Ichaía 16:9 - Tupanaarü Ore

⁹ Rü ngẽmaca̱x nixĩ i ñu̱xma i naxca̱x chaxaxuxü̃ ga yema úbanecügu ga Chibáwa rü Yachéxwa yexmagüxü̃. Rü naxca̱x ichabagüxü̃xetü ga yema úbanecügu ga Ebóü̃wa rü Eraréwa yexmagüxü̃. Erü marü nataxuma i taãxẽ naxca̱x i norü o i buxuxü̃ rü ngẽma úbanecüwa nüxü̃ ĩnüxü̃xicatama nixĩ nax aixta naxüexü̃ i ngẽma nügü daixü̃.

Ichaía 16:9 Referans Kwoze

Yeremía 40:12

Rü guxü̃ma ga yema duü̃xü̃gü ga togü ga nachixü̃anegügu woonexü̃ rü Yudáaneca̱x nawoegu rü Guedaríaxü̃tawa naxĩ ga Mispáwa. Rü nümagü rü ta rü napatagügu namaxã nanguü̃gü ga norü bínu rü yema muxü̃ma ga norü ori̱xgü.

Yeremía 40:10

Rü choma rü nua Mispáwa tá changexma. Rü ngẽxguma nua naxĩxgu i ngẽma Cadéuanecüã̱xgü rü choma rü tá peétüwa chachogü. Rü name i pepatagu namaxã penguü̃ i perü bínu rü penetüarü ori̱xgü rü oribuarü chíxü̃. Rü ngẽmaãcü tá mea nawa pemaxẽ ya yima ĩanegü ya pexme̱xwa ngẽxmagüne —ñanagürü.

Ichaía 9:3

Rü ñu̱xmax, Pa Cori Pa Tupanax, rü poraãcü taãxẽ toxca̱x ícunguxẽxẽ rü ngẽma taãxẽ rü aixcüma nataxüchi. Rü guxãma tataãẽgü i cupe̱xewa ñoma tonetüarü o tibuxgügurüxü̃ rü ñoma churaragü i norü uanügüarü ngẽmaxü̃gü nügümaxã itoyegurüxü̃.

Ãẽ̱xgacügü ga guxchaxü̃güarü mexẽxẽruü̃gü 9:27

Rü yémacüã̱x ga duü̃xü̃gü rü naanewa naxĩ nax norü úba yanabuxgüxü̃ca̱x. Rü norü bínu nanaxügü, rü yexguma marü nüxü̃́ namexgu ga norü bínu rü napetaegü. Rü norü tupananetapatawa nügümaxã nachibüe rü naxaxegü. Rü yéma chixexü̃ Abimeréxmaxã naxuegugü.

Echequié 27:31

Rü norü ngechaü̃maxã tá nügü nidüpü̱xüerugü. Rü tá ngechaü̃chirugu nicu̱xgü. Rü norü ngechaü̃maxã tá poraãcü cuxca̱x naxauxe.

Echequié 32:18

—Pa Yatüx, ¡ngẽma togü i nachixü̃anegüarü ngexü̃gümaxã nagu nawiyae i ñaa ngechaü̃arü wiyae naxca̱x i ngẽma muxü̃ma i Equítuanearü duü̃xü̃gü rü norü ãẽ̱xgacügü! Rü ngẽma wiyae rü ñanagürü: “Ngẽma poraexüchixü̃ rü marü nayue rü marü nata̱xgü naxrüxü̃ ga yema nüxíra yuexü̃ rü íta̱xgüxü̃.