Ichaía 15:2 - Tupanaarü Ore

² Rü ngẽmaca̱x ngẽma duü̃xü̃gü ya ĩane ya Dibóü̃cüã̱xgü rü norü ngutaque̱xepataxü̃ ya ma̱xpǘnegu ünagünewa naxĩ rü ngéma nayaxauxe. Rü Moátanüxü̃ rü nügümaxã nixauxãchie naxca̱x ya norü ĩanegü ya Nébu rü Medebá nax nanguxuchigüxü̃. Rü guxü̃ma i Moátanüxü̃ rü norü ngechaü̃maxã nügü nidüpü̱xüerugü rü nügü nidüxchinagugü.

Ichaía 15:2 Referans Kwoze

Yeremía 48:1

Ñaa nixĩ i Cori ya Guxãétüwa Ngẽxmacü ya Iraétanüxü̃arü Tupanaarü ore nachiga ya Moáane. Rü ñanagürü: —Wüxi i taxü̃ i ngechaü̃ nixĩ i ngẽma nüxü̃ ngupetüxü̃ ya ĩane ya Nébu i ñu̱xma nagu napogüene. Rü yima ĩane ya Quiriataíü̃ rü norü uanügü rü marü nanapugü rü nüxü̃ narüporamaegü. Rü norü poxeguxü̃tápü̱xgü rü marü nayawa̱xgüxẽxẽ.

Lebítanüxü̃arü puracüchiga 21:5

Rü ngẽma chacherdótegü rü ngẽxguma nayu̱xgu i wüxi i natanüxü̃ rü tama name nax togürüxü̃ norü ngechaü̃maxã nügü yadügüeruxü̃, rü nügü yadüxchinagugüxü̃, rü nügü napi̱xẽẽgüxü̃ i naxü̃negüwa.

Yeremía 48:18

Pa Ĩane ya Dibóü̃x nax mexü̃wa cungexmaxü̃, rü name nax curüxüexü̃ nawa i cuchica i mexü̃, ¡rü waixü̃müane i paxü̃wa rüto! Erü ngẽma Moáanearü chixexẽẽruxü̃ rü cuxca̱xama nixũ rü marü nayawa̱xgüxẽxẽ i curü poxegutapü̱xgü.

Ichaía 3:24

Rü ngẽma pumaraarü paacaanechicüxü rü tá nayixanemare. Rü goyexü̃chicüxü rü naixnütamaxã tá pigoyegü. Rü ngẽma mexẽẽyaechicüxü rü tá naba̱i̱xerugümare. Rü ngẽma mexẽchixü̃ i naxchiruchicüxü rü témüxü̃maxã tá pixãxchiru. Rü ngẽma perü mechametüchicüxü rü fierumaxã tá pexü̃ niguchametü.

Wenaxarü naxümatü ga Tupanaarü mugü 34:1

Rü Moáanearü chianexü̃wa inaxũãchi ga Moiché nax ma̱xpǘneanexü̃ ga Nébuwa naxũxü̃ca̱x. Rü guma ma̱xpǘne ga Pichágu naxĩnagü. Rü guma ma̱xpǘne rü Yericúarü to̱xma̱xtawa nayexma. Rü yéma nixĩ ga Cori ya Tupana nüxü̃ nawéxü̃ ga guxü̃ma ga Garaáxane rü ñu̱xmata Dáü̃arü naanegu nüxü̃ nadauxẽxẽ.

Iraétanüxü̃arü muxchiga 21:30

Natürü i ñu̱xma i toma i Iraétanüxü̃ rü marü tanadai. Rü ĩane ya Ebóü̃wa itanaxügü rü ñu̱xmata Dibóü̃gu yacuáx. Rü nagu tapogüe ya norü ĩanegü rü ñu̱xmata Nopágu rü Medebágu yacuáx —ñagüxü̃.

Echequié 7:18

Rü guxãtáma tümachiru i techaraxü̃gu ticu̱xgü erü ngechaü̃wa tangexmagü. Rü guxü̃watáma tidu̱xruxünegü rü ãnemaxã tanadeãchichametügü. Rü guxãtáma tügü tidüxpü̱xüerugü.

Yeremía 48:31

Rü ngẽmaca̱x i choma i Yeremía rü tá chaxaxu rü ta naxca̱x changechaü̃ i guxü̃ma i ngẽma Moáanearü duü̃xü̃gü rü Quíru-eréchearü yatügü.

Yeremía 47:5

Rü ngẽma duü̃xü̃gü i Gáchacüã̱x rü nügü nidüerugü, rü ngẽma Acharóü̃cüã̱x rü narüchianegümare. Rü pema i ípeyaxügüxü̃ natanüwa ga yema nũxcümaü̃güxü̃ ga duü̃xü̃gü ¿rü ñuxgura tá nüxü̃ perüchauxü̃ nax perü ngechaü̃maxã pegüxünegu pewígüexü̃?

