Ichaía 12:5 - Tupanaarü Ore

⁵ ¡Rü Cori ya Tupanaca̱x pewiyaegü! Erü nüma rü taxü̃ma i mexü̃ taxca̱x naxü rü ngẽma mexü̃ i taxca̱x naxüxü̃ rü nüma nanaxwa̱xe nax guxü̃ma i ñoma i naanewa i duü̃xü̃gü rü nüxü̃ nacua̱xgüxü̃.

Ichaía 12:5 Referans Kwoze

Wiyaegü 98:1

¡Rü ngexwaca̱xü̃xü̃ i wiyaegu Cori ya Tupanaca̱x pewiyaegü! Yerü muxü̃ma ga mexü̃ ga taxü̃gü norü poramaxã naxü. Rü nachacüxü ya üünene rü poranemaxã tórü uanügüxü̃ narüporamae.

Ínachoxü̃xü̃chiga 15:1

Rü yexguma ga Moiché rü yema Iraétanüxü̃ rü Cori ya Tupanaxü̃ nicua̱xü̃gü namaxã ga ñaa wiyae, rü ñanagürügü: —Choma rü tá chawiyae rü tá nüxü̃ chicua̱xüxü̃ ya Cori ya Tupana erü nüxü̃ narüporamae i tórü uanügü rü ngẽmaca̱x márgu nanayixẽxẽ i ngẽma churaragü rü norü cowarugü.

Abacú 2:14

Rü ngẽma Cori ya Tupanaarü üüne rü tá ñoma i naane namaxã nanapa ñoma már nax meama dexámaxã yapaxü̃rüxü̃.

Ichaía 40:9

Rü ngẽma naga rü ñanagürü: —¡Pa Chióü̃x, wüxi ya ma̱xpǘnechitaerugu naxĩnagü rü tagaãcü naxunagü i ñaa ore i mexü̃! ¡Rü cuma, Pa Yerucharéü̃x, rü tama cumuü̃ãcüma rü tagaãcüma Yudáanearü ĩanegücüã̱xmaxã nüxü̃ ixu i ñaa ore i ñaxü̃: “Nanuxma ya yimá perü Cori ya Tupana”, ñaxü̃! —ñanagürü.

Ínachoxü̃xü̃chiga 15:21

Rü ngĩma ga María rü yoxni nagu iwiyae ga ñaxü̃ ga wiyae: —Nüxü̃ picua̱xüü̃gü ya Cori ya Tupana yerü narüporamae, rü márgu nanayixẽxẽ ga cowarugü rü duü̃xü̃gü ga nagu ĩxü̃ —ñaxü̃gu iwiyae ga María.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:3

Rü nagu tawiyaegü ga Moiché ga Tupanaarü duü̃arü wiyae. Rü yexgumarüxü̃ ta nagu tawiyaegü ga gumá Carnéruxacüarü wiyae ga ñaxü̃: “Pa Torü Cori ya Tupana ya Guxü̃étüwa Ngẽxmacüx, nataxüchi rü namexẽchi i guxü̃ma i ngẽma cuxüxü̃. Rü curü ĩnü rü aixcüma nawe̱xgu rü taguma quidora, Pa Guxü̃ i Nachixü̃anegümaxã Icuácü.

Wiyaegü 105:2

¡Rü perü wiyaegümaxã nüxü̃ picua̱xüü̃gü! ¡Rü pegümaxã nüxü̃ pixu i ngẽma taxü̃ i mexü̃gü i naxüxü̃!

Wiyaegü 72:19

Rü name nixĩ i guxü̃guma duü̃xü̃gü nüxü̃ nicua̱xüü̃gü i naéga i üünexü̃. Rü name nixĩ i guxü̃ma i ñaa naane rü namaxã napaxü̃ i norü üüne. ¡Rü ngẽmaãcü yixĩ!

Ichaía 24:14

Rü ngẽma duü̃xü̃gü i íyaxügüxü̃ rü norü taãẽgümaxã tá aita naxüe. Rü ngẽma oéstecüã̱x rü tá Cori ya Tupanaxü̃ nicua̱xüü̃gü i ngẽxguma nüxü̃ nadaugügu i norü pora ya Cori ya Guxü̃arü Ãẽ̱xgacü ixĩcü.

Ichaía 42:10

Rü ñanagürü ga Ichaía: —¡Tupanaxü̃ picua̱xüü̃gü wüxi i ngexwaca̱xü̃xü̃ i wiyaemaxã! Rü guxü̃ma i nachixü̃anecüã̱x i ñoma i naanewa ngẽxmagüxü̃, rü guxü̃ma i duü̃xü̃gü i yáxü̃wa márcutüwa maxẽxü̃, rü guxü̃ma i duü̃xü̃gü i márgu yarüxĩĩxü̃, rü guxü̃ma i márwa maxẽxü̃, rü name nixĩ i Tupanaxü̃ nicua̱xüü̃gü.

Ichaía 42:11

Rü pema i chianexü̃ rü ĩanegü̃ i chianexü̃wa ngẽxmagüxe ¡rü petaãxẽgü! Rü pema i Quedáxcüã̱x ¡rü petaãxẽgü! Rü pema i Cherácüã̱x rü name nixĩ nax yima ma̱xpǘnegüchitaeruwa taãxẽãcü rü tagaãcü pewiyaegüxü̃ nax Tupanaxü̃ picua̱xüxü̃güxü̃.

Ichaía 44:23

¡Pa Daxũguxü̃ i Naanex, taãẽãcü Tupanaxü̃ icua̱xüxü̃ naxca̱x i guxü̃ma i ngẽma naxüxü̃! ¡Rü Pa Ñoma i Naanearü Doxonexü̃gü i Taxü̃x, nüxü̃ picua̱xüü̃güx! ¡Rü pemax Pa Ma̱xpǘnegüx rü Pa Naixnecügüx, rü taãẽãcü nüxü̃ picua̱xüü̃gü ya Tupana, yerü nüma nixĩ ga norü poramaxã ínanguxü̃xẽẽãxü̃ ga Iraétanüxü̃ ga Acóbuarü duü̃xü̃gü naxme̱xwa ga norü uanügü!

Maraquía 1:11

Rü guxü̃ma i nachixü̃anegü i ñoma i naanecüã̱x rü duü̃xü̃gü choxü̃ nicua̱xüü̃gü, rü pumarate̱xe cha̱u̱xca̱x nigugü rü ãmare choxna naxãgü.