Ichaía 13:12 - Tupanaarü Ore

¹² Rü tá chanadai i ngẽma Babiróniacüã̱x i yatüxü̃gü rü noxretátama íchayaxüxẽxẽ. Rü ngẽmaca̱x i ngẽma úiru i mexẽchixü̃ i Ofíwa ngẽxmaxü̃arü yexera tá nataxu i ngẽma duü̃xü̃gü.

Ichaía 13:12 Referans Kwoze

Ichaía 4:1

Rü ngẽma ngunexü̃gu rü noxre tátama i yatüxü̃gü ínayaxügü. Rü ngẽmaca̱x rü 7 i ngexü̃gü rü wüxi i yatüca̱x tátama ngĩgü idai. Rü ngẽma ngexü̃gü rü ngẽma yatüxü̃xü̃ tá ngĩgürügügü: “Tomagü rü tá togünatama ta̱xacü taxãgü, rü ngẽma toxchiru rü torü diẽrumaxã tátama nixĩ i naxca̱x tataxexü̃. Natürü tanaxwa̱xe i tomaxã cuxãma̱x nax tama tingetegüechaxü̃ca̱x, rü düxwa ngẽmagagu taxãneemarexü̃ca̱x”, ngĩgürügügü tá.

Ichaía 24:6

Rü ngẽmaca̱x nixĩ i chixexü̃ naxca̱x ínguxü̃ i ñoma i naane rü ngẽma duü̃xü̃gü i nawa maxẽxü̃ rü ngúxü̃ yangegüxü̃. Rü ngẽmaca̱x nixĩ i ínagu̱xü̃ i ngẽma duü̃xü̃gü i ñoma i naanewa maxẽxü̃ rü ínaxĩxü̃ i norü mu, rü noxretama íyaxügüxü̃.

Wiyaegü 137:9

Rü tá nataãxẽ ya yimá curü buxü̃güxü̃ íyauxü̃cü nax nutagu yachi̱xgüãcüma nadaiaxü̃ca̱x.

Yox 28:16

Rü ngẽma úiru i poraãcü mexü̃maxã rü taxucürüwa naxca̱x tataxe i ngẽma cua̱x. Rü bai i nutagü i nga̱xãẽruxü̃ i cornalinamaxã, rüe̱xna Chafírumaxã ningutanü i ngẽma cua̱x.

Nüxíraxü̃xü̃ ga popera ga ãẽ̱xgacügüchiga 9:28

Rü inaxĩãchi rü Ofíanewa nangugü. Rü yéma Charomóü̃ca̱x nüxna nanana ga wixgutaa̱x 14,000 quíru naguxü̃ ga úiru ga namaxã nawoeguxü̃.

Wiyaegü 45:9

Rü natanüwa i ngẽma paxü̃gü i cupatawa ngẽxmagüxü̃ rü nangẽxmagü i to i nachixü̃anegüarü ãẽ̱xgacügüxacügü. Rü curü tochicaxü̃arü tügünecüwawa irüto i cuxma̱x i úiru i mexẽchixü̃maxã nga̱xãẽcü.

Ichaía 6:11

Rü yexguma ga choma rü nüxna chaca rü ñachagürü: —¿Ñuxre i ngunexü̃ tá nixĩ i ngẽmaãcü yixĩxü̃, Pa Corix? —ñachagürü. Rü yexguma ga nüma rü choxü̃ nangãxü̃ rü ñanagürü: —Ngẽmaãcü tá nixĩ ñu̱xmatáta yima ĩanegü rü nagu napogüe, rü taxuxü̃táma i duü̃xü̃ ínayaxü rü ñu̱xmatáta ya yima ĩpatagü rü nangearü duü̃xü̃güã̱xgü rü naanegü rü nabáianemare rü ñu̱xmatáta íchanamuxü̃ i ngẽma duü̃xü̃gü i norü naanewa, rü ngẽmaãcü i nachixü̃ane rü nangeãcumare.

Ichaía 10:19

Rü ngẽma churaragü i noxri naixnecürüxü̃ ixĩxü̃ rü noxre tátama ngéma nayaxügü. Rü ngẽmaca̱x woo wüxi i buxü̃ rü tá nüxü̃́ natauxcha nax yaxugüaxü̃ i ngẽma íyaxügüxü̃.