Ichaía 13:1 - Tupanaarü Ore

¹ Ñaa nixĩ i ore i Cori ya Tupana Amú nane ya Ichaíaãẽwa ínguxẽẽxü̃ nachiga i ngẽma guxchaxü̃ i Babiróniaca̱x tá ínguxü̃:

Ichaía 13:1 Referans Kwoze

Yeremía 50:1

Ñaa nixĩ i Cori ya Tupanaarü ore i Yeremíawa nüxü̃ yaxuxü̃ nachiga i Cadéugü i Babiróniacüã̱x.

Ichaía 1:1

Ñaa nixĩ ga ore ga Amú nane ga Ichaíaãẽwa Tupana ínguxẽẽxü̃ ga yexguma Yudáanecüã̱xarü ãẽ̱xgacügü yixĩxgu ga Uchía, rü Yotáü̃, rü Acháx rü Echequía. Rü yema orewa nüxü̃ nixu nax ta̱xacü tá nüxü̃ ngupetüxü̃ ga Yudáane rü ĩane ga Yerucharéü̃.

Danié 5:28

Pársin: Rü ngẽma cuchixü̃ane, Pa Ãẽ̱xgacüx, rü marü tá niyauxye rü tá Médiaanecüã̱xgüna rü Pérchiaanecüã̱xgüna nanaxã —ñanagürü ga Danié.

Ichaía 15:1

Cori ya Tupanaarü ore i Moáchiga ixĩxü̃: Wüxitama ga chütaxü̃ nixĩ ga nadaiãcuãxü̃ ga guma Moáanearü ĩane ga Ár. Rü yexgumarüxü̃ ta wüxitama ga chütaxü̃ nixĩ ga nadaiãcuãxü̃ ga guma Moáanearü ĩane ga Quíru.

Ichaía 14:28

Rü gumá taunecü ga ãẽ̱xgacü ga Acháx nagu yucügu rü Ichaía rü ñaa orexü̃ nixu rü ñanagürü:

Ichaía 13:19

Pa Babiróniax, cuma nax guxü̃ i nachixü̃anegüarü yexera quixĩxü̃, rü cumaxã nixĩ i nügü yacua̱xüü̃güxü̃ i curü duü̃xü̃gü i Cadéugü. Natürü tá icuyarüxo yexguma Chodóma rü Gomóraxü̃ chayarüxoxẽẽxgurüxü̃.

Maraquía 1:1

Rü ñaa nixĩ i ore i Cori ya Tupana Iraétanüxü̃maxã nüxü̃ ixuxü̃ nawa ya norü orearü uruxü̃ ya Maraquía.

Chacaría 9:1

Ñaa nixĩ i Cori ya Tupanaarü ore i ĩane ya Damácuchiga: —Guxü̃ma i Iraétanüxü̃ i duü̃xü̃gü rü Cori ya Tupanaarü nixĩgü, rü ngẽxgumarüxü̃ ta ya yima ĩanegü ya Chíriaanewa ngẽxmagüne rü Cori ya Tupanaarü nixĩgü.

Abacú 1:1

Ñaa nixĩ ga yema ore ga Cori ya Tupana norü orearü uruxü̃ ga Abacúmaxã nüxü̃ yaxuxü̃ ga yexguma nango̱xetügu.

Naúü̃ 1:1

Ñaa nixĩ ga yema ore ga Naúü̃ ga Ercúcüã̱x Tupanaxü̃tawa nayaxuxü̃ ga yexguma nango̱xetügu. Rü yema ore rü ĩane ga Nínibearü poxcuchiga nixĩ.

Echequié 12:10

¡Rü chauégagu namaxã nüxü̃ ixu nax ngẽma rü wüxi i cua̱xruxü̃ yixĩxü̃ naxca̱x i ngẽma Yerucharéü̃arü ãẽ̱xgacü, rü ñu̱xũchi guxü̃ma i ngẽma Iraétanüxü̃ i ngéma maxẽxü̃!

Ichaía 43:14

Rü yima Iraétanüxü̃arü Tupana ya üünecü ya pexü̃ ínguxü̃xẽẽcü rü ñanagürü: —Ngẽma nax pexü̃ íchanguxü̃xẽẽxü̃ca̱x rü Babiróniaarü ĩanewa tá chanamugü i norü uanügüarü churaragü nax nagu yapogüexü̃ca̱x i norü poxeguxü̃arü ĩã̱xgü. Rü yima norü wapurugü ya namaxã nataãẽgüne i ngẽma Babiróniacüã̱x rü tá norü ngechaü̃xü̃ nananguxuchi.

Ichaía 22:25

Natürü wüxi i ngunexü̃ rü Eriaquíü̃ rü tá ta guxchaxü̃ naxca̱x ínangu rü tá ínamuxũchi i norü puracüwa. Rü ngẽxma tá inayarüxo i norü pora rü ngẽxma tá nayacua̱x i norü ngü̃xẽxẽ naxca̱x i guxü̃ma i ngẽma duü̃xü̃gü i nüxü̃́ yaxõgüxü̃” —ñanagürü ya Cori ya Tupana ya Guxãétüwa Ngẽxmacü.

Ichaía 22:1

Ñaa nixĩ i ore nachiga i Yerucharéü̃arü doxonexü̃ ya Tupana naxca̱x choxü̃ ngo̱xetüxẽẽxü̃ rü choxü̃ nanawe̱x i ngẽma tá ngéma ngupetüxü̃. ¿Ta̱xacüca̱x nixĩ i guxü̃ma i duü̃xü̃gü rü napataétügu naxĩgüxü̃?

