Ichaía 16:14 - Tupanaarü Ore

¹⁴ Rü ñu̱xma ya Cori ya Tupana rü ñanagürü: —Wüxi i puracütanüxü̃ rü tomaepü̱x ya taunecü inaxuneta nax napuracüxü̃. Rü ngẽxgumarüxü̃ tá ta tomaepü̱x ya taunecü rü Moáanearü pora rü tá inayacua̱x, rü ngẽma muxü̃ i norü duü̃xü̃gü rü tá nayue. Rü noxre tátama i duü̃xü̃gü ínayaxügü natürü tá nangearü poraã̱x —ñanagürü ya Cori ya Tupana.

Ichaía 16:14 Referans Kwoze

Yeremía 48:42

Rü Moá rü tá inarüxo nax wüxi i nachixü̃ane yixĩxü̃, yerü chomaxã narüxuanü.

Ichaía 23:9

Rü Cori ya Tupana ya Guxãétüwa Ngẽxmacü nixĩ i namaxã naxuegucü i ngẽma ñu̱xma namaxã ngupetüxü̃ nax ngẽmaãcü naxãneexẽẽxü̃ca̱x i guxü̃ma i ngẽma duü̃xü̃gü i nügü írütagüxü̃ rü nüxna nax nayauxãxü̃ca̱x i norü pora i ngẽma duü̃xü̃gü i ñoma i naanewa nügü írüporaexü̃.

Ichaía 21:16

Rü Cori ya Tupana rü chomaxã nidexa rü ñanagürü: —Ñoma wüxi i puracütanüxü̃ i wüxi ya taunecüca̱x nüxü̃ ixunetaxü̃rüxü̃ tá nixĩ nax wüxi ya taunecü inguxgu rü tá nagúxü̃ i norü pora ya yima ĩane ya mexẽchine ya Quedáx.

Yeremía 9:23

Rü nüma ya Cori ya Tupana rü ñanagürü: —Yíxema cua̱x tüxü̃́ ngẽxmaxe rü tama name i tügü namaxã ticua̱xüxü̃ i ngẽma tümaarü cua̱x. Rü woo yíxema nüxü̃ cuáxe nax duü̃xü̃gümaxã itacuáxü̃ rü tama name i ngẽmamaxã tügü ticua̱xüxü̃. Rü woo ya yíxema diẽruã́xẽ rü tama name i tümaarü diẽrumaxã tügü ticua̱xüxü̃.

Ichaía 25:10

Rü yimá Cori ya Tupaname̱xẽ tá nixĩ i ma̱xpǘne ya Chióü̃xü̃ ípoxü̃ne. Natürü Moáxü̃ rü tá nayapuxcuchigü ñoma maxẽ i paxü̃ wüxi i guxchirepáü̃gu yapu̱xcuchixü̃rüxü̃.

Ichaía 17:4

Rü ngẽma ngunexü̃gu ya Chamária ya Iraéanearü ĩane ya porane, rü tá nangearü poraã̱x, rü tá inayarütauxe i norü ngẽmaxü̃gü.

Ichaía 15:5

Rü chorü maxü̃newa rü poraãcü changechaü̃ naxca̱x i Moátanüxü̃. Rü ĩane ya Chóawa rü ĩane ya Égrax-cherichíyawa nabuxmü. Rü duü̃xü̃gü rü auxeãcüma nawa ínayachoõchi i ngẽma Luíxarü tuãchixü̃. Rü ngẽma nama ya ĩane ya Oronaíü̃wa daxü̃gu naxĩxgu rü aita naxüe na̱xcha̱xwa i ngẽma ãũcümaxü̃.

Ester 5:11

Rü yema namücügüpe̱xewa inanaxügü ga nügü nax yacua̱xüü̃xü̃. Rü nüxü̃ nixu nax ñuxãcü namuarü ngẽmaxü̃ã̱xü̃chixü̃ rü namuxacüxüchixü̃ rü ñuxãcü ãẽ̱xgacü nüxü̃ icua̱xüü̃xü̃ natanüwa ga yema norü ngü̃xẽẽruü̃gü, rü yemaca̱x yema togüétüwa nanaxǘxẽxẽ ga ãẽ̱xgacü.

Wenaxarü naxümatü ga Tupanaarü mugü 15:8

Natürü name nixĩ nax namaxã pemecümaxü̃ rü nüxü̃ perüngü̃xẽẽxü̃ namaxã i ngẽma diẽru i nüxü̃́ taxuxü̃ i pexna naxca̱x naca̱xaxü̃ nax yixcama pexü̃́ natáeguxẽẽxü̃ca̱x.

Naanearü ügüchiga 31:1

Natürü nüma ga Acóbu rü nüxü̃ nacuáchiga ga Labáü̃ nanegü rü nachiga nax yadexagüxü̃ rü ñagüxü̃: —Acóbu rü nügüxü̃́ nanade i guxü̃ma ga tanatüarü ixĩxü̃, rü ngẽmamaxã nixĩ i ñu̱xma i namuarü ngẽmaxü̃ã́xü̃ —ñanagürügü.

Yox 7:1

Rü ñoma i naanewa i yixema rü ñoma wüxi i puracütanüxü̃ i norü puracütanü ínanguxẽẽxü̃rüxü̃ tixĩgü.

Yox 14:6

Rü ngẽmaca̱x chanaxwa̱xe i ícuyachaxãchi nax choxü̃ cungugüechaxü̃ nax ngẽmaãcü taãẽwa changexmaxü̃ca̱x. ¡Rü taxṹ i choxna cunachu̱xuxü̃ nax ñoma wüxi i puracütanüxü̃rüxü̃ chataãẽxü̃ca̱x ñu̱xmatáta nagú i chorü ngunexü̃gü!

Ichaía 11:14

Rü Efraíü̃tanüxü̃ rü Yudátanüxü̃ rü wüxigu tá oéstewa naxĩ nax Firitéutanüxü̃xü̃ nada̱i̱xü̃ca̱x, rü naweama tá ne naxĩ. Rü ngẽxgumarüxü̃ tá ta wüxigu naxca̱x ínayaxüãchi rü nüxna nanapuxü̃ i norü ngẽmaxü̃gü i ngẽma nachixü̃anegü i éstewaama ngẽxmagüxü̃. Rü ngẽma taxre rü tá Edóü̃anemaxã rü Moáanemaxã inacua̱xgü. Rü ngẽma Amóü̃tanüxü̃ rü tá naga naxĩnüe.

Ichaía 16:13

Rü yema nixĩ ga ore ga nũxcüma Cori ya Tupana Moátanüxü̃maxã ueguxü̃.

Ichaía 25:11

Rü Moáane rü ñoma wüxi i wẽxgütaexü̃rüxü̃ pora naxü nax yexera naporaxü̃ca̱x. Natürü nüma ya Cori ya Tupana rü tá nayanaxoxẽxẽ nax nügü yacua̱xüxü̃xü̃.