Yeremía 7:29

¡Pa Yerucharéü̃cüã̱xgü, pegü ípeyoeyaegü, rü ípenawogü! ¡Rü ñu̱xũchi ínachianexü̃wa i ngüchitaeruxü̃güwa wüxi i ngechaü̃arü wiyaegu peyawiyaegü! Erü Cori ya Tupana rü pemaxã nanu, rü pexü̃ ínawogü, rü pexü̃ naxo.

Ichaía 22:12

Rü ngẽma ngunexü̃gu rü nüma ya Cori ya Tupana ya Guxãétüwa Ngẽxmacü rü pemaxã nüxü̃ nixu nax pexauxexü̃ rü témüxü̃ i naxchirugu picu̱xgüxü̃ rü pegü pidüerugüxü̃ nax ngẽmaãcü penawéxü̃ca̱x nax aixcüma tá naga pexĩnüexü̃.

Ichaía 16:12

Rü woo chi ngẽma Moátanüxü̃ rü ma̱xpǘnegüwa naxĩxgu nax ngéma norü tupananetagüna ngü̃xẽẽca̱x yacagüxü̃ca̱x rüe̱xna woo chi norü ngutaque̱xepataü̃wa naxĩxgu rü ngéma yayumüxẽgügu rü taxuwatáma naxca̱x ne naxũ i norü ngü̃xẽxẽ.

Ichaía 16:7

Rü ngẽmagagu i guxü̃ma i Moácüã̱xgü rü tá norü naaneca̱x naxauxe rü poraãcü tá nanaxĩ̱xãchitanüãxẽ. Rü tá nüxü̃́ nangu̱x i ngẽxguma nüxna nacua̱xãchiegu ga yema paũ ga úbamaxã ãéü̃xü̃ ga Quix-arechéxwa nüxü̃́ yexmagüxü̃.

Ichaía 15:3

Rü duü̃xü̃gü rü naxchiru i técharaxü̃maxã ĩanearü namagu naxĩ. Rü ĩpatagüétüwa rü duü̃xü̃gü rü taxü̃ i norü ngechaü̃maxã aixta naxüe. Rü ĩanearü plazagüwa rü guxü̃ma i duü̃xü̃gü rü norü ngechaü̃maxã poraãcü naxauxe.

Ichaía 14:31

¡Rü pegümaxã pengechaü̃güx, Pa Firitéutanüxü̃arü Ĩanegüx, rü wáita pexüe naxcha̱xwa i ngẽma ngúxü̃ i tá pexca̱x ínguxü̃, rü muü̃maxã pidu̱xrue! Erü nórtewaama ne naxĩ i churaragü i ñoma buanecü i wanagüemaxü̃rüxü̃ ixĩxü̃. Rü ngẽma churaragü i ngéma ne ĩxü̃ rü ínamemaregü nax pexü̃ nada̱i̱xü̃.

Yox 1:20

Rü yexguma ga nüma ga Yox rü inachi rü norü ngechaü̃maxã nügüchirugu nagáugü rü nügü rü waixü̃müanegu nayangücuchi rü Tupanaxü̃ nicua̱xüxü̃.

Wenaxarü naxümatü ga Tupanaarü mugü 14:1

Pema rü naxacügü pixĩgü i perü Cori ya Tupana. Rü ngẽmaca̱x rü ngẽxguma wüxi i petanüxü̃ yuxgu ¡rü taxũtáma perü ngechaü̃maxã pegü pewí rü pegü piyoeru!

Iraétanüxü̃arü muxchiga 32:3

—Ngẽma Atarúane, rü Dibóü̃ane, rü Yachéxane, rü Nimráane, rü Ebóü̃ane, rü Eraréane, rü Chebáü̃ane, rü Nébuane, rü Beóü̃ane rü nüma ga Cori ya Tupana rü marü Iraétanüxü̃na nanaxã. Rü ngẽma naane i maxẽ mea nawa yaxü̃ rü name nixĩ naxca̱x i naxü̃nagü. Rü ngẽma toma nax curü duü̃xü̃gü tixĩgüxü̃ toxü̃́ ngẽxmaxü̃ rü wocagü rü carnérugü nixĩ.

Lebítanüxü̃arü puracüchiga 13:40

Rü ngẽxguma wüxi ya yatü rü inagüyaegu rü naba̱i̱xerugu, rüe̱xna nacatüwa inagüyaegu rü nabáicatügu, rü tama nidawe.

Iraétanüxü̃arü muxchiga 21:28

Rü Ebóü̃ ya Chióü̃arü ĩanewa inaxügü nax yayauraxü̃ ya üxü rü ñu̱xmata Moátanüxü̃arü ĩane ya Árwa nangu rü ñu̱xmata Arnóü̃arü ma̱xpǘnegüwa nangu.

