Ichaía 17:1 - Tupanaarü Ore

¹ Ñaa nixĩ i Tupanaarü ore ya ĩane ya Damácuchiga ixĩxü̃. Damácu rü tá inayarüxo nax ĩane yixĩxü̃. Rü natüchixica tátama ngéma nayaxǘ.

Ichaía 17:1 Referans Kwoze

Chacaría 9:1

Ñaa nixĩ i Cori ya Tupanaarü ore i ĩane ya Damácuchiga: —Guxü̃ma i Iraétanüxü̃ i duü̃xü̃gü rü Cori ya Tupanaarü nixĩgü, rü ngẽxgumarüxü̃ ta ya yima ĩanegü ya Chíriaanewa ngẽxmagüne rü Cori ya Tupanaarü nixĩgü.

Ichaía 25:2

Rü yima ĩanegü rü nutapütagüxü̃ cunanguxü̃xẽxẽ, rü yima ĩanegü ya mea ípoxegugüne rü nagu quipogügü. Rü yima uanügüarü ãẽ̱xgacügüpatagü rü cuyanaxoxẽxẽ rü tagutáma wena marü nimexẽẽgü.

Miquéa 1:6

Rü ngẽmaca̱x i nüma ya Cori ya Tupana rü ñanagürü: “Yima ĩane ya Chamária rü tá nagu chapogü rü naxtapü̱xgüarü nutagü rü tá nügüétü nayi. Rü ngẽma nachica ga yima ĩane rü úbanecügüxü̃ tá nananguxuchi. Rü yima nutagü ya namaxã ínapoxegune ya yima ĩane, rü tá doxonexü̃gu nawoonemare. Rü ngẽmaãcü tá nango̱x ya yima nutagü ya naxtapü̱xarü ügü.

Yeremía 49:2

Rü nüma ya Cori ya Tupana rü ñanagürü: —Rü nawa tá nangu i ngunexü̃ nax yima Amóü̃tanüxü̃arü ĩane ya Rabáwa tá norü duü̃xü̃güxü̃ nüxü̃ chaxĩnüexẽẽxü̃ nax tagaãcü daimaxã aita naxüexü̃ i norü uanügü. Rü yima ĩane rü nachitaxü̃xica tá ngéma nayaxü. Rü ngẽma nachixü̃anearü ĩanegü rü tá ínagu. Rü ngẽxguma i ngẽma Iraétanüxü̃ rü wena tá nanayauxgü ya yima norü ĩanegü. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Ichaía 7:8

Rü Damácu nixĩ ya Chíriaanearü ĩane ya taxü̃ne, rü Rechíü̃ nixĩ i Damácuwa ãẽ̱xgacü ixĩxü̃. Rü Chamária nixĩ ya Efraíü̃tanüxü̃arü ĩane ya taxü̃ne, rü Remaría nane nixĩ i Chamáriawa ãẽ̱xgacü ixĩxü̃. Natürü ngẽxguma marü 65 ya taunecüwa nanguxgu rü ngẽma Efraíü̃tanüxü̃ rü tá inarüxo nax wüxi i nachixü̃ane nax yixĩxü̃. Rü ngẽxguma pema rü taxũtáma aixcüma choxü̃́ peyaxõgügu, rü pema rü tá ta iperüxo” —ñanagürü ya Tupana.

Naanearü ügüchiga 14:15

Rü yemaarü chütaxü̃gu rü Abráü̃ rü norü duü̃xü̃gümaxã yema ãẽ̱xgacügüxü̃ ínayabaixgü. Rü nawe ningẽxü̃tanü ñu̱xmata ĩane ga Obá ga Damácuarü nórtewa yexmanewa nangugü.

Miquéa 3:12

Pa Ãẽ̱xgacügüx, pegagu rü yima ma̱xpǘne ya Chióü̃ rü wüxi i naane i ngẽxma maxẽmaxã rüxümarexü̃ tá nixĩ. Rü yima ĩane ya Yerucharéü̃ rü naxtapü̱xgüxica tá ngẽxma naxãũxchita —ñanagürü.

Ichaía 37:26

¿Natürü tama e̱xna nüxü̃ cucua̱x, Pa Chenáquerix, nax choma yixĩxü̃ ga cuxna chanaxãxü̃ ga pora nax cunaxüxü̃ca̱x ga guxü̃ma ga yema? Rü nũxcümacürüwatama rü marü nagu charüxĩnü i ngẽma ñu̱xma chaxüxü̃. Rü yemaca̱x nixĩ ga cuyanaxoxẽẽgüxü̃ ga guma ĩanegü ga ípoxegugüne rü natüchigüxicatama cuyaxĩxgüxẽẽxü̃.

Ichaía 19:1

Dücax, Cori ya Tupana rü wüxi i caixanexü̃étügu Equítuanewa naxũ. Rü ngẽma Equítuanecüã̱xgüarü tupananetachicüna̱xãgü rü Cori ya Tupanaarü poracha̱xwa nidu̱xrue. Rü duü̃xü̃gü i Equítuanecüã̱xgü rü tá poraãcü inayayiãxẽ.

Ichaía 15:1

Cori ya Tupanaarü ore i Moáchiga ixĩxü̃: Wüxitama ga chütaxü̃ nixĩ ga nadaiãcuãxü̃ ga guma Moáanearü ĩane ga Ár. Rü yexgumarüxü̃ ta wüxitama ga chütaxü̃ nixĩ ga nadaiãcuãxü̃ ga guma Moáanearü ĩane ga Quíru.

