Ichaía 12:4 - Tupanaarü Ore

⁴ Rü ngẽxguma rü tá ñaperügügü: —¡Moxẽ nüxna pexã rü nüxü̃ picua̱xüü̃gü ya Cori! ¡Rü to i nachixü̃anegümaxã nüxü̃ pixu i ngẽma mexü̃ i pexca̱x naxüxü̃! ¡Rü nüxna pecua̱xãchie nax nüma yixĩxü̃ i guxãétüwa nangẽxmaxü̃!

Ichaía 12:4 Referans Kwoze

Wiyaegü 105:1

¡Moxẽ nüxna pexãgü ya Cori ya Tupana! ¡Rü guxü̃wama nüxü̃ pixuchiga! ¡Rü guxü̃ma i duü̃xü̃gümaxã nüxü̃ pixu i ngẽma mexü̃gü i pexca̱x naxüxü̃!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:11

Rü cumax, Pa Corix, rü guxü̃étüwa cungexma, rü cuxicatama cupora rü cuxüüne, rü namaxã icucua̱x i guxü̃ma, rü guxü̃ma i ãẽ̱xgacügüétüwa cungexma. Erü guxü̃ma i daxũguxü̃ i naanewa rü ñoma i naanewa ngẽxmagüxü̃ rü cuxrü nixĩgü. Rü cuxrügü ta nixĩ i guxü̃ma i naanegü, erü guxü̃étüwa cungexma.

Ichaía 25:1

Pa Corix, cuma nixĩ i chorü Tupana quixĩxü̃. Rü choma rü cuxü̃ chicua̱xüxü̃ rü mexü̃maxã cuxü̃ chixuchiga, erü ngẽma nũxcümacürüwatama nagu curüxĩnüxü̃ rü aixcüma cuyanguxẽxẽ rü taguma cunaxüchicüxü i ngẽma nüxü̃ quixuxü̃.

Ore i mexü̃ ga Cuáü̃ ümatüxü̃ 17:26

Rü ngẽma choxna cumugüxü̃maxã marü cuxü̃ chixu nax texé quixĩxü̃. Rü guxü̃gutáma namaxã cuxü̃ chixuecha nax ngẽma ngechaü̃ i namaxã choxü̃ cungechaxü̃xü̃ rü nawa nangẽxmaxü̃ca̱x rü choma rü nawa nax changexmaxü̃ca̱x —ñanagürü ga Ngechuchu.

Yeremía 50:2

Rü ñanagürü i ngẽma ore: —¡Guxü̃ma i ngẽma togü i nachixü̃anecüã̱xmaxã nüxü̃ ixu i ñaa ore nax mea nüxü̃ nacua̱xgüxü̃ca̱x! ¡Rü nawe̱xnagü i ngẽma orearü cua̱xruxü̃ ya wonera! ¡Rü taxṹ i peyacúxü̃ i ngẽma ore! ¡Rü ñapegügü: “Babirónia rü marü norü uanügüme̱xẽgu nangu! Rü ngẽma norü uanügü rü nüxü̃ nacugüe i Babiróniaanearü tupananeta i Béx. Rü ngẽma tupananeta i Mardúx rü poraãcü namuü̃. Rü ngẽma uanügü rü nüxü̃ nacugüe i guxü̃ma i Babiróniaanearü tupananetachicüna̱xãgü i ñu̱xma ãũcümaxü̃wa ngẽxmagüxü̃.

Wiyaegü 57:5

Natürü cuma, Pa Chorü Tupanax, rü daxũguxü̃ i naanemaxã icucua̱x rü curü üüne rü ñoma i naane namaxã nanapá.

Wiyaegü 18:46

¡Namaxü̃ ya Cori ya Tupana! ¡Rü namecüma ya yimá chorü poxü̃ruxü̃! ¡Rü name i nüxü̃ ticua̱xüü̃gü ya yimá chorü maxẽẽruxü̃ ya Tupanax!

Neemía 9:5

Rü ñu̱xũchi yema Lebítanüxü̃ ga Yochué, rü Caxmié, rü Baní, rü Achaxnía, rü Cherebía, rü Odía, rü Chebanía rü Petaía rü duü̃xü̃güxü̃ ñanagürügü: —¡Ẽcü, ipechigü rü ñu̱xma rü guxü̃guma nüxü̃ picua̱xüü̃gü ya Cori ya Tupana! Rü naéga rü naxüüne rü guxü̃étüwa nangẽxma. Rü ngẽmaca̱x name nixĩ i nüxü̃ ticua̱xüü̃gü —ñanagürügü.

