Ichaía 11:9 - Tupanaarü Ore

⁹ Rü guxü̃nema ya yima ma̱xpǘne ya chopata nawa ngẽxmanewa rü tataxuma ya texé ya chixexü̃ ǘxe. Erü ngẽma már i dexámaxã napaxü̃rüxü̃ rü ñoma i naane rü ngẽma duü̃xü̃gü i choxü̃ cua̱xgüxü̃maxã tá nanapá.

Ichaía 11:9 Referans Kwoze

Abacú 2:14

Rü ngẽma Cori ya Tupanaarü üüne rü tá ñoma i naane namaxã nanapa ñoma már nax meama dexámaxã yapaxü̃rüxü̃.

Ichaía 52:10

Rü Tupana rü guxü̃ i nachixü̃anegüxü̃ nanawe̱x i norü pora. Rü guxü̃ i nachixü̃anegüwa tá nüxü̃ nacua̱xgü nax tórü Tupana tüxü̃ ínguxü̃xẽẽxü̃.

Wiyaegü 72:19

Rü name nixĩ i guxü̃guma duü̃xü̃gü nüxü̃ nicua̱xüü̃gü i naéga i üünexü̃. Rü name nixĩ i guxü̃ma i ñaa naane rü namaxã napaxü̃ i norü üüne. ¡Rü ngẽmaãcü yixĩ!

Yox 5:23

Rü yimá nutagü rü cuanewa rü taxũtáma curü guxcharuü̃gü nixĩgü. Rü ngẽma naeü̃gü i idüraexü̃ rü cumücügü tá nixĩgü.

Chacaría 14:9

Rü ngẽma ngunexü̃gu rü nüma ya Cori ya Tupana rü ãẽ̱xgacü tá nixĩ nawa i ñoma i naane. Rü nüxica tátama nixĩ ya Tupana yixĩxü̃ rü nataxutama i to i naéga i duü̃xü̃gü nüxü̃ icua̱xüü̃güxü̃.

Ichaía 59:19

Rü ngẽxguma nüxü̃ nadaugügu i Tupanaarü pora, rü guxü̃ma i duü̃xü̃gü i éstewa rü ñu̱xmata oéstewa maxẽxü̃ rü tá muü̃maxã nidu̱xrugü. Erü nüma ya Cori ya Tupana rü ñoma natü i nagoxü̃chíüxü̃ i tacü ya buanecü icuexü̃chíüxü̃rüxü̃ tá ínangu.

Ichaía 49:6

Rü nüma ya Tupana rü ñanagürü: —Choma rü cuxü̃ chamu nax cunanutaque̱xexü̃ca̱x i Acóbuarü duü̃xü̃gü rü nachixü̃aneca̱x cunawoeguxẽẽxü̃ca̱x i ngẽma Iraétanüxü̃. Rü naétü cuxü̃ chamu nax wüxi i omü quixĩxü̃ca̱x naxca̱x i guxü̃ma i nachixü̃anegü. Rü cuxü̃ chamu nax nüxü̃ nüxü̃ cucua̱xẽẽxü̃ca̱x i chorü ore i maxü̃ nüxna ãxü̃ i guxü̃ma i nachixü̃anecüã̱x woo ngẽma yáxü̃wa ngẽxmagüxü̃ —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:27

Natürü tagutáma ngẽxma naxücu i ta̱xacü i Tupanape̱xewa chixexü̃, rü bai ya texé ya chixexü̃ ǘxe rüe̱xna idorata̱xáxe. Rü yíxema Carnéruxacüarü poperawa ngo̱xégagüxexica tá tixĩ ya ngẽxma chocuxe rü nayauxgüxe i maxü̃ i taguma gúxü̃.

Ichaía 35:9

Ngẽma namawa rü nataxutama i leóü̃gü, rü nataxutama i aigü i düraexü̃ i tüxna nangaicamagüxü̃. Rü ngẽma namagu tá nawoegu i ngẽma duü̃xü̃gü i Cori ya Tupana ínguxü̃xẽẽxü̃ norü uanügüme̱xẽwa. Rü taãẽxü̃ i wiyaegümaxã tá Chióü̃gu nachocu, rü guxü̃gutáma ngéma nataãẽgüecha. Rü ngéma rü marü nataxutama i axu rü ngúxü̃, rü taãẽxicatatama nangẽxma.

Ichaía 30:26

Rü nüma ya Cori ya Tupana rü tá norü duü̃xü̃güarü o̱xrigü nixüxü̃gü rü ñu̱xũchi nüxü̃ nayana̱i̱xgü. Rü yimá tauemacü rü ñoma üa̱xcürüxü̃ tá poraãcü inabaxi. Rü ngẽma üa̱xcüema rü 7 e̱xpü̱xcüna tá yexera nanaiemaxüchi, ñoma 7 ya üa̱xcü nügüxü̃tawa ibáxixü̃rüxü̃.

