Ichaía 13:6 - Tupanaarü Ore

⁶ ¡Rü pixauxe, Pa Babiróniacüã̱x, erü Cori ya Tupanaarü ngunexü̃ rü marü ningaica nax ínanguxü̃! Rü nüma ya Cori ya Tupana ya Guxãétüwa Ngẽxmacü rü tá ínangu nax Babiróniagu yapogüxü̃ca̱x.

Ichaía 13:6 Referans Kwoze

Joel 1:15

Erü marü ningaica i Tupanaarü poxcu. Rü ngẽma ngunexü̃ rü poraãcü tá naxãũcüma erü Yimá Guxãétüwa Ngẽxmacü rü tá taxü̃ i poxcu taxca̱x ínanguxẽxẽ.

Chofonía 1:7

¡Rü Cori ya Tupanape̱xewa perüchianegü! Erü ngẽma norü ngunexü̃ i ãũcümaxü̃ i nagu tá napoxcuexü̃ i ngẽma chixexü̃ ügüxü̃ rü marü ningaica. Rü nüma rü marü nüxna naxu i ngẽma to i nachixü̃anecüã̱x nax nadaiaxü̃ca̱x i ngẽma nüxna ixĩgachitanüxü̃.

Amúx 5:18

¡Rü pegümaxã pengechaxü̃ i pema i penaxwa̱xexü̃ nax paxa petanüwa changuxü̃! Natürü tama nüxü̃ pecua̱x nax ta̱xacü tá pexü̃ ngupetüxü̃ i ngẽma ngunexü̃gu. Rü ngẽma ngunexü̃gu rü tá nawaane rü taxũtáma nangóone.

Ichaía 13:9

Rü marü nawa nangu i ngẽma ngunexü̃ i ãũcümaxü̃ i nagu Tupana norü numaxã tá chianexü̃xü̃ yanguxuchixẽẽxü̃ i ñaa naane. Rü tá nanadai i ngẽma duü̃xü̃gü i chixexü̃arü üruü̃gü i ngẽma naanewa ngẽxmagüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:10

Rü ngẽma ãẽ̱xgacügü rü ngẽxguma nüxü̃ nadaugügu i ngẽma ãũcümaxü̃ i norü poxcu ya yima ĩane rü norü muü̃maxã tá yáxü̃wa nüxü̃ narüdaunü, rü ñanagürügü tá: “Cungechaü̃tümüxü̃, Cungechaü̃tümüxü̃, Pa Taxü̃ne ya Ĩane ya Babirónia ya Guxü̃ i Nachixü̃anegümaxã Icuáxü̃nex. Erü wüxitama i oragu cuxca̱x ínangu i curü poxcu ya Tupana cuxca̱x íngu̱xẽẽxü̃”, ñanagürügü tá.

Joel 2:11

Rü nüma ya Cori ya Tupana rü nape̱xegu nixũ i ngẽma munügü i ñoma muxũchixü̃ i churaragürüxü̃ ixĩxü̃. Rü nüma ya Tupana rü tagaãcü nanamu i ngẽma munügü, rü nüma rü naga naxĩnüe. Rü ngẽma nax namuxũchixü̃ rü taxucürüwama texé tayaxugü. Rü poraãcü naxãũcüma i ngẽma ngunexü̃ i nagu Tupana tüxü̃ poxcuexü̃, rü taxúema tapora nax ítayachaxãchixẽẽxü̃.

Yeremía 51:8

Natürü Babirónia rü ngürüãchi norü uanügüme̱xẽgu tá nangu, rü nümagü rü tá nüxü̃ narüporamae. ¡Rü naxca̱x pexauxe ya yima ĩane! ¡Rü nua penange i üxüxü̃ naxca̱x i norü o̱xrigü rü bexmana tá naxca̱x yataane!

Ichaía 34:8

Rü ngẽma ngunexü̃gu tá nixĩ ya Cori ya Tupana inapoxcueãxü̃ i Edóü̃cüã̱xgü. Rü yimá taunecügu rü Tupana tá Iraétanüxü̃xü̃ naxütanü naxca̱x ga yema chixexü̃ ga Edóü̃cüã̱xgü Chióü̃wa ügüxü̃.

