Ichaía 14:1 - Tupanaarü Ore

¹ Rü nüma ya Cori ya Tupana rü tá Acóbutanüxü̃ nüxü̃́ nangechaü̃tümüxü̃ rü wena tá norü duü̃xü̃gü i Iraétanüxü̃xü̃ nade. Rü tá nüxü̃́ nanatauxchaxẽxẽ i Iraétanüxü̃ nax wena norü naaneca̱x nawoeguxü̃. Rü ngẽma duü̃xü̃gü i to i nachixü̃anewa ne ĩxü̃ rü Iraétanüxü̃ca̱x tá naxĩ rü wüxiwa Acóbuarü duü̃xü̃gütanüwa tá namaxẽ.

Ichaía 14:1 Referans Kwoze

Wiyaegü 102:13

Pa Corix, ¡inachi rü cuxü̃́ naxauxãchitümüxü̃ ya curü ĩane ya Chióü̃! Erü marü nawa nangu i ngunexü̃ nax tomaxã curüngü̃xmüxü̃ rü toxü̃́ nüxü̃ icuyarüngümaxü̃ i ngẽma torü chixexü̃.

Chacaría 1:17

Rü yema daxũcüã̱x rü ñanagürü ta choxü̃: —Rü ñaa tá nixĩ i to i ore i tá nüxü̃ quixuxü̃: “Rü nüma ya Cori ya Tupana ya Guxãétüwa Ngẽxmacü rü ñanagürü: ‘Choma rü tá wena nüxü̃ charüngü̃xẽxẽxü̃ ya yima chorü ĩanegü nax yamexü̃ca̱x rü mea iyaxĩxü̃ca̱x. Rü wena tá chanataãẽxẽxẽ ya Chióü̃. Rü wena tá chanaxunagü nax choxrü ĩane yixĩxü̃ ya Yerucharéü̃’ ” —ñanagürü.

Maraquía 1:11

Rü guxü̃ma i nachixü̃anegü i ñoma i naanecüã̱x rü duü̃xü̃gü choxü̃ nicua̱xüü̃gü, rü pumarate̱xe cha̱u̱xca̱x nigugü rü ãmare choxna naxãgü.

Yeremía 50:33

Nüma ya Cori ya Tupana ya Guxãétüwa Ngẽxmacü rü ñanagürü: —Ngẽma Iraéanecüã̱xgü rü ngẽma Yudáanecüã̱xgü rü guxchaxü̃wa nangẽxmagü erü togü i nachixü̃anegüme̱xẽwa nangẽxmagü rü ngúxü̃ ningẽgü. Rü norü uanügü rü nayagagü rü tama ínananguxü̃xẽẽchaü̃.

Ichaía 49:13

¡Pa Daxũguxü̃ i Naanex, taãẽãcü Tupanaxü̃ icua̱xüxü̃! ¡Rü Pa Ñoma i Naanex, poraãcüma nataãxẽ! ¡Rü Pa Ma̱xpǘnegüx, taãxẽãcü Tupanaxü̃ picua̱xüxü̃gü! Erü nüma ya Cori ya Tupana rü nanataãẽxẽxẽ i norü duü̃xü̃gü i ngúxü̃ ingegüxü̃, erü nüxü̃́ nangechaü̃tümüxü̃gü.

Yeremía 29:14

Rü choma rü tá pexü̃ charüngü̃xẽxẽxü̃ nax choxü̃ ipeyangaugüxü̃ca̱x. Rü tá pexü̃ charüngü̃xẽxẽxü̃ nax ngẽma ípengexmagüxü̃wa pewoeguxü̃ca̱x. Rü tá pexü̃ íchagaxü̃ nawa i ngẽma nachixü̃anegü i nagu pexü̃ chawoonexü̃. Rü wüxiwa tá pexü̃ changexmagüxẽxẽ nawa i ñaa nachica ga nawa pexü̃ íchawoxü̃xü̃. Rü chomatama ya Cori ya Tupana nixĩ i nüxü̃ chixuxü̃ i ngẽma.

Ichaía 66:20

Rü nua chorü ma̱xpǘne ya üünene ya Yerucharéü̃wa ngẽxmanewa tá nanagagü i ngẽma petanüxü̃ i guxü̃ i nachixü̃anegüwa ne nagagüxü̃. Rü nümaxü̃ rü tá cowaruétügu rü togü i carugu, rü togü i caruü̃gu rü togü i mulaétügu rü togü i caméyuétügu tá nua nanagagü, ñoma Iraétanüxü̃ naxpáü̃ i mexü̃gu norü ãmaregü chopata ya taxü̃newa ngẽgüxü̃rüxü̃ —ñanagürü.

