Ichaía 10:26 - Tupanaarü Ore

²⁶ Rü Cori ya Tupana ya Guxãétüwa Ngẽxmacü rü tá nanapoxcue i Achíriaanecüã̱xgü, yexguma Madiáü̃anecüã̱xgüxü̃ rü nuta ga Orégu nadaixgurüxü̃. Rü Achíriaanecüã̱xgüxü̃ tá nanawe̱x i norü pora, yexguma Equítuanecüã̱xgüxü̃ nawe̱xãgurüxü̃.

Ichaía 10:26 Referans Kwoze

Ichaía 9:4

Yerü yema Madiáü̃anearü ãẽ̱xgacüme̱xẽwa toxü̃ ícunguxü̃xẽẽgurüxü̃ rü cuma rü toxü̃ ícunguxü̃xẽxẽ nawa ga yema ngúxü̃ ga tingegüxü̃ rü toxü̃ yaxĩ̱xãchitanüãẽxẽẽxü̃ ga yexguma naxme̱xwa tayexmagügu ga yema ãẽ̱xgacü ga chixri tomaxã icuáxü̃.

Ãẽ̱xgacügü ga guxchaxü̃güarü mexẽxẽruü̃gü 7:25

Rü ñu̱xũchi ínanayauxü̃ ga yema taxre ga ãẽ̱xgacügü ga Madiáü̃tanüxü̃, ga Oréx rü Chéx. Rü nüma ga Oréx rü nayama̱xgü nagu ga gumá nuta i ñu̱xmax Oréxarü nutagu ãégacü. Rü nüma ga Chéx rü nayama̱xgü nagu ga yema nachica ga nawa úba nama̱i̱xtüxü̃güxü̃ nax bínu naxügüã̱xü̃ca̱x. Rü ngẽma nachica rü ñu̱xma rü Chéxarü ma̱i̱xtüxü̃ruxü̃ nixĩ i naéga. Rü nawena nax Madiáü̃tanüxü̃we nangegüxü̃ rü Yedeóü̃xü̃tawa nanangegü ga Oréxeru rü Chéxeru ga Yudáü̃arü tocutüwa.

Norü taxre ga popera ga ãẽ̱xgacügüchiga 19:35

Rü yematama chütaxü̃gu rü wüxi ga daxũcüã̱x ga Tupanaarü orearü ngeruxü̃ rü nanadai ga 185,000 ga churaragü ga Achíriaanecüã̱x. Rü yexguma yangunegu rü guxü̃ma nayue.

Ínachoxü̃xü̃chiga 14:16

¡Rü cuma rü nayaxu ya curü naixmena̱xã, rü márchíüétügu nawe̱x! Rü ngẽma márchiü rü tá nügüna nixĩgachichíxü nax ngẽmaãcü ngẽma Iraétanüxü̃ rü paanexü̃wa nax yachoü̃xü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:15

Rü naã̱xwa ínaxũxũ ga wüxi ga tara ga guxü̃cüwawa téxü̃ nax yemamaxã nüxü̃ naporamaexü̃ca̱x i guxü̃ma i nachixü̃anegü. Rü nüma rü poraãcü tá namaxã inacua̱x. Rü ñoma úbagü i norü ma̱i̱xruü̃wa ima̱i̱xtüü̃xü̃rüxü̃ tá nixĩ nax napoxcueãxü̃ namaxã i ngẽma poxcu ya Tupana ya Guxü̃étüwa Ngẽxmacü norü numaxã mexẽẽxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:18

Rü ngẽma duü̃xü̃gü i tama cuxrü ixĩgüxü̃ rü poraãcü nanue, natürü nawa nangu i ngẽma ngunexü̃ i nagu tá cunapoxcuexü̃. Rü marü nawa nangu nax nüxü̃ quicagüxü̃ i guxü̃ma i duü̃xü̃gü i yuexü̃. Rü marü nawa nangu nax nüxü̃́ cunaxütanüxü̃ i ngẽma curü duü̃xü̃gü i curü orearü uruü̃gü, rü ngẽma cupe̱xewa imexü̃, rü guxü̃ma i ngẽma cuxü̃ muü̃exü̃ i yaexü̃ rü buexü̃. Rü marü nawa nangu nax icuyanaxoxẽẽxü̃ i ngẽma duü̃xü̃gü i nachixexẽẽxü̃ i ñoma i naane”, ñanagürügü.

