Ichaía 14:10 - Tupanaarü Ore

¹⁰ Rü guxü̃ma i ngẽma yuexü̃ rü nidexachigü rü cuxü̃ ñanagürüchigü: “Cuma rü ta marü cungearü poraxã̱x, Pa Babiróniaanearü Ãẽ̱xgacüx, rü nawa cungu nax marü torüxü̃ quixĩxü̃.

Ichaía 14:10 Referans Kwoze

Echequié 32:21

Rü ngẽma naxmaü̃wa ngẽxmagüxü̃ i churaragü ga yexera iporaexü̃ ga nüxíra yuexü̃ rü íta̱xgüxü̃, rü tá ngẽma Equítuanearü churaragüxü̃ nayauxgü namaxã i ngẽma naétüwa ügüxü̃. Rü ñanagürügü tá: “Dücax, marü nua ãxmaxü̃wa nangugü i ngẽma tama Tupanaaxü̃́ yaxõgüxü̃ i ñu̱xmax daigu yuexü̃”, ñanagürügü tá.

Ngu̱xẽẽtaeruü̃arü ore 2:16

Erü ngẽxguma nangupetügu ya taunecügü rü tagutáma texé nüxna tacua̱xãchi i ngẽma duü̃xü̃ i taxü̃ i cua̱x nüxü̃́ ngẽxmaxü̃ rü ngẽma duü̃xü̃ i naechitamare maxü̃xü̃. Rü guxü̃xü̃ tarüngüma. Rü ngẽma duü̃xü̃ i taxü̃ i cua̱x nüxü̃́ ngẽxmaxü̃ rü nayu, rü ngẽxgumarüxü̃ ta i ngẽma duü̃xü̃ i naechitamare maxü̃xü̃ rü nayu —ñachagürü chaugümaxã.

Wiyaegü 49:20

Rü duü̃xü̃gü rü woo namuarü ngẽmaxü̃ã̱xgux, natürü tama namaxecha. Rü nayuama ñoma naeü̃gürüü̃tama.

Echequié 26:20

Rü ngẽma waixü̃mütüü̃wa tá cuxü̃ chamu, ngẽma nüxíra yuexü̃ íngẽxmagüxü̃wa. Rü waixü̃müarü aixepewaxüchi tá cuxü̃ changexmaxẽxẽ. Rü ngẽma rütauxexüchixü̃ nawa ngẽxmagüxü̃wa tá cuxü̃ changexmaxẽxẽ. Rü tagutáma wena cuwa namaxẽ i duü̃xü̃gü, rü tagutáma texé wena cuxü̃ ítarüdaxẽxẽ i ñoma i naanewa.