Ichaía 49:7

Rü nüma ya Iraétanüxü̃arü Tupana ya Üünecü ya nüxü̃ rüngü̃xẽẽcü rü ñanagürü ta: —Pa Iraétanüxü̃x, ñu̱xma rü ngẽma togü i nachixü̃anecüã̱xgü rü poraãcü pexü̃ nacugüe, rü pexchi naxaie rü nügüme̱xẽwa penangexmagüxẽxẽ rü norü ãẽ̱xgacügüarü puracütanüxü̃ pixĩgü. Natürü wüxi i ngunexü̃ rü wenatáxarü peporae rü ngẽxguma pexü̃ nadaugügu i ngẽma togü i nachixü̃anegüarü ãẽ̱xgacügü rü pepe̱xegu tá nacaxã́pü̱xügü erü choma ya perü Tupana ya üünecü nax chixĩxü̃ rü pexü̃ chaxuneta nax chorü duü̃xü̃gü pixĩgüxü̃ca̱x. Rü choma rü guxü̃guma chayanguxẽxẽ i ngẽma nüxü̃ chixuxü̃ —ñanagürü.

Ichaía 44:1

Rü ñanagürü ya Tupana: —¡Ñu̱xmax, rü choxü̃́ iperüxĩnüe, Pa Iraétanüxü̃x, Pa Acóbutanüxü̃x i chorü duü̃xü̃gü nax pexü̃ chadexü̃!

Ichaía 41:8

Rü yexguma ga Cori ya Tupana rü ñanagürü: —Iperüxĩnüe, Pa Iraétanüxü̃x. Pema rü chorü duü̃ ya Acóbu ya nüxü̃ chaxunetacüarü duü̃xü̃gü pixĩgü rü chomücü ya Abraáü̃taagü pixĩgü.

Ichaía 27:6

Rü tá ínangu i ngunexü̃ i Acóbutanüxü̃ rü ñoma nanetügü i muxchúma̱xãxü̃rüxü̃ tá nixĩ nax Iraétanüxü̃ wena ínadagüxü̃ rü yamuxü̃. Rü ngẽmaãcü i norü o rü ñoma i naane tá namaxã nanapa.

Wiyaegü 143:12

Rü cuma rü aixcüma cuyanguxẽxẽ i ngẽma nüxü̃ quixuxü̃. ¡Rü ngẽmaca̱x nadai i ngẽma chorü uanügü! ¡Rü ẽcü guxü̃xü̃ma nadai! Erü choma rü curü duü̃xü̃ chixĩ.

Wiyaegü 98:3

Erü nüma rü tüxü̃ nangechaü̃ rü tama nüxü̃ narüngüma ga norü uneta ga Iraétanüxü̃maxã nüxü̃ yaxuxü̃. Rü yema nax tórü uanügüxü̃ naporamaexü̃ rü guxü̃ i naanewa nanguchiga.

Ester 8:17

Rü guxü̃ma ga Achuéruchixü̃anegüwa rü ĩanegüwa ga ngextá ínanguxü̃wa ga yema mu ga ãẽ̱xgacü unagüxü̃, rü nüma ga Yudíugü rü poraãcü nataãẽgü, rü nanaxüchigagü ga yema ngunexü̃. Rü muxü̃ma ga yema togü ga duü̃xü̃gü rü nügü nixugüe nax Yudíugü yixĩgüxü̃, yerü poraãcü yema Yudíugüxü̃ namuü̃e.

Ore i mexü̃ ga Luca ümatüxü̃ 2:32

Rü nüma tá nixĩ i norü ngóonexẽẽruxü̃ i ngẽma duü̃xü̃gü i tama Iraétanüxü̃ ixĩgüxü̃. Rü daa bucü rü curü duü̃xü̃gü i Iraétanüxü̃arü poraxẽẽruxü̃ tá nixĩ”, ñanagürü.

Ore i mexü̃ ga Luca ümatüxü̃ 1:54

Rü poraãcü nüxü̃ narüngü̃xẽxẽ ga norü duü̃ ga Iraé. Rü nayanguxẽxẽ ga norü uneta nax guxü̃gutáma nüxü̃́ nangechaü̃tümüxü̃güxü̃ ga tórü o̱xigü rü Abráü̃ rü nataagü.

Ichaía 41:9

Rü choma nixĩ ga yema nachixü̃ane ga yáxü̃guxü̃wa pexü̃ íchanguxü̃xẽẽxü̃. Rü yema naane ga yáxü̃wa yexmaxü̃wa nixĩ ga pexca̱x chacaxü̃ rü pexü̃ ñachaxü̃: “Pema rü chorü duü̃xü̃gü pixĩxgü”, ñachaxü̃. Choma nixĩ ga pexü̃ chadexü̃ rü tama pexü̃ chaxoxü̃.

