Ichaía 16:8 - Tupanaarü Ore

⁸ Rü ngẽma úbanecü ya Ebóü̃wa rü Chibáwa ngẽxmagüxü̃ rü narüñẽẽxgü yerü Achíriaanecüã̱xgü nayachexe. Rü yema úbanecügu rü nitachitaxü̃xüchichire̱x, rü nanecüanewa rü ĩane ya Yachéxwa inaxügü rü chianexü̃wa nada rü ñu̱xmata Már i Ngearü Maxü̃ã́xü̃gu nayacua̱x ga nanecü.

Ichaía 16:8 Referans Kwoze

Ichaía 15:4

Rü duü̃xü̃gü i Ebóü̃cüã̱xgü rü Erarécüã̱xgü rü tagaãcü ngü̃xẽẽca̱x ínacagü, rü ĩane ya Yaáchagu nüxü̃ naxĩnügagü. Rü ngẽmaca̱x i Moátanüxü̃arü churaragü rü poraãcü ínayamuü̃ãchitanü.

Yeremía 48:32

Rü cuxca̱x tá chaxaxu, Pa Chibáarü Úbanecüx, yema Yachéxca̱x chaxaxuxü̃arü yexera. Rü cuchacüügü rü márwa nangugü ñu̱xmata Yachéxwa nangugü. Natürü i ñu̱xma rü ngẽma curü úbagü rü curü uanüme̱xẽwa nangẽxmagü.

Ichaía 24:7

Rü yimá bínu rü marü wixgu nataxu, rü ngẽma úbanecügü rü norü da̱xaweane naxca̱x ínangugü. Rü ngẽma duü̃xü̃gü ga noxri taãẽgüchiréxü̃ rü ñu̱xma rü ngechaü̃wa nangẽxmagü.

Ichaía 16:9

Rü ngẽmaca̱x nixĩ i ñu̱xma i naxca̱x chaxaxuxü̃ ga yema úbanecügu ga Chibáwa rü Yachéxwa yexmagüxü̃. Rü naxca̱x ichabagüxü̃xetü ga yema úbanecügu ga Ebóü̃wa rü Eraréwa yexmagüxü̃. Erü marü nataxuma i taãxẽ naxca̱x i norü o i buxuxü̃ rü ngẽma úbanecüwa nüxü̃ ĩnüxü̃xicatama nixĩ nax aixta naxüexü̃ i ngẽma nügü daixü̃.

Ichaía 10:7

Natürü nüma i Achíriaanearü ãẽ̱xgacü rü tama ngẽmagu narüxĩnü rü tama naãẽwa nangẽxma i ngẽma. Rü ngẽma nüma nagu naxĩnüxü̃ nixĩ nax wüxicana duü̃xü̃güxü̃ nada̱i̱xü̃ rü muxü̃ma i nachixü̃anegümaxã inacuáxü̃.

2 Chamué 1:21

¡Rü tagutáma wena pegu napu rü woo i cherenaane pegu nangu, Pa Guibóaarü Ma̱xpǘnegü, erü pegu nixĩ i nayuexü̃ i ngẽma tama muü̃wa̱xegüxü̃! Yexma nixĩ ga nagu napúgüexü̃ ga norü poxü̃ruü̃gü ga yema daigu yuexü̃ rü yexma nixĩ ga yaxoxü̃ ga yema Chaúarü poxü̃ruxü̃arü yáuxratachinü.

Yochué 13:25

Rü yema naane ga Gáxarü duü̃xü̃güna üxü̃ rü Yachéxwa inaxügü, rü namaxã nanangauxẽxẽ ga guxü̃nema ga ĩanegü ga Garaáxanewa yexmagüne. Rü naétü nüxna nanaxã ga ngãxü̃gu ga Amóü̃tanüxü̃arü naane rü ñu̱xmata nawa nangu ga guma ĩane ga Aroé ga Rabáarü to̱xma̱xtawa yexmane. Rü naétü nüxna nanaxã ga yema naane ga Ebóü̃, rü Ramáx-mispé, rü Betoníü̃arü ngãxü̃wa yexmaxü̃. Rü yexgumarüxü̃ ta nüxna nanaxã ga yema naane ga Maanaíü̃ rü Debíxwa yexmaxü̃ ga üyeanearü ngãxü̃wa.

Iraétanüxü̃arü muxchiga 32:3

—Ngẽma Atarúane, rü Dibóü̃ane, rü Yachéxane, rü Nimráane, rü Ebóü̃ane, rü Eraréane, rü Chebáü̃ane, rü Nébuane, rü Beóü̃ane rü nüma ga Cori ya Tupana rü marü Iraétanüxü̃na nanaxã. Rü ngẽma naane i maxẽ mea nawa yaxü̃ rü name nixĩ naxca̱x i naxü̃nagü. Rü ngẽma toma nax curü duü̃xü̃gü tixĩgüxü̃ toxü̃́ ngẽxmaxü̃ rü wocagü rü carnérugü nixĩ.

Iraétanüxü̃arü muxchiga 21:32

Rü Moiché rü nanamuãchitanü ga ñuxre ga yatügü nax ĩane ga Yachéxwa ngugütaewa naxĩxü̃ca̱x. Rü yexguma ga Iraétanüxü̃ rü nanapugü ga guma ĩanegü ga Yachéna ngaicamagüne. Rü ínanawoxü̃ ga yema Amoréutanüxü̃ ga guma ĩanegügu ãpatagüxü̃.