Ichaía 15:9 - Tupanaarü Ore

⁹ Rü yimá puchugü ya Dimóü̃wa ngẽxmagücü rü nagümaxã nixããcu, natürü choma rü tá yexeraãcü chanapoxcue. Rü tá chanamu i wüxi i leóü̃ nax ngẽxma nangõ̱xcuãxü̃ca̱x i ngẽma duü̃xü̃gü i Moáwa ibuxmüxü̃ rü ñu̱xũchi ngẽma duü̃xü̃gü i Moáwa yaxǘgüxü̃.

Ichaía 15:9 Referans Kwoze

Norü taxre ga popera ga ãẽ̱xgacügüchiga 17:25

Natürü yema duü̃xü̃gü ga Achíriaanearü ãẽ̱xgacü yéma mugüxü̃ rü tama Cori ya Tupanaxü̃ nicua̱xüü̃gü. Rü yemaca̱x yexguma yexwacax Chamáriaarü ĩpatagügu nügü yanuxgu, rü Tupana rü yéma nanamugü ga leóü̃gü nax nadaiaxü̃ca̱x ga ñuxre ga yema duü̃xü̃gü.

Amúx 5:19

Rü ngẽma ngunexü̃ rü ñoma texé wüxi i leóü̃cha̱xwa iñaxgu rü wüxi i osumaxã itarüñaxü̃rüxü̃ tá nixĩ. Rü ngẽma ngunexü̃, rü ñoma wüxíe rü tümapatagu taxücu rü naxtapü̱xgu tingõgügu rü ãxtape tüxü̃ ngṍxü̃rüxü̃ tá nixĩ.

Yeremía 50:17

Ngẽma Iraétanüxü̃ rü ñoma wüxi i carnéru i rütaxuxü̃ i leóü̃gü nawe ingẽxü̃tanüxü̃rüxü̃ nixĩgü. Rü noxri rü yema Achíriaanearü ãẽ̱xgacü nanadai. Rü yemawena rü Babiróniaanearü ãẽ̱xgacü ga Nabucudonochó rü nanadai ga yema duü̃xü̃gü ga yéma yaxǘgüxü̃.

Yeremía 15:3

Rü choma ya Cori ya Tupana rü nüxü̃ chixu rü ñachagürü: —Naxãgümücüraü̃xü̃ i poxcu tá pexca̱x íchanguxẽxẽ. Rü daigu tá pexü̃ nadai, rü airugü tá pexü̃ nitúgü, rü ngurucugü tá pexü̃ nangõ̱xgü, rü ñu̱xũchi naeü̃gü i idüraexü̃ tá pexü̃ nangõ̱xcu.

Lebítanüxü̃arü puracüchiga 26:18

Rü naétü nax ngẽma pexü̃ ngupetüxü̃, rü ngẽxguma tama chauga pexĩnü̃egu, rü choma rü 7 e̱xpü̱xcüna tá wena pexü̃ chapoxcue naxca̱x i perü pecadugü.

Ichaía 15:8

Rü guxü̃ma i Moátanüxü̃arü naanewa rü nüxü̃ taxĩnü nax duü̃xü̃gü ngü̃xẽẽca̱x ínacagüxü̃. Rü ngẽma naga nax naxauxexü̃ i ngẽma duü̃xü̃gü rü ñu̱xmata ĩane ya Egraíü̃gu rü ĩane ya Beéx-eríü̃gu nüxü̃ taxĩnü.

Iraétanüxü̃arü muxchiga 21:30

Natürü i ñu̱xma i toma i Iraétanüxü̃ rü marü tanadai. Rü ĩane ya Ebóü̃wa itanaxügü rü ñu̱xmata Dibóü̃gu yacuáx. Rü nagu tapogüe ya norü ĩanegü rü ñu̱xmata Nopágu rü Medebágu yacuáx —ñagüxü̃.