Ichaía 11:4 - Tupanaarü Ore

⁴ Rü yíxema tama nüxü̃ cua̱xgüxe nax tügü ítapoxü̃güxü̃ rü nüma rü tá nüxü̃ nacua̱x nax ñuxãcü mea tüxü̃́ namexẽẽãxü̃ i tümaarü guxchaxü̃. Rü tümaétüwa tá nachogü ya yíxema ngearü diẽruã̱xgüxe. Rü ngẽma norü ore rü ñoma wüxi i cua̱i̱xruü̃rüxü̃ tá nixĩ naxca̱x i ngẽma nuwa̱xexü̃ rü ma̱xgu rüxĩnüxü̃. Rü wüxi i cue ñaxü̃maxã tá nanayuxẽxẽ i ngẽma duü̃xü̃ i chixexü̃ üxü̃.

Ichaía 11:4 Referans Kwoze

2 Tesalonicenses 2:8

Rü ngẽxguma ngẽma ínachaxãchixẽẽxü̃ nüxna ixũgachigu, rü tá ínangu i ngẽma Tupanaarü uanü. Natürü nüma ya tórü Cori ya Ngechuchu rü ngẽxguma ínanguxgu rü wüxi i “cue”, ñaxü̃maxã tá nayama̱x. Rü norü ya̱u̱xracüümaxã tá inayanaxoxẽxẽ i ngẽma norü uanü.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:15

Rü naã̱xwa ínaxũxũ ga wüxi ga tara ga guxü̃cüwawa téxü̃ nax yemamaxã nüxü̃ naporamaexü̃ca̱x i guxü̃ma i nachixü̃anegü. Rü nüma rü poraãcü tá namaxã inacua̱x. Rü ñoma úbagü i norü ma̱i̱xruü̃wa ima̱i̱xtüü̃xü̃rüxü̃ tá nixĩ nax napoxcueãxü̃ namaxã i ngẽma poxcu ya Tupana ya Guxü̃étüwa Ngẽxmacü norü numaxã mexẽẽxü̃.

Maraquía 4:6

Rü nüma ya Ería rü duü̃xü̃gümaxã tá nüxü̃ nixu i chorü ore nax papagü rü nanegümaxã nangüxmüexü̃ca̱x, rü nüma i nanegü rü nanatügümaxã nangüxmüexü̃ca̱x. Erü ngẽxguma tama nügümaxã nangümüegu rü chixexü̃ naxüeamagu rü choma rü tá ngéma chaxũ rü noxtacüma tá chanapoxcue i ngẽma duü̃xü̃gü, rü noxtacüma tá chayanaxoxẽxẽ i ngẽma nachixü̃ane —ñanagürü ya Cori ya Tupana.

Yox 4:9

Rü nüma ya Cori ya Tupana rü norü numaxã wüxiarü cue ñaxü̃maxãtama nixĩ i nadaiaxü̃ i ngẽma chixexü̃ ügüxü̃.

Ore i mexü̃ ga Matéu ümatüxü̃ 5:5

Tataãẽgü ya yíxema tama tügü icua̱xüxü̃güxe, erü tá tanayauxgü i ñoma i naane nax norü yixĩxü̃ca̱x.

Ichaía 61:1

Tupanaãxẽ i Üünexü̃ rü chowa nangẽxma, erü Tupana rü choxü̃ naxuneta rü choxü̃ inamuãchi nax yíxema ngearü diẽruã̱xgüxemaxã nüxü̃ chixuxü̃ca̱x i mexü̃ i ore rü tüxü̃ chataãẽxẽẽgüxü̃ca̱x ya yíxema naxĩ̱xãchiãẽgüxe. Rü choxü̃ naxuneta nax yíxema to i nachixü̃anewa gagüxemaxã nüxü̃ chixuxü̃ca̱x nax paxa tá ítanguxü̃xü̃ rü yíxema poxcupataxü̃wa ngẽxmagüxe rü tá ta ítanguxü̃xü̃

Popera ga Chantiágu ümatüxü̃ 3:13

Ngẽxguma chi petanüwa nangẽxmagu i wüxi i duü̃xü̃ i cua̱x nüxü̃́ ngẽxmaxü̃ rü mea naãxẽxü̃ cuáxü̃, rü tama name i nügü nicua̱xüxü̃, natürü nanaxwa̱xe nax mexü̃ i nacümawa pexü̃ nüxü̃ nadauxẽẽxü̃ nax aixcüma cua̱x nüxü̃́ ngẽxmaxü̃.

