Ichaía 13:5 - Tupanaarü Ore

⁵ Rü ngẽma churaragü rü nachixü̃ane i yáxü̃wa ngẽxmaxü̃wa ne naxĩ i ñaa naanearü tuãchiarü yexerawa. Rü Cori ya Tupana rü norü churaragümaxã ngéma ne naxũ nax norü numaxã napoxcuãxü̃ca̱x i guxü̃ma i Babiróniaarü naane.

Ichaía 13:5 Referans Kwoze

Ore i mexü̃ ga Matéu ümatüxü̃ 24:31

Rü nüma rü tá nanamu i norü orearü ngeruü̃gü i daxũcüã̱x nax yacuegüãxü̃ca̱x ya norü cornétagü nax ngẽmaãcü naxĩtaque̱xexẽẽãxü̃ca̱x i guxü̃ma i ngẽma duü̃xü̃gü i nadexü̃ i guxü̃wama ngẽxmagüxü̃ ñu̱xmata naane iyacuáxü̃wa ngẽxmagüxü̃.

Yeremía 51:11

Nüma ya Cori ya Tupana rü nayanaxoxẽẽchaü̃ ya Babirónia. Rü ngẽmaca̱x naxca̱x nangema i Médiaanearü ãẽ̱xgacügü nax nümagü rü ta ngẽmagu naxĩnüexü̃ca̱x. Rü ngẽma nixĩ i Cori ya Tupanaarü poxcu i Babiróniaca̱x mexẽẽxü̃ nagagu ga yema Tupanapata ga taxü̃nemaxã naxügüxü̃.

Yeremía 50:9

Rü choma rü tá chanangutaque̱xexẽxẽ i ñuxre i nachixü̃anegü i poraxü̃ i nórtewa ngẽxmagüxü̃. Rü nümagü rü wüxigu tá Babiróniaca̱x ínayaxüãchi. Rü tá nügü namexẽẽgü rü tá Babiróniaxü̃ narüporamae. Rü norü churaragü rü nimexchinüxü̃chi rü yima naxnegü rü tama ngextámare naña.

Yeremía 50:3

Erü nórtewaama tá ne naxĩ i wüxi i nachixü̃anearü churaragü. Rü tá chianexü̃xü̃ nayangucuchixẽxẽ ya yima ĩane ya Babirónia. Rü taxúetama nawa tamaxẽ rü bai i duü̃xü̃gü rü bai i naeü̃gü. Rü guxü̃táma nüxna naxĩgü” —ñanagürü.

Ichaía 24:1

Dücax, Cori ya Tupana rü tá chianexü̃xü̃ nananguxuchixẽxẽ i ñaa naane, rü ngẽma duü̃xü̃gü i nawa maxẽxü̃ rü tá nanawoonexẽxẽ.

Ichaía 13:17

Rü choma rü tá Médiatanüxü̃xü̃ chamu nax Babiróniacüã̱xgüxü̃ nada̱i̱xü̃ca̱x. Rü ngẽma duü̃xü̃gü rü tama diẽrugu narüxĩnüe rü tama úiru nüxü̃́ ngúchaü̃xü̃ i duü̃xü̃gü nixĩgü.

Ichaía 5:26

Rü Cori ya Tupana rü wüxi ya wonera nanawaĩ̱xnagü rü norü cuemaxã naxca̱x naca i wüxi i nachixü̃ane i yáxü̃guxü̃. Rü norü churaragü i ngẽma nachixü̃ane i yáxü̃wama ngẽxmaxü̃ rü paxa tá nua nangugü.

2 Chamué 1:27

Taxü̃ i ngechaü̃ nixĩ nax nayuexü̃ i ngẽma tama muü̃wa̱xegüxü̃. Rü naxnegü rü nagu napogüe”, ñanagürü ga Dabí.

Ichaía 7:18

Rü ngẽma ngunexü̃gu rü nüma ya Tupana rü tá ñoma murenügü i muxũchixü̃rüxü̃ tá cuxca̱x ínanangugüxẽxẽ i ngẽma churaragü i Equítuanearü natügü i yáxü̃guxü̃wa ne ĩxü̃. Rü ngẽxgumarüxü̃ tá ta cuxca̱x ínanangugüxẽxẽ i ngẽma Achíriaanecüã̱x i churaragü i ñoma beruretanü i muxũchixü̃rüxü̃ ixĩxü̃.