Ichaía 45:14

Rü nüma ya Tupana rü Iraétanüxü̃xü̃ ñanagürü ta: —Ngẽma Equítuanecüã̱xgü i naanewa puracüexü̃, rü ngẽma Etiopíaanecüã̱xgü i taxetanüxü̃, rü ngẽma Chabácüã̱xgü i imáchanexü̃chixü̃ rü tá cuxme̱xwa nangẽxmagü. Rü cadénamaxã íchotachacüüãcü tá cuwe narüxĩ. Rü cupe̱xegu tá nacaxã́pü̱xügü rü ñanagürügü tá: “Aixcümaxü̃chi nixĩ i cutanüwa nangẽxmaxü̃ ya Tupana rü nataxuma i to ya Tupana”, ñanagürügü tá —ñanagürü ga Tupana.

Ichaía 49:10

Rü taxũtáma petaiyae rü pita̱xawae rü taxũtáma üa̱xcü pexü̃́ nangu̱x, erü choma rü pexü̃ changechaü̃ rü pemaxã ichacua̱x, rü dexá íngẽxmaxü̃wa tá pexü̃ chagagü.

Ichaía 49:15

Natürü nüma ya Cori ya Tupana rü ñanagürü: —¿Ẽ̱xna wüxi i mama rü tá nüxü̃ yanangümaxü̃ nax ngĩnexü̃ nangechaxü̃xü̃? Rü woo ngĩma ngĩnexü̃ nangümagu, natürü i choma rü tagutáma pexü̃ icharüngüma.

Ichaía 49:25

Natürü choma ya Tupana rü ñachagürü: —Ngẽma churara i poraxü̃na tá nanapugü i ngẽma íyaxuxü̃. Rü ngẽma churaragüarü ãẽ̱xgacüna tá nanapugü i ngẽma napuxü̃chiréxü̃. Rü pemaxã nüxü̃ chixu, Pa Iraétanüxü̃x, rü chomatátama nixĩ i perü uanügüme̱xẽwa íchananguxü̃xẽẽxü̃ i penegü rü pexacügü.

Ichaía 55:7

Rü ngẽma duü̃xü̃ i chixecümaxü̃, rü name nixĩ i nüxü̃ narüxo i ngẽma nacüma i chixexü̃. Rü ngẽma duü̃xü̃ i chixexü̃gu rüxĩnüxü̃, rü name nixĩ i nüxü̃ narüxo i ngẽma chixexü̃ i nagu naxĩnüxü̃. ¡Rü Cori ya Tupanaca̱x pewoegu! Rü tá nüxü̃́ pengechaü̃tümüxü̃gü. ¡Rü naxca̱x pewoegu ya tórü Tupana! Erü nüma rü ínamemare nax pexü̃́ nüxü̃ nangümaxü̃ i perü chixexü̃gü.

Ichaía 56:3

Rü ngẽxguma wüxi i duü̃xü̃ i to i nachixü̃anecüã̱x chowe rüxũxgu rü taxuca̱xma ñanagürü: —Tupana rü tá norü duü̃xü̃gütanüwa choxü̃ ínamuxũchi —ñanagürü. Rü yimá yatü ya yauxpü̱xücharecü rü taxuca̱xma ñanagürü: —Choma rü ñoma nai i paxü̃rüü̃mare chixĩ —ñanagürü.

Ichaía 60:10

Pa Yerucharéü̃cüã̱xgüx, choma rü pemaxã chanu ga noxri, rü yemaca̱x nixĩ ga pexü̃ chapoxcuxü̃. Natürü i ñu̱xmax rü tá pexü̃ chanawe̱x nax poraãcü pexü̃ changechaü̃xü̃. Rü to i nachixü̃anecüã̱xgü i duü̃xü̃gü rü tá wena nayamexẽẽgü i perü ĩanearü poxeguxü̃tápü̱x. Rü ngẽma togü i nachixü̃anearü ãẽ̱xgacügü rü tá pexü̃ narüngü̃xẽxẽ.

Ichaía 60:14

Rü yema ü̃pa perü uanügü ixĩgüxü̃ rü ngẽma nataagü rü tá núma pexü̃tawa naxĩ rü pepe̱xegu tá nügü ínarüxíxragü. Rü yema noxri pexchi aiexü̃ rü tá pepe̱xegu nacaxã́pü̱xügü rü tá pexü̃ ñanagürügü: “Perü ĩane ya Chióü̃ rü Iraétanüxü̃arü Tupana ya Üünecüarü Ĩane nixĩ”, ñanagürügü tá.