Gálatas 5:23

Rü ngẽxguma Tupanaãxẽ ya Üünecü tawa ngẽxmagu, rü tama yigü ítarüta, rü mea yigümaxã itacua̱x rü yigüna tadau nax tama chixexü̃gu iyixü̃ca̱x. Rü nataxuma i mugü i nachu̱xuxü̃ i ngẽma nacümagü i mexü̃.

Yeremía 33:15

Rü ngẽxguma nawa nanguxgu i ngẽma ngunexü̃, rü wüxi i nataxüchi ya ãẽ̱xgacü ya Dabítaxa rü ñaa nachixü̃anearü ãẽ̱xgacü ya mecü tá nixĩ. Rü nüma rü aixcüma meama tá duü̃xü̃gümaxã inacua̱x i ñaa nachixü̃anewa.

Ichaía 30:33

Erü nũxcümacürüwatama nixĩ ga Achíriaanearü churaragüca̱x rü norü ãẽ̱xgacüca̱x ínamexẽẽãxü̃ i wüxi i nachica i taxü̃ rü mátamaxü̃ i üxü nawa ngẽxmaxü̃. Rü ngéma nangẽxma ya tacü ya üxü i muxü̃ma i üxü nawa ngẽxmane. Rü nüma ya Cori ya Tupana rü wüxi i cuemaxã tá nayanaixẽxẽ. Rü ñoma üxüema i achúfremaxã inaixü̃rüxü̃ tá nixĩ.

Ichaía 9:7

Rü nüma rü tá ãẽ̱xgacü ya Dabíchicüxü ingucuchicü nixĩ. Rü ngẽma norü pora nax ãẽ̱xgacü yixĩxü̃ rü guxü̃ i nachixü̃anegüwa tá nangu. Rü ngẽma nügümaxã nax inangüxmüxẽẽãxü̃ i duü̃xü̃gü rü tagutáma inayarüxo. Rü ngẽma nax ãẽ̱xgacü yixĩxü̃ rü mea tá duü̃xü̃gümaxã inacua̱x, rü mexü̃gu tá narüxĩnü rü guxãarü mexü̃ca̱x tá nadau i guxü̃guma. Rü ngẽmaãcü tá nanaxü erü ngẽma nixĩ i norü ngúchaü̃ i nagu naxĩnüxü̃ ya yimá Cori ya Tupana ya Guxãétüwa Ngẽxmacü.

Wiyaegü 2:9

Rü fierumena̱xãmaxã tá cunadai i ngẽma nachixü̃anegüarü ãẽ̱xgacügü. Rü tá íxraxü̃gu cunapoü̃gü ñoma buetare ya waixü̃münaxca̱x ipuxẽxẽxü̃rüxü̃ —ñanagürü choxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:16

Rü ngẽmaca̱x chanaxwa̱xe i nüxü̃́ nüxü̃ cuxoo̱x i ngẽma ngu̱xẽẽtae. Rü ngẽxguma tama nüxü̃́ nüxü̃ cuxoo̱xgu, rü paxa tá ngéma cuxü̃tawa chaxũ, rü ngẽma tara i cha̱u̱a̱xwa íxũxũxü̃maxã tá ngẽma duü̃xü̃gümaxã togü tadai.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:16

Rü norü tügüneme̱xẽwa nüxü̃́ nayexma ga 7 ga woramacurigü. Rü naã̱xwa ínaxũxũ ga wüxi ga tara ga guxü̃cüwawa téxü̃. Rü nachiwe rü ñoma üa̱xcü poraãcü ngu̱xetügurüxü̃ nixĩ.

Popera ga Títoca̱x naxümatüxü̃ ga Pauru 3:2

Rü tama name i texéchiga chixri nidexagü rü texémaxã nanue. Natürü name nixĩ i guxü̃ i duü̃xü̃gümaxã namecümagü, rü guxü̃ i duü̃xü̃güxü̃ nangechaü̃gü. Rü tama name i nügü nicua̱xüü̃gü.