Ichaía 2:12

Rü ngẽma ngunexü̃gu rü nüma ya Cori ya Tupana rü tá nanaxãneexẽxẽ i guxü̃ma i ngẽma nügü icua̱xüü̃güxü̃ rü ngẽma nügü írütagüxü̃ rü ngẽma togüétüwa nügü ngẽxmagüxẽẽxü̃.

Popera ga Chantiágu ümatüxü̃ 5:1

Pa diẽruã̱xgüxü̃, ¡Iperüxĩnüe i ñaa ore! ¡Pexauxe rü aita pexüe na̱xcha̱xwa i ngẽma guxchaxü̃gü i tá pexca̱x íngugüxü̃!

Maraquía 4:5

Rü dücax, nua tá pexca̱x chanamu ya chorü orearü uruxü̃ ya Ería naxü̃pa i ngẽma ngunexü̃ i ãũcümaxü̃ i nagu chapoxcuexü̃ i ngẽma chixexü̃ ügüxü̃.

Chofonía 1:14

¡Rü marü ningaica i ngẽma Cori ya Tupanaarü ngunexü̃ i ãũcümaxü̃! ¡Marü ningaica erü nüma rü paxatáma ínangu! Rü ngẽma ngunexü̃ i Cori ya Tupana nua nagu ũxü̃gu rü tá nüxü̃ taxĩnüe i nagagü i poraãcü ngechaü̃ gagüxü̃. Rü woo ngẽma nügü írüporaexü̃ rü tá tagaãcü naxauxe.

Joel 2:31

Rü yimá üa̱xcü rü tá nixo rü yimá tauemacü rü ñoma nagürüxü̃ tá naduema naxü̃pa i ngẽma ngunexü̃ i nagu tá chanapoxcuxü̃ i ñoma i naane. Rü ngẽma ngunexü̃ rü tá poraãcü naxãũcüma —ñanagürü.

Joel 1:13

Rü pemax, Pa Chacherdótegü i Tupanaarü Ãmarearü Guruxü̃maxã Icua̱xgüxex, rü name nixĩ i naxchiru i témüxü̃gu picu̱xgü, rü pexauxe, erü perü Tupanapata ya taxü̃newa rü marü nataxuma i trigu rü bínu i perü ãmareruxü̃ ixĩxü̃.

Joel 1:5

Pa Ngãxẽwa̱xexü̃x ¡rü peba̱i̱xãchie! ¡Pexauxe, Pa Bínuarü Axruü̃güx! Erü ngẽma úbatüxü̃ rü tá inayarütaxu.

Ichaía 14:31

¡Rü pegümaxã pengechaü̃güx, Pa Firitéutanüxü̃arü Ĩanegüx, rü wáita pexüe naxcha̱xwa i ngẽma ngúxü̃ i tá pexca̱x ínguxü̃, rü muü̃maxã pidu̱xrue! Erü nórtewaama ne naxĩ i churaragü i ñoma buanecü i wanagüemaxü̃rüxü̃ ixĩxü̃. Rü ngẽma churaragü i ngéma ne ĩxü̃ rü ínamemaregü nax pexü̃ nada̱i̱xü̃.

Yox 31:23

Rü choma rü nüxü̃ chamuü̃ ga yema Tupanaarü poxcu, yerü nüma rü guxü̃étüwa nangẽxma rü taxũchima yáxna namaxã chaxĩnü ga yema norü poxcu.

Joel 1:11

Rü pema nax naanewa pepuracüexü̃ rü penatoxü̃ ga úbagü rü trigugü rü chebádagü ¡rü poraãcü pengechaü̃güãcüma pexauxe! Erü ngẽma trigu rü chebáda ga petogüxü̃ rü pexü̃́ nayue, rü ngẽmaca̱x taxuxü̃ma pibuxgü.

Echequié 21:12

Rü cumax, Pa Yatüx, ¡aixta naxü rü curü ngechaü̃maxã naxaxu! Erü ñaa chorü tara rü tá nanadai i guxü̃ma i chorü duü̃xü̃gü rü guxü̃ma i Iraétanüxü̃arü ãẽ̱xgacügü. ¡Rü ñu̱xma nax yu namaxã chaxueguxü̃ i chorü duü̃xü̃gü rü curü ngechaü̃maxã cugüremügu napogü!