Echequié 47:22

Rü ngẽma tá nixĩ i ngẽma naane i woetama pexna üxü̃. Rü ngẽma naane rü ngẽxgumarüxü̃ tá ta nüxna naxü i ngẽma to i nachixü̃anecüã̱x i petanüwa maxẽxü̃ rü ixãxacügüxü̃. Rü pema rü tá penaxwa̱xe nax ñoma Iraétanüxü̃rüü̃ãcütama nüxü̃ pengechaxü̃güxü̃ ñoma Iraéanegutama nabuexü̃rüxü̃. Rü ngẽxguma pema nax Iraétanüxü̃ pixĩgüxü̃ pegütücumüxü̃ peyanuxgu i ngẽma naane, rü nüxna rü tá ta penaxã i norü naane i ngẽma to i nachixü̃anecüã̱x i petanüwa maxẽxü̃.

Wiyaegü 102:14

Rü toma nax curü duü̃xü̃gü tixĩgüxü̃ rü nüxü̃ tangechaü̃ ya yimá Yerucharéü̃tapü̱xarü nutagü, rü poraãcü toxü̃́ nangu̱x nax ñuxãcü nagu napogüexü̃.

Ichaía 19:18

Rü ngẽma ngunexü̃gu rü Equítuanewa tá nangẽxma ya wüxime̱e̱xpü̱x ya ĩanegü ya Ebréugawa duü̃xü̃gü nawa idexagüne rü nügü ixugüne nax Cori ya Tupana ya Guxãétüwa Ngẽxmacüga naxĩnüexü̃. Rü wüxi ya yima ĩane rü naéga nixĩ i Üa̱xcüarü Ĩane.

Ichaía 21:1

Ñaa nixĩ i Tupanaarü ore i chianexü̃ i márpechinüwa ngẽxmaxü̃chiga ixĩxü̃. Ñoma buanecü ya tacü ya íxã̱ũ̱xẽmacü ya súrwaama ne ũemacü rü chianexü̃waama ne ũcürüxü̃ tá ngẽma chianexü̃ i ãũcümaxü̃wa ne naxĩ i ngẽma churaragü.

Ichaía 47:1

Rü ñanagürü ga Tupana: —Pa Babiróniacüã̱xgüx, noxri rü muxü̃ma ga nachixü̃anegümaxã ipecua̱xgü natürü i ñu̱xma rü marü peturae rü waixü̃müte̱xewa tá perütogü. Rü yima perü ĩane ga noxri wüxi i pacü i mexẽchicürüxü̃ ixĩxü̃ne rü duü̃xü̃gü rü marü tagutáma nüxü̃ nixugüe nax namexẽchixü̃.

Yeremía 16:15

Rü ngẽma ngunexü̃gügu rü ñapegürügü tá: “¡Namaxü̃ ya Cori ya Tupana ya Iraétanüxü̃xü̃ ínguxü̃xẽxẽcü naxme̱xwa i ngẽma nórtewaama ngẽxmaxü̃ i nachixü̃ane rü naxme̱xwa i guxü̃ma i ngẽma togü i nachixü̃anegü i nagu iwoonexü̃!” ñapegürügü tá. Erü choma rü tá naxca̱x pexü̃ chawoeguxẽxẽ i perü naane ga nũxcümaü̃güxü̃ ga perü o̱xigüna chaxãxü̃.

Yeremía 30:8

Rü choma ya Cori ya Tupana ya Guxü̃étüwa Ngẽxmaxe rü ñachagürü: “Choma rü tá íchananguxü̃xẽxẽ i chorü duü̃xü̃gü naxme̱xwa i ngẽma namugüexü̃. Rü tagutáma wena to i nachixü̃anecüã̱xgüarü mugüruxü̃ nixĩgü.

Yeremía 31:4

Pa Iraétanüxü̃x, choma rü tá wena íchanadaxẽxẽ i pechixü̃ane, rü tá pexü̃ charüngü̃xẽẽxü̃ nax wena naxügüxü̃ca̱x i perü ĩanegü. Rü pema rü paü̃derumaxã tá taãẽxãcü ípixüãchitanüxü̃.

Yeremía 51:51

Rü pema rü ñaperügügü: “Toma rü taxãnee i ngẽxguma nüxü̃ taxĩnüegu i ñuxãcü chixexü̃ tomaxã yaxugüexü̃ i duü̃xü̃gü. Rü ãnemaxã togü tidüchametügü, yerü yema to i nachixü̃anecüã̱xgü rü nagu nachocu ga yema nachicagü ga Tupanapatawa yexera üünexü̃”, ñaperügügü.

Echequié 16:60

Natürü i choma rü tá nüxna chacua̱xãchi ga yema uneta ga cumaxã chaxueguxü̃ ga yexguma cupaxgu, Pa Yerucharéü̃x. Rü ñu̱xũchi cumaxã tá chanaxuegu i wüxi i uneta i guxü̃guca̱x ixĩxü̃.