Ichaía 13:1

Ñaa nixĩ i ore i Cori ya Tupana Amú nane ya Ichaíaãẽwa ínguxẽẽxü̃ nachiga i ngẽma guxchaxü̃ i Babiróniaca̱x tá ínguxü̃:

Ichaía 10:9

Rü guxü̃nema ya ĩanegü ga nüxü̃ charüporamaene rü cho̱xme̱xwa nangẽxmagü, rü ngẽxgumarüxü̃ ya ĩane ya Canú, rü ĩane ya Caquemí, rü ĩane ya Amá, rü ĩane ya Arpáx, rü ĩane ya Chamária, rü ĩane ya Damácu. Rü guxü̃nema ya yima rü cho̱xme̱xwa nangẽxmagü.

Ichaía 8:4

Rü yimá cune rü naxü̃pa nax nüxü̃ nacuáxü̃ nax “papa” rü “mama” ñaxü̃, rü yima ĩanegü ya Damácu rü Chamária rü tá norü uanügü nagu nachocu. Rü tá nanade i norü ngẽmaxü̃gü, rü Achíriaanearü ãẽ̱xgacüxü̃tawa tá nanana —ñanagürü.

Norü taxre ga to ga popera ga ãẽ̱xgacügüchiga ümatüxü̃ 28:23

Rü yema nax Chíriaanearü churaragü rü ü̃pa Acháxü̃ rüporamaegüxü̃ ga yexguma namaxã nügü nadaixgu, rü yemaca̱x Acháx nagu narüxĩnü nax naporaxü̃ ga yema Damácuarü tupanagü. Rü yemaca̱x naxca̱x ãmaregü ínagu yerü nagu narüxĩnü nax nümagü rü tá nüxü̃ nangü̃xẽxẽxü̃ ega naxca̱x ãmare ínaguxgu. Natürü yema tupananetagügagu nixĩ ga guxchaxü̃ Acháxca̱x rü guxü̃ma ga Iraétanüxü̃ca̱x ínguxü̃.

Norü taxre ga to ga popera ga ãẽ̱xgacügüchiga ümatüxü̃ 28:5

Rü yemagagu ga Cori ya Tupana rü Chíriaanearü ãẽ̱xgacüme̱xẽgu nananguxẽxẽ. Rü yema Chíriaanearü churaragü rü nüxü̃ narüporamae rü ñu̱xũchi muxü̃ma ga Yudáanecüã̱xgüxü̃ ínayauxü̃, rü ĩane ga Damácuwa nanagagü. Rü yexgumarüxü̃ ta ga nüma ga Cori ya Tupana rü Iraéanearü ãẽ̱xgacüme̱xẽgu nananguxẽxẽ ga Acháx, rü yemaacü nüxü̃ narüporamaegü rü nayue ga muxü̃ma ga Yudáanecüã̱xgü.

Norü taxre ga popera ga ãẽ̱xgacügüchiga 16:9

Rü yexguma nüma ga Tigáx-piréche ga Achíriaanearü ãẽ̱xgacü rü Acáxü̃ narüngü̃xẽxẽ. Rü nanamexẽxẽ ga norü churaragü nax naxca̱x íyagoõchixü̃ca̱x ga guma ĩane ga Damácu. Rü ñu̱xũchi nayapu ga guma ĩane rü norü ãẽ̱xgacü ga Rechíü̃xü̃ nima̱x. Rü ínanawoxü̃ ga yémacüã̱xgü, rü ĩane ga Quíruwa nanagagü.

Naanearü ügüchiga 15:2

Natürü ga Abráü̃ rü Cori ya Tupanaxü̃ nangãxü̃ rü ñanagürü nüxü̃: —¿Ta̱xacüwa choxü̃́ name i ngẽma ngü̃xẽxẽ i chomaxã nüxü̃ quixuxü̃? Erü meama nüxü̃ cucua̱x nax nataxuxü̃ma ya chaune. Rü ngẽmaca̱x i ngẽma tá chowena nayaxuxü̃ i chorü ngẽmaxü̃gü rü yimá chorü ngü̃xẽẽruxü̃ ya Eriéche ya Damácucüã̱x tá nixĩ —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:5

Rü yemawena rü Chíriaanecüã̱xgü ga ĩane ga Damácuwa maxẽxü̃ rü Chobáanearü ãẽ̱xgacü ga Adáx-échearü ngü̃xẽẽwa yéma naxĩ. Natürü nüma ga Dabí rü nüxü̃ narüporamae. Rü yexma nanadai ga 22,000 ga Chírianecüã̱xgü.

Nüxíraxü̃xü̃ ga popera ga ãẽ̱xgacügüchiga 11:24

Rü yemawena ga Rechóü̃ rü nananutaque̱xe ga ñuxre ga yatügü rü yemaacü wüxi ga natücumü ga ngĩ́ta̱xagüxü̃maxã inacua̱x. Natürü yexguma Dabí Chobáarü ãẽ̱xgacüxü̃ rüporamaegu, rü nüma ga Rechóü̃ rü ĩane ya Damácuwa naxũ. Rü yéma ãẽ̱xgacüxü̃ nügü ningucuchixẽxẽ.

Wenaxarü naxümatü ga Tupanaarü mugü 13:16

Rü guxü̃ma i norü ngẽmaxü̃gü i ngẽma duü̃xü̃gü, rü yima ĩanearü ngãxü̃gu tá penanutaque̱xe rü ngéma tá peyagu wüxigu namaxã ya yima ĩane. Rü ngẽma rü wüxi i ãmare i Cori ya perü Tupanana pexãxü̃ tá nixĩ. Rü yima ĩane rü tá inayarüxo rü tagutáma wena nanaxügü.