Ichaía 14:2 - Tupanaarü Ore

² Rü nüma i Iraétanüxü̃ rü tá ínanayauxü̃ ga yema duü̃xü̃gü ga ü̃paacü ínayauxü̃xü̃. Rü muxü̃ma i ngẽma nachixü̃anecüã̱xgü ga noxri Iraétanüxü̃maxã icua̱xgüxü̃ rü tá Iraétanüxü̃xü̃we narüxĩ rü tá nüxü̃ narüngü̃xẽẽgü nax nachixü̃aneca̱x nawoeguxü̃ca̱x i Iraétanüxü̃. Rü nüma i Iraétanüxü̃ rü ngẽxguma marü nachixü̃ane i Cori ya Tupana nüxna ãgüxü̃wa nangugügu rü tá norü mugüruü̃güxü̃ nayaxĩgüxẽxẽ i ngẽma duü̃xü̃gü ga noxri namaxã icua̱xgüxü̃.

Ichaía 14:2 Referans Kwoze

Ichaía 61:5

Rü duü̃xü̃gü i to nachixü̃anecüã̱x rü tá núma naxĩ rü tá nüxna nayadaugü i pexü̃nagü, rü peanegü rü perü úbanecügu.

Ichaía 60:14

Rü yema ü̃pa perü uanügü ixĩgüxü̃ rü ngẽma nataagü rü tá núma pexü̃tawa naxĩ rü pepe̱xegu tá nügü ínarüxíxragü. Rü yema noxri pexchi aiexü̃ rü tá pepe̱xegu nacaxã́pü̱xügü rü tá pexü̃ ñanagürügü: “Perü ĩane ya Chióü̃ rü Iraétanüxü̃arü Tupana ya Üünecüarü Ĩane nixĩ”, ñanagürügü tá.

Yeremía 30:16

Rü Tupana rü norü duü̃xü̃güxü̃ ñanagürü: —Guxü̃ma i ngẽma nachixü̃anegü i pexü̃ rüporamaegüxü̃ rü tá togü nüxü̃ narüporamaegü. Rü guxü̃ma i perü uanügü rü nüxí tá to i nachixü̃anewa nagagü. Rü ngẽma nachixü̃anegü ga perü yemaxü̃gü inaxü̃ rü tá nüxí to i nachixü̃ane nayana i norü ngẽmaxü̃gü. Rü ngẽma nachixü̃anegü ga naxca̱x ngĩ́xü̃ ga perü yemaxü̃gü rü tá nüxí to i nachixü̃ane naxca̱x nüxü̃́ nangĩ̱xgü i norü ngẽmaxü̃gü.

Danié 7:18

Natürü ngẽmawena rü Cori ya Tupana ya Guxü̃étüwa Ngẽxmacü rü tá norü duü̃xü̃güna nanaxã i pora nax norü naanemaxã inacua̱xgüxü̃ca̱x. Rü guxü̃gutáma norü nixĩ.

Ichaía 49:23

Rü ngẽma togü i nachixü̃anegüarü ãẽ̱xgacügü rü tá penatürücügü nixĩgü, rü ngẽma naxma̱xgü rü tá peerücügü nixĩgü. Rü pepe̱xegu tá nacaxã́pü̱xügü rü tá nanade̱xexgü i perü mairaxü̃chipatügü. Rü tá nüxü̃ picua̱xãchitanü nax chaxicatama Tupana chixĩxü̃ rü ngẽma choxü̃́ yaxõgüxü̃ rü tagutáma naxãneexü̃ —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:9

Rü nangẽxma i duü̃xü̃gü i Chatanáarü ixĩgüxü̃ i nügü ixugüxü̃ nax chorü duü̃xü̃gü yaxĩgüxü̃, natürü tama aixcüma choxrü duü̃xü̃gü nixĩgü. Rü tá chanamu i ngẽma duü̃xü̃gü nax cupe̱xegu nacaxã́pü̱xügüxü̃ca̱x nax nüxü̃ nacua̱xgüxü̃ca̱x nax aixcüma cuxü̃ changechaü̃xü̃.

Romanos 15:27

Rü ngẽma taenexẽgü i Machedóniacüã̱x rü Acáyacüã̱x rü norü me nixĩ nax ngẽmaãcü naxügüãxü̃. Rü ngẽma duü̃xü̃gü rü aixcüma nüxü̃́ nangẽxma i norü ngetanü i taenexẽgü i Yudíugütanüwa. Erü ngẽma taenexẽgü i Yudíugügagu nixĩ i ngẽma togü i duü̃xü̃gütanüwa nanguxü̃ i Tupanaarü ore. Rü ñu̱xma rü name nixĩ i ngẽma togü i duü̃xü̃gü rü norü ngẽmaxü̃maxã taenexẽgü i Yudíugü i yaxõgüxü̃xü̃ narüngü̃xẽẽgü.

