Ichaía 10:3 - Tupanaarü Ore

³ ¿Rü ta̱xacü tá pexügüxü̃ i ngẽxguma Tupana pexna caxgux naxca̱x i guxü̃ma i ngẽma chixexü̃ i pexüxü̃ rü ngẽxguma nüxü̃ peda̱u̱xgu nax yáxü̃wa pexca̱x ne naxũxü̃ i poxcu? ¿Rü texéca̱x tá pibuxmüxü̃ nax ngü̃xẽẽca̱x ípecaxü̃ca̱x? ¿Rü ngextá tá peyacu̱xgü i perü ngẽmaxü̃gü i ngẽxguma ínangugügu i perü uanügü?

Ichaía 10:3 Referans Kwoze

Ore i mexü̃ ga Luca ümatüxü̃ 19:44

Rü tá nagu napogüe ya perü ĩane, rü tá pexü̃ nadai. Rü taxucütama ya nuta ngextá nügüxétü nanugüxüra i perü ĩanearü poxeguxü̃tápü̱x. Rü ngẽmaãcü tá pexü̃ naxüpetü, yerü tama nüxü̃ pecua̱xgüchaü̃ ga yexguma Tupana pexü̃ íyada̱u̱xgu —ñanagürü.

Ochéa 9:7

Pa Iraéanecüã̱xgüx, marü nawa nangu i ngẽma ngunexü̃gü nax Tupana pexü̃ napoxcuexü̃ naxca̱x i perü chixexü̃gü i taxüchixü̃. Rü pemax, Pa Iraéanecüã̱xgüx, rü tá nüxü̃ pecua̱x nax marü pexca̱x ínanguxü̃ i ngẽma perü poxcu. Pema rü ñaperügügü: “Ngẽma orearü uruxü̃ rü nangeãxẽmare, rü tama naãxẽxü̃ nacua̱x”, ñaperügügü. Natürü ngẽmaãcü pidexagü erü perü chixexü̃maxã penapagü rü poraãcü naxchi pexai ya yimá orearü uruxü̃.

Yox 31:14

¿Rü ta̱xacüxü̃ tá chixu i ngẽxguma Tupanape̱xewa changexmagu? ¿Rü ta̱xacümaxã tá chanangãxü̃ i ngẽxguma choxna nacaxgu naxca̱x i ngẽma chaxüxü̃?

Nüxíraxü̃xü̃ ga popera ga Pedru ümatüxü̃ 2:12

Rü name nixĩ i mea pemaxẽ nape̱xewa i ngẽma duü̃xü̃gü i tama Tupanaxü̃ cua̱xgüxü̃. Rü woo ñu̱xma chixri pechiga yadexagügu, natürü tá nüxü̃ nadaugü i ngẽma mexü̃ i pexügüxü̃, rü tá Tupanaxü̃ nicua̱xüü̃gü i ngẽma ngunexü̃ i nagu Tupana guxãxü̃ma icagüxü̃gu.

Chofonía 1:18

Rü ngẽma Cori ya Tupanaarü ngunexü̃ i ãũcümaxü̃ i nagu norü numaxã duü̃xü̃güxü̃ napoxcuexü̃, rü woo i norü diẽru rü woo i norü úiru rü taũxtáma naétüwa nachogü, erü ngẽma Cori ya Tupanaarü poxcu i üxüema rü guxü̃táma i nachixü̃anexü̃ nigu. Rü guxü̃táma i ngẽma duü̃xü̃gü i ñoma i naanewa maxẽxü̃ rü wüxiü̃cüxü tá inayarüxo.

Ichaía 26:21

Erü nüma ya Cori ya Tupana rü napatawa tá ínaxũxũ nax ñoma i naanecüã̱x i duü̃xü̃güxü̃ napoxcuexü̃ca̱x nagagu i norü pecadugü i nape̱xewa naxügüxü̃. Rü ñu̱xũchi ñoma i naane rü taxũtáma tüxü̃ nicu̱xgü ya yíxema nagu tüxü̃ nadaixe. Rü tá nango̱x i ngẽma máetagü ga ñoma ga naanewa naxügüxü̃.

Ichaía 20:6

Rü ngẽma ngunexü̃gu rü guxü̃ma i duü̃xü̃gü i márpechinücüã̱xgü rü tá ñanagürügü: “¡Dücax, nüxü̃ pedau nax ta̱xacü namaxã nangupetüxü̃ i ngẽma nachixü̃anegü i nüxü̃́ yaxõgüxü̃, rü ngü̃xẽẽca̱x nüxna icagüxü̃ nax Achíriaanearü ãẽ̱xgacüme̱xẽwa tüxü̃ ínanguxü̃xẽẽxü̃ca̱x! ¿Rü ñu̱xma rü texé tá tixĩxü̃ ya tüxü̃ ípoxü̃xẽ?” —ñanagürügü.