Ichaía 32:1

Rü tá nangẽxma ya wüxi ya ãẽ̱xgacü ya we̱xgu duü̃xü̃gümaxã icuácü, rü ãẽ̱xgacügü i mea duü̃xü̃gümaxã icua̱xgüxü̃.

Ichaía 29:19

Rü ngẽma iraxü̃ nüxü̃́ ngẽxmagüxü̃ rü Cori ya Tupanamaxã tá nataãẽgü. Rü woo i ngẽma ngearü diẽruã̱xgüxü̃ rü tá Iraétanüxü̃arü Tupana ya üünecümaxã nataãẽgü.

Ichaía 16:5

Rü wüxi i Dabí nataxa rü tá ãẽ̱xgacü nixĩ i Iraéanewa. Rü nüma ya yimá ãẽ̱xgacü rü tá mea norü duü̃xü̃gümaxã inacua̱x rü taxũtáma nanawomüxẽxẽ. Rü ãẽ̱xgacü i ixaixcümacü tá nixĩ rü guxãmaxã tá namecüma. Rü paxa tá nanamexẽxẽ i duü̃xü̃güarü guxchaxü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:11

Rü ñu̱xũchi nüxü̃ chadau ga daxũguxü̃ ga naane nax yawãxnaxü̃. Rü yéma nango̱x ga wüxi ga cowaru ga cómüxü̃. Rü gumá naétüwa rütocü rü naéga nixĩ i Aixcüma Yanguxẽẽcü rü Ixaixcümacü. Rü nüma rü tama inatü i ngẽxguma poxcu naxueguxgu rü ngẽxguma norü uanügümaxã nügü nadaixgu.

2 Corintios 10:1

Rü ñu̱xma rü Cristuarü mecümagagu rü norü ngechaü̃gagu, rü choma i Pauru rü pexü̃ chaca̱a̱xü̃ nax choxü̃ íperüxĩnüexü̃ca̱x. Erü nangẽxma i duü̃xü̃gü i nüxü̃ ixugüxü̃ nax pexü̃ chamuü̃xü̃ ega pexü̃tawa changexmagu natürü ngẽxguma pexna chayáxü̃gu rü chaugü ícharüpora.

Ngechuchuarü ngúexü̃gü ga yamugüxü̃arü puracüchiga 9:1

Rü yoxni ga Chauru rü daimaxã nayaxãxũnegü ga yema duü̃xü̃gü ga Cori ga Ngechuchuaxü̃́ yaxõgüxü̃. Rü yemaca̱x chacherdótegüaru ãẽ̱xgacüxü̃tawa naxũ nax nüxna naca̱xaxü̃ca̱x naxca̱x ga popera ga nüxna ãgaxü̃ nax Damácuwa yexmagüne ga Yudíugüarü ngutaque̱xepataü̃gu yaxǘcuchigüxü̃ca̱x rü yexma tüxü̃ ínayauxü̃xü̃ca̱x ga guxema yaxõgüxe ga yatüxe rü ngexegü nax Yerucharéü̃wa tüxü̃ nagagüxü̃ca̱x rü yexma tüxü̃ yapoxcuexü̃ca̱x.

Ore i mexü̃ ga Matéu ümatüxü̃ 11:5

¡Rü Cuáü̃maxã nüxü̃ pixu rü ngẽma ngexetügüxü̃ rü marü nidauchigü, rü ngẽma ichixeparaxü̃ rü marü inachigü, rü ngẽma chaxüneã̱xgüxü̃ rü marü naxca̱x nitaanegü, rü ngẽma ngauchi̱xẽgüxü̃ rü marü ningo̱xnamachixẽgü, rü ngẽma yuexü̃ rü wenaxarü namaxẽ, rü ngẽma ngearü diẽruã̱xgüxü̃ rü marü namaxã nüxü̃ tixu i Tupanaarü ore i mexü̃!