Ichaía 18:7

Rü ngẽma ngunexü̃gügu rü Cori ya Tupana ya Guxãétüwa ngẽxmacüxü̃tawa tá nanana i norü ãmaregü i ngẽma duü̃xü̃gü i máxchanexü̃ rü ingoracha̱xmüxü̃güxü̃ rü iporaxüchixü̃ rü nügü írütagüxü̃ rü guxãma ya to i nachixü̃anecüã̱xgü nüxü̃ muü̃xexü̃ i naane i natügü nawa muxũchixü̃gu ãpatagüxü̃. Rü ngẽma duü̃xü̃gü rü yima ma̱xpǘne ya Chióü̃ i Cori ya Guxãétüwa Ngẽxmacüxü̃ iyacua̱xüü̃guxü̃wa tá nanana i norü ãmaregü.

Wiyaegü 68:18

Pa Tupanax, yexguma Chióü̃ ya ma̱xpǘnegu cuxĩnagügu rü cugüwe cuyagagü i ngẽma ícuyauxü̃xü̃ i curü uanügü. Rü duü̃xü̃gütanüwa cunayaxu i ãmaregü. Rü woo i ngẽma tama cuga ĩnüechaü̃xü̃ rü natanüwa cunayaxu i ãmaregü nax ngéma Chióü̃wa cuxãpataxü̃ca̱x.

Efesios 4:8

Rü ngẽmaca̱x i Tupanaarü ore i ümatüxü̃wa rü ñanagürü: “Rü yexguma daxũguxü̃ ga naanewa naxũxgu, rü yéma tüxü̃ nagagü ga guxema marü tüxü̃ ínanguxü̃xẽxẽ. Rü duü̃xü̃güna nanaxã ga cua̱xgü”, ñanagürü i ngẽma ore.

Gálatas 5:13

Natürü pemax, Pa Chauenexẽgüx, rü Tupana pexca̱x naca nax ngẽma mugüna ípenguxü̃xü̃ca̱x. Rü ñu̱xma nax nüxna ípenguxü̃xü̃, rü tama name i ngẽmaca̱x pexenearü ngúchaü̃ pexügü. Natürü name nixĩ nax pegü pengechaü̃güxü̃ rü ngẽmaãcü pegü perüngü̃xẽẽgüxü̃ i wüxichigü.

Ore i mexü̃ ga Luca ümatüxü̃ 12:45

Natürü ngẽxguma chi ngẽma duü̃xü̃ nagu rüxĩnügu rü norü cori rü tama paxa nax ínanguxü̃, rü inaxügüãgu nax chixri namuaxü̃ i natanüxü̃ i yatüxü̃gü rü ngexü̃gü, rü peta naxü̱xgu rü nachibügu, rü naxaxegu, rü nügü nangãxẽẽgu, rü ngürüãchi ngẽma ngunexü̃ rü ngẽma ora i tama nagu ínangu̱xẽẽãxü̃gu tá ínangu i norü cori. Rü poraãcüxüchi tá nanapoxcu namaxã i ngẽma poxcu i ngẽma tama yaxõgüxü̃xü̃ namaxã napoxcuxü̃.

Ichaía 31:8

Rü ngẽma Achíriaanecüã̱x rü taragu tá nayue, natürü taxũtáma duü̃xü̃güarü poragagu nayue, erü choma nixĩ i nüxü̃ charüporamaexü̃. Rü ngẽma daigagu rü norü churaragü rü tá nibuxmü, rü ngẽma norü ngextü̱xüxü̃gü i íyaxügüxü̃ rü perü puracütanüxü̃ tá nixĩgü.

Ichaía 45:14

Rü nüma ya Tupana rü Iraétanüxü̃xü̃ ñanagürü ta: —Ngẽma Equítuanecüã̱xgü i naanewa puracüexü̃, rü ngẽma Etiopíaanecüã̱xgü i taxetanüxü̃, rü ngẽma Chabácüã̱xgü i imáchanexü̃chixü̃ rü tá cuxme̱xwa nangẽxmagü. Rü cadénamaxã íchotachacüüãcü tá cuwe narüxĩ. Rü cupe̱xegu tá nacaxã́pü̱xügü rü ñanagürügü tá: “Aixcümaxü̃chi nixĩ i cutanüwa nangẽxmaxü̃ ya Tupana rü nataxuma i to ya Tupana”, ñanagürügü tá —ñanagürü ga Tupana.

Ichaía 49:22

Rü ñanagürü ta: —Choma rü tá chanamu i ngẽma togü i nachixü̃anegücüã̱x rü tá nüxna chanaxã i wüxi i cua̱xruxü̃ nax nua nachacüügügu nagagüãxü̃ca̱x i penegü rü naatügügu yagagüãxü̃ca̱x i pexacügü.

