Ichaía 12:3 - Tupanaarü Ore

³ Rü pema rü tá taãẽãcüma nawa pexaxegü i ngẽma dexá i maxü̃ tüxna naxãxü̃.

Ichaía 12:3 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 22:17

Rü Tupanaãxẽ ya Üünecü rü guxü̃ma i yaxõgüxü̃, rü Ngechuchuxü̃ ñanagürügü: “¡Nua naxũ!” ñanagürügü. Rü yíxema nüxü̃ ĩnüxe i ñaa ore, rü: “¡Nua naxũ!” ñatagügü. Rü yíxema ita̱xawaxe rü tüxü̃́ nachi̱xégaxe, rü name nixĩ i nua taxũ rü tüxü̃́ nangetanüãcüma nawa taxaxe i ngẽma dexá i maxẽẽruxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:1

Rü ñu̱xũchi ga yema orearü ngeruxü̃ rü choxü̃ nüxü̃ nadauxẽxẽ ga wüxi ga natü ga ñoma bídriurüxü̃ ichipetüchiüxü̃ ga dexá ga maxẽẽruxü̃ nawa yexmaxü̃. Rü yema natü rü Tupanaarü tochicaxü̃wa rü yimá Carnéruxacüarü tochicaxü̃wa nixĩ ga ne nadaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:17

Erü yimá Carnéruxacü i ngẽma tochicaxü̃wa ngẽxmacü, rü tá mea tüxna nadau ñoma carnérugüna idauxü̃rüxü̃. Rü nawa tá tüxü̃ nagagü i ngẽma dexáarü chuxchuxü̃gü i maxẽẽruxü̃. Rü Tupana tá tüxü̃́ ínanapi i guxü̃ma i tümagüxü̃etü”, ñanagürü.

Yeremía 2:13

Rü ngẽma chorü duü̃xü̃gü rü taxre ga pecadu nixĩ ga chope̱xewa naxügüxü̃. Rü choxna nixĩgachi ga choma nax dexá i maxü̃xü̃ chixĩxü̃. Rü ñu̱xũchi nügüca̱x nanaxügü ga norü puchugü ga tama dexá nawa yexmaechaxü̃.

Ichaía 49:10

Rü taxũtáma petaiyae rü pita̱xawae rü taxũtáma üa̱xcü pexü̃́ nangu̱x, erü choma rü pexü̃ changechaü̃ rü pemaxã ichacua̱x, rü dexá íngẽxmaxü̃wa tá pexü̃ chagagü.

Ore i mexü̃ ga Cuáü̃ ümatüxü̃ 1:16

Rü Tupana Nanearü ngechaü̃ i taxü̃gagu nixĩ i nayauxgüxü̃ i muxü̃ma i norü ngü̃xẽẽgü.

Wiyaegü 36:9

Rü cuma nixĩ i maxü̃arü yora quixĩxü̃. Rü cuma nixĩ i toxca̱x cunangóonexẽẽxü̃.

Charumóü̃arü wiyae 2:3

Yimá ngextü̱xücü ya choxü̃ ngúchaü̃cü rü guxü̃ma i yatügütanüwa rü ñoma nanetü i manzana i naixnecüarü naigütanüwa rüxüxü̃rüxü̃ nixĩ. Rü chataãxẽ nax norü gáuxchipetatüxü̃wa charütoxü̃. Rü namaixcuraxüchi i ngẽma norü o.

1 Chamué 2:1

Rü ñaãcü iyumüxẽ ga Ána: —Pa Corix, rü poraãcü cumaxã chataãxẽ erü choxna cunamu ya chaune. Rü ñu̱xma rü choxü̃́ natauxcha nax chanangãxü̃gaxü̃ i ngẽma choxü̃ cugüexü̃ erü cuma choxü̃ curüngü̃xẽxẽ. Rü ngẽmaca̱x chataãẽxü̃chi.

Ichaía 41:18

Rü yima ma̱xpǘnegü ya ngearü dexáanegüwa rü natügü tá ngéma charüyáü̃xẽẽgü. Rü ngẽma ngategü rü tá dexá nawa chibaibexẽxẽgü. Rü ngẽma chianexü̃wa rü tá naxtaagü nawa chango̱xẽxẽ. Rü ngẽma ínapaanexü̃wa tá chanangõ̱xẽxẽ i natüxacügü.

Echequié 47:9

Rü ñaa dexá rü ngextá ínanguxü̃wa rü marü tá name nax nawa namaxẽxü̃ i naguxü̃raü̃xü̃ i naeü̃gü rü muxü̃ma i choxnigü. Erü ñaa natüarü dexá rü tá ngẽma dexá i yucüraã́xü̃ rü dexá i ngearü yucüraã́xü̃xü̃ tá nayangucuchixẽxẽ nax dexá i mexü̃ yixĩxü̃ca̱x. Rü ngéma tá nangẽxma i naguxü̃raü̃xü̃ i ta̱xacü i maxü̃xü̃. Rü En-gádiwa tá inaxügü rü ñu̱xmata En-egaríü̃wa nangu nax nangẽxmagüxü̃ i choxnietanüxü̃ i ngẽxma yatexechigüxü̃ i norü püchagü nax yapagüãxü̃ca̱x. Rü ngẽma ñu̱xma Már i Ngearü Maxü̃ã́xü̃wa tá nangẽxma i muxü̃ma i naguxü̃raü̃xü̃ i choxni, ngẽma Már i Mediteráneuwarüxü̃.

Wiyaegü 87:7

Rü ngẽma Yerucharéü̃wa wiyaegüxü̃ rü ngẽma paxetagüxü̃ rü ñanagürügü tá: —Chopata rü guxü̃ma i chorü taãxẽ rü cuwa nangẽxma, Pa Yerucharéü̃x —ñanagürügü tá.

Chacaría 13:1

Nüma ya Cori ya Tupana rü ñanagürü ta: —Ngẽma ngunexü̃gu rü tá ningẽnaxü̃ i wüxi i dexáarü chuchuxü̃ nax ngẽmawa Dabítaagü rü Yerucharéü̃cüã̱xgü nügü iyauxgüxü̃ca̱x i norü pecadugü rü norü ãũãchixü̃gü.