Ichaía 11:13

Rü ngẽma Efraíü̃tanüxü̃ rü marü taxũtáma nixãũxãchiwa̱xegü rü ngẽxgumarüxü̃ ta i Yudátanüxü̃ rü marü taxũtáma nixãũxãchiwa̱xegü. Rü taxũtáma nügümaxã narüxuanügü.

Ichaía 2:4

Rü nüma ya Cori ya Tupana rü tá nanamexẽxẽ i guxü̃ma i nachixü̃anegüarü guxchaxü̃gü. Rü ngẽma nachixü̃anegü i nügümaxã nuexü̃ rü Cori ya Tupana rü tá nügümaxã nanangüxmüexẽxẽ. Rü ngẽma naxnegü i namaxã nügü nada̱i̱xü̃ rü norü puracüruxü̃ tá nayaxĩgüxẽxẽ. Rü taxuxü̃táma i ĩanegü daigu nügümaxã narüxĩnüe rü bai tá i daica̱x nügü nax nangúexẽẽxü̃.

1 Tesalonicenses 5:15

Rü ngẽxguma texé chixexü̃ pemaxã ü̱xgu, rü tama name i chixexü̃maxã penataeguxẽxẽ. ¡Rü pora pexügü nax guxü̃guma mexü̃ pexügüxü̃ i pegütanüwa rü guxü̃ma i ngẽma togütanüwa rü ta!

Wiyaegü 78:54

Rü nüma ga Tupana rü yema naane ga nüma nagu naxãchiü̃xü̃wa nanagagü ga yema norü duü̃xü̃gü ga Iraétanüxü̃. Rü nawa nanagagü ga yema máxpü̱xanexü̃ ga nümatama nawa ínawoxü̃ãxü̃ ga yema duü̃xü̃gü ga nüxíra yexma ãchiü̃güxü̃ ga tama nüxü̃́ yaxõgüxü̃. Rü wüxitücumüchigüxü̃ nayanu ga yema naane. Rü yemagu nixãchiü̃güchigü.

Ichaía 11:8

Rü wüxi ya buxe ya maixe rü tá taxĩnüca̱xwa̱xe naxü̃tawa i ãxtapemaxü̃, rü woo ngẽma ãxtapemaxü̃gu tixücuchigu rü taxũtáma tüxü̃́ naxãũcüma.

Ichaía 33:6

Rü nüma ya Cori ya Tupana rü guxü̃gutáma cuxna nadau. Rü yíxema tümaãẽxü̃ cuáxe rü cua̱x tüxü̃́ ngẽxmaxe, rü ngẽma rü wüxi i tümaarü meruxü̃ i maxü̃wa tüxü̃ gaxü̃ nixĩ. Rü ngẽma nax Cori ya Tupanaga taxĩnüxü̃ rü wüxi i tümaarü meruxü̃ nixĩ.

Ichaía 65:25

Rü ngẽma airu i naixnecücüã̱x rü tá carnérumaxã wüxiwa nachibüe. Rü ngẽma leóü̃ rü wocarüxü̃ tá maxẽ nangõ̱x. Rü ngẽma ãxtape rü marü taxũtáma tüxü̃ nangõ̱x, erü ngẽma waixü̃mü tá nangõ̱x. Rü guxü̃wama ya yima ma̱xpǘne ya chopata nawa ngẽxmanewa rü taxúetama ya texé chixexü̃ taxü —ñanagürü. Rü nüma ya Cori ya Tupana nixĩ i ngẽma ñaxü̃.

Ichaía 66:18

Erü choma rü nüxü̃ chacua̱x i ngẽma nagu naxĩnüexü̃ rü ngẽma naxügüxü̃ i ngẽma duü̃xü̃gü. Rü ngẽmaca̱x i choma rü tá chanangutaque̱xexẽxẽ i guxü̃ma i nachixü̃anecüã̱xgü i duü̃xü̃gü i to i nagawa idexagüxü̃. Rü tá nua nangugü rü tá nüxü̃ nadaugü i chorü pora.

Ichaía 66:20

Rü nua chorü ma̱xpǘne ya üünene ya Yerucharéü̃wa ngẽxmanewa tá nanagagü i ngẽma petanüxü̃ i guxü̃ i nachixü̃anegüwa ne nagagüxü̃. Rü nümaxü̃ rü tá cowaruétügu rü togü i carugu, rü togü i caruü̃gu rü togü i mulaétügu rü togü i caméyuétügu tá nua nanagagü, ñoma Iraétanüxü̃ naxpáü̃ i mexü̃gu norü ãmaregü chopata ya taxü̃newa ngẽgüxü̃rüxü̃ —ñanagürü.

Yeremía 31:34

Rü ngẽxguma rü tá marü taxuca̱xtama texé toguxexü̃ tangu̱xẽxẽ nax choxü̃ tacuáxü̃ca̱x, rü bai i tümamücü, rü bai i tümatanüxü̃. Erü ngẽxguma rü tá guxãma ya yáxe rü woo buxe rü tá choxü̃ tacua̱xgü. Rü choma rü tá tüxü̃́ nüxü̃ icharüngüma i tümaarü chixexü̃ rü marü tagutáma nüxna chacua̱xãchi i tümaarü pecadugü. Rü chomatama ya Cori ya Tupana nixĩ i nüxü̃ chixuxü̃ i ngẽma —ñanagürü.