Ínachoxü̃xü̃chiga 33:19

Natürü nüma ga Cori ya Tupana rü Moichéxü̃ nangãxü̃ rü ñanagürü: —Ñu̱xma rü tá cuxü̃ chanawe̱x nax ñuxãcü chamecümaxü̃chixü̃ rü cupe̱xewa tá nüxü̃ chixu nax ta̱xacü yixĩxü̃ i chauéga. Rü choma rü tá choxü̃́ tangechaü̃tümüü̃gü ya yíxema woetama choxü̃́ ngechaü̃tümüxü̃güxe. Rü tá choxü̃́ taxãũãchitümüxü̃ ya yíxema woetama choxü̃́ auxãchitümüxü̃güxe.

Ínachoxü̃xü̃chiga 15:2

Nagu chawiyae ya Cori ya Tupana erü nüma nixĩ i choxü̃ naporaxẽẽxü̃ rü choxü̃ namaxẽẽxü̃. Rü nüma nixĩ i chorü Tupana yixĩxü̃ rü ngẽmaca̱x nüxü̃ chicua̱xüxü̃. Rü nüma rü chaunatüarü Tupana nixĩ, rü ngẽmaca̱x chanataxẽxẽ.

Ichaía 66:19

Rü wüxi i cua̱xruxü̃ tá nüxü̃ chawe̱x i ngẽma duü̃xü̃gü i maxẽxü̃. Rü togü i nachixü̃anegüwa tá chanamugü i Tárchixwa rü Líbiawa rü Lídiawa i ngextá mea würaarü maxü̃xü̃ ínacua̱xgüxü̃wa. Rü tá nawa chanamugü i Tubáxwa rü Gréchiawa rü ngẽma nachixü̃anegü i yáxü̃wa ngẽxmagüxü̃ i márpechinüwa i ngextá taguma chauchigaxü̃ ínaxĩnüexü̃wa rü taguma chorü poraxü̃ ínadaugüxü̃wa. Rü nümagü rü tá ngẽma nachixü̃anegüwa nüxü̃ nixugüe i chorü porachiga.

Ichaía 33:5

Nüma ya Cori ya Tupana ya Guxãétüwa Ngẽxmacü rü daxũguxü̃ i naanewa nixĩ i nangẽxmaxü̃. Rü nüma nixĩ i mugü i we̱xguxü̃ rü aixcüma mexü̃ Chióü̃arü duü̃xü̃güca̱x naxueguxü̃.

Ichaía 24:15

Rü éstewaama rü ñu̱xũchi ngẽma nachixü̃anegü i márpechinüwa ngẽxmagüxü̃wa rü Cori ya Iraétanüxü̃arü Tupanaxü̃ tá nicua̱xüü̃gü.

Ichaía 12:1

Rü ngẽma ngunexü̃gu rü tá ñacurügü: —Moxẽ cuxna chaxã, Pa Corix, yerü woo chomaxã cunu ga noxri, natürü curü nu rü marü nangupetü. Rü ngẽmaca̱x wena cha̱u̱xca̱x cunatáeguxẽxẽ ga yema taãxẽ ga noxri choxü̃́ yexmaxü̃.

Ichaía 2:17

Natürü wüxi i ngunexü̃gu rü tá poraãcü naxãnee i ngẽma nügü icua̱xüü̃güxü̃ rü ngẽma nügü írütagüxü̃. Rü ngẽma ngunexü̃gu rü duü̃xü̃gü rü tá Cori ya Tupanaxü̃xicatama nicua̱xüü̃gü.

Ichaía 2:11

Rü ngẽma ngunexü̃ i nagu ínanguxü̃ ya Cori ya Tupana, rü ngẽma nügü icua̱xüü̃güxü̃ rü nape̱xewa tá naxãnee, rü ngẽma nügü írütagüxü̃ rü nape̱xewa rü tá taxuwama nime. Rü nüxicatama ya Cori ya Tupana rü tá inanawe̱x i norü pora i ngẽma ngunexü̃gu.

Wiyaegü 113:5

Rü taxúema namaxã tawüxigu ya tórü Cori ya Tupana ya daxũguxü̃ i naanewa ãẽ̱xgacü ixĩcü, natürü nüma rü ngéma nüxü̃ nadawenü i daxũguxü̃ i naane rü ñoma i naane.

Wiyaegü 107:22

Rü name nixĩ i nüxü̃ picua̱xüü̃güãcüma moxẽ nüxna pexãgü rü taãẽãcü nüxü̃ pixugüchiga i ngẽma mexü̃gü i naxüxü̃.

Wiyaegü 97:9

Erü cumax, Pa Cori ya Guxãétüwa Ngẽxmaxex, rü namaxã icucua̱x i guxü̃ma i ñaa naane. Rü cuma rü guxü̃ma i ngẽma tupananetagüétüwa cungexma.

Wiyaegü 96:3

¡Rü guxü̃ma i nachixü̃anecüã̱xmaxã nüxü̃ pixuchiga nax nüma rü naxüünexü̃ rü naxüaxü̃ i muxü̃ma i mexü̃gü i norü poramaxã naxüxü̃!