Chofonía 2:3

Rü ngẽmaca̱x name nixĩ i Cori ya Tupanaca̱x pedaugü, Pa Guxãma i Aixcüma Nape̱xewa Mecümagüxe rü Naga Ĩnüexe i Norü Mugüx. ¡Rü nape̱xewa pixaixcümagü rü tama pegü picua̱xüü̃gü! Rü bexmana ngẽmaãcü nüma ya Cori ya Tupana rü tá pexü̃ ínapoxü̃ i ngẽma ngunexü̃ i nagu norü numaxã poxcu ínangu̱xẽẽxü̃.

Ichaía 3:14

Rü Cori ya Tupana rü tá naxca̱x nangema i ngẽma yaxguã̱xgü i ĩanemaxã icua̱xgüxü̃ rü ngẽma togü i ãẽ̱xgacügü, rü ñanagürü tá nüxü̃: —Pema rü chorü duü̃xü̃güxü̃ pechixexẽxẽ. Rü tüxü̃́ pengĩ́e ya ngearü ngẽmaxü̃xã̱xgüxe. Rü ngẽma tümaarü ngẽmaxü̃gü i tüxü̃́ naxca̱x pengĩ́xü̃ rü pepatagu nixĩ i namaxã penguxü̃güxü̃.

Ichaía 1:17

¡Rü naxca̱x pengúe nax mexü̃ pexügüxü̃! ¡Rü pora pexüe nax mexü̃ i nacümagu pemaxẽxü̃ca̱x! ¡Rü tüxü̃ perüngü̃xẽxẽ ya yíxema duü̃xẽgü ya togü chixri tümamaxã icua̱xgüxe! ¡Rü naétüwa pechogü i taxcutagü rü yutegüxü̃!

Wiyaegü 110:2

Rü nüma ya Tupana rü Chióü̃wa cuxü̃ naxuneta nax ãẽ̱xgacü quixĩxü̃ca̱x rü namaxã icucuáxü̃ca̱x i ngẽma curü uanügü.

Wiyaegü 18:8

Rü naxmaraü̃wa rü caxixü̃ ínaxũxũ. Rü naã̱xwa ínaxũxũ ga üxüema ga ñoma ga naane ixaxẽẽxü̃, rü ínaxũxũ ga ã́xwe ga inaicü.

2 Chamué 8:15

Rü nüma ga Dabí rü guxü̃ma ga Iraéanearü ãẽ̱xgacü nixĩ. Rü meama guxü̃ma ga norü duü̃xü̃gümaxã inacua̱x.

Ichaía 13:11

Rü nüma ya Cori ya Tupana rü ñanagürü: —Tá chanapoxcue i ñoma i naanecüã̱x naxca̱x i ngẽma norü chixexü̃. Rü ngẽma duü̃xü̃gü i chixexü̃gu maxẽxü̃ rü tá chanapoxcu naxca̱x i ngẽma nax namáetagüxü̃. Rü tá ichayanaxoxẽxẽ i nacüma i namaxã nügü ínatagüxü̃ i ngẽma duü̃xü̃gü i nügü icua̱xüü̃güxü̃. Rü tá chanaxãneexẽxẽ i ngẽma nügü írütagüxü̃ rü ngẽma taxuwama toguexü̃ mexẽẽgüxü̃.

Ichaía 14:30

Rü ngẽma duü̃xü̃gü i ngearü diẽruã̱xgüxü̃ i chorü naanewa ngẽxmagüxü̃ rü tá nüxü̃́ nangẽxma i nabü naxca̱x i naxü̃nagü. Rü ngẽma duü̃xü̃ i ngearü ngẽmaxü̃xã̱xgüxü̃ rü taxúetama nüxü̃ tachixewe i ngẽxguma nangü̃egu. Natürü ngẽma Firitéutanüxü̃ rü choma rü tá taiya naxca̱x íchanguxẽxẽ rü ngẽmamaxã tá nayue. Rü ngẽma noxre i íyaxügüxü̃ rü tá chanadai.