Yeremía 49:3

Rü ñanagürü ta: —¡Naxaxu Pa Ĩane ya Ebóü̃x! Erü yima ĩane ya Ái rü marü nagu napogüe. ¡Pexauxe, Pa Ngexü̃güx i Rabácüã̱x! ¡Rü ngechaü̃chirugu picu̱xgü! ¡Rü perü ngechaü̃maxã pegüremügu pecüxgüe! ¡Rü nu ne penaxü ñoma wüxi i ãũãẽxü̃rüxü̃! Erü ngẽma perü tupananeta rü to i nachixü̃anewa nanangegü wüxigu namaxã i norü chacherdótegü rü ngẽma duü̃xü̃gü i tachigagüxü̃.

Ichaía 65:14

Rü nümagü rü tá taãẽãcüma nawiyaegü, natürü i pema rü tá ngechaü̃maxã rü ĩ̱xãchiãẽmaxã aita pexüe rü pixauxe.

Ichaía 52:5

Rü ñu̱xma rü ¿ta̱xacü e̱xna nixĩ i namaxã ngupetüxü̃ i ngẽma chorü duü̃xü̃gü? Rü Babiróniaanewa nanagagü taxuxü̃ma i ta̱xacürü chixexü̃ naxügüãcüma. Rü ngẽma namaxã icua̱xgüxü̃ rü taãẽãcü nüxü̃ nacugüe rü guxü̃guma ta̱xacü chomaxã nixugüe.

Ichaía 23:1

Ñaa nixĩ i ore i ĩane ya Tíruca̱x ixĩxü̃: Rü yima wapurugü ya Tárchixwa ne ĩxü̃nearü yoragü rü nügümaxã naxauxe, erü ngẽma Tíruarü türe i nawa ínachoü̃xü̃ rü nachixe. Rü ngẽma türe i wapuruarü choü̃chica i nawa wapurugü íchoü̃xü̃xü̃ i ngẽxguma Chíprewa ne naxĩxgu rü marü poraãcü nachixe.

Yeremía 25:34

¡Ẽcü pexauxe, Pa Duü̃xü̃güarü Ãẽ̱xgacügüx! ¡Rü pema i duü̃xü̃gümaxã ipecuáxü̃ rü waixü̃müanegu pidixgü! Erü marü nawa nangu i ngunexü̃ nax pexü̃ nada̱i̱xü̃ ñoma carnérugü i ngüexü̃ ida̱i̱xü̃rüxü̃. Rü ñoma wüxi i axepáü̃ i mexẽchixü̃ irünguxü̃rüxü̃ tá perüyi.

Ichaía 10:3

¿Rü ta̱xacü tá pexügüxü̃ i ngẽxguma Tupana pexna caxgux naxca̱x i guxü̃ma i ngẽma chixexü̃ i pexüxü̃ rü ngẽxguma nüxü̃ peda̱u̱xgu nax yáxü̃wa pexca̱x ne naxũxü̃ i poxcu? ¿Rü texéca̱x tá pibuxmüxü̃ nax ngü̃xẽẽca̱x ípecaxü̃ca̱x? ¿Rü ngextá tá peyacu̱xgü i perü ngẽmaxü̃gü i ngẽxguma ínangugügu i perü uanügü?

Ichaía 10:25

Erü marü noxretama i ngunexü̃ nataxu nax naxca̱x íchananguxẽẽxü̃ i norü poxcu, rü ngẽma chorü numaxã tá chanadai.

Ichaía 14:23

Rü ngẽma Babiróniaane rü tá ngóxü̃xü̃ chayaxĩxẽxẽ, rü ngẽma naane rü cüchanagürica tá nawa namaxẽ. Rü ñoma ta̱xacü ibixichixü̃rüxü̃ tá chayanaxoxẽxẽ i guxü̃ma i nawa ngẽxmaxü̃ —ñanagürü ya Cori ya Tupana ya Guxãétüwa Ngẽxmacü.

Ichaía 34:2

Erü nüma ya Cori ya Tupana rü guxü̃ma i nachixü̃anegümaxã nanu. Rü ngẽxgumarüxü̃ ta namaxã nanu i guxü̃ma i norü churaragü. Rü ngẽmaca̱x namaxã nanaxuegu nax nadaiaxü̃ nax nayuexü̃ca̱x.

