Ichaía 13:14 - Tupanaarü Ore

¹⁴ Rü ngẽma togü i nachixü̃anecüã̱x i Babiróniaanearü ĩanewa ngẽxmagüxü̃ rü ñoma wüxi i cowü i nawe nangẽgüxü̃rüxü̃ tá nibuxmü. Rü wüxi i carnérutücumü i ngearü dauruü̃ã̱xgüxü̃rüxü̃ tá naxĩgü. Rü wüxichigü i ngẽma duü̃xü̃gü rü tá nachixü̃aneca̱x nataegu rü ngẽma norü naane i nawa ne naxũxü̃wa tá naxũ.

Ichaía 13:14 Referans Kwoze

Nüxíraxü̃xü̃ ga popera ga ãẽ̱xgacügüchiga 22:17

Rü nüma ga Micaía rü nanangãxü̃ rü ñanagürü: —Nüxü̃ chadau i guxü̃ma i Iraéanecüã̱xgü i ma̱xpǘneanegu woonemarexü̃ rü ñoma carnérugü i ngearü dauruü̃ã́xü̃rüxü̃ nax yixĩgüxü̃. Rü nüma ya Cori rü ñanagürü: “Ñaa duü̃xü̃gü rü nangearü dauruü̃ã̱xgü, rü ngẽmaca̱x name nixĩ i wüxichigü i nüma rü napataca̱x nawoegu” —ñanagürü.

Yeremía 50:16

Rü taxuxü̃táma Babiróniawa peyaxǘxẽxẽ i ngẽma duü̃xü̃gü i ngẽxma toegüxü̃ rü nabuxgüxü̃ i nanetüarü o. Rü ngẽma ngéma ngẽxmagüxü̃ i togü i nachixü̃anecüã̱xgü, rü ngẽxguma nüxü̃ nadaugügu i ngẽma dai rü tá nibuxmü nax wüxichigü nachixü̃aneca̱x nawoeguxü̃ca̱x.

Nüxíraxü̃xü̃ ga popera ga ãẽ̱xgacügüchiga 22:36

Rü yexguma marü yanaxücuchaü̃gu ga üa̱xcü rü Iraéanecüã̱xarü churaragü rü ñanagürügü: —Wüxíechigü rü tümaarü ĩaneca̱x rü tümaarü naaneca̱x tawoegu erü ya ãẽ̱xgacü rü marü nayu —ñanagürügü. Rü nüma ga guma ãẽ̱xgacü rü ĩane ga Chamáriawa nanangegü, rü yexma nayata̱xgü.

Yeremía 51:9

Marü tanaxüxü̃ ya Babirónia, natürü tama naxca̱x nitaane. ¡Rü ngĩxã nua tanata̱x rü nüxna tixĩgachi! ¡Rü ngĩxã tachixü̃aneca̱x tawoegu i wüxichigü! Erü Babiróniaanearü poxcu rü ngẽma nax nataxüchixü̃ rü ñu̱xmata dauxü̃guxü̃ ga naanewa nangu rü ñu̱xmata caixanexü̃güwa nangu.

Ichaía 47:15

Rü ngẽma ẽxü̃guxü̃xü̃ cua̱xgüxü̃ ga ü̃pacürüwa nüxna peca̱xgüxü̃, rü wüxichigü rü tá norü doragu narütauxe rü taxũtáma pexü̃ ínapoxü̃ —ñanagürü ya Tupana.

Ichaía 17:13

Natürü ngẽxguma Cori ya Tupana nüxna puragügu rü tá na̱xcha̱xwa nibuxmü, rü yáxü̃wama tá nabuxmü, ñoma wüxi i maxẽ i paxü̃ i buanecü ingexü̃ rü máxpü̱xanexü̃gu yanguxü̃rüxü̃ tá nixĩgü. Rü ñoma buanecü ya tacü rü íxã̱ũ̱xẽmacü i chuxchuxü̃ nawo̱xoxochicü rü yáxü̃wa ngexü̃rüüxü̃ tá nixĩgü.

Ore i mexü̃ ga Matéu ümatüxü̃ 9:36

Rü yexguma Ngechuchu nüxü̃ da̱u̱xgu ga yema muxü̃ma ga duü̃xü̃gü ga naxü̃tawa ngugüxü̃, rü nüxü̃́ nangechaü̃tümüü̃gü. Yerü carnérugü ga ngearü dauruü̃ã́xü̃rüxü̃ nanaxĩ̱xãchiãẽgü, rü tama nataãẽgü.

Ore i mexü̃ ga Márcu ümatüxü̃ 6:34

Rü yexguma nguewa ínaxüegu ga Ngechuchu, rü nüxü̃ nadau ga yema muxü̃ma ga duü̃xü̃gü. Rü nüxü̃́ nangechaü̃tümüü̃gü yerü ñoma carnérugü ga ngearü dauruü̃ã̱xgüxü̃rüxü̃ nixĩgü. Rü inanaxügü nax nangúexẽẽãxü̃ ga muxü̃ma ga ore.

Nüxíraxü̃xü̃ ga popera ga Pedru ümatüxü̃ 2:25

Rü pema ga ü̃pa rü ñoma carnérugü i irütauxexü̃rüxü̃ pixĩgü. Natürü i ñu̱xma rü marü Cristuca̱x pewoegu. Rü nüma nixĩ i perü dauruxü̃ yixĩxü̃, rü nüma nixĩ i pexna nadauxü̃.

Ichaía 21:15

Erü yíxema rü taracha̱xwa rü würa ya ímemarenecha̱xwa tibuxmü nax tama daigu tayuexü̃ca̱x.

Yeremía 25:12

Rü ngẽxguma 70 ya taunecü ínguxgu nax ngéma nangẽxmagüxü̃ i ngẽma duü̃xü̃gü, rü choma rü tá Babiróniaanearü ãẽ̱xgacüna chaca naxca̱x i ngẽma norü chixexü̃. Rü ngẽma Babiróniacüã̱x i Cadéugü rü choma rü tá íchayanaxoxẽxẽxü̃chi i ngẽma nachixü̃ane. Rü chomatama ya Cori ya Tupana nixĩ i nüxü̃ chixuxü̃ i ngẽma ore.

Naúü̃ 3:18

Pa Achíriaanearü Ãẽ̱xgacüx, curü ngü̃xẽẽruü̃gü rü napee. Rü ngẽma curü churaragümaxã icua̱xgüxü̃ rü ta rü napee. Rü curü churaragü rü ma̱xpǘneanegu nawoonemare rü taxúema wüxiwa tanagagü.