2 Chamué 10:4

Rü yexguma ga Anúü̃ rü norü churaragüxü̃ namu nax Dabíarü churaragüeruxü̃ ínayauxü̃xü̃ca̱x. Rü ngãxü̃gu nayadüyechinágugü rü ñu̱xũchi ngãxü̃gu nanagáute ga naxchirugü ñu̱xmata natarüxüwa nangu̱xẽẽgüã. Rü yemaacü nanamuegutanü.

Yeremía 3:21

Rü ngẽma auexü̃ i ngüchitaeruxü̃güwa rü chianexü̃güwa i duü̃xü̃gü nüxü̃ ĩnüexü̃ rü nümagü nixĩ i Iraétanüxü̃ i auxexü̃ rü ngechaü̃ca̱x ícagüxü̃. Erü chixexü̃gu namaxẽ, rü choxü̃ narüngümae i choma nax norü Cori ya Tupana chixĩxü̃.

Yeremía 47:2

Rü nüma ya Cori ya Tupana rü ñanagürü: —Nórtewaama tá ne naxĩ i muxü̃tama i churaragü. Rü ñoma wüxi i natü i poraãcü bainagüxü̃rüxü̃ tá nixĩgü. Erü tá nagu nachocu i ngẽma nachixü̃ane, rü guxü̃ i ngẽma naanewa tá nangugü. Rü guxü̃ma i ta̱xacü i ngẽma nachixü̃anewa ngẽxmagüxü̃ rü tá nanapuxü̃. Rü tá nagu nachocu ya ĩanegü rü tá ínanayauxü̃ i norü duü̃xü̃gü. Rü guxü̃ma i ngẽma nachixü̃anearü duü̃xü̃gü rü poraãcü tá aita naxüe erü ngúxü̃ ningẽgü.

Yeremía 48:35

Rü nüma ya Cori ya Tupana rü ñanagürü: —Choma rü tá chanadai i ngẽma duü̃xü̃gü i Moácüã̱xgü i ma̱xpǘnechitaerugu ĩgüxü̃ nax ngéma norü tupananetaxü̃ yanacua̱xüxü̃güxü̃ca̱x rü ãmare nüxna naxãgüxü̃ca̱x rü pumarate̱xe naxca̱x yagugüxü̃ca̱x —ñanagürü.

Echequié 27:31

Rü norü ngechaü̃maxã tá nügü nidüpü̱xüerugü. Rü tá ngechaü̃chirugu nicu̱xgü. Rü norü ngechaü̃maxã tá poraãcü cuxca̱x naxauxe.

Echequié 30:2

—Pa Yatüx, ¡chauégagu nüxü̃ ixu rü ñanagürü! “Cori ya Tupana rü ñanagürü: ‘¡Perü ngechaü̃maxã aixta pexü na̱xcha̱xwa i ngẽma ngunexü̃ i poxcu tá nagu pexca̱x ínguxü̃!

Amúx 8:10

Rü ngẽma perü petachigagü rü ngechaü̃xü̃ tá chayanguxuchixẽxẽ erü yuexü̃ca̱x tá pexauxe. Rü ngẽma perü wiyaegü rü ngechaü̃arü wiyaexü̃ tá chayanguxuchixẽẽgü. Rü ngechaü̃chirugu tá pexü̃ chicu̱xgüxẽxẽ. Rü ngechaü̃maxã tá pegü pibaierugü. Rü yíxema tümane i nügümaxã wüxicacü i yuxü̃ca̱x auxexü̃rüxü̃ tá pexauxe. Rü guxü̃táma taxü̃ i guxchaxü̃gu nayagu”, ñachagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:4

Rü yexguma ga Anúü̃ rü norü duü̃xü̃güxü̃ namu nax Dabíarü orearü ngeruü̃güxü̃ ínayauxü̃xü̃ca̱x. Rü yexguma marü ínayauxü̃ãgu rü nayadüxchinágugü rü nata̱xrü̱xügu nayagáuyechirugü. Rü yemawena rü ñu̱xũchi ínayamugü.

Yeremía 49:3

Rü ñanagürü ta: —¡Naxaxu Pa Ĩane ya Ebóü̃x! Erü yima ĩane ya Ái rü marü nagu napogüe. ¡Pexauxe, Pa Ngexü̃güx i Rabácüã̱x! ¡Rü ngechaü̃chirugu picu̱xgü! ¡Rü perü ngechaü̃maxã pegüremügu pecüxgüe! ¡Rü nu ne penaxü ñoma wüxi i ãũãẽxü̃rüxü̃! Erü ngẽma perü tupananeta rü to i nachixü̃anewa nanangegü wüxigu namaxã i norü chacherdótegü rü ngẽma duü̃xü̃gü i tachigagüxü̃.