Ichaía 11:8 - Tupanaarü Ore

⁸ Rü wüxi ya buxe ya maixe rü tá taxĩnüca̱xwa̱xe naxü̃tawa i ãxtapemaxü̃, rü woo ngẽma ãxtapemaxü̃gu tixücuchigu rü taxũtáma tüxü̃́ naxãũcüma.

Ichaía 11:8 Referans Kwoze

Ichaía 59:5

Rü pema rü ñoma wüxi i duü̃xü̃ i ãxtapecharaü̃ íchuxẽẽxü̃rüxü̃ pixĩgü erü chixexü̃guxicatama perüxĩnüe. Rü pema rü ñoma wüxi i duü̃xü̃ i pawüchiãü̃wa naxchiru üxü̃rüxü̃ pixĩgü erü ngẽma perü ĩnü rü taxuwama name. Rü ngẽxguma texé pexü̃ irüwe̱xãchixẽẽchaü̃gu rü pema rü yu tümamaxã pexuegu erü máetaguxicatama pemaxẽ.

Wiyaegü 140:3

Rü yima norü conü rü ñoma ãxtapearü conürüxü̃ naxãmagu. Rü ngẽma norü dexa rü ãxtapeguchatarüxü̃ nixĩ.

Ucu̱xẽgüchiga 23:32

Natürü ngẽma nagu yacuáxü̃ ya yimá bínu nixĩ nax ñoma wüxi i ãxtape i tüxü̃ ngṍxü̃rüxü̃ ngúxü̃ tüxü̃ yangexẽẽxü̃.

Ichaía 11:7

Rü ngẽma woca rü ngẽma ócha i düraxü̃ rü nügümücü tá nixĩgü rü naxacügü rü wüxigu tá nacagü. Rü ngẽma leóü̃ rü wocarüxü̃ tá maxẽ nanangõ̱x.

Ichaía 11:9

Rü guxü̃nema ya yima ma̱xpǘne ya chopata nawa ngẽxmanewa rü tataxuma ya texé ya chixexü̃ ǘxe. Erü ngẽma már i dexámaxã napaxü̃rüxü̃ rü ñoma i naane rü ngẽma duü̃xü̃gü i choxü̃ cua̱xgüxü̃maxã tá nanapá.

Ichaía 14:29

—Pa Firitéutanüxü̃x, tama name i naxca̱x petaãẽgü i ngẽma nax nayuxü̃ i Achíriaanearü ãẽ̱xgacü ga naxme̱xwa peyexmagüxü̃ ga chixri pemaxã icuáxü̃. Erü ngextá curá ne ũxü̃wa rü wüxi i ãxtape i düraxü̃ tá ínaxũxũ. Rü ngẽma ãxtapewena rü tá ngéma ínaxũxũ i yexera rüdüramaexü̃chixü̃ i dragóü̃ i ãxpe̱xatüxü̃ rü igoexü̃.

Yox 5:23

Rü yimá nutagü rü cuanewa rü taxũtáma curü guxcharuü̃gü nixĩgü. Rü ngẽma naeü̃gü i idüraexü̃ rü cumücügü tá nixĩgü.