Ichaía 16:6 - Tupanaarü Ore

⁶ Nüxü̃ tacua̱x rü ngẽma Moátanüxü̃ rü natachiga naxca̱x nax nügü yacua̱xüü̃güxü̃ rü nügü ínatagüxü̃. Rü nüma rü nügü guxãxü̃ma narüyexeragü, natürü naechitamare nidexagü.

Ichaía 16:6 Referans Kwoze

Amúx 2:1

Rü nüma ya Cori ya Tupana rü ñanagürü: —Ngẽma Moácüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü nümagü rü guma Edóü̃arü ãẽ̱xgacüchina̱xã ínagu rü ñu̱xmata tanimacamare yixĩ.

Yeremía 48:42

Rü Moá rü tá inarüxo nax wüxi i nachixü̃ane yixĩxü̃, yerü chomaxã narüxuanü.

Yeremía 48:26

Moá rü marü Tupanamaxã nanu. Rü ngẽmaca̱x name i norü uanügü nanaxãnexẽxẽ rü nüxü̃ nacugüe ñoma wüxi i ngaxü̃xü̃xü̃ nacugüexü̃rüxü̃ i ngẽxguma norü oxüétüwa yadixegucüügu.

Yeremía 50:36

¡Rü penadai i ngẽma Babiróniaanearü orearü uruü̃güneta i ãũãẽgüxü̃! ¡Rü penadai i ngẽma norü churaragü i muü̃maxã idu̱xruxexü̃! ¡Rü penadai i ngẽma norü cowarugü! ¡Rü nagu pepogüe ya norü carugü! ¡Rü penadai i ngẽma churaragü i to i nachixü̃anecüã̱x i Babiróniaarü ãẽ̱xgacü nüxü̃́ ütanüxü̃ nax daiwa nüxü̃ nangü̃xẽẽgüxü̃ca̱x! Rü nümagü rü ngexü̃gürüxü̃ poraãcü namuü̃e. ¡Rü Babiróniaanewa penade i norü diẽru rü norü ngẽmaxü̃gü i tatanüxü̃!

Ichaía 44:25

Rü ngẽma orearü uruü̃güneta rü ngẽxguma nüxü̃ yaxugüegu nax ta̱xacü tá ngupetüxü̃, rü choma rü nüxü̃́ ichayanaxoxẽxẽ nax tama yanguxü̃ca̱x i ngẽma nüxü̃ yaxugüexü̃. Rü ngẽma ẽxü̃guxü̃xü̃ cua̱xgüxü̃ rü choma nixĩ ichanatoõẽmarexü̃ nax tama nüxü̃ nacua̱xgüxü̃ca̱x i ta̱xacüchiga yixĩxü̃ i ngẽma nüxü̃ yaxugüexü̃. Rü ngẽma duü̃xü̃gü i cua̱x nüxü̃́ ngẽxmagüxü̃ rü choma nixĩ i nügümaxãtama chanaxutagagüxẽẽxü̃ nax ngẽma norü cua̱x rü taxuwama namexü̃.

Ichaía 28:18

Rü ngẽxguma pexca̱x tá ínangugügu i perü uanüarü churaragü i ãũcümaxü̃, rü tá pexü̃ narüporamaegü. Rü ngẽxma tá narüxomare i ngẽma perü uneta i Equítuanemaxã pexüxü̃ rü perü uanü tá pexü̃ nadai.

Ichaía 28:15

Pemax rü ñaperügügü: —Taxucürüwa i torü uanü toxü̃ nadai erü marü wüxi i uneta taxü nax tama tayuexü̃ca̱x rü togü toxü̃ ínapoxü̃xü̃ca̱x —ñaperügügü. Natürü ngẽma uneta rü yuwa tá pexü̃ nagagü erü wüxi i womüxẽẽmare nixĩ.

Ichaía 2:11

Rü ngẽma ngunexü̃ i nagu ínanguxü̃ ya Cori ya Tupana, rü ngẽma nügü icua̱xüü̃güxü̃ rü nape̱xewa tá naxãnee, rü ngẽma nügü írütagüxü̃ rü nape̱xewa rü tá taxuwama nime. Rü nüxicatama ya Cori ya Tupana rü tá inanawe̱x i norü pora i ngẽma ngunexü̃gu.

Nüxíraxü̃xü̃ ga popera ga Pedru ümatüxü̃ 5:5

Rü ngẽxgumarüxü̃ ta i pemax, Pa Ngextü̱xücügüx, rü name nixĩ i naga pexĩnüe i ngẽma perü ãẽ̱xgacügü i Tupanaarü puracümaxã icua̱xgüxü̃. Rü guxãma i pema i yaxõgüxü̃, rü name nixĩ i wüxichigü mea pegüga pexĩnüe rü tama pegügu perüxĩnüe nax pemücügüarü yexera pixĩgüxü̃. Erü Tupanaarü ore i ümatüxü̃wa rü ñanagürü: “Tupana rü tama norü me nixĩ i ngẽma duü̃xü̃gü i nügü icua̱xüxü̃güxü̃. Natürü nüxü̃ narüngü̃xẽxẽ rü namaxã namecüma i ngẽma duü̃xü̃gü i tama nügü icua̱xüxü̃güxü̃”, ñanagürü i ngẽma ore.

Ucu̱xẽgüchiga 21:24

Ngẽma nügü nüxü̃ írücuáaxü̃xü̃, rü duü̃xü̃gü rü nachiga tá ñanagürügü: —Ngẽma nügü icua̱xüxü̃ rü tama ixĩnüchaü̃xü̃, rü nügü nüxü̃ ínarücuáaxü̃ —ñanagürügü tá.

Ichaía 25:11

Rü Moáane rü ñoma wüxi i wẽxgütaexü̃rüxü̃ pora naxü nax yexera naporaxü̃ca̱x. Natürü nüma ya Cori ya Tupana rü tá nayanaxoxẽxẽ nax nügü yacua̱xüxü̃xü̃.

Ichaía 15:1

Cori ya Tupanaarü ore i Moáchiga ixĩxü̃: Wüxitama ga chütaxü̃ nixĩ ga nadaiãcuãxü̃ ga guma Moáanearü ĩane ga Ár. Rü yexgumarüxü̃ ta wüxitama ga chütaxü̃ nixĩ ga nadaiãcuãxü̃ ga guma Moáanearü ĩane ga Quíru.

Ichaía 25:10

Rü yimá Cori ya Tupaname̱xẽ tá nixĩ i ma̱xpǘne ya Chióü̃xü̃ ípoxü̃ne. Natürü Moáxü̃ rü tá nayapuxcuchigü ñoma maxẽ i paxü̃ wüxi i guxchirepáü̃gu yapu̱xcuchixü̃rüxü̃.

Yeremía 48:14

Rü tama name i Moáanecüã̱xgü ñanagürügü: “Toma rü tama tamuü̃e, rü daitanüxü̃ i poraexü̃ tixĩgü”, ñanagürügü.