Echequié 34:25

Rü chorü carnérugümaxã tá chanaxü i chorü uneta nax taãxẽwa nangẽxmagüxü̃ca̱x. Rü nachixü̃anewa tá chayanaxoxẽxẽ i ngẽma aigü i düraexü̃ nax ngẽmaãcü taãẽãcüma ngẽma naanewa namaxẽxü̃ca̱x rü naixnecügu napegüxü̃ca̱x.

Echequié 47:5

Rü yexguma ga gumá yatü rü to ga 500 metru inangu, rü yema natü ga poraü̃chiüxü̃ rü wüxi ga natü ga taxucürüwa nawa chixüexü̃ nixĩ. Rü yema nax wüxi ga natü ga mátamaxü̃ nax yixĩxü̃ rü wẽxẽẽãcüxicatama tocutüwa tangu.

Danié 11:45

Rü ñu̱xũchi ngẽma metachinüxü̃ i Yerucharéü̃arü rü márpechinüarü ngãxü̃wa ngẽxmaxü̃gu tá nayatexechigü i norü churaragüpatagü i naxchirunaxca̱x. Natürü ngẽxma tátama nixĩ i nayuxü̃, rü taxúetama nüxü̃ tarüngü̃xẽxẽ —ñanagürü.

Danié 12:4

¡Natürü i cumax, Pa Daniéx, rü cuxicatama nüxü̃ nacua̱x i ngẽma ore i cumaxã nüxü̃ chixuxü̃! ¡Rü ñu̱xũchi nañaxtachipe̱xe i ngẽma popera ñu̱xmatáta nawa nangu i ngẽma ngunexü̃ i nagu yacuáxü̃ i ngẽma guxchaxü̃gü! Rü muxü̃tama i duü̃xü̃gü rü guxü̃wama tá naxca̱x nadaugü i cua̱x nax ngẽmaãcü yexera nüxü̃ nacua̱xgüxü̃ca̱x i ngẽma tá ngupetüxü̃ —ñanagürü.

Ochéa 2:18

Rü ngẽma ngunexü̃gügu rü ngẽma Iraéanecüã̱xgüxü̃ tá charüngü̃xẽxẽxü̃. Rü ngẽma naeü̃gü i düraexü̃, rü werigü, rü ãxtapegü rü tá ichanangüxmüexẽxẽ nax tama ngẽma duü̃xü̃güxü̃ nachixeãẽgüxü̃ca̱x. Rü tá ichanaxoxẽxẽ ya würagü rü taragü. Rü ngẽma norü uanügü rü tá ichanangüxmüexẽxẽ nax tama wena naxca̱x íyaxü̃ãchixü̃ca̱x, rü ngẽmaãcü i chorü duü̃xü̃gü rü nataãẽgüxü̃ca̱x.

Joel 3:17

Rü nüma ya Cori ya Tupana rü ñanagürü: —Pemax rü tá nüxü̃ picua̱xãchitanü nax choma i perü Cori ya Tupana rü yima chorü ma̱xpǘne ya Üünene ya Chióü̃wa chamaxü̃xü̃. Rü yima ĩane ya Yerucharéü̃ rü wüxi ya ĩane ya üünene tá nixĩ. Rü tagutáma wena to i nachixü̃anecüã̱xgü nagu nachocu.

Ichaía 32:16

Rü ngẽma nachixü̃anewa rü guxü̃watama i duü̃xü̃gü rü we̱xgu tá namaxẽ rü tá aixcüma nügümaxã namecümagü.

Yeremía 31:23

Rü Cori ya Guxãétüwa Ngẽxmacü ya Iraétanüxü̃arü Tupana rü ñanagürü: —Ngẽxguma chanawoeguxẽẽgu i ngẽma Yudátanüxü̃ nawa i ngẽma nachixü̃ane i ñu̱xma nawa muruü̃gü yaxĩgüxü̃, rü ngẽxguma wenaxarü ñaa naanewa rü norü ĩanegüwa nangẽxmagügu, rü ñanagürügü tá: “Pa Ma̱xpǘne ya Üünene ya Chióü̃x, ¡Tupana cuxü̃ rüngü̃xẽxẽ, erü cuwa nixĩ ya Tupana mea norü duü̃xü̃gümaxã inacuáxü̃!” ñanagürügü tá.

Chacaría 8:3

Rü ñachagürü ta: “Choma rü Yerucharéü̃ca̱x tá chataegu nax ngéma chamaxü̃xü̃ca̱x. Rü ngẽxguma chataeguxgu rü yima ĩane ya Yerucharéü̃ rü Ĩane ya Chauga Ĩnünemaxã tá nanaxugü. Rü ngẽxgumarüxü̃ ta ya yima chorü ma̱xpǘne ya Chióü̃, rü Ma̱xpǘne ya Üünenemaxã tá nanaxugü”, ñachagürü.