Ichaía 49:25

Natürü choma ya Tupana rü ñachagürü: —Ngẽma churara i poraxü̃na tá nanapugü i ngẽma íyaxuxü̃. Rü ngẽma churaragüarü ãẽ̱xgacüna tá nanapugü i ngẽma napuxü̃chiréxü̃. Rü pemaxã nüxü̃ chixu, Pa Iraétanüxü̃x, rü chomatátama nixĩ i perü uanügüme̱xẽwa íchananguxü̃xẽẽxü̃ i penegü rü pexacügü.

Yeremía 49:2

Rü nüma ya Cori ya Tupana rü ñanagürü: —Rü nawa tá nangu i ngunexü̃ nax yima Amóü̃tanüxü̃arü ĩane ya Rabáwa tá norü duü̃xü̃güxü̃ nüxü̃ chaxĩnüexẽẽxü̃ nax tagaãcü daimaxã aita naxüexü̃ i norü uanügü. Rü yima ĩane rü nachitaxü̃xica tá ngéma nayaxü. Rü ngẽma nachixü̃anearü ĩanegü rü tá ínagu. Rü ngẽxguma i ngẽma Iraétanüxü̃ rü wena tá nanayauxgü ya yima norü ĩanegü. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Echequié 39:10

Rü ngẽxguma i ngẽma Iraétanüxü̃ rü taxuca̱xtama norü üxüca̱x naxoegaãẽgü. Rü taxuca̱xtama naanegüwa rü naixnecüwa norü üxüwa naxĩ, erü guxü̃nema ya yima cuxnegü rü tá üxüwa nüxü̃́ name. Rü ngẽmaãcü i ngẽma Iraétanüxü̃ rü tá nüxí pexna nanapuxü̃ i perü ngẽmaxü̃gü yema pema norü yemaxü̃gü nüxna pepuxü̃xü̃rüxü̃. Rü choma ya Cori ya Tupana nixĩ i nüxü̃ chixuxü̃ i ngẽma, rü aixcüma tá ngẽmaãcü ningu’ ” —ñanagürü.

Joel 3:8

Rü Yudíugüxü̃ tá tümamaxã chataxe ya yíxema penegü rü pexacügü nax ngẽmaãcü i ngẽma Yudíugü rü ngẽma duü̃xü̃gü i yáxü̃guxü̃ i naanegu ãchiü̃güxü̃ i Chabéugüxü̃ tümamaxã nataxegüxü̃ca̱x. Rü choma ya Cori ya Tupana nixĩ i pemaxã nüxü̃ chixuxü̃ i ngẽma —ñanagürü.

Abdía 1:17

Natürü Chióü̃arü ma̱xpǘne ya chopata nawa yexmane rü wüxi i nachica i üünexü̃ nixĩ. Rü ngéma tá naxĩ i duü̃xü̃gü nax ngẽma ãũcümaxü̃wa yabuxmüxü̃ca̱x. Rü ngẽma Acóbutanüxü̃ rü wena táxarü nanayauxgü i norü naanegü.

Lebítanüxü̃arü puracüchiga 25:44

Rü ngẽxguma cunaxwa̱xegu nax cuxü̃́ nangẽxmaxü̃ i curü mugüruxü̃gü i yatüxü̃ rü ngexü̃, rü name i ngẽma togü i nachixü̃anegü i pexna ngaicamagüxü̃wa naxca̱x petaxe.

Ichaía 60:4

¡Rü dücax, pegücüwagu perüdaunü nax guxü̃ma i Iraétanüxü̃ naxĩtaque̱xexü̃ nax Yerucharéü̃ca̱x nawoeguxü̃! Rü penegü rü yáxü̃wa tá ne naxĩ, rü pexacügü rü duü̃xü̃gü rü tá ngĩchacüügu ngĩxü̃ ngéma ne nagagü.

Ichaía 66:12

Erü choma ya Cori ya Tupana rü ñachagürü: “Choma rü ñoma wüxi i natüarü dexá i mea iyaxü̃rüxü̃ tá Yerucharéü̃wa chananguxẽxẽ i taãxẽ. Rü togü i nachixü̃anegüarü ãmaregü rü tá paxa pexca̱x íchanangugüxẽxẽ ñoma wüxi i natü i poraü̃chíüxü̃rüxü̃. Rü ngẽmaãcü i pema, Pa Yerucharéü̃cüã̱xgüx, rü ñoma wüxi i õxchana i meama maixü̃rüxü̃ tá pengãxpütüwegü. Rü choma rü tá chauchacüxügu pexü̃ chigagü rü choperemawa tá pexü̃ chameãxẽ.

Chacaría 2:13

Rü name nax Cori ya Tupanape̱xewa narüchianegüxü̃ i guxü̃ma i ñoma i naanearü duü̃xü̃gü. Erü nüma rü nachica i üünexü̃wa ne naxũ nax tatanüwa naxũxü̃ca̱x.