Ichaía 13:2 - Tupanaarü Ore

² —¡Ma̱xpǘne ya máchaneétüwa penawe̱xnagü ya wonera ya daica̱x ícacü! ¡Rü penamuãchitanü i churaragü nax nügü nada̱i̱xü̃ca̱x! ¡Rü pewe̱xnagüchacüügü nax ngẽmaãcü Babiróniaarü ĩanegu pechocuxü̃ca̱x nawa i ngẽma ĩã̱xgü i ãẽ̱xgacügü nawa ichocuxü̃!

Ichaía 13:2 Referans Kwoze

Yeremía 51:58

Rü choma ya Cori ya Tupana ya Guxãétüwa Ngẽxmacü rü ñachagürü: “Babiróniaanearü poxeguxü̃tápü̱xgü i yaxcüxü̃ rü tá guxü̃táma nayawa̱xgüxẽxẽ. Rü ngẽma norü ĩã̱xgü i taxü̃ rü tá ínanagu. Rü yema togü ga nachixü̃anecüã̱x ga norü naanena yéma nagagüxü̃ nixĩ ga naxügüxü̃. Natürü natüca̱xmamare nixĩ ga nawa napuracüexü̃ rü nagu nax yapaexü̃, erü guxü̃ma i ngẽma rü tá nixa”, ñacharügü —ñanagürü.

Ichaía 5:26

Rü Cori ya Tupana rü wüxi ya wonera nanawaĩ̱xnagü rü norü cuemaxã naxca̱x naca i wüxi i nachixü̃ane i yáxü̃guxü̃. Rü norü churaragü i ngẽma nachixü̃ane i yáxü̃wama ngẽxmaxü̃ rü paxa tá nua nangugü.

Yeremía 50:2

Rü ñanagürü i ngẽma ore: —¡Guxü̃ma i ngẽma togü i nachixü̃anecüã̱xmaxã nüxü̃ ixu i ñaa ore nax mea nüxü̃ nacua̱xgüxü̃ca̱x! ¡Rü nawe̱xnagü i ngẽma orearü cua̱xruxü̃ ya wonera! ¡Rü taxṹ i peyacúxü̃ i ngẽma ore! ¡Rü ñapegügü: “Babirónia rü marü norü uanügüme̱xẽgu nangu! Rü ngẽma norü uanügü rü nüxü̃ nacugüe i Babiróniaanearü tupananeta i Béx. Rü ngẽma tupananeta i Mardúx rü poraãcü namuü̃. Rü ngẽma uanügü rü nüxü̃ nacugüe i guxü̃ma i Babiróniaanearü tupananetachicüna̱xãgü i ñu̱xma ãũcümaxü̃wa ngẽxmagüxü̃.

Yeremía 51:25

Pa Babiróniax, choma rü cumaxã charüxuanü i cumax nax poraãcü chixexü̃ cuxüxü̃ nawa i guxü̃ma i nachixü̃anegü. Rü choma ya Cori ya Tupana nixĩ i ngẽma ñachaxü̃. Rü ñu̱xma rü tá aixcüma cuxü̃ chapoxcu. Rü woo ñoma wüxi i ma̱xpǘnerüxü̃ nax quixĩxü̃, rü choma rü tá ngéma cuxü̃ charüdixẽxẽ. Rü ñoma wüxi i ma̱xpǘne ya ixaxü̃nerüxü̃ tá cuxü̃ chixĩxẽxẽ.

Ichaía 10:32

Rü ñu̱xma i ngẽma uanügü rü ĩane ya Nóxwa nayachaxãchitanü, rü wüxi i cua̱xruxü̃ nügüna naxãgü nax Yerucharéü̃arü ma̱xpǘne ya Chióü̃ca̱x íyaxüãchixü̃ nax tüxü̃ nada̱i̱xü̃ca̱x.

Ichaía 18:3

Rü guxãma i pemax, Pa Ñoma i Naanecüã̱xgü Ixĩgüxe, rü ma̱xpǘnechitaeruwa tá nüxü̃ pedau ya yima wonera ya ngéma wã̱ĩ̱xnagücü, rü tá nüxü̃ pexĩnüe i ngẽxguma naxãgagu ya yima cornéta.

Ichaía 11:15

Rü Cori ya Tupana rü tá nayawáxna i wüxi i nama i Már i Dauchíüxü̃wa. Rü taxtü i Eufráteétügu tá naxuchacüxü. Rü tá ínananguxẽxẽ ya wüxi ya poracü ya buanecü, rü yimá buanecümaxã tá taxtü i Eufráteétügu nicue rü tá 7 i nachacüüxü̃ nayangucuchixẽxẽ. Rü ngẽxguma tá nichoü̃ taxũtáma ínacuaixü̃ãcüma i norü chapatugü.

Ichaía 11:12

Rü nüma ya Cori rü guxü̃ i nachixü̃anegüxü̃ tá nüxü̃ nadauxẽxẽ i wüxi i cua̱xruxü̃. Rü tá nanangutaque̱xexẽxẽ i ngẽma Iraétanüxü̃ i woonexü̃. Rü naanearü guxü̃wama tá ne nanagagü nax nanutaque̱xeãxü̃ i ngẽma duü̃xü̃gu i Yudáanecüã̱x ga woonemarexü̃.

Wiyaegü 60:4

Rü ñu̱xma i toma nax cuga taxĩnüexü̃ ¡rü toxca̱x inaxü i wüxi i cua̱xruxü̃ nax ngẽmawa nüxü̃ tacuáxü̃ca̱x nax aixcüma tá toxü̃ ícupoxü̃xü̃ nüxna i torü uanügüarü naxnegü!

Ichaía 19:16

Rü ngẽma ngunexü̃gu i Equítuanecüã̱xgü rü ñoma ngexü̃gürüxü̃ tá poraãcü namuü̃e. Rü tá naba̱i̱xãchie i ngẽxguma nüxü̃ nadaugügu i ngẽma Cori ya Tupana ya Guxãétüwa ngẽxmacüarü pora i namaxã napoxcueãxü̃.

Ichaía 31:9

Rü ngẽma norü ãẽ̱xgacü rü muü̃maxã tá niña, rü ngẽma norü churaragüerugü rü norü wonerana tá ngéma nibuxmü. Rü ngẽma nixĩ i nüxü̃ yaxuxü̃ ya Cori ya Tupana nax Yerucharéü̃wa nüxü̃́ nangẽxmaxü̃ ya wüxi ya taxü̃ne ya üxü nax namaxã napoxcuãxü̃ca̱x i norü uanügü.

Yeremía 50:41

Rü ñanagürü ta: —Wüxi i nachixü̃ane i poraxü̃ i yáxü̃wa nórtewa ngẽxmaxü̃ rü muxü̃ma i to i nachixü̃anegüarü ãẽ̱xgacügü rü nügü namexẽẽgü nax Babiróniaca̱x íyaxüãchixü̃.

Yeremía 51:12

¡Daiarü cua̱xruxü̃ ya wonera penawẽ̱xnagü nax Babiróniaanearü ĩanearü poxeguxü̃tapü̱xca ípeyaxüãchixü̃ca̱x! ¡Rü pegü pemuxẽxẽ i pemax nax pedauxü̃taegüxü̃! ¡Rü pema i dauxü̃taegüxü̃ rü pechicawa pengẽxmagü! ¡Rü ípeyacu̱xéxü̃gü i perü uanügü! Erü nüma ya Cori ya Tupana rü marü nayanguxẽxẽ i ngẽma nagu naxĩnüxü̃ rü naxunagüxü̃ naxca̱x i ngẽma Babiróniacüã̱x.