Ichaía 11:16 - Tupanaarü Ore

¹⁶ Rü ngẽxguma Achíriaanewa nawoegu̱xgu i ngẽma noxretama i Tupanaarü duü̃xü̃gü i íyaxügüxü̃ rü tá namaxã inayarüxĩ i wüxi i nama i taxü̃ ga yexguma norü o̱xigü ga Iraétanüxü̃ Equítuanewa ichoxü̃gu nagu naxĩxü̃raxü̃xü̃.

Ichaía 11:16 Referans Kwoze

Ichaía 19:23

Rü ngẽma ngunexü̃gu rü tá nangẽxma i wüxi i nama i mexü̃ i Equítuanewa ixügüxü̃ rü Achíriaanewa daxü̃. Rü ngẽxguma i Achíriaanecüã̱xgü rü tá tauxchaãcü Equítuanewa naxĩ, rü ngẽxgumarüxü̃ tá ta i nüma i Equítuanecüã̱xgü rü tauxchaãcü Achíriaanewa naxĩ. Rü wüxigu nügümaxã tá Tupanaxü̃ nicua̱xüü̃gü.

Ichaía 11:11

Rü ngẽxguma yimá Dabítaxa ingucuchigu nax ãẽ̱xgacü yixĩxü̃ca̱x rü nüma ya Cori ya Tupana rü tá wena inanawe̱x i norü pora. Rü wena tá nanangutaque̱xexẽxẽ i norü duü̃xü̃gü i Achíriaanewa, rü Equítuanewa, rü Patróxanewa, rü Etiopíaanewa, rü Eráü̃anewa, rü Chináxanewa, rü Amáanewa rü nachixü̃anegü i márcutüwa ngẽxmagüxü̃wa. Rü tá wena Iraéaneca̱x nanawoeguxẽxẽ.

Ichaía 62:10

¡Pa Yerucharéü̃cüa̱xgüx, ĩanearü ĩã̱xgüwa ípechoxü̃ rü penamexẽxẽ i ngẽma nama naxca̱x i petanüxü̃ i woeguxü̃! ¡Rü mea uãẽãcü penaxü̱x rü ípenawogü ya nutagü! ¡Rü penawãĩxnagü i wüxi i wonera nax nüxü̃ nadaugüxü̃ca̱x i ngẽma togü i nachixü̃anegü!

Ichaía 57:14

Tupana rü ñanagürü: —¡Penamexẽxẽ i wüxi i nama i meama iwéxü̃ rü ípenawogü i guxü̃ma i toxyepe̱xeruü̃gü nax ngẽmagu naxĩxü̃ca̱x i chorü duü̃xü̃gü!

Ichaía 49:12

Rü pema ya Iraétanüxü̃ rü tá yáxü̃wama ne pexĩ, rü ñuxre rü nórtewaama rü togü rü oéstewaama rü togü rü Equítuanearü súrwaama tá ne pexĩ.

Ichaía 27:13

Rü ngẽma ngunexü̃gu rü tá nagu nicue ya yimá cornéta ya tagane. Rü ngẽma Iraétanüxü̃ i Achíriaanegu woonexü̃ rü ñu̱xũchi ngẽma Equítuanewa gagüxü̃ rü tá Yerucharéü̃ca̱x nawoegu. Rü yima ma̱xpǘne ya üünenewa tá Cori ya Tupanaxü̃ nicua̱xüü̃gü.

Ichaía 1:9

Ega ngẽxguma Cori ya Tupana ya Guxãétüwa Ngẽxmacü taxũchima ñuxre i yixema nua tüxü̃ yaxügüxẽẽgu, rü Yerucharéü̃ rü Chodómarüxü̃ rü Gomórarüxü̃ nixĩ.

Ichaía 10:20

Rü ngẽma ngunexü̃gu rü ngẽma noxretama i Iraéanecüã̱xgü i Acóbutanüxü̃ i íyaxüxü̃, rü taxũtáma wena nüxü̃́ nayaxõgü i ngẽma chixri namaxã icuáxü̃. Rü tá Cori ya Tupana ya üünecü ya norü Tupanaca̱x nawoegu rü yimaaxü̃́ tá aixcüma nayaxõgü.

Ichaía 49:11

Rü ma̱xpǘneanegu tá chayadaxẽxẽ i wüxi i nama rü tá ichayanawéanexẽxẽ i ngẽma namagü nax ngẽmagu pexĩxü̃ca̱x —ñanagürü ga Tupana.

Chofonía 2:7

Rü ngẽma Yudátanüxü̃ i duü̃xü̃gü i íyaxügüxü̃ rü ngẽxguma Tupana nüxü̃ rüngü̃xẽẽgu rü tá nanayauxgü i ngẽma naane i márpechinüwa ngẽxmaxü̃. Rü ngéma tá nanachibüexẽxẽ i norü carnérugü, rü chütacü tá nagu nape ya yima ĩpatagü i Acharóü̃wa ngẽxmagüne.

Ínachoxü̃xü̃chiga 14:22

Rü yemaacü paanexü̃wa nichoü̃ ga Iraétanüxü̃, yerü taxregu niyauxyexü̃chiü ga dexá. Rü norü ngãxü̃wa nichoü̃, rü ñoma wüxi i ta̱xacü i ãxtapǘxü̃rüxü̃ nixĩgü ga norü tügünecüwawa rü norü to̱xwecüwawa ga dexá.