Wiyaegü 73:28

Natürü i chomax rü yexeraãcü tá cuxna changaixcama. Erü ngẽma nixĩ i cha̱u̱xca̱x rümemaexü̃. Rü cumax, Pa Cori Pa Tupanax, rü chorü poxü̃ruxü̃ quixĩ. Rü ngẽmaca̱x tá nüxü̃ chixuchiga i guxü̃ma i ngẽma cha̱u̱xca̱x cuxüxü̃.

Wiyaegü 46:10

Rü nüma ya Tupana rü ñanagürü: —Pa Nachixü̃anegüarü Ãẽ̱xgacügüx ¡choxü̃́ iperüxĩnüe! ¡Rü nagu perüxĩnüe nax choma rü Tupana chixĩxü̃! Rü choma nixĩ i namaxã ichacuáxü̃ i guxü̃ma i nachixü̃anegü. Rü choma nixĩ i guxü̃ma i ñoma i naaneétüwa changexmaxü̃ —ñanagürü.

Wiyaegü 40:5

Pa Cori Pa Chorü Tupanax, namuxũchima nixĩ ga yema mexü̃gü ga curü poramaxã cuxüxü̃. Rü namuxũchi ga yema mexü̃gü ga toxca̱x cuxüxü̃. Rü yema nax namuxũchixü̃, rü ngẽmaca̱x taxucürüwama nüxü̃ chixu i guxü̃ma ga yema mexü̃gü ga toxca̱x cuxüxü̃.

Wiyaegü 34:3

¡Rü ngĩxã wüxigu Tupanaxü̃ ticua̱xüü̃gü rü wüxigu tanatachigaxẽxẽ i naéga!

Wiyaegü 22:31

Rü ngẽmaãcü i ngẽma duü̃xü̃gü i tawena buexü̃ rü tá nüxü̃ naxĩnüechiga ga yema taxü̃ ga mexü̃gü ga Cori ya Tupana üxü̃.

Wiyaegü 21:13

¡Rü ẽcü inawe̱x i curü pora, Pa Cori Pa Tupanax! Rü toma rü wiyaegümaxã tá cuxü̃ ticua̱xüxü̃gü rü tá tanaxüchiga i curü pora.

Wiyaegü 9:11

¡Rü naxca̱x pewiyaegü ya Cori ya Tupana ya Chióü̃wa ãẽ̱xgacü ixĩcü! ¡Rü guxü̃ i nachixü̃anegüwa nüxü̃ pixu i ngẽma mexü̃gü i naxüxü̃!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:8

—¡Moxẽ nüxna pexãgü ya Cori ya Tupana! ¡Rü norü ngü̃xẽxẽca̱x ípeca! ¡Rü guxü̃ma i nachixü̃anecüã̱xgümaxã nüxü̃ pixu i ngẽma mexü̃gü i pexca̱x naxüxü̃!

Wiyaegü 148:13

Rü ngẽmaãcü i guxãma i pema rü name nixĩ i nüxü̃ picua̱xüü̃gü. Erü nüma ya Tupana rü guxãétüwa nangẽxma. Rü nüma rü mea namaxã inacua̱x i guxü̃ma i daxũguxü̃ i naanewa ngẽxmaxü̃ rü guxü̃ma i ñoma i naanewa ngẽxmaxü̃.

Ichaía 26:8

Pa Corix, ngẽxguma naga taxĩnüegu i curü mugü rü taxuca̱xma taxoegaãẽgü. Rü ngẽma guxü̃arü yexera nagu tarüxĩnüexü̃ nixĩ nax cuga taxĩnüexü̃ rü cuxü̃ ticua̱xüü̃güxü̃.

Ichaía 42:12

Rü pema i nachixü̃anegü i márpechinüwa maxẽxü̃ i duü̃xü̃gü ¡rü nüxü̃ picua̱xüxü̃gü rü moxẽ nüxna pexãgü!

Ichaía 48:20

¡Ípechoxü̃ i Babiróniaanewa rü pibuxmü i ngẽma nachixü̃anewa! ¡Rü taãẽmaxã nüxü̃ pixu nax marü ípenguxü̃xü̃! ¡Rü guxü̃wama i ñoma i naanewa nüxü̃ pixu rü ñapegü: “Tupana rü norü duü̃xü̃gü i Acóbutanüxü̃xü̃ ínanguxü̃xẽxẽ”, ñapegü! —ñanagürü.

Maraquía 1:11

Rü guxü̃ma i nachixü̃anegü i ñoma i naanecüã̱x rü duü̃xü̃gü choxü̃ nicua̱xüü̃gü, rü pumarate̱xe cha̱u̱xca̱x nigugü rü ãmare choxna naxãgü.

Wiyaegü 68:5

Rü yimá Tupana ya napata ya üünenewa ngẽxmacü rü ngẽma tacutagümaxã inacua̱x rü ngẽma yutegüxü̃arü poxü̃ruxü̃ nixĩ.