Ichaía 14:9 - Tupanaarü Ore

⁹ Rü ngẽma yuexü̃ i waixü̃mütüü̃wa ngẽxmagüxü̃ rü nanaxĩ̱xãchiãẽgü cuxca̱x nax ngéma cunguchaü̃xü̃. Rü naãẽgü i ngẽma yuexü̃ rü naba̱i̱xãchie. Rü guxü̃ma i ñoma i naanearü ãẽ̱xgacügü i yuexü̃ rü ínachoxü̃ nax cuxü̃ nayauxgüxü̃ca̱x. Rü guxü̃ma i nachixü̃anegüarü ãẽ̱xgacügü i yuexü̃ rü cuxca̱x inachigü i norü tochicaxü̃wa.

Ichaía 14:9 Referans Kwoze

Yeremía 50:8

¡Nüxna pexĩgü i Babiróniaane! ¡Nüxna pexĩgü i ngẽma Cadéugüchixü̃ane! ¡Rü paxãma ipexĩ ñoma chíbugü i iyatüxü̃gü carnérugüpe̱xegu ĩxü̃rüxü̃!

Ucu̱xẽgüchiga 15:24

Yimá yatü ya naãẽxü̃ cuácü, rü nama i dauxü̃wa daxü̃gu nixũ, rü ngẽmaãcü nügü ínanguxuchixẽxẽ nüxna i yu.

Ichaía 5:14

Rü ñoma wüxi ya ai ya ichoxmanaxãcürüxü̃ rü ngẽma naxmaü̃gü rü tá nichogü nax ínagagüãxü̃ca̱x i duü̃xü̃gü rü ãẽ̱xgacügü rü ngẽma duü̃xü̃gü i petagu rü ngãxü̃gu írüchoxü̃.

Echequié 26:20

Rü ngẽma waixü̃mütüü̃wa tá cuxü̃ chamu, ngẽma nüxíra yuexü̃ íngẽxmagüxü̃wa. Rü waixü̃müarü aixepewaxüchi tá cuxü̃ changexmaxẽxẽ. Rü ngẽma rütauxexüchixü̃ nawa ngẽxmagüxü̃wa tá cuxü̃ changexmaxẽxẽ. Rü tagutáma wena cuwa namaxẽ i duü̃xü̃gü, rü tagutáma texé wena cuxü̃ ítarüdaxẽxẽ i ñoma i naanewa.