Ichaía 16:12 - Tupanaarü Ore

¹² Rü woo chi ngẽma Moátanüxü̃ rü ma̱xpǘnegüwa naxĩxgu nax ngéma norü tupananetagüna ngü̃xẽẽca̱x yacagüxü̃ca̱x rüe̱xna woo chi norü ngutaque̱xepataü̃wa naxĩxgu rü ngéma yayumüxẽgügu rü taxuwatáma naxca̱x ne naxũ i norü ngü̃xẽxẽ.

Ichaía 16:12 Referans Kwoze

Ichaía 15:2

Rü ngẽmaca̱x ngẽma duü̃xü̃gü ya ĩane ya Dibóü̃cüã̱xgü rü norü ngutaque̱xepataxü̃ ya ma̱xpǘnegu ünagünewa naxĩ rü ngéma nayaxauxe. Rü Moátanüxü̃ rü nügümaxã nixauxãchie naxca̱x ya norü ĩanegü ya Nébu rü Medebá nax nanguxuchigüxü̃. Rü guxü̃ma i Moátanüxü̃ rü norü ngechaü̃maxã nügü nidüpü̱xüerugü rü nügü nidüxchinagugü.

Yeremía 48:35

Rü nüma ya Cori ya Tupana rü ñanagürü: —Choma rü tá chanadai i ngẽma duü̃xü̃gü i Moácüã̱xgü i ma̱xpǘnechitaerugu ĩgüxü̃ nax ngéma norü tupananetaxü̃ yanacua̱xüxü̃güxü̃ca̱x rü ãmare nüxna naxãgüxü̃ca̱x rü pumarate̱xe naxca̱x yagugüxü̃ca̱x —ñanagürü.

Nüxíraxü̃xü̃ ga popera ga ãẽ̱xgacügüchiga 18:29

Rü tocuchiwa nangu rü nümagü rü inayadaxẽẽgü ga nax yaxáichaxü̃ rü nax nayuxtanüxü̃, rü yemaacü nayáuanexü̃gumare, natürü taxuxü̃ma nanangãxü̃ rü bai ga wüxi ga naga ga nüxü̃ naxĩnüexü̃. Rü düxwa orawa nangu nax Ería Tupanaca̱x yamáxü̃ ga yema to ga wocaxacü.

Iraétanüxü̃arü muxchiga 23:28

Rü yemaacü ga Baláx rü ma̱xpǘne ga Peúgu ãéganewa Balaáü̃xü̃ naga. Rü yéma nixĩ ga meama naétü idauxü̃ ga guxü̃ma ga yema chianexü̃.

Iraétanüxü̃arü muxchiga 23:14

Rü nüma ga Baláx rü wüxi ga naane ga dauxü̃taechica ga Chopíü̃gu ãégaxü̃wa nanaga ga ma̱xpǘne ga Pichátape̱xewa. Rü yexma nanaxü ga 7 ga ãmarearü guruxü̃. Rü wüxichigüwa nayagu ga wüxi ga wocaxacü rü wüxi ga carnéru.

Iraétanüxü̃arü muxchiga 22:39

Rü nüma ga Balaáü̃ rü ãẽ̱xgacü ga Baláxwe narüxũ ñu̱xmata Quiriáx-uchúwa nangugü.

Yeremía 48:46

Pa Moátanüxü̃x, wüxi i ngechaü̃ nixĩ i pexca̱x, erü pema i tupananeta i Quemóxarü duü̃xü̃güx nax pixĩgüxü̃ rü marü pexü̃ nadai. Rü penegü rü pexacügü rü to i nachixü̃anewa nagagü.

Yeremía 48:13

Rü ñu̱xũchi i Moá rü tá naxãnee nagagu i norü tupananeta i Quemó, yexgumarüxü̃ ga Iraétanüxü̃ nax naxãneexü̃ nagagu ga yema norü tupananeta ga Betéwa yexmaxü̃ ga nüxü̃́ yaxõgüãxü̃.

Yeremía 48:7

Pa Moáanex, cuma rü curü poragu cuyaxõ rü curü diẽrugu cuyaxõ, natürü curü uanügü rü tá cuxü̃ narüporamae. Rü nachixü̃anewa tá nanangegü i curü tupananeta i Quemó wüxigu namaxã i Quemóxarü chacherdótegü rü ngẽma curü duü̃xü̃gü i tachigagüxü̃.

Yeremía 10:5

Rü ngẽma naxchicüna̱xãgü rü ñoma naanegu pugüxü̃ i duü̃xü̃chicüna̱xãgü i werigüarü muü̃xẽẽruü̃rüxü̃mare nixĩgü. Rü tama nidexagü, rü nanaxwa̱xe nax yangegüxü̃ erü taxuacüma inaxĩ. ¡Rü taxṹ i nüxü̃ pemuüẽxü̃! Erü taxúexü̃ma nachixexẽxẽ, rü taxúeca̱x mexü̃ naxü —ñanagürü.

