nanawoeguxẽxẽ i norü duü̃xü̃gü ga norü uanügü gagüxü̃! —ñanagürü.

Yeremía 3:21

Rü ngẽma auexü̃ i ngüchitaeruxü̃güwa rü chianexü̃güwa i duü̃xü̃gü nüxü̃ ĩnüexü̃ rü nümagü nixĩ i Iraétanüxü̃ i auxexü̃ rü ngechaü̃ca̱x ícagüxü̃. Erü chixexü̃gu namaxẽ, rü choxü̃ narüngümae i choma nax norü Cori ya Tupana chixĩxü̃.

Echequié 23:35

Rü ngẽmaca̱x i choma ya Cori ya Tupana rü ñachagürü: “Ngẽma nax choxü̃ curüngü̃maxü̃gagu rü choxna quixũgachixü̃gagu rü tá cuyange i ngẽma poxcu. Rü ngẽmaãcü tá cupoxcu nagagu ga yema cuxunearü ngúchaü̃ nax cuxüxü̃ rü yema nax cungeãẽxü̃” —ñanagürü.

Joel 1:17

Rü guma nanetüchire rü nayue ga yema ínatogüxü̃wa. Rü yema trigu rü inayarüxo. Rü guma ĩpatagü ga nanetü nagu gücune rü marü ningeãcu rü nichixe.

Echequié 22:12

Rü curü duü̃xü̃gütanüwa nangẽxma i duü̃xü̃gü i diẽruca̱x máetagüxü̃. Rü cuwa nangẽxma i duü̃xü̃gü i taxü̃ i üétüca̱x tüxna cagüxü̃ ya yíxema diẽruca̱x nüxna cagüxe. Rü ngẽmaãcü taxü̃ i chixexü̃ naxügü erü tüxü̃́ nangĩ̱x ya yíxema namücügü rü ngẽmagagu choxü̃ inarüngüma. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü.