Ichaía 12:6 - Tupanaarü Ore

⁶ ¡Rü perü taãẽmaxã tagaãcü wáita pixüe, Pa Chióü̃cüã̱xgü! Erü Iraétanüxü̃arü Tupana rü nata rü naxüüne, rü petanüwa nangẽxma guxü̃ma i norü poramaxã —ñaperügügü tá.

Ichaía 12:6 Referans Kwoze

Chacaría 2:5

Natürü Tupana rü nüxü̃ nixu rü ñanagürü: ‘Chomatama tá nixĩ i norü poxeguxü̃ruxü̃ i üxüemanaxca̱x chixĩxü̃. Rü yima ĩanearü ngãxü̃wa tá chanango̱xẽxẽ i chorü pora rü chorü üüne’ ” —ñanagürü ya Tupana.

Wiyaegü 9:11

¡Rü naxca̱x pewiyaegü ya Cori ya Tupana ya Chióü̃wa ãẽ̱xgacü ixĩcü! ¡Rü guxü̃ i nachixü̃anegüwa nüxü̃ pixu i ngẽma mexü̃gü i naxüxü̃!

Ichaía 41:14

Rü choma ya Cori ya Tupana rü aixcüma pemaxã nüxü̃ chixu rü ñachagürü: —Pa Iraétanüxü̃x Pa Acóbutanüxü̃, rü woo nax penoxrexü̃ rü perü uanügüpe̱xewa peturaexü̃, natürü ¡taxṹ i pemuü̃exü̃! Erü choma rü tá pexü̃ charüngü̃xẽxẽxü̃. Rü choma ya perü Tupana ya üünecü nax chixĩxü̃ rü perü nguxü̃xẽẽruxü̃ chixĩ.

Echequié 48:35

Rü ngẽma ĩanearü poxeguxü̃tápü̱x rü guxü̃wama rü 9,000 metru tá nixĩ i norü ma̱x. Rü yema ngunexü̃guwena rü naéga ya yima ĩane rü “Cori ya Tupana Nua Nangexma”, tá nixĩ.

Ichaía 54:1

Pa Yerucharéü̃cüã̱xgüx, perü ĩane rü ñoma wüxi ya ngexe ya ngexacüxe ya taguma ãxacüxerüxü̃ nixĩ. ¡Natürü tagaãcü rü taãẽãcü pewiyaegü! Erü nüma ya Tupana rü ñanagürü: —Yima perü ĩane ya Yerucharéü̃ i ñoma nge i taguma íxraxacücürüxü̃ nax yixĩxü̃, rü ñu̱xma rü tá namuxũchi i norü duü̃xü̃gü ngẽma nge i ãtecüarü yexera —ñanagürü.

Ichaía 41:16

Rü ñoma trigu ípecuexechite̱xe rü buanecü naxchire yanaxü̃rüxü̃ tá peyabuxmüxẽxẽ i perü uanügü. Rü ngẽxguma i pemax, Pa Iraétanüxü̃x, rü tá chomaxã petaãẽgü rü tá choxü̃ picua̱xüü̃gü i choma nax perü Tupana ya üünecü chixĩxü̃.

Ichaía 40:9

Rü ngẽma naga rü ñanagürü: —¡Pa Chióü̃x, wüxi ya ma̱xpǘnechitaerugu naxĩnagü rü tagaãcü naxunagü i ñaa ore i mexü̃! ¡Rü cuma, Pa Yerucharéü̃x, rü tama cumuü̃ãcüma rü tagaãcüma Yudáanearü ĩanegücüã̱xmaxã nüxü̃ ixu i ñaa ore i ñaxü̃: “Nanuxma ya yimá perü Cori ya Tupana”, ñaxü̃! —ñanagürü.

Wiyaegü 71:22

Pa Chorü Tupana ya Iraétanüxü̃güarü Tupana ya Üünecüx, rü cuxca̱x tá chawiyae rü chorü árpamaxã rü chorü árpaxacümaxã tá cuxü̃ chicua̱xüxü̃. Erü aixcüma cuyanguxẽxẽ i guxü̃ma i ngẽma nüxü̃ quixuxü̃.

Chofonía 2:5

¡Rü pegümaxã pengechaxü̃gü, Pa Crétacüã̱xgü i Duü̃xü̃gü i Márpechinügu Ãpatagüxü̃x! Rü nüma ya Tupana rü pemaxã nanaxuegu i ñaa poxcu rü ñanagürü: —Pa Canaáü̃ane i Firitéugüchiane Ixĩxü̃, rü tá chanadai i curü duü̃xü̃gü rü taxũtáma íchayaxüxẽxẽ i bai i wüxi.

Echequié 43:7

Rü choxü̃ ñanagürü: —Ñaa nixĩ i cha̱u̱xma̱xwe̱xechica, rü nachica i nagu chacuaixcutüxü̃. Rü ñaa nachicawa tá nixĩ i guxü̃gutáma Iraégütanügüwa chamaxü̃xü̃. Rü woo Iraétanüxü̃, rü woo norü ãẽ̱xgacügü rü taxũtáma wena norü tupananetagüca̱x nanaxãũãchixẽxẽ i chauéga i üünexü̃. Rü taxũtáma norü ãẽ̱xgacügü i yuexü̃chique̱xewa naxĩ nax nüxü̃ yacua̱xüü̃güxü̃ca̱x.

Ichaía 49:26

Rü ngẽma perü uanügü rü nügü tátama nangõ̱xcue, rü nagüwa tátama naxaxegü ñoma bínu yaxaxgüxü̃rüxü̃. Rü ngẽmaãcü i guxü̃ma i duü̃xü̃gü rü tá nüxü̃ nicua̱xãchitanü nax choma ya Cori ya Tupana ya Acóbuarü duü̃xü̃güarü ngü̃xẽẽruxü̃ ya poracü nax chixĩxü̃. Rü choma nixĩ i Iraétanüxü̃xü̃ íchanguxü̃xẽxẽxü̃ —ñanagürü ga Tupana.

Ichaía 33:24

Rü ngẽma ngunexü̃gügu rü taxúxetáma ya Yerucharéü̃cüã̱x rü ñatagürü: —Chidaxawe —ñatagürü. Rü ngẽma Chióü̃cüã̱xarü pecadugü rü nüma ya Cori ya Tupana rü tá nüxü̃́ nüxü̃ narüngüma.

Ichaía 30:19

Pa Duü̃xü̃gü i Chióü̃cüã̱x i Yerucharéü̃wa Maxẽxü̃x, rü taxũtáma pexauxe. Erü nüma ya Cori ya Tupana rü ngẽxguma nüxü̃ naxĩnügu i pega nax ngü̃xẽẽca̱x nüxna pecaxü̃ rü tá nüxü̃́ pengechaü̃tümüxü̃gü. Rü ngẽxguma pexü̃ naxĩnügu rü paxa tá pexü̃ nangãxü̃ga.

Ichaía 24:23

Rü ngẽxguma nüma ya Cori ya Tupana ya Guxãétüwa Ngẽxmacü ãẽ̱xgacü yixĩxgu i ma̱xpǘne ya Chióü̃wa i Yerucharéü̃wa, rü yimá tauemacü rü tá nadauemamare rü yimá üa̱xcü rü tá naxeemamare. Rü yima ĩanearü ãẽ̱xgacügü rü tá nüxü̃ nadaugü ya Cori ya Tupanaarü üüne.

Ichaía 10:24

Rü Cori ya Tupana ya Guxãétüwa Ngẽxmacü rü ñanagürü: —Pa Chorü Duü̃xü̃gü i Ma̱xpǘne i Chióü̃gu Ãpatagüxü̃x ¡rü taxṹ i nüxü̃ pemuü̃exü̃ i ngẽma Achíriaanecüã̱xgü woo norü naixmena̱xãmaxã pexna nacua̱i̱xcaãgu rü chixri pemaxã inacua̱xgügu yema Equítuanecüã̱xgü ü̃pa chixri pemaxã icua̱xgügurüxü̃!

Ichaía 8:18

Rü nüma ya Cori ya Tupana ya Guxãétüwa Ngẽxmacü ya ma̱xpǘne ya Chióü̃gu ãchiü̃cü rü choxna nanamu i chaunegü nax wüxigu chaunegümaxã cua̱xruxü̃ tixĩgüxü̃ca̱x naxca̱x i Iraétanüxü̃.

Wiyaegü 132:14

Rü nüma ya Tupana rü ñanagürü: —Daa nixĩ ya yima ma̱xpǘne i chanaxwa̱xene nax guxü̃guma nawa changexmaxü̃. Rü ngẽxma tá chaxãchiü̃ erü chorü me nixĩ.

Wiyaegü 89:18

Rü nüma ya Cori rü tórü poxü̃ruxü̃ nixĩ. Rü nüma nixĩ i tórü ãẽ̱xgacü ya üünecü i yixema i Iraétanüxü̃ nax ixĩgüxü̃.

Wiyaegü 68:16

Rü pemax, Pa Ma̱xpǘnegü ya Máchanexü̃chigüne ¿rü tü̱xcüü̃ auxãchiãcü nüxü̃ perüdaunü ya yima ma̱xpǘne ya Chióü̃ ya Tupana nagu ãchiü̃chaü̃ne rü guxü̃gutáma ngéma nangẽxma?

Wiyaegü 46:5

Rü nüma ya Tupana rü yima ĩanearü ngãxü̃gu naxãchiü̃ rü ngẽmaca̱x ya yima ĩane rü taxúetama tanachixexẽxẽ. Rü nüma rü guxü̃ma i ngunexü̃ i noxri yangunegu rü yima ĩanexü̃ narüngü̃xẽxẽ.

Wiyaegü 99:2

Rü nüma ya Cori ya ma̱xpǘne ya Chióü̃gu ãchiü̃cü rü guxü̃étüwa nangẽxma. Rü nüma nixĩ i guxü̃ma i nachixü̃anecüã̱x i duü̃xü̃gümaxã inacuáxü̃.

Ichaía 1:24

Rü ngẽmaca̱x ya Cori ya Tupana ya Guxãétüwa Ngẽxmacü ya Iraétanüxü̃arü Tupana ya poraxüchicü, rü ñanagürü: —Ñu̱xma i choma rü tá nüxü̃́ chaxütanü i chorü uanügü naxca̱x i ngẽma chixexü̃ i naxügüxü̃. Rü tá chanapoxcue.

Ichaía 24:14

Rü ngẽma duü̃xü̃gü i íyaxügüxü̃ rü norü taãẽgümaxã tá aita naxüe. Rü ngẽma oéstecüã̱x rü tá Cori ya Tupanaxü̃ nicua̱xüü̃gü i ngẽxguma nüxü̃ nadaugügu i norü pora ya Cori ya Guxü̃arü Ãẽ̱xgacü ixĩcü.

Ichaía 60:16

Rü ngẽma togü i nachixü̃anegü rü tá pexna nanana i ngẽma rümemaegüxü̃ i nawemügü rü ngẽma norü ãẽ̱xgacügü rü tá pexca̱x núma nanana i norü ngẽmaxü̃gü. Rü ngẽmawa tá nüxü̃ pecua̱x nax choma ya Tupana ya poracü yixĩxü̃ i pexü̃ íchapoxü̃xü̃ rü pexü̃ íchanguxü̃xẽẽxü̃, Pa Acóbutanüxü̃x.

Yeremía 10:6

Rü nüma ga Yeremía rü ñanagürü: —Pa Corix, nataxuma i to i cumaxã wüxiguxü̃. Cuma rü cupora rü ngẽma cuéga rü natachiga rü napora.

Echequié 35:10

‘Rü cumax, Pa Ma̱xpǘne ya Cheíx, rü ñacurügü: Ngẽma Iraéane rü Yudáane rü chaugüaxü̃́ tá chanade rü choxrü tá nixĩgü. Rü choma tá nixĩ i norü yora woo Cori ya Tupana rü nawa ngẽxmaxü̃ rü ngéma maxü̃.

Echequié 39:7

Rü ngẽmaãcü tá chorü duü̃xü̃gü i Iraétanüxü̃xü̃ nüxü̃ chacua̱xẽxẽ i chauéga i üünexü̃. Rü tama chanaxwa̱xe nax chixri nachiga yadexagüechaxü̃ i chauéga. Rü ngẽma togü i nachixü̃anegü rü tá nüxü̃ nacua̱xgü nax choma ya Cori ya Tupana rü Iraéanewa ichanawéxü̃ i chorü üüne.

Echequié 48:8

Rü Yudátücumüwena rü tá Tupanaca̱x penaxüüchi i wüxi i naane. Rü ngẽma naane rü éstewa tá inaxügü rü ñu̱xmata oéstewa nangu. Rü ngẽma naane rü 12,500 metru tá nixĩ i norü tatachinü. Rü norü ma̱x i éstewa ixügüxü̃ rü ñu̱xmata oéstewa nguxü̃ rü ngẽma togü i naanegüarü ma̱x tá nüxü̃́ nangẽxma. Rü ngẽma naanearü ngãxü̃gu tá nixĩ i naxüxü̃ ya Tupanapata.

Ochéa 11:9

Rü marü taxũtáma wena pemaxã chanu, Pa Efraíü̃tanüxü̃x, rü taxũtáma wena pexü̃ chadai, erü choma rü tama duü̃xü̃mare chixĩ. Rü choma ya Tupana ya Üünecü nax chixĩxü̃ rü petanüwa chamaxü̃. Rü tama perü daiwa nixĩ i nua chaxũxü̃.

Iraétanüxü̃arü muxchiga 23:21

Rü nüma ya Tupana rü tama nagu narüxĩnü i norü chixexü̃ i ngẽma duü̃xü̃gü i Iraétanüxü̃ i Acóbuarü duü̃xü̃gü ixĩgüxü̃. Rü nüma ya Cori ya norü Tupana rü natanüwa nangẽxma, rü tama chixexü̃ namaxã naxüxchaü̃. Rü nümagü rü norü ãẽ̱xgacüãcü nüxü̃ nacua̱xgü.

Wenaxarü naxümatü ga Tupanaarü mugü 23:15

Rü ngẽxguma wüxi i mugüruxü̃ norü corina yaxũxgu rü ngü̃xẽẽca̱x pexna nacaxgu nax pexü̃tagu yanacúxü̃ca̱x, rü tama name nax norü corica̱x penamueguxü̃.

Wiyaegü 135:21

Rü namexẽchi ya Cori ya Tupana ya ma̱xpǘne ya Chióü̃gu ãchiü̃cü i Yerucharéü̃wa. Rü name nax nüxü̃ icua̱xüü̃güxü̃.

Ichaía 33:21

Rü nüma ya Cori ya Tupana rü Yerucharéü̃wa tá inanawe̱x i norü pora. Rü nüma ya Tupana rü ñoma natügü i tacutüxü̃ rü poraü̃chíüxü̃rüxü̃ nixĩ. Rü ngẽma tórü uanügü rü taxucürüwa norü wapurugü ya iporanemaxã nagu nachocu nax tatanüwa nangugüxü̃ca̱x.

Joel 2:27

Rü pemax, Pa Iraétanüxü̃x, rü tá nüxü̃ picua̱xãchitanü nax choma ya Cori rü aixcüma petanüwa changexmaxü̃ rü chaxicatama yixĩxü̃ i perü Tupana chixĩxü̃. Rü tagutáma wena texé pexü̃ taxãneexẽxẽ, Pa Chorü Duü̃xü̃güx —ñanagürü.