Ichaía 47:13

¡Rü ñu̱xma rü chope̱xewa naxĩ i ngẽma perü ucu̱xẽruü̃gü i cua̱x nüxü̃́ ngẽxmagüxü̃ rü muxü̃ma i ucu̱xẽgü pexna ãgüxü̃! ¡Rü nua naxĩ i ngẽma ẽxtagüxü̃ rüdaunüxü̃ nax ngẽmawa nüxü̃ nacua̱xgüxü̃ca̱x i ngẽma tá ngupetüxü̃ rü aixcüma tá pexü̃ ínapoxü̃gü nawa i ngẽma ãũcümaxü̃ i pexca̱x ínguxchaü̃xü̃!

Ichaía 37:38

Rü wüxi ga ngunexü̃gu ga yexguma norü tupana ga Niróxpatawa nüxü̃ yacua̱xüü̃yane, rü Chenáqueri nanegü ga Adamérex rü Charéche rü yéma naxĩ rü nayama̱xgü. Rü nümagü rü Araráanewa nabuxmü. Rü yemawena rü nane ga Echaradóü̃ nanatüchicüxü ãẽ̱xgacüxü̃ ningucuchi.

Ichaía 26:16

Rü yexguma guxchaxü̃ toxca̱x ínguxgu, Pa Corix, rü cuxca̱x tadaugüama naétüwa ga yema ngúxü̃ ga toxca̱x ícunguxẽẽxü̃ nax toxü̃ curüwe̱xãchigüxẽẽxü̃ca̱x.

Ucu̱xẽgüchiga 1:28

Rü ngẽma ngunexü̃gu rü tá choxna pecagü, natürü taxũtáma pexü̃ changãxü̃, rü tá cha̱u̱xca̱x pedaugü, natürü taxũtáma choxü̃ ipeyangau.

Norü taxre ga popera ga ãẽ̱xgacügüchiga 19:12

Rü yema nachixü̃anegü ga Gocháü̃, rü Aráü̃, rü Réchex ga duü̃xü̃gü ga Bex-edéü̃anecüã̱x ga ĩane ga Teracháxwa maxẽxü̃, rü yema norü tupanagü rü tama ínanapoxü̃gü ga yexguma torü o̱xigü nadaixgu.

Norü taxre ga popera ga ãẽ̱xgacügüchiga 3:27

Rü yemaca̱x nayayaxu ga nane ga yacü ga nachicüxü ãẽ̱xgacüxü̃ íxücuchaü̃cü rü ĩanearü poxeguxü̃tápü̱xétüwa nanaga. Rü yexma nayama̱x rü norü tupananetaca̱x nayagu. Rü yemagagu rü duü̃xü̃gü rü poraãcü Iraétanüxü̃maxã nanue. Rü yemaca̱x ga yema Iraétanüxü̃ rü nanabugü ga guma norü düxenügü rü nachixü̃aneca̱x nawoegu.

Nüxíraxü̃xü̃ ga popera ga ãẽ̱xgacügüchiga 11:7

Rü yemaca̱x ga Charomóü̃, rü guma ma̱xpǘne ga Yerucharéü̃arü éstewaama yexmanegu nanaxü ga wüxi ga ngutaque̱xepataxü̃ naxca̱x ga Quemó ga Moácüã̱xgüarü tupanachicüna̱xã ga buxe naxca̱x tüxü̃ yagugüxü̃. Rü yexgumarüxü̃ ta nanaxü naxca̱x ga Molóx, ga Amóü̃tanüxü̃arü tupanachicüna̱xã ga buxe naxca̱x tüxü̃ yagugüxü̃ ta.

Iraétanüxü̃arü muxchiga 24:17

Rü nüxü̃ chadau i ta̱xacü i yixcüra tá ngupetüxü̃, natürü taxũtáma paxa ínangu. Rü Iraétanüxü̃tanüwa tá nango̱x i wüxi i ãẽ̱xgacü i ñoma woramacuri ngóxü̃rüxü̃. Rü ngẽma ãẽ̱xgacü rü Moátanüxü̃xü̃ tá nadai rü tá inayanaxoxẽxẽ i guxü̃ma i Chéxtanüxü̃.

Iraétanüxü̃arü muxchiga 22:41

Rü moxü̃ãcü rü nüma ga Baláx rü Balaáü̃xü̃ ínayadau. Rü ma̱xpǘne ga Bamóx-baágu nanaxĩnagüxẽxẽ nax yéma nüxü̃ nadauxü̃ca̱x ga Iraétanüxü̃ íyexmagüxü̃wa.

Iraétanüxü̃arü muxchiga 21:28

Rü Ebóü̃ ya Chióü̃arü ĩanewa inaxügü nax yayauraxü̃ ya üxü rü ñu̱xmata Moátanüxü̃arü ĩane ya Árwa nangu rü ñu̱xmata Arnóü̃arü ma̱xpǘnegüwa nangu.

Ichaía 16:13

Rü yema nixĩ ga ore ga nũxcüma Cori ya Tupana Moátanüxü̃maxã ueguxü̃.