Ichaía 15:7 - Tupanaarü Ore

⁷ Rü ngẽmaca̱x i duü̃xü̃gü rü nanade i norü ngẽmaxü̃gü rü natüxacü i Áramuarü tocutüwa naxĩ.

Ichaía 15:7 Referans Kwoze

Yeremía 48:36

Rü ngẽmaca̱x Moáanearü duü̃xü̃güca̱x changechaü̃ ñoma wüxi i woweru i ngechaxü̃gane ega yuetaca̱x yacuexgurüxü̃. Rü ngẽxgumarüxü̃ ta ngẽma yatügü i Quíru-erécheca̱x changechaü̃ yerü marü nataxuma ga yema muxü̃ ga norü yemaxü̃gü ga nügüca̱x nadexü̃.

Ichaía 30:6

Rü ñaa nixĩ i Cori ya Tupanaarü ore nachiga i ngẽma Négueanewa ngẽxmagüxü̃ i ngo̱xogü. Rü ngẽma naane i ãũcümaxü̃ i nawa ngẽxmagüxü̃ i leóü̃gü rü ãxtapegü i tüxü̃ ngóxü̃ rü ãxtapegü i tüxna yuxuxü̃, rü ngẽma naanegu búrutagügu rü caméyutagügu ngẽma Iraétanüxü̃ nayana i norü ngẽmaxü̃gü rü norü diẽrugü nax Equítuanearü ãẽ̱xgacüna yanaxãxü̃ca̱x nax ínapoxü̃ãxü̃ca̱x.

Ichaía 10:14

Rü guma ĩanegüarü ngẽmaxü̃gü rü guxü̃ma cho̱xme̱xwa nangẽxmagü, rü guxü̃ma ga yema norü naane rü chorü nixĩ. Rü ñoma wericharaü̃ ya naxchiãxü̃wa wogüne iyaxuxü̃rüxü̃ chanayaxu ga yema naanegü rü taxuxü̃ma choxna nayanuxũ. Rü tataxuma ya texé ya naxca̱x idexaxe —ñanagürü.

Ichaía 10:6

Rü choma tá nixĩ i Achíriaanearü ãẽ̱xgacüxü̃ chamuxü̃ nax duü̃xü̃gü i chixexü̃gu maxẽxü̃ca̱x rü wüxi i nachixü̃ane i choxü̃ nuẽẽxü̃ca̱x íyagoõchixü̃ca̱x nax nüxü̃́ nangĩ́xü̃ca̱x rü nüxna napuxü̃ãxü̃ca̱x i norü ngẽmaxü̃gü rü nagu napugüexü̃ca̱x ñoma ĩanearü namagüwa ngẽxmaxü̃ i ãcharaxü̃gu napugüexü̃rüxü̃.

Ichaía 5:29

Rü naga i ngẽma norü churaragü rü ñoma wüxi i leóü̃ i aexü̃xü̃ ingũ̱xunecüxüxü̃rüxü̃ nixĩgü. Rü nayange i naeü̃ rü taxúema tapora nax nüxna tanapuxü̃.

Lebítanüxü̃arü puracüchiga 23:40

Rü ngẽma petaarü nüxíraxü̃ i ngunexü̃gu rü ngẽma rümemaexü̃ i penetüarü o tá pebuxu. Rü tá penayaxu i palmeraátügü rü nai i metanüxü̃átügü rü nai i natüanacüwa rüxüxü̃átügü, rü 7 i ngunexü̃ tá Cori ya Tupanape̱xewa petaãẽgü.

Ichaía 15:8

Rü guxü̃ma i Moátanüxü̃arü naanewa rü nüxü̃ taxĩnü nax duü̃xü̃gü ngü̃xẽẽca̱x ínacagüxü̃. Rü ngẽma naga nax naxauxexü̃ i ngẽma duü̃xü̃gü rü ñu̱xmata ĩane ya Egraíü̃gu rü ĩane ya Beéx-eríü̃gu nüxü̃ taxĩnü.