Ichaía 21:13

Pema i Arábiaanecüã̱x i taxetanüxü̃ i Dedáü̃wa ne ĩxẽ rü chianexü̃arü chuxchuxü̃necügu pegüxe ¡rü namawa tüxü̃ peyangu̱xẽxẽ ya yíxema duü̃xẽgü ya uanücha̱xwa ibuxmüxẽ, rü dexá tüxna pexã erü tita̱xawae! ¡Rü pemax, Pa Temácüã̱x, rü namawa tüxü̃ peyangu̱xẽxẽ ya yíxema duü̃xẽgü ya uanücha̱xwa ibuxmüxẽ rü õna tüxna pexã!

Ichaía 19:1

Dücax, Cori ya Tupana rü wüxi i caixanexü̃étügu Equítuanewa naxũ. Rü ngẽma Equítuanecüã̱xgüarü tupananetachicüna̱xãgü rü Cori ya Tupanaarü poracha̱xwa nidu̱xrue. Rü duü̃xü̃gü i Equítuanecüã̱xgü rü tá poraãcü inayayiãxẽ.

Ichaía 17:1

Ñaa nixĩ i Tupanaarü ore ya ĩane ya Damácuchiga ixĩxü̃. Damácu rü tá inayarüxo nax ĩane yixĩxü̃. Rü natüchixica tátama ngéma nayaxǘ.

Chacaría 12:1

Ñaa nixĩ i Cori ya Tupanaarü ore nachiga i Iraétanüxü̃. Rü nüma ya Cori ya Tupana nixĩ i nango̱xẽẽãxü̃ i daxũguxü̃ i naane rü naxüaxü̃ i ngẽma ñoma i naane nagu üxü̃ rü yatüna maxü̃ naxãxü̃, rü ñanagürü:

Ore i mexü̃ ga Matéu ümatüxü̃ 1:11

Rü Yochía rü Yeconíanatü rü Yeconíaenexẽgünatü nixĩ. Rü yexguma nixĩ ga Yudíugüxü̃ Babiróniaanewa nagagüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:8

Rü yemawena nango̱x ga to ga orearü ngeruxü̃ ga daxũcüã̱x, rü ñanagürü: “Marü nagu nayarüchixe ya yima ĩane ya taxü̃ne ya Babirónia, rü nagu napogüe ya norü ĩgü. Yerü nanachixexẽxẽ ga guxü̃ma ga yema togü ga nachixü̃anegü namaxã ga norü chixexü̃. Rü inanamu nax bínu yaxagüãxü̃, rü naxü̃nearü ngúchaü̃ naxügüxü̃”, ñanagürü.

Norü taxre ga popera ga ãẽ̱xgacügüchiga 9:25

Rü nüma ga Yeú rü norü ngü̃xẽẽruxü̃ ga Bicáxü̃ namu rü ñanagürü: —¡Nayaxu i Yoráü̃xü̃ne rü Nabú ga Yereécüã̱xarü naanewa yata̱x! Rü nüxna chacua̱xãchi ga yema Tupana Acáxmaxã ueguxü̃ ga yexguma cuma rü choma carugü ga daiwexü̃gu ixĩxgu namaxã ga Acáx ga Yoráü̃ nanatü.

Ichaía 20:2

Rü yexgumaü̃cüü ga Cori ya Tupana rü orearü uruxü̃ ga Ichaía ga Amú nanemaxã nidexa rü ñanagürü: —¡Ínacuxuchi i ngẽma cuxchiru i témüxü̃ i nagu quicúxü̃ rü ñu̱xũchi ngẽma curü chapatu i nagu quicuaxixü̃! —ñanagürü. Rü nüma ga Ichaía rü nayanguxẽxẽ ga yema Tupana namaxã nüxü̃ ixuxü̃ rü wixgutaa̱x nangexchiru rü nangearü chapatuã̱x rü yemaacü nixũ.

Yeremía 24:1

Babiróniaanecüã̱xarü ãẽ̱xgacü ga Nabucudonochó rü Babiróniaanewa nanaga ga Yudáanecüã̱xarü ãẽ̱xgacü ga Yeconía ga Yoaquíü̃ nane ixĩcü. Rü wüxigu namaxã yéma nanaga ga Yeconíaarü ngü̃xẽẽruü̃gü ga ãẽ̱xgacügü, rü yema puracütanüxü̃ ga ta̱xacüarü üruxü̃xü̃ icuáxü̃. Rü yemawena ga Tupana rü choxü̃ nüxü̃ nadauxẽxẽ ga taxre ga pexchi ga igumaxã ixããcucü ga Tupanapata ga taxü̃nepe̱xegu nucü.

Yeremía 28:8

“Rü yema orearü uruü̃gü ga nüxíra yexmagüxü̃ naxü̃pa nax ibuexü̃ ga cuma rü choma rü yemagü rü duü̃xü̃güca̱x nanaxunagü ga dai rü taxü̃ ga guxchaxü̃gü rü da̱xaweanegü naxca̱x ga muxü̃ma ga nachixü̃anegü rü norü ãẽ̱xgacügü ga poraexü̃.

Yeremía 51:51

Rü pema rü ñaperügügü: “Toma rü taxãnee i ngẽxguma nüxü̃ taxĩnüegu i ñuxãcü chixexü̃ tomaxã yaxugüexü̃ i duü̃xü̃gü. Rü ãnemaxã togü tidüchametügü, yerü yema to i nachixü̃anecüã̱xgü rü nagu nachocu ga yema nachicagü ga Tupanapatawa yexera üünexü̃”, ñaperügügü.