Ichaía 11:16

Rü ngẽxguma Achíriaanewa nawoegu̱xgu i ngẽma noxretama i Tupanaarü duü̃xü̃gü i íyaxügüxü̃ rü tá namaxã inayarüxĩ i wüxi i nama i taxü̃ ga yexguma norü o̱xigü ga Iraétanüxü̃ Equítuanewa ichoxü̃gu nagu naxĩxü̃raxü̃xü̃.

Ichaía 10:24

Rü Cori ya Tupana ya Guxãétüwa Ngẽxmacü rü ñanagürü: —Pa Chorü Duü̃xü̃gü i Ma̱xpǘne i Chióü̃gu Ãpatagüxü̃x ¡rü taxṹ i nüxü̃ pemuü̃exü̃ i ngẽma Achíriaanecüã̱xgü woo norü naixmena̱xãmaxã pexna nacua̱i̱xcaãgu rü chixri pemaxã inacua̱xgügu yema Equítuanecüã̱xgü ü̃pa chixri pemaxã icua̱xgügurüxü̃!

Wiyaegü 83:11

Rü ngẽma churaragüarü ãẽ̱xgacügü i ñu̱xma toxca̱x íyaxü̃ãchichaü̃xü̃ ¡rü ẽcü nadai yexgumarüxü̃ nax cunada̱i̱xü̃ ga yema churaragüarü ãẽ̱xgacügü ga Oréx rü Chéx! ¡Rü nadai i norü ãẽ̱xgacügü yexgumarüxü̃ nax cunada̱i̱xü̃ ga yema ãẽ̱xgacügü ga Zéba rü Salmuná ga curü duü̃xü̃güarü wocachitaü̃gü nügüxü̃́ yauxgüchaü̃xü̃!

Wiyaegü 35:23

Pa Corix, Pa Chorü Tupanax ¡írüda rü chauétüwa nachogü!

Ichaía 30:31

Rü ngẽxguma nüxü̃ naxĩnüegu i ngẽma Cori ya Tupanaga rü nüxna nanguxgu i ngẽma norü poxcugü, rü nüma i Achíriaanecüã̱xgü rü tá poraãcü namuü̃e.

Ichaía 9:3

Rü ñu̱xmax, Pa Cori Pa Tupanax, rü poraãcü taãxẽ toxca̱x ícunguxẽxẽ rü ngẽma taãxẽ rü aixcüma nataxüchi. Rü guxãma tataãẽgü i cupe̱xewa ñoma tonetüarü o tibuxgügurüxü̃ rü ñoma churaragü i norü uanügüarü ngẽmaxü̃gü nügümaxã itoyegurüxü̃.

Ichaía 30:30

Rü nüma ya Cori ya Tupana rü tá pexü̃ nüxü̃ naxĩnüxẽxẽ i naga i tagaxüchixü̃ rü tá pexü̃ nanawe̱x i norü pora. Rü perü uanümaxã tá poraãcü nanu. Rü üxüema i guxü̃xü̃ iguxü̃ tá naxca̱x nango̱xẽxẽ, rü ãẽmacügü tá naxca̱x nanaxüxẽxẽ rü taxüchicü ya pucü tá ínanguxẽxẽ rü gáuxü̃püta tá narüyixẽxẽ.

Ichaía 30:32

Rü nüma ya Cori ya Tupana rü Achíriaanecüã̱xmaxã tá nügü nadai. Rü ngẽxguma wüxichigüarü cua̱i̱xca nüxna naxãxgu ya Tupana, rü tá naxãga i paü̃dérugü rü árpagü.