Ichaía 16:2 - Tupanaarü Ore

² Rü ngẽma Moátanüxü̃arü ngexü̃gü rü natü i Arnóü̃wa nichoü̃ nax yabuxmüxü̃ca̱x ñoma werigü i baixãchiexü̃ rü naxchiãü̃güna ibuxmüxü̃rüxü̃.

Ichaía 16:2 Referans Kwoze

Ucu̱xẽgüchiga 27:8

Ñoma wüxi i weri i yáxü̃wa naxchiãü̃na ũxü̃rüxü̃ nixĩ i wüxi i yatü i norü naane i nagu nabuxü̃na yáxü̃wa nu ne naxũmarexü̃.

Ãẽ̱xgacügü ga guxchaxü̃güarü mexẽxẽruü̃gü 11:18

Rü yemawena rü chianexü̃gu taxĩ rü Edóü̃tanüxü̃arü rü Moátanüxü̃arü naanexü̃ ítachoegu, rü ñu̱xmata Moátanüxü̃arü éstewaama tangugü. Rü natü i Arnóü̃arü to̱xma̱xtagu tapegü. Natürü tama yema natü tichoü̃ yerü yéma inaxügü ga Moátanüxü̃arü naane.

Yeremía 48:20

Moáane rü naxãnee erü norü uanügü rü marü nüxü̃ narüporamae. Rü poraãcü namuü̃e i norü duü̃xü̃gü. ¡Rü perü ngechaü̃maxã naxca̱x pexauxe! ¡Rü natü i Arnóü̃wa penaxunagü nax marü nagu napogüexü̃ i Moáanearü ĩanegü! —ñanagürü.

Ichaía 13:14

Rü ngẽma togü i nachixü̃anecüã̱x i Babiróniaanearü ĩanewa ngẽxmagüxü̃ rü ñoma wüxi i cowü i nawe nangẽgüxü̃rüxü̃ tá nibuxmü. Rü wüxi i carnérutücumü i ngearü dauruü̃ã̱xgüxü̃rüxü̃ tá naxĩgü. Rü wüxichigü i ngẽma duü̃xü̃gü rü tá nachixü̃aneca̱x nataegu rü ngẽma norü naane i nawa ne naxũxü̃wa tá naxũ.

Yochué 13:16

Rü yema norü naane rü inaxügü nawa ga guma ĩane ga Aroé ga natü ga Arnóü̃cutüwa yexmane. Rü namaxã nanangauxẽxẽ ga guma ĩane ga yema doxonexü̃arü ngãxü̃wa yexmane. Rü yema naane rü nawa nada ga yema doxonexü̃ ga ĩane ga Medebá nawa yexmaxü̃ ñu̱xmata ĩane ga Ebóü̃wa nangu. Rü namaxã nanangauxẽxẽ ga guxü̃nema ga guma ĩanegü ga yema doxonexü̃wa yexmagüne ga Dibóü̃, rü Bamóx-baá, rü Bex-baá-meóü̃,

Wenaxarü naxümatü ga Tupanaarü mugü 3:12

Rü yema naane ga Amoréugüna ipuxü̃xü̃wa, rü ĩane ga Aroé ga natü ga Arnóü̃pechinüwa yexmanewa inaxügü rü ñu̱xmata Garaáxarü ma̱xpǘanexü̃arü ngãxü̃gu yacuáx, rü Rubéü̃tanüxü̃na, rü Gáxtanüxü̃na chanaxã, guxü̃nema ga norü ĩanegümaxã.

Wenaxarü naxümatü ga Tupanaarü mugü 3:8

Rü yemaacü ga yema ngunexü̃gügu rü taxme̱xgu nayi ga norü naanegü ga yema taxre ga ãẽ̱xgacügü ga Amoréutanüxü̃ ga natü ga Yudáü̃arü éstewa maxẽxü̃. Rü yema naane ga ipuxü̃xü̃ rü natü ga Arnóü̃wa inaxügü rü ñu̱xmata ma̱xpǘne ga Ermóü̃wa nangu.

Wenaxarü naxümatü ga Tupanaarü mugü 2:36

Rü guma ĩane ga Aroé ga natü ga Arnóü̃cutüwa yexmanewa rü ñu̱xũchi guma ĩane ga doxonexü̃wa yexmanewa itanaxügü nax napuxü̃xü̃ ñu̱xmata Garaáxgu yacuá. Rü nataxuma ga ĩane ga tüxü̃ rüporamaene. Yerü nüma ga Cori ya tórü Tupana rü taxme̱xgu nanayixẽxẽ ga guxü̃nema ga guma ĩanegü.

Iraétanüxü̃arü muxchiga 21:29

Pa Moátanüxü̃x, rü ngẽma rü wüxi i taxü̃ i ngechaü̃ nixĩ i pexca̱x. Nuxã nixĩ i perüxoxü̃ i pema i tupananeta i Quemóxarü duü̃xü̃güx. Rü nüma i perü tupananeta nixĩ ga Amoréutanüxü̃arü ãẽ̱xgacü ga Chióü̃axü̃́ natauxchaxẽẽãxü̃ nax ínayauxü̃xãxü̃ i cunegü rü cuxacügü.

Norü taxre ga popera ga ãẽ̱xgacügüchiga 3:4

Rü Mechá ga Moáanearü ãẽ̱xgacü rü carnéruarü yaẽxẽwa napuracü. Rü yemaca̱x ga Iraéanearü ãẽ̱xgacü rü namaxã nanaxuegu nax naxütanüãxü̃ca̱x ga 100,000 ga carnérugü rü naétü 100,000 ga carnérugüta̱xagü.

Ucu̱xẽgüchiga 26:2

Ngẽma weri i nu ne nañamarexü̃, rü ngẽma chiru i ngexchiãxü̃ rü taxuwama nangu erü nangechica. Rü ngẽxgumarüxü̃ ta taxũtáma tüxna nangu i ngẽma chixexü̃ i togü tamaxã ueguxü̃ ega taxuxü̃ma i chixexü̃ ixüxgu.

Yeremía 48:9

¡Namexẽxẽ i naxma̱xü̃ i Moá i nagu tá natáxü̃ erü tá inayarütaxu! Rü norü ĩanegü rü nachitaxü̃xica tá ínayaxügü rü nataxutáma i duü̃xü̃gü i nawa maxẽxü̃ —ñanagürü ya Cori ya Tupana.

Yeremía 48:46

Pa Moátanüxü̃x, wüxi i ngechaü̃ nixĩ i pexca̱x, erü pema i tupananeta i Quemóxarü duü̃xü̃güx nax pixĩgüxü̃ rü marü pexü̃ nadai. Rü penegü rü pexacügü rü to i nachixü̃anewa nagagü.