Ichaía 30:28

Rü ngẽma norü ngü̃ãcüxü rü ñoma wüxi i natü irübaixü̃ i guxü̃wama inanguanexẽẽxü̃rüxü̃ nixĩ. Rü ngẽma nachixü̃anegü i tama naga ĩnüexü̃, rü nüma ya Tupana rü tá guxchaxü̃ naxca̱x ínanguxẽxẽ nax ngẽmaãcü nüxü̃ nacua̱xgüxü̃ca̱x nax natüxü̃wa nangẽxmagüxü̃. Rü tá namaxã inacua̱x i norü uanügü nax ngẽmaãcü ínatüexü̃ca̱x.

Ichaía 30:31

Rü ngẽxguma nüxü̃ naxĩnüegu i ngẽma Cori ya Tupanaga rü nüxna nanguxgu i ngẽma norü poxcugü, rü nüma i Achíriaanecüã̱xgü rü tá poraãcü namuü̃e.

Ichaía 32:7

Rü ngẽma dauxcüraxü̃wa̱xexü̃ rü womüxẽẽgu namaxü̃ rü ngẽma nagu naxĩnüxü̃ nixĩ nax chixexü̃ naxüxü̃. Rü ãẽ̱xgacüpe̱xewa doramaxã tüxü̃ nachixechigaxẽxẽ ya yíxema ngearü diẽruã̱xgüxe rü yíxema ngü̃xẽẽca̱x ícaxaxe.

Ichaía 33:22

Erü nüma ya Cori ya Tupana rü tórü guxchaxü̃güarü mexẽẽruxü̃ nixĩ. Rü nüma nixĩ i tamaxã inacuáxü̃. Rü nüma nixĩ i tórü ãẽ̱xgacü yixĩxü̃. Rü nüma nixĩ i tórü poxü̃ruxü̃ yixĩxü̃.

Ichaía 40:7

Rü ngẽma natüane rü nipa rü ngẽma putüra rü narüñe̱xẽxẽ ega Cori ya Tupana nagu cue ñaxgu. Rü ngẽxgumarüxü̃ ta nixĩ i duü̃xü̃güarü maxü̃ nax ñoma natüanerüxü̃ paxaãchica̱xmare yixĩxü̃.

Ichaía 49:2

Rü Tupana rü ñoma tara i meama téxü̃rüxü̃ nayaxĩxẽxẽ ya chorü conü, rü naxme̱xmaxã choxü̃ ínapoxü̃. Rü ñoma ochagu ya meama ãmaguxnerüxü̃ choxü̃ nixĩxẽxẽ rü nachixü̃gu chomaxã nanguxü̃.

Yox 15:30

Rü taxũtáma norü yucha̱xwa niña. Rü ñoma wüxi i nai i ngexwaca rüxüchacüüxü̃ rü üxüwa iguxü̃rüxü̃ tá nixĩ nax nayuxü̃. Rü ñoma putürachacugü i buanecü rüyixẽẽxü̃rüxü̃ tá nixĩ.

Wiyaegü 76:10

Rü ngẽma norü nu i ngẽma cumaxã rüxuanügüxü̃ rü curü cua̱xüxü̃ruxü̃ tá nayanguxuchi. Rü woo ngẽxguma íxrarüwa nanuegu rü curü nga̱xcueruxü̃ nayanguxuchi i ngẽma.

Ichaía 2:4

Rü nüma ya Cori ya Tupana rü tá nanamexẽxẽ i guxü̃ma i nachixü̃anegüarü guxchaxü̃gü. Rü ngẽma nachixü̃anegü i nügümaxã nuexü̃ rü Cori ya Tupana rü tá nügümaxã nanangüxmüexẽxẽ. Rü ngẽma naxnegü i namaxã nügü nada̱i̱xü̃ rü norü puracüruxü̃ tá nayaxĩgüxẽxẽ. Rü taxuxü̃táma i ĩanegü daigu nügümaxã narüxĩnüe rü bai tá i daica̱x nügü nax nangúexẽẽxü̃.

Ochéa 6:5

Rü yema chorü orearü uruü̃gü ga petanüwa chamugüxü̃wa pemaxã nüxü̃ chixu nax pexü̃ tá chapoxcuxü̃, natürü ga pema rü tama iperüxĩnüe rü yemaca̱x pexü̃ chadai. Rü yemaacü chorü poxcu rü aixcüma pewa nangu ñoma ngóonexü̃ irügoxü̃rüxü̃.