Ichaía 10:5

Rü Cori ya Tupana rü ñanagürü: —Achíriaanearü ãẽ̱xgacü nixĩ ya chorü naixmena̱xã ya Iraétanüxü̃xü̃ namaxã chapoxcune. Rü yima nixĩ ya chauxne ya namaxã tá chorü numaxã chacuaixetane.

Ichaía 26:20

Dücax, Pa Chorü Duü̃xü̃güx, rü name nixĩ i nagu pechocu ya yima pepatagü rü penawãtagü i perü ĩã̱xgü. ¡Rü paxaãchi ngẽxma picu̱xgü ñu̱xmata nüxü̃́ nangupetü i norü nu ya Cori ya Tupana!

Ichaía 30:27

Dücax, nüma ya Cori ya Tupana rü yáxü̃wa ne naxũ. Rü ngẽma norü nu rü ninai caixemaxü̃ i pamüemaxü̃maxã. Rü ngẽma naberagü rü numaxã nanapagü. Rü yima norü conü rü ñoma üxüema i tüxü̃ iguxü̃rüxü̃ nixĩ.

Ichaía 34:2

Erü nüma ya Cori ya Tupana rü guxü̃ma i nachixü̃anegümaxã nanu. Rü ngẽxgumarüxü̃ ta namaxã nanu i guxü̃ma i norü churaragü. Rü ngẽmaca̱x namaxã nanaxuegu nax nadaiaxü̃ nax nayuexü̃ca̱x.

Ichaía 48:14

¡Rü guxãma i pemax, Pa Iraétanüxü̃x, rü pengutaque̱xegü rü choxü̃́ iperüxĩnüe! ¿Rü petanüwa texé tanaxunagü i ngẽma tá ngupetüxü̃? Rü yimá Tupana nüxü̃ ngechaxü̃cü rü tá nayanguxẽxẽ i ngẽma Tupana nagu rüxĩnüxü̃ rü tá Babiróniaxü̃ napoxcu. Rü tá nanapoxcu i guxü̃ma i ngẽma Cadéuanecüã̱xgü.

Ichaía 66:14

Rü ngẽxguma tá ngẽmaxü̃ pedaugügu, rü perü maxü̃newa rü tá petaãẽgü. Rü ñoma maxẽ i ngexwaca̱xü̃xü̃rüxü̃ tá pexü̃́ nangẽxma i ngexwaca̱xü̃xü̃ i maxü̃. Rü nüma ya Cori ya Tupana rü tá norü duü̃xü̃güxü̃ nanawe̱x i norü pora. Natürü norü uanügüxü̃ rü tá nanawe̱x i norü nu.

Yeremía 8:19

Rü ngẽma nax aixta naxüexü̃ i chorü duü̃xü̃gü rü guxü̃ i tachixü̃anegu nüxü̃ taxĩnü. Rü ñanagürügü: —Marü tama Chióü̃wa nangẽxma ya Cori ya Tupana. Rü marü nataxuma ya yima tachixü̃anearü ãẽ̱xgacü —ñanagürügü. Rü Cori ya Tupana nanangãxü̃ rü ñanagürü: —¿Tü̱xcüü̃ choxü̃ pinuxẽxẽ namaxã nax nüxü̃ picua̱xüü̃güxü̃ i ngẽma naxchicüna̱xãgü i tupananetagü i taxuwama mexü̃ i to i nachixü̃anearü ixĩxü̃? —ñanagürü.

Yeremía 50:25

Rü nüma ya Cori ya Tupana rü marü nayawáxna ya yima ĩpata ya nagu nanuxü̃ne ya naxnegü. Rü norü numaxã nanade ya yima naxnegü i duü̃xü̃güxü̃ namaxã nada̱i̱xü̃ne. Erü nüma ya Cori ya Tupana ya Guxãétüwa Ngẽxmacü rü aixcüma tá nayanguxẽxẽ i ngẽma poxcu i namaxã naxueguxü̃ i nachixü̃ane i ngẽma Cadéugü.

Echequié 22:31

Rü ngẽmaca̱x tá chanapoxcue i ngẽma duü̃xü̃gü. Rü chorü numaxã tá chanadai nax ngẽmaãcü ngẽma íyaxügüxü̃ nüxü̃ yacua̱xãchiexü̃ca̱x i ngẽma chixexü̃ i naxügüxü̃. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ya Tupana.