Ichaía 47:11

Natürü tá pexca̱x ínangu i guxchaxü̃gü. Rü taxũtáma ípenapoxü̃ woo nax piyuüechiréxü̃ rü ẽxü̃guxü̃xü̃ picuáxü̃. Rü pexca̱x tá ínangu i wüxi i taxü̃ i guxchaxü̃ i taxucürüwa na̱xcha̱xwa pibuxmüxü̃. Rü wüxi i guxchaxü̃ i tama nagu perüxĩnüexü̃ tá ngürüãchi pexca̱x ínangu.

Ichaía 61:2

Rü choxü̃ namu nax nüxü̃ chixuxü̃ca̱x rü daa nixĩ ya taunecü ya Tupana nüxü̃ unetacü nax nagu tüxü̃ ínanguxü̃xẽẽxü̃ rü nadaiaxü̃ i tórü uanügü. Rü choxü̃ namu nax tüxü̃ chataãẽxẽẽgüxü̃ca̱x ya guxãma ya yíxema ngechaü̃güxe.

Echequié 13:5

Rü ngẽma orearü uruü̃güneta rü taxuxü̃ma naxügü nax Iraétanüxü̃xü̃ ínapoxü̃güxü̃ i ngẽxguma nawa nanguxgu i ngẽma ngunexü̃ i nüxü̃ chaxunetaxü̃ nax naxca̱x íyaxüãchixü̃ i norü uanügü.

Danié 5:9

Rü yexguma nüma ga ãẽ̱xgacü ga Berchachá rü poraãcü namuü̃ rü nanacho̱xõchi. Rü yema natanüxü̃ ga ãẽ̱xgacügü rü tama nüxü̃ nacua̱xgü nax ta̱xacü tá naxügüxü̃.

Danié 5:26

Rü ngẽma ore rü ñaxü̃chiga nixĩ: Méne: Tupana rü marü nüxü̃ nixu nax ñuxre tátama i ngunexü̃ ãẽ̱xgacü quixĩxü̃, Pa Ãẽ̱xgacüx, rü marü nüxü̃ naxuneta i ngẽma ngunexü̃ i tá nagu cuyuxü̃.

Chacaría 14:1

Rü marü ningaica i ngẽma ngunexü̃ i nagu Cori ya Tupana tá cuxü̃ poxcuxü̃, Pa Yerucharéü̃cüã̱xgüx. Rü ngẽxguma ínanguxgu, rü perü uanügü rü pepe̱xewa tátama nügü nayanu i perü ngẽmaxü̃gü i pexna napuxü̃xü̃.

Ichaía 63:4

Rü marü nawa nangu i ngunexü̃ nax chanaxütanüxü̃ i chorü duü̃xü̃gü nax íchananguxü̃xẽẽxü̃ca̱x.

Joel 2:1

¡Rü yima ma̱xpǘne ya Chióü̃wa peyacue ya cornéta! ¡Rü yima ma̱xpǘne ya Tupanapata nawa ngẽxmanewa rü tagaãcü peyacue ya cornéta ya ãũcümaxü̃xü̃ ixüxü̃ne! ¡Rü muü̃maxã pidu̱xrue i guxãma i pema i Yudáanewa pemaxẽxü̃! Erü Cori ya Tupanaarü ngunexü̃ rü marü ningaica. Rü ngẽma ngunexü̃ rü taxü̃ i waanexü̃ tá nixĩ. Rü tá narüxcaixane rü caixanexü̃ i pamüemaxü̃ tá nangẽxma. Rü muxũchixü̃ i munügü tá ínangugü. Rü ñoma wüxitücumü i churaragü i poraexü̃ rü muxũchixü̃rüxü̃ tá nixĩgü. Rü ñoma ngexwaca yangunegu rü guxü̃wama ma̱xpǘneétüwa nangu nax yangóonexü̃ rü ngẽxgumarüxü̃ tá nixĩgü nax guxü̃wama nangugüxü̃ i ngẽma munügü. Rü nũxcüma rü taguma ngẽxgumarüxü̃ ixĩxü̃xü̃ tadau, rü tagutáma wena nüxü̃ tadau i ta̱xacü i nangexgumaraxü̃xü̃.