Ichaía 5:26

Rü Cori ya Tupana rü wüxi ya wonera nanawaĩ̱xnagü rü norü cuemaxã naxca̱x naca i wüxi i nachixü̃ane i yáxü̃guxü̃. Rü norü churaragü i ngẽma nachixü̃ane i yáxü̃wama ngẽxmaxü̃ rü paxa tá nua nangugü.

Ucu̱xẽgüchiga 11:4

Ngẽma diẽru rü taxúexü̃táma ínapoxü̃ i ngẽma ngunexü̃ i nagu Cori ya Tupana tüxü̃ icagüxü̃gu, natürü ngẽma mexü̃ ixüxü̃ nixĩ i yuwa tüxü̃́ ínguxuchixẽẽxü̃.

Wenaxarü naxümatü ga Tupanaarü mugü 28:49

Rü Cori ya Tupana rü wüxi i nachixü̃ane i yáxü̃wama ngẽxmaxü̃ i tama nagaxü̃ cucuáxü̃ tá cuxca̱x ínayachoõchixẽxẽ, ñoma wüxi i ĩyü i goexü̃ i poraxüchixü̃rüxü̃.

Yeremía 5:31

Rü ngẽma ore i nüxü̃ yaxugügüxü̃ i ngẽma orearü uruü̃gü rü doramare nixĩ. Rü ngẽma chacherdótegü rü nümagü nanaxwa̱xegüxü̃ãcü duü̃xü̃gümaxã inacua̱xgü. Rü ngẽma chorü duü̃xü̃gü rü ngẽmamaxã nataãẽgü. ¿Natürü ta̱xacü tá pexüxü̃ i ngẽxguma ínanguxgu i ngẽma guxchaxü̃ i ãũcümaxü̃? —ñanagürü.

Ichaía 39:3

Rü yemawena ga nüma ga orearü uruxü̃ ga Ichaía rü ãẽ̱xgacü ga Echequíaxü̃tawa naxũ rü nüxna nayaca rü ñanagürü: —¿Ngextá ne naxĩ i ngẽma yatügü i cuxü̃tawa ngugüxü̃, rü ta̱xacüxü̃ yixĩxü̃ i cumaxã yaxugüxü̃? —ñanagürü. Rü nüma ga Echequía rü nanangãxü̃ rü ñanagürü: —Ngẽma duü̃xü̃gü rü yáxü̃guxü̃ i nachixü̃ane i Babiróniawa ne naxĩ —ñanagürü.

Ichaía 33:14

Rü Chióü̃wa nidu̱xruxe i ngẽma chixexü̃gu maxẽxü̃. Rü ngẽma tama yaxõgüxü̃ rü poraãcü namuü̃e rü ñanagürügü: —¿Texé chi i tatanüwa tamaxama naétüwa ya yima üxü ya tüxü̃ iguxü̃ne ya guxü̃guma inaiechane? —ñanagürügü.

Ichaía 5:14

Rü ñoma wüxi ya ai ya ichoxmanaxãcürüxü̃ rü ngẽma naxmaü̃gü rü tá nichogü nax ínagagüãxü̃ca̱x i duü̃xü̃gü rü ãẽ̱xgacügü rü ngẽma duü̃xü̃gü i petagu rü ngãxü̃gu írüchoxü̃.

Norü taxre ga popera ga ãẽ̱xgacügüchiga 7:15

Rü nüma rü yéma naxĩ rü naxca̱x nadaugü ga nacutüchicagü ga Chíriaanearü churaragü ñu̱xmata natü ga Yudáü̃wa nangugü. Rü nüxü̃ nadaugü nax guxü̃ma ga yema nama ga nagu naxĩxü̃wa rü naxchiru rü togü ga norü yemaxü̃gü yéma nawogüxü̃ yerü ñu̱xãẽãcüma nibuxmü. Rü ñu̱xũchi yema churaragü ga ãẽ̱xgacü nüxü̃ íyadauxẽẽxü̃ rü nawoegu. Rü ãẽ̱xgacümaxã nüxü̃ nixugüe ga yema nüxü̃ nadaugüxü̃.

Naanearü ügüchiga 31:1

Natürü nüma ga Acóbu rü nüxü̃ nacuáchiga ga Labáü̃ nanegü rü nachiga nax yadexagüxü̃ rü ñagüxü̃: —Acóbu rü nügüxü̃́ nanade i guxü̃ma ga tanatüarü ixĩxü̃, rü ngẽmamaxã nixĩ i ñu̱xma i namuarü ngẽmaxü̃ã́xü̃ —ñanagürügü.

Ochéa 5:13

Rü ngẽxguma Efraíü̃tanüxü̃ rü Yudáanecüã̱xgü nüxü̃ daugügu nax taxü̃ i guxchawa nangẽxmagüxü̃, rü Efraíü̃tanüxü̃ rü tá Achíriaanearü ãẽ̱xgacüna ngü̃xẽẽca̱x nayacagü. Natürü nüma i Achíriaanearü ãẽ̱xgacü rü taxũtáma nüxü̃ narüngü̃xẽxẽ.

Ichaía 13:6

¡Rü pixauxe, Pa Babiróniacüã̱x, erü Cori ya Tupanaarü ngunexü̃ rü marü ningaica nax ínanguxü̃! Rü nüma ya Cori ya Tupana ya Guxãétüwa Ngẽxmacü rü tá ínangu nax Babiróniagu yapogüxü̃ca̱x.

Ichaía 17:4

Rü ngẽma ngunexü̃gu ya Chamária ya Iraéanearü ĩane ya porane, rü tá nangearü poraã̱x, rü tá inayarütauxe i norü ngẽmaxü̃gü.

Ichaía 26:14

Rü ngẽma togü i nachixü̃anegüarü ãẽ̱xgacügü rü marü nayue, rü taxũtáma wena namaxẽ. Rü ñoma naxchipetagürüü̃mare nixĩ rü taxũtáma wena ínarüdagü. Rü cuma rü marü cunapoxcue rü ñu̱xũchi cunadai. Rü ñu̱xma rü taxúema nüxna tacua̱xãchigü.

Ichaía 30:7

Natürü natüca̱xma nixĩ i ngéma nanaãxü̃ i norü ngẽmaxü̃gü rü norü diẽrugü, erü Equítuane rü tama napora nax nüxü̃ nangüxẽẽxü̃ca̱x. Rü ngẽmaca̱x nixĩ i: —Ngo̱xo i natüca̱xma ixĩxü̃ i Taxuxü̃ma Üxü̃gu chanaxüégaxü̃ —ñanagürü ga Tupana.

Yeremía 4:30

Rü pemax, Pa Yerucharéü̃cüã̱xgü i Ngechaü̃wa Ngẽxmaxe ¿ta̱xacüca̱x mexü̃ i naxchirugu picu̱xgü? ¿ta̱xacüca̱x úirunaxca̱x i nachagümaxã pegü penga̱xãẽgü? ¿rü ta̱xacüca̱x waxü̃maxã pegü pechachipa̱xetügü? Rü taxuwama name nax pegü penga̱xãẽgüxü̃, erü ngẽma nachixü̃anegü i Equítuane rü Achíriaane i naxü̃tawa ngü̃xẽẽca̱x ípecagüxü̃ rü marü pexü̃ nawomüxẽxẽ. Rü ngẽma naxca̱x nadaugüxü̃ nixĩ nax pexü̃ nada̱i̱xü̃.

Yeremía 9:9

Rü ngẽmaca̱x i choma rü tá chanapoxcue i ngẽma duü̃xü̃gü naxca̱x i ngẽma chixexü̃ i chope̱xewa naxügüxü̃. Erü ngẽma poxcu nixĩ i nüxna üxü̃ naxca̱x i norü chixexü̃. Rü choma ya Cori ya Tupana rü chanaxuegu nax aixcüma tá chanaxüxü̃ i ngẽma” —ñanagürü.

Yeremía 22:7

Rü uanügü i ixãxnexü̃ tá cuxca̱x ngéma chamugü nax cugu yapogüexü̃ca̱x. Rü nagu tá nachexgüe ya yima curü caxtagü ya imexẽchine ya ocayiwanaxca̱x, rü ñu̱xũchi tá üxüétüwa nayawocu.

Ochéa 9:5

Rü ngẽma ípewoonexü̃wa rü tá pexü̃́ naguxcha nax penaxüchigaxü̃ i ngẽma perü petagü i namaxã Tupanaxü̃ picua̱xüü̃güxü̃.

Miquéa 7:4

Rü ngẽmatanüwa rü ngẽma rümemaexü̃ rü ñoma wüxi i tuxurüxü̃ nixĩ. Rü ngẽma yexera mecümaxü̃ rü ñoma wüxi i chuxchuxü̃etarüxü̃ nixĩ. Natürü tá ínangu i ngunexü̃ i nagu Tupana tá norü chixexü̃ca̱x nüxna ca̱xü̃. Rü ngẽma ngunexü̃gu rü taxũtáma nüxü̃ nacua̱xgü nax ta̱xacü tá naxüexü̃.

Ichaía 28:20

Rü taxü̃ i guxchaxü̃gü tá pexca̱x ínangugü, rü ñoma íxraxü̃ i pechicaxü̃gu cucaxgurüxü̃ rü íxracü ya düxruü̃maxã quidüxügurüxü̃ tá nixĩ.

Amúx 5:19

Rü ngẽma ngunexü̃ rü ñoma texé wüxi i leóü̃cha̱xwa iñaxgu rü wüxi i osumaxã itarüñaxü̃rüxü̃ tá nixĩ. Rü ngẽma ngunexü̃, rü ñoma wüxíe rü tümapatagu taxücu rü naxtapü̱xgu tingõgügu rü ãxtape tüxü̃ ngṍxü̃